حال السيدة زينب (ع) في اليسر

بعد حسين والعباس اخيه
الج صارت بواجي زينبيه
يزينب يزينب
............................
تذوب الشمعه حين التشتعل نار
بس ابكل ظلام اتخلي اثار
صبرج وي مدامع تجري باعبار
نصرج بي تحقق والزمن دار
وصرتي ابكل زمن اعظم قضيه
الج صارت بواجي زينبيه
يزينب يزينب
............................
يهتز كل غصن من يشتد الريح
وانت كالجبل مايقبل ايطيح
بصوتج ثوره ومن الزهره تسبيح
والمبحوح جرحه ابساعة ايصيح
وبقت نبرات صوتج نهضويه
الج صارت بواجي زينبيه
يزينب يزينب
............................
تره المرفوع مو تل اليرفعه
سحكتي اعليه وصار ابهذا وضعه
المهم شفتي الحسين اهناك اصبعه
مكَطوع واجه الميمون ينعه
واستقبلتي ميمون المنيه
الج صارت بواجي زينبيه
يزينب يزينب
............................
الورد بين الحوافر وشتلمين
انتشرو بالطف ايتام الرياحين
وحرتي بهالامر المن تحشمين
ابوفاظل كفيلج لو للحسين
وحدج وي عليل الغاضريه
الج صارت بواجي زينبيه
يزينب يزينب
............................
عمرج بالحزن واهات الايام
خلص وتحمليتي هضمة الشام
مثل هالتضحيه ماكو بالاسلام
واسمج ضل شعار بكل الاعلام
وحروفج زلزله الكل ناصبيه
الج صارت بواجي زينبيه
يزينب يزينب

ياسر العارضي

الرادود ملأ هيثم اللامي

شلون اعوفك.. للعباس ع
من وزن المثلث
دكتور كاظم المعقلي
***
شلون اعوفك.. انت مو دگيته صدرك واكفلتني
شلون اعوفك.. وانت بيدك عالهوادج صعدتني
انت وحدك كافل لهاي الضعينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
آنا اجيت بظل اخوتي وراسي عالي
وانت كافلني وتچيتي وستري غالي
شلون اردن للمدينه ابلايه والي
ريتك تجاوب يچافل عن سؤالي

بيه حيره… وحيرتي ابلايا چفيل ضعوني حيره
بيه حيره… ابقى يمك لو ارد عگبك اسيره

شأرد اگله الگلي اخوچ النشمي وينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني

*
آنا احس امأمْنه يمك من اشوفك
حتى لو واگع رميه ابلا چفوفك
سهمك ابنص گلبي احسه العامي شوفك
يمك اشعر بالامان شلون اعوفك

يادلالي… خل اظل بدموعي اغسّل لك نزيفك
يادلالي… احسبني ضيف وگاعده ابهيبة مضيفك

ضيفك وروحي ابأثر روحك رهينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
آنا انشدك بالامانه الامنوها
مثلي شايف حره گعدت تنعى اخوها
وتبقى يمه ابهمها كون ايخيروها
شده كون اختك تعوف اللي رعوها

لو عفتها… تدري بالطف تزرع بگلبي المآسي
لو عفتها…
ارجع ومن غير اخوتي امدنگه راسي

شرد اگلها ام اربع ابدور الحنينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
ارد اظل يمك واريد انصب عزيه
ويمي تحضر فاطمه الزهره الزجيه
وامك انواسيها بالدمعه الجريه
والله ابَچّي اهل العرش هاي المسيه

وانعى يمهن
امك وامي واون يمك واسَمعك
وانعى يمهن
وارد اوصّل صوتي لاسماعك وافجعك

ننعى يمك والعرش يبچي لنعينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
عالشريعه ازنود الي وتروي الروايه
ويمها جود ايصب مآسي ومچفي مايه
والهظم ملفوفه يمهن خويه رايه
روحي يمهن والجسد يم السبايه

من يلمهن… رايتك والجربه وزنود الگطيعه
من يلمهن… راح اودعهن امانه اعلى الشريعه

كوني ياارض الطفوف الهن امينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*
عذرا انودعك غصب آنا وخواتي
ماكو حيله البيها اظل آنا ابرضاتي
المهم يبن امي ماطاحت عباتي
آنا اخت عباس اميره بكل حياتي

لو سبوني… ابقى بت المرتضي وحره واميره
ولو سبوني… يبقي صوتي ايدوي لو اصبح اسيره

يبقى صوت الله بضميري ويبقى دينه
انت كافلني وجبتني من المدينه
انت بيدك… انت بيدك
انت بيدك عالهوادج صعدتني
*

الرادود ملا هيثم اللامي

نعي ...

