قصيدة تراث على طريقة نار بدليلي تسعر الملا حمزه الزغير ( رحمه الله ) 



زينب يراعي الخوّه   بيها الزّمان شسوّه
اگعد وشوف شبيها   شبّوا  خيمها  اعليها  
***
يالجبت زينب ويّاك وتكفّلت بحماها
              بياحال بعدك صارت
بديرة غُرب ياعباس ولا واحد اليرعاها
بيها المُصايب  دارت
راح العز الچانت بيه وتكدّرت دنياها
اعليها النّوايب جارت
تحشمك يبن والدها   غيرك ضُمد ماعدها
  ماظل أخو اليحميها   شبّوا  خيمها  اعليها
***
بيكُم يرُكبان الكون وسفه الزّمن خويه ندار
ودارت عكس دنيانه
نومه انتم اعله التّربان ما ظلّي منكُم نغّار
ينهض يشيل الوانه
مابين نيران وخيل نتراكض زغار أكبار
تالي الدّهر خلّانه
صرنه انتسكّن بالبر   بطرف الردن نتستّر
وأم الخـدر تدريها   شبّوا خيمها اعليها
***
نتراكض بوادي الموت والخيل تطرد بينه
وماندري يم يامذبوح
بي نحتمي ولينه يگوم ومن الخطر يحمينه
ويداوي گلب المجروح
كل طفل اليلوحه السّوط ليّه يدير بعينه
ولا ظلّت الزّينب روح
بلهفة گلب ناديتك   حي و ترد ياريتك
خدّركُم مروعيها   شبّوا خيمها اعليها
***
چنت بوجودك ياحيد بين الخلگ مهيوبه
وتسولف بخدري النّاس
تاليها مابين أجناب وخيامنه منهوبه
بعدك يطيب الاحساس
مامر عله بالي بيوم متچتّفه ومسلوبه
وماچنّي اخت العباس
ما ظلّي منكُم والي   سوط الغُرب يبرالي
  والچنت حارس ليها   شبّوا  خيمها  اعليها
***
چنت ولواك المهيوب كاسر عليّه فيايه
طول الدّرب ترعاني
عن حالي تنشد كل ساع يالملتزم بحمايه
وبخدري الرّباني
بين الغُرب يالوفّاي لا كافلي ولا رايه
صرت أشگف بذرعاني
سوط اليطگ عيالك   الچانت عزيزه بجالك
لا عم بعـــد يحميها   شـبّوا خيمها اعليها
***
راحت يبو فاضل ذيچ أيامنه العشناها
وطشّرنه ظُهر العاشر
مگطّعه چفوفك عالماي وحسين ابن علياها
بصدره انكسر چم حافر
ماخلّت الخيل ضلوع ذبّاحه رض رضّاها
وگام اعله اختكُم يامر
نوگ الهزل ركبوني   شمّاتي ويسَمعوني
وينه التّكفّل بيها
شبّوا خيمها اعليها
***

الشّاعر // أبو سجّاد الجعفري 29 رمضان 1446هـ




@tyyuuiiopp

زينب يراعي الخوّه بيها الزمان شسوّه
اگعد وشوف شبيها شبّوا خيمها اعليها🚩

صول وجول ،،، عرض وطول 
    طشر كل كتايبها 
هـز اللـواك  ،،، يالتنخاك 
    ناس تفض طلايبها  
+-+-+-+-+-+ 

خيل بخيل يانوماس  طگها وطشرالعسكر
يامـهوال بالمـيدان   هوس وارتجل واشعر 
ذب رباط ياعباس   خـل روس الزلم تفتر
طب لجيش يامرواح ذرهم يابو فاضل ذر 

يامذخور  ،،،  خلها نحور
وأخذ من الحرب لبها 
صول وجول ،،، عرض وطول 
طشر كل كتايبها 
••~•~•~••~•~•~•• 

ياكرار من كرار  يالحيل الله بچفوفك 
للميدان طب زعلان  خلي حسينك يشوفك 
لوح الغيم يامغوار  وأكتب عالسمه حروفك 
هذا ليوم يومك حان  گوم وزلزل طفوفك 

صيح بصوت  ،،، سوح الموت 
اتحب سيفي ويحبها 
صول وجول ،،، عرض وطول 
طشر كل كتايبها 
<=<=<=<=<=>=>

يابركان  كـلك  نار  طگ وكربله حرگها 
شيل الگاع بيدك فوگ  وبوجه السمه طبگها 
صدر الماي دوسه بغيض  دوسه ورايتك دگها 
خيط حلوگ شگ حلوگ  خيط وارجع افتگها 

ياعباس  ،،، هاي الناس
 خلها تذب شواربها  
صول وجول ،،، عرض وطول 
طشر كل كتايبها 
©©©©©©©©©© 

ضب عنان مهرك حيل ولسوح الحرايب كد 
والا گـاك خل يحتار يحفر گبره لو يشرد 
ينشد وين من ياصوب كلها مذبحه شينشد 
ماكو حساب ملچ ألموت مايلحگ عليها يعد 

عيد وزيد  ،،، ياصنديد 
واحذف وارجع اكتبها 
صول وجول ،،، عرض وطول
 طشر كل كتايبها 
*-*-*-*-*-*-*-*-*

صفحه اطيح صفحه تكوم صفحه بلاوعي وتركض 
بس اجساد مامش روس بيها ولا گلب ينبض 
وين تروح خلها تشوف سيفك بالعرض يعرض 
صار بصار خلها تصيح امر ياگـمر وافرض 

ياخو حسين ،،، هاي العين 
ما تعله اعله حاجبها 
صول وجول ،،، عرض وطول 
طشر كل كتايبها 
&+&+&+&+&+&

خادم العباس -ع - 
عـلي عگـاب ألــعمري 

يماشين خل اروح وياكم 
&*&*&*&*&*&*&

العليله اني العليله يا هلي العفتوني
العمره يوم يروح وانا الوحدي تخلوني
كون ميشوفن صبحكم شنهي نفع عيوني 
حالي حال اختي رقيه وي الضعينه خذوني

اموتن يا هلي بفركاكم    
يماشين خل اروح وياكم
&*&*&*&*&*&*&

يا هلي العله يروح وينسي طاريها 
هاي يا عله التطيب وراح اليداويها
شوفت وجوه الاحبهم لو بروحي شريها
لو اعز من روحي عندي والله هم انطيها

تره الروح تسري وي مسراكم 
يماشين خل اروح وياكم
&*&*&*&*&*&*&

ظلمه يا دار الجفوني والله ظلمه بعيني
يا اهلي أنا العليله الأكبر من سنيني
ليش ما ضل منكم أحد يمي ويباريني
لو متت هوه يتكفل غسلي وتجفيني

ياايات رحمه لليقراكم  
يماشين خل اروح وياكم
&*&*&*&*&*&*&

كلشي ما اخذ تراني بس عبايه وشيله
جرح فركاكم جبير وكلبي ما بيه حيله
اليل يهلي يعيل بيه وعيني دم تبجيلة
والصدى يردد كلامي من اكعد واشكيله

عليه من احجي بطرواكم 
يماشين خل اروح وياكم
&*&*&*&*&*&*&

لوغفيت تشوف عيني احلام ما مشيوفه 
گمر طايح عالتراب مگطعات چفوفه 
ماي عطشان وأسمعه يحچي وي جروفه 
ساعه عن الشام يحچي وساعه عن الكوفه 
تفسرون هالمنام انخاكم 
يماشين خل اروح وياكم 
&*&*&*&*&*&*&
عـلي عگـاب ألــعمري

صارت صدك ياعباس تمشي وتخلي الارجاس
تطمع بخيك يافحل تدري بحقد هاي الناس
..................................
لورحت عني ياشهم مني الكلب يمشي وياك
وتدريني يحزام الظهر ينحل احزامي ابفركاك
وينحني ظهري يالاخو من ينحني انشوفه الواك
وينهدم حيلي لوطحت وتنگطع منك يمناك
وبسهم تنصاب العين..وتفقد يخويه الجفين
ومن ابعمود أهل الغدر ينصاب يعضيدي الرأس
... ....... ...............
ما احمل ولا ينحمل فگدك يشيال الواي
ياجيش مو جنك فرد يلبيك ارد كل عادي
يا نظر عيني ومهجتي بلشدد لازم مكفاي
لورحت كلي شضل الي مني تره يتيه الراي
لاناصر ابقى والمعين ..اوتفرح أعداي الصوبين
وبقى وحيد بغربتي وتفزع علي هاي الناس
.............................
ياخويه وطفال بأمل من العطش تسكيها
وتنتظر ردت جربتك بيدك تجي وماليها
شيسكت اطفال الوحي من ما تعود ليها
وزينب ياخو زينب بعد ياهو الذي يحاميها
انت الخدرها الحماي ..اختارك علي يالوفاي
عكبك يحماي الخدر.. يسبوها كوم الارجاس
.........................
عكبك يراعي المرجله يامثلة الوفايه
ياهو اليرد هذا الفزع ياهو اليشتت رأيه
ارجع يصگار الزلم خل الفرات ومايه
الماي ماهو غايتي انت يخويه إلغايه
ماردنا يوصلنا الماي..سالم ترد يلوفاي
ماهمنا يلكافل عطش.. همنا ترد ياعباس
......................................
ارجع يكفال الضعن ماريده ياخويه الماي
اريدك ترد سالم الي ياصنوتي ويارجواي
ماضل بعد يامنتي عكبك الزينب حماي
لوهجمت خيول العده صوب الحرم تصعب هاي
وبالخيم لو شبو نار...خيل وزلمها الكفار
وزينب تلملم بالحرم مذلوله ومهبطه الراس


الشاعر والرادود صاحب الخليلاوي

قال الأمام الحسن المجتبى عليه السلام

(( لايوم كيومك ياابا عبد الله🚩 ))

مسجلين عن السيدة الزهراء عليها السلام
جميعا 🤲خدام الأمام الحسين عليه السلام

توصيات لخدمة الإمام الحسين عليه السلام
من ناحية الصوت والقراءة الحسينية

الحفاظ على الصوت🎤🗣

أولا تجنب المغليات 🍅والأكلات السريعة 🥔 الحاره🫑 والبارده والاچباس🍿🫘 والمثلجات🍭🥤 افريز وغيرها
اقلا خلال موسم العزاء حافظو على اصواتكم رجال ونساء وفقكم الله جميعا

والدهنيات مثلا الطرشي🥗الفلفل 🌶 تجنب أكل البصل 🧅لأن يوضخن الصوت تأكل مغليات وتروح
للمجلس ماراح اتادي بشكل جيد

ربه سأل يسأل شنو نأكل طبخ غليها بماء🍵🥔🍆
أفضل من الدهن

تجنب شرب الماء البارد🧊🥶🫙

ثانيا تجنب الأجواء البارده💨❄️🌧 قدر المستطاع
السبالت المبردات

ثالثا عدم السهر وقلة النوم😳😵‍💫 متعب للصوت

النوم على وقت😴😌 أفضل القيلوله مفيده
تجنب الكلام الكثير والصياح 🗣

رابعا علاج الصوت والبحه أثناء موسم العزاء 🚩
قراءة القرآن الكريم
ترديد أسم الأمام الحسين عليه السلام

خاصتا حرف ( ح )لأن يشغل الأوتار الصوتيه جميعا

الأكلات المفيده
العسل مع الماء الحار او الفاتر على كوب 🥛ماء
قبل المجلس بربع ساعة

أكل علج الماء أكل القرنفل مفيد بس قبل المجلس بساعات لأن حار والافضل ينقع على كوب 🥛ماء
ويترك للصباح على الريق

مسح الحنجره والرقبه بزيت الزيتون قبل المجلس بربع ساعة وقبل النوم مفيد جدا

أكل السمك🐠🐟 وأكل الكراث او يضرب بالخلاط
ويصبح عصير والليمون 🍋كذالك والتين حتى المتيبس مفيد
زيت السمسم او أكل السمسم مباشر ولو ملعقة شاي شرب الحليب الفاتر صباحا وخاصتا مع الرز
بما يعرف أكلت البحت

اكو وصفه وخلطه عند العطارين وخاصتا
معروفه عند أهل النجف ممكن السؤال عنها

توصيات قبل المجلس
أقره بطبقه هادئ او متوسطه وتدرجا الى الطبقات
العاليه /اقرأ بطبقتك وتجنب طبقات الآخرين

كل إنسان وله طبقه فلا تتعب نفسك وجهدك
لتصل الى طبقة الآخرين ممكن يتعب صوتك
والحنجره لابس بالمحاوله على قدر المستطاع

عدم الاستعجال برودة الأعصاب
انتبه للقصيدة راجعها نهارا كلماتها انظر اكو اخطاء مطبعيه انتبه لمخارج الحروف وغيرها
تجنب شرب الماء البرد🧊 🫙مره اخرى

أهم شيء إخلاص النيه للإمام الحسين عليه السلام 🚩
وتوصيات كثيره يطول المقام لذكرها
وفقكم الله جميعا
لخدمة سيد الشهداء عليه السلام وأخيه أبو الفضل العباس والسيده زينب أبناء أمير المؤمنين عليهم السلام أجمعين
مسجلين عن السيدة الزهراء عليها السلام واسو
رسول الله وأهل البيت عليهم السلام أجمعين
لا سيما صاحب العزاء في وقتنا
أمامنا وسيدنا صاحب العصر والزمان عجل الله فرجه الشريف نضره يا مولاي للجميع
🏴لكه العزاء سيدي 🚩

🚩🚩🚩🚩🚩😭🏴🏴🏴🏴🏴



الك ثارات يالمهدي .. و الك دين
والك خيمة الدوّت  بالطف .. والك دين
الخيل بساعة الركضت .. ولكدين
اعله صدر المنذبح بالغاضرية

فاضل_الجهلاوي

الك ثارات يالمهدي .. و الك دين
والك خيمة الدوّت  بالطف .. والك دين
الخيل بساعة الركضت .. ولكدين
اعله صدر المنذبح بالغاضرية🚩



فاضل_الجهلاوي

يَاحُسَيْنُ🖤..

جَعَلَنِي اللهُ مِنَ البَاكِينَ عَلَيْكَ
وَمِنَ الطَّالِبِينَ بِثَأْرِكَ تَحْتَ لِوَاءِ وَلَدِكَ المَهْدِيِّ "▫️" 🤎

"اللهم إنا نسألك صباحاً يملأ الأجساد عافية، والروح فرحاً، اللهم أرحنا من هموم الدنيا، وأرزقنا التوفيق في جميع أمورنا"

آلَلَهّمً آغُفُرلَنِآ ، وٌآرحًمًنِآ ، وٌآغُفُر لَوٌآلَدٍيَنِآ وٌلَلَمًسِلَمًيَنِ آلَأحًيَآء مًنِهّمً وٌآلَأمًوٌآتٌ . 🎀
طابت يومكم ودمتم في خير
صبـــــاح الخـــــــير 💐💐💐

السَّلامُ عليْك يا ابا عبْد الله وعلى الاَْرْواح الَّتي حلّتْ بفنائِك عليْك منّي سلامُ الله ابدا ما بقيتُ وبقي اللَّيْلُ والنَّهارُ .

#ياأبا_عبد_الله 🤍