التستحي من اخيالها😭
هسه شيب حالها🚩

مـا مـات مثل الوادم حسين
مـا مـات مثل الوادم حسين
...........................................
يا ميت عليه ترڪض الخيل من جسمه عبرت للصواوين
حگ لو يطيح بمجلسه الحيل على النفرد عن المچاتيل
عالما لگوه بمجانه من طاح لهناك جسمه دنته الخيل
⛲⛲⛲⛲⛲⛲
مـو ثــوب تـسـوه طــر الـگـلـوب
مـا شـفـنـه مـيـت ثـوبه مسلوب
عـالـضـهـر ڪل مـيـت يـنـيـمـوه
ومات عله وجهه حسين مگلوب
⛲⛲⛲⛲⛲⛲
ثـغـيـب الـثـواڪل نثـقـب عـليه
الـمـا لـحـگــت نـســوانه تبـچـيه
وعــافــوه بــلــبــر ثـــلــث ايـام
مـڪشـوف صـدره ومـا مغطيه
⛲⛲⛲⛲⛲⛲
طـاح وعـلـت بـيـن الـخـيـم نـار
وطـلـعـوا حـفـايـه زغـار وڪبار
من الجمر رڪضت لاگت الخيل
واحـتار خـدر الـڪـافـل احـتـار
⛲⛲⛲⛲⛲⛲
حـگ لـو تـدگ چـفـوف عـالـهام
يالـسـاده گـلـب الـخـدره انضام
ذبـو الـعـمـايـم واحـنـوا الروس
طـلـعـوا زيـنـب مــن الــخــيـام
⛲⛲⛲⛲⛲⛲
يـا اوف تـشـفـي الگـلب يا اوف
عـالـمـا لـمـح خمـسينـها الشوف
يـمـة مـحـمــد بـت عـلــي هـاي
مـو اي مـره طـلـعـت بالطفوف
⛲⛲⛲⛲⛲⛲
هـاشـم حـنــت گـادمـهـا الـراس
ولـيــهـا بـاشـاره يـگـوم عـبـاس
تـالـي الـوڪت بـام الـخدر مال
وحـد العـقيلـه بڪربلاء انـداس
........................................

#الشاعر_عباس_الشبلاوي

............

الى رقية بنت الحسين عليهما السلام





طفله بطشت فجعوها
بالخوف روعوها
جابوه راس أبوها 
بس شافته مكطوع

               *------------------*-----------------*

كالتله بويه شلونك
ذبلانه بويه عيونك
جا شو تغير لونك   
وعيونك مغمضات

يابويه يتراوالي
راسك وتوه كبالي
انت الكلت تعالي
جيتك أهل ادموع
              *----------------------*----------------------*
توك خذتني بايدك
وكتلك يبويه أريدك
سالم شفت وريدك
شو هسه كله ادموم

يابويه ينزف نحرك
ذبلان كلش ثغرك
جا ما درو أنتظرك
لو صوتي مامسموع
                *---------------------*---------------------*
راووني راس الغالي
وتغيرت احوالي
يالجنت يمي تلالي
مذبوح هسه كبالي

الدنيا صارت تابوت
حقي اعله راسك لو موت
أبصفك اغفى بلاصوت
اغفى مثل الشموع
                *----------------------*--------------------*
يابويه عذبوني
واعله الجمر مشوني
وبمنظرك فجعوني
غافي ينور عيوني

يابويه جنت انتظرك
تحظر واشمن عطرك
وافرح يضمني صدرك
شو لاصدر وضلوع
                  *--------------------*--------------------*
جابوك بويه بس رأس
ومكطعات الأنفاس
يادنيا من الإحساس
ليش النفس محبوس

يالعيشتني بروحك
ضليت اعيش بنوحك
أه ياكبرها جروحك
بعدك بقيت الوع
             *--------------------*------------------*



محمد دعبل النوري


      

طفله بطشت فجعوها


محمد النوري

احسب عذاب اجروحي
ميته   اشكثر  ياروحي

كل  نظره ياخذني البين
فوك الرمح راس حسين
*******
شتريد منطيتك  گمر.......يادهري  ارحم بيه
والعايشه اسهام  وحرگ.....تگضي العمر مسبيه
والغربه  صارتلي  وطن......مذبوحه چم علويه
وزعته عمري  ابكربله........لسه الچوي ابرجليه

ابيضت  حزنهه  اعيوني
چم ديره اطب بضعوني

بضعوني اسدر بس وين
فوك الرمح راس حسين
*******
ما حسبت جرح العمر..... ثكل المصيبه اعليه
خمسين عمري بالهضم.......خلاني اون ليليه
دگات  گلبي اتزاحمت.....هون  يگلبي اشويه
يصعب  يخوتي  هاالحچي.....لو گالو  المسبيه

هضموني  خويه  اهوايه
كل ساع سمعت احچايه

حال النسه اتشوفه العين
فوك  الرمح راس حسين
*******
ياوسفه يحدينه الشمر ...والرؤؤس هاي اگبالي
للكوفه  مشوني الغرب...حسباتي حسره ابالي
والدمعه بعيوني جمر......نشدوني وين  الوالي
وانه الفگدت ابدنيتي....چم غالي عندي وغالي

طحت  ابعذاب اسنيني
وبروحي عشت اونيني

موضوعي ابدي انه امنين
فوك  الرمح  راس حسين
*******
عذبني   ياخويه الزمن...وايامي خلصت بالمحن
والشيب من طف كربله...خمسين عمري تعذبن
بالهودج اشگد حشمت..والحادي گدامي صفن
ومشامر اگبالي الحچي..وانه التفت بس الضعن

بالحسره عشت ايامي
ماتت  جميع  احلامي

انسه الجرح  عاد  اثنين
فوك الرمح راس حسين
*******
مرت  مواقف  بالسبي....والحاقد ابعينه صلف
معقوله امشي  اميسره...ديوانهم   كلش كلف
وحسين يدري  ابحالتي..ياخويه مابيهم عّرف
وبهل مصيبه شاهدت.....چن انهدم ركن النجف

زينب  صرت مهضومه
بجروحي هم ملچومه

درب الغري انعيشه اونين
فوك  الرمح  راس حسين
*******
تاليهه يا دهري اشبعد....وسط الخرابه اضعوني
ماتت رقيه من الهضم.....والليل  ياخذ   لوني
ياروحي ذابت مهجتي.....بانت حزنهه اجفوني
والحادي مايرحم صلف .....زينب بعد  فجعوني

محنيه  شفت اظلوعي
صار  الدمع  موضوعي

جرح  الگلب باقي اسنين
فوك الرمح  راس حسين
*******
تمت بعون الله تعالى الشاعر_يوسف_الفتلاوي

احسب عذاب أجروحي
ميته اشكثر ياروحي
كل نظره ياخذني البين
فوگ الرمح راس حسين🚩

قصائد_للسبي
طور_يابوفاظل
*ها يزينب.•.•.•والخيام بلا زلم*
*ها يزينب.•.•.•والجفوف بلاعلم*
*ها يزينب.•.•.•شلون حالج بالسبي*
 
*ها يزينب***ها يزينب*
✿────↻✿...✿↺────✿
✿────↻✿...✿↺────✿
طايح انته وبيك شفت انه الفجيعه 
من المخيم شاهدت  جثه صريعه
وبجبينه كافلي سهم الشريعه
عله حالي شاهدت تبجي الوديعه

*ومن ااشاهد.•.•.•جفه وي راسه وگع*
*ومن اااشاهد.•.•.•حافر بصدره انطبع*
*ومن ااشاهد.•.•.•خيمه انته والعبي*
✿────↻✿...✿↺────✿
من اشاهد عالوطيه الگاع حمره 
بلحظه وحده اختل شعوري بيه جمره
وين ادور ياكفيلي وحرت بامره 
حسين وحده بكربله ياخويه احظره

*واعدتني.•.•.• يبن حيدر يالفحل*
*واعدتني.•.•.•مايمرر زينب زعل*
*واعدتني.•.•.•لخدر باقي والنبي*
✿────↻✿...✿↺────✿
شحال گلبي يم كفيلي موذرينه
بعيني اشاهد مصرعه واسمع ونينه
والجفوف مگطعه تومي علينه
ياكفيلي شلون حالي ماتجينه

*والله كلفه.•.•.•بنار حرگوها الخيم*
والله كلفه.•.•.•والي مالها ااالحرم*
*والله كلفه.•.•.•امشي لۆاحبي حبي*
✿────↻✿...✿↺────✿
يابوفاظل والسهم من صابه عينك
والزنود مگطعه ا يسره ويمينك
ماگلت زينب تضل تسمع ونينك
حسره خويه بالگلب الله يعينك

*وانه وانته.•.•.•مثل شمعه وانطفت*
*وانه وانته.•.•.•روح وبلحظه انتهت*
*وانه وانته.•.•.•للخوه انته مطلبي*
✿────↻✿...✿↺────✿
ياكفيلي اعله النهر موراح اودعك
هاي اخر لحظه الي بيها ارد اشمك
موداع اختك يالكلف يااريت اضمك
موذر انته يالبطل ياهو ليغسلك

*ودعتكم.•.•.•يلي نمتوا عالترب*
*ودعتكم.•.•.• ماشيه وي الغرب*
*ودعتكم.•.•.•بيده يضرب الاجنبي*
✿────↻✿...✿↺────✿
✿────↻✿...✿↺────✿
لايسمح_تغير_اسم_الشاعر
✍باقر جبار الشويلي

هايزينب...والخيام بلا زلم
هايزينب...والموفق بلاعلم
هايزينب...شلون حالچ بالسبي

ها يزينب .... ها يزينب...🚩

بصوت. مسلم المطيري

وداعة الله يانبينه


كلمات الشاعرة
ام رشا الناصري

ملا. ابو امین


@tyyuuiiopp