اثاري الاخو ياناس هِمّه
يفيي اعله خواته ان جان يمه
تشم ريح الاخوه من تشمه
ومن كد المعزه ماتلجمه
ان جان الاخو الحسين واني
تعثّر كل حرف والله بلساني
شكله الشمر آذاني وسباني
اكله الكمر صحته وما اجاني
اثاري العين منه انصابت اسهام
هذا جف وذاك جف كدام
اخويه اعله الشريعه ذاك وينام
اصد اعليه واذكر باجر الشام
.........
ابو مريم الاسدي ..
13/7/2025 ..



@tyyuuiiopp

نعي ...

اثاري الاخو ياناس هِمّه
يفيي اعله خواته ان جان يمه
تشم ريح الاخوه من تشمه
ومن كد المعزه ماتلجمه
ان جان الاخو الحسين واني
تعثّر كل حرف والله بلساني
شكله الشمر آذاني وسباني
اكله الكمر صحته وما اجاني
اثاري العين منه انصابت اسهام
هذا جف وذاك جف كدام
اخويه اعله الشريعه ذاك وينام
اصد اعليه واذكر باجر الشام
.........
ابو مريم الاسدي ..
13/7/2025 ..



@tyyuuiiopp

القصيدة الى خدام وزوار الإمام الحسين عليه السلام



يابت محمد فاطمه وليدج الذبحوه
الله خلقله شيعته والعلم رفعوه

كال النبي بيوم القيامه تبجي كل عين
إلا  العيون اللي بجت لمصاب الحسين
مستبشره بيوم الحشر عين الموالين
الحملو أفكار الحسين ونهجه تبعوه
*----------------------*---------------------*
أجيال تحمل هالعشك وتوصي أجيال
درب الحسين المدرسه التصنع الأبطال
تربية عباس البطل عن نهجه مامال
منهاج شيال العلم منهج يدرسوه
*---------------------*--------------------*
مكنونه بالاصلاب الك يحسين أنصار
من كربلاء المدرسه منبع الأحرار
اللي يواسي والوكف خادم الزوار
بدربك شعار أهل الكرامه العالي كتبوه
*-----------------------*--------------------*
الف وتسعمية جرح لحسين مجروح
العاشك انطه مهجته لمعشوكه مذبوح
الغالي كل غالي اله وترخصله الروح
سيد شباب الجنه راسه الغالي كطعوه
*-----------------------*--------------------*
بكل الدروب تشوفهم عشاك عشاك
خدام آل المصطفى بلهفة المشتاك
خدام زينب من ترد من بعد الفراك
يواسون زينب والدمع الهه يهلوه
*-----------------------*---------------------*

محمد دعبل النوري

بعد انتهاء زيارة الاربعين وعودة كل خدمة وزوار الحسين الى ديارهم كأني رأيت الحوراء زينب وهي تخاطبنا جميعا فتقول :
......................................................

ها رجعتو من الزياره ؟    
كلمن يروح اعله داره !!
انه بله ويـــــــن اروح ؟     
بيتي خالي بلايــا روح

     انه زيــنب  انه زيـــنب
____

طيحو كل المواكب والدرب وحشه انملى
وردو الخدام ردو كلمن يـــــــــروح لهله
چانت تواسيني دمعه وچلمـــة تفضل هلا
بالطريق وياي چانو والدمــــــوع مسبـله

   بالمجالس والعـزاء      
من وصلنا لكربـــلاء 
    وانا ويــــاهم انوح    
  بيتي خالي بلايا روح
    انه زينب : انه زينب







رجعو الزوار وانا ياهو اليــــــردني لهلي
راح اهز شباچ گبره بلكي يـــــگعد كافلي
گوم يلكلك محنه گوم وديـــــــــــني لعــلي
ارد اگله شلون زينب تبقى بويه بــلا ولي

مو وكت عينك تنام  
ولو مصيوبه بسهــام
خويه چتاله الجروح  
بيتي خالي بلايا روح
انه زينب : انه زينب





  شرد اجاوب علشماته السألو  يــــــعود الاخو ؟
والله وسفه وطلع صوته الچان لا گدهه وكفو
دنيا خلت بيتي خالي لا كفيــــــــــــــل ولا ابو
الفگدت الخوان بله هم تــــــــــــسولف علدفو

شرد اجاوب لو حچــيت     
يا علي وسفه بچيــت 
وين ابو الوجه الصبوح    
بيتي خالي بلايـا روح
انه زينب :: انه زينب






حظني خويه بلا رقيه وعيني والله بلا ضــــوى
حسين من بنتك جبتلك صوغة دموع وهـــــوى
خويه تعرف هالعبايه السوط من عـــدها ارتوى
اي نعم مالت رقيــــــــــــــه خلهه لجروحك دوه

   غطي نحرك بالعبـــات     
  بلكي ترجع للحيـــــاة
   بيهه عطر الما يـروح     
  بيتي خالي بلايا روح
   انه زينب :: انه زينب




گلبي ما ينطيني اودعك واذكــر وداع الحــــــرب
بالطفوف الموت يخنگ والنفس كــلش صــــــعب
چان حتى الماي خاين شال سيفه وي الغـــــــرب
لمة الخوان راحـت راح عبــــــــــــــاس العـــــذب

طاح گلبي ويــــــا اللوى   
متنه يــــــــلكافل سوى 
راح ابو الگلب السموح   
بيتي خالي بلايـا روح
   انه زينب :: انه زينب




ودعتكم وامشي وحدي وانا كــل خطوه الـــتفت
ما يتركوني النشامى وما يعوفون الاخــــــــــت
والمسافه تطول وابچي والله يـــــــــــلكافل متت
گبل ممسويهه خويه ليش مو بسمك صـــحت ؟

شنهي ميــــت يلكفيـــل    
  اقتنـــــع الا بدليــــــــل 
صعبه اعيش بلا طموح    
  بيتي خالي بلايا اروح
    انه  زينب :: انه زينب

كلمـــات الخادم  / رعـد الفريجي

ها رجعتو من الزياره
كلمن يروح اعله داره
انه بله وين اروح
بيتي خالي بلايا روح

انه زينب انه زينب🙏

بـسم رب الحجة،..🌱
لسـتة للقنوات الـ 3k+ الدینیة..♥️

القـَناة التي قادت الشباب للتشيع:
✿ T.me/ALWILAYA
القـَناة السيد السيستاني دام ظلة
T.me/alsydalsystany
قـَناة الحشد الشعبي:
✿ T.me/Alhashd313313
قـَناة تعليم مقامات:
✿ T.me/sueiirit
قـَناة مدرسة الزهراء عليها السلام:
✿ T.me/WWWASELA33
قـَناة عشاق الفرقدين:
✿ T.me/ALFRKADINLOVERS
قـَناة قناة الولاية:
✿ T.me/ALWILAYA
قـَناة أدعية أهل البيت عليهم السلام:
✿ T.me/Azkar_alulbaiyt
قـَناة حب الحسين اجنني
✿ T.me/maesbih00cm
قـَناة مهدي آل البيت عليهم السلام
✿ T.me/Mahdi_Allbayt
قـَناة ثقافة آل البيت عليهم السلام
✿ T.me/Thaqaft_alulbayt
قـَناة عشاق ابا الفضل العباس
✿ T.me/jikojikp
قـَناة القصائد الحسينيه
✿ T.me/tyyuuiiopp
قـَناة عبرة وعظة
✿ T.me/Ebra_w_Eza
قـَناة أحباب أم البنين والعترة المحمدية
✿ T.me/NoorAlHussein313

للاشــتراك في السـتة📱
🔜 https://www.tg-me.com/KARBALLE_313

#تثبيت اللستة «ساعة» وعدم الالتزام يؤدي الى حذف القناة