(( نـــعـــي ))
مــــــن وكفت عللتل زينب تصـــــــيح
هــــــذا حسين طايـــــح يابو فاضــل
عفه واختك تظل تگوم وتطيــــــح
وتتمايل مثـــــــل ميل السنابــــــل
التعب هدني وطفه بعيني المصابيح
غرب تحدينـــــــي عگبك وانت كافل
اطفالك للســــــبي مــــو للمراجــــيح
شوف شلـــــــــون بينه الوكت مايل
الحزن گلبـــــــي ولا يحتاج تــــوضيح
من يوم الزچـــــــية حــــزن شايـــــــل
وهذولة اخواني عالغبرة مذابــــــيح
وعگـــــــب ذاك الضوه ظلمة المنازل
دوي دور الهواشم چــــــان تســـــبيح
وقرأن وحــــــديث وحـــــــــل مسائل

الشاعر وائل احمد الوائلي
#جديد_محرم_الحرام_

لسان حال مولاتي العليله ع
&&&
شخباركـــــم يهل الخـــــواچي
عفتونــــــي للهم للبــــــواچي
باچــر رقیه بــــــلا تـــــراچي
حمل العليله اليوم راچـــــي
&&&
شخباركم يهـــــــــل المضايف
مـــــن هالسفر گلبي انه خايف
مــــــــو للقصر ردنه الصرايف
يدري الحسين شخلفه عایف
&&&
مـــــــو بالخيم بيه الحريجه
ونـــــــــة بنیتکــــــم غميجه
منكــــم ولا ظلـــــت رفيجه
بس الدمع هـــــاي النتيجه
&&&
لحسين ذبـــــــــــوها الشطافي
طين اعله راسك وامشي حافي
وياك راح الحچـــــــــي الدافي
ما لحظه جفني عيوني غافي
&&&&


وينه الي يوصل اهلي الاعزاز
ميته العليله تـــــــــريد جناز
مـــا جاز گلبي ينوح ما جاز
محتاز گلبي لهلــــي محتاز
&&&
مــــــــن الونين الگلب یفحط
دمـــــــع العيون وچمل الشط
عبدالله اظن من العطش نط
مـــــو الاولي وضعي تخربط
&&&&
علي جبار الكعبي
الفاتحه لوالدي
#جديد_محرم_الحرام_

ظلت بس صورهم بالعزيه
مكان الخدم خالي هالمسيه
عدنه هواي خدام   ما موجوده هالعام
بالعزيه بالعزيه
:::::
چانـــــو يحضــــــرون ويانه المواكب
مــــــــو خدام چانو یشبهون الکواکب
حضرت ويانه الصور والشخص عائب
يــــــم حبيب گلوبنه بأعـــــلى المراتب
منتظرينكم بالثوب الأسود
ليش وما اجانه منكم احد
محتاجين لطام    ما موجوده هالعام
بالعزيه بالعزيه
:::::
حضرت اللطامه وانتم ما تحضرون
وينكم يهل العـــزاء مشتاگه العيون
تأخروا عالمجلس وجا ليش يبطون
قبل اه يحسين ويــــــــانه ينادون
سوه نخدم گضينه العمر كله
مشتاگين نسمـــــع اعـــد مله
تبچون اعله الخیام   ما موجوده هالعام
بالعزيه بالعزيه
:::::
ذكره بس هاي الصور ظلـــــت بعدهم
وانه احبابي المشو يا نــــــاس احبهم
ليش مــــــا ردو علــــــي كلمن سألهم
وصل شهر الحزن شو ما جونه كلهم
الهم نهكه لو حضرو مجالس
كل واحد صبح مجنون عابس
جفت حتى الاقلام    ما موجوده هالعام
بالعزيه بالعزيه
:::::
چانو یعیشون  أجــــــواء المصيبه
كلهـــــم ينادون زينب يا غــــــريبه
قبل خدمتهم نعــــــم كلش عجيبه
والله واحدهم ولا يسكت نحيبه
جزع بالمجلس ونص القصيده
البيت الينقري يصيحون عيده
قبل بيديهم اعلام   ما موجوده هالعام
بالعزيه بالعزيه
:::::
المكــــان البي وگفتــــــو عفنه صوره
حسين ويحبكم تــــــره وادم غيوره
اسأل الفارگ شني حساسه وشعوره
قبل كل واحد خدم كلمن ودوره
هـــــاي السنه المجلس بالمقابر
واكيد حسين بيها هناك حاضر
لطم زنجيل دمام   ما موجوده هالعام
بالعزيه بالعزيه
:::::
علي جبار الكعبي
الفاتحه لوالدي
#جديد_محرم_الحرام_

أعثر____وامشي اعتنيتك
بالحجر..........مرمي لگيتك
ضعت من ياصوب اجيتك
....................... .بالكلب حسره
***
والله ما ينطيني گلبي...بالموادع خويه احير
خنگه صارت بالمخيم.......شلون لعيوني تدير
ينحني يحسين ظهري......مثل ظلع امي گسير
بس اشمن خويه صدرك....صعب توديع الاخير

تمسح بيدك اعليه
ليش ياروح الزجيه
حل وداع بهالمسيه
......................بالكلب حسره
***
شلون اقدملك منيتي.....بالفرس شفت الرحيل
ينعصر ياخويه گلبي..........مابقه بس العليل
الاه من صدرك تجرهه.....والمهر گامت تميل
والمثلث حفر چبدك ......توگع ودمك يسيل

والسهم ضاهد دليلك
والله لوبيدي اعتنيلك
ارد برد بس غليلك
....................بالكلب حسره
***
بدت اول رگضه خويه.....من شفت طر السهم
حدبت ياخويه ظهرك..........حيلي وياك انهدم
والمثلث ماله چاره............چنه بظلوعي انهشم
وانه من ياصوب اجيلك..عفت محروگه الخيم

تنچوي اگبالي رقيه
اتراب حر الغاظريه
فدوه بس اگعد اليه
.....................بالكلب حسره
**
شلون اعاين وانه حيره...ياعجب شفت الجرح
والشمر ثاني رگبته............فوك صدرك للذبح
گطع راسك خويه شفته.....صار گدامي يلح
وانه گلشي يموت بيه........ينعدم وجه الصبح

اثنعش ضربه بجبينك
ليش ساكت بس ونينك
خويه وسفه امعطشينك
.........................بالكلب حسره
***
طحت مرتين عله وجهي....خويه عالتل اوچبت
صحت يبني امي دخيلك.....والله حيره اتحيرت
فرن من الخيمه گلهن ......بس فواطم شاهدت
وحده توگع وحده تصرخ...عمه لحگيني طحت

صحت خويه الحك علينه
شلون .....يحسين انولينه
چم طفل طاح من ادينه
.............................بالكلب حسره
***
بيش اطفي الخيمه خويه......وانه احس
كلبي احترك
وانه عندي أطفال ماتت.........بالحوافر تنسحك
والنفس ياخذني گوه ....گمت يحسين اختنك
نار دخان المخيم ...........زحمه بالريه انشهك

الحادي حضرهه الهزيله
وين عباس اشتكيله
دمعتي صارت وسيله
......................بالكلب حسره
***
##تمت بعون الله
خادمكم ........يوسف الفتلاوي
#جديد_محرم_الحرام_

اهلالك يمرد الدلال .. لاهل
ومعذور الدمع يحسين .. لاهل
بعدك لاعشيرة البگت .. لاهل
اسيرة مچتفة ويحدون بية


فاضل الجهلاوي

نبدي شهر احزاني ❣️⚡

#ياحسين 🤍

انكسارِ قُلوبِ أهل البيت إذا هلّ هلالُ المُحرّم!
:
❂ يقول إمامُنا الباقر صلواتُ الله عليه في زيارة عاشوراء وهو يُخاطبُ سيّد الشهداء صلواتُ الله عليه ويتحدّثُ عن مُصيبتهِ، يقول: (يا أبا عبدالله، لقد عظُمَت الرزيّة، وجلّت وعظُمَت المُصيبةُ بك علينا وعلى جميع أهل الإسلام، وجلّت وعظُمَت مُصيبتُك في السموات على جميع أهل السموات) وفي عبارةٍ أُخرى يقول: (مُصيبةً ما أعظمَها وأعظم رزيّتَها في الإسلام وفي جميع السماوات والأرض)

✦ هذا المقطع مِن زيارة عاشوراء يُشير إلى الانكسارِ الذي حَدَثَ في قُلوبِ الخليقة على مُصيبة الحسين صلواتُ الله عليه وأمّا تفصيلُ هذا الإنكسار فقد أشار إليه إمامُنا الصادق صلواتُ الله عليه في هذا المقطع مِن الزيارة المُطلقةِ الأولى لِسيّدِ الشهداء صلواتُ الله عليه حين يقول فيها: (السلام عليك يا ثار الله وابن ثاره، السلامُ عليك يا وِتر اللهِ الموتور في السماوات والأرض، أشهدُ أنّ دمك سكَنَ في الخُلد، واقشعرّت له أظلّةُ العرش، وبكى له جميعُ الخلائق، وبكت له السمواتُ السبعُ والأرضون السبع وما فِيهنّ وما بينهُنّ ومَن يتقلّبُ في الجنّةِ والنار مِن خلق ربّنا، وما يُرى وما لا يُرى)

✦ فهذان النصّان يتحدّثان عن تأثّر قُلوبِ الخلائق طُرّاً مِمّا جرى على الحسين صلواتُ الله عليه ويُشيران إلى الانكسار الذي حَدَثَ في هذا الكون وحَدَثَ في قلوب الموجودات وفي قُلوبِ شيعةِ أهل البيت لِمُصيبة الحسين صلواتُ الله عليه.

✦ وهناك انكسارٌ أعزُّ مِن هذا الانكسار الكوني وهو انكسارُ قُلوبِ أهل البيت صلواتُ الله عليهم في مثل هذه الأيّام، كما يُشير إلى ذلك إمامُنا الرضا صلواتُ الله عليه حين يقول: (إنّ المُحرّمَ شهرٌ كان أهلُ الجاهليّة يُحرّمون فيه القتال، فاستُحلّت فيهِ دِماؤنا، وهُتِكت فيه حُرمَتُنا، وسُبيَ فيهِ ذرارينا ونِساؤنا، وأضرمت النيرانُ في مَضاربِنا، وانتُهبَ ما فيها مِن ثقلنا، ولم تُرْعَ لرسول الله حُرمةٌ في أمرنا، إنّ يومَ الحُسين أقرحَ جُفونَنا، وأسبل دُموعَنا، وأذلّ عزيزَنا بأرضِ كربٍ وبلاء، أورثتْنا الكربَ والبلاء إلى يومِ الانقضاء، فعلى مِثل الحسين فليبك الباكون، فإنّ البُكاء عليه يحطُّ الذنوب العِظام)

✦ ثمّ يقول إمامُنا الرضا صلوات الله عليه: (كان أبي إذا دخل شهرُ المُحرّم لا يُرى ضاحكاً، وكانت الكآبةُ تغلِبُ عليه حتّى يمضي مِنه عشرة أيّام، فإذا كان يومُ العاشرِ كان ذلك اليومُ يوم مُصيبتهِ وحُزنهِ وبُكائه، ويقول هو اليوم الذي قُتِلَ فيه الحسين)

✦ فهذهِ العبارات المُؤلمة تُشير إلى انكسارِ قُلوبِ أهل البيت، لاسيّما في مِثلِ هذه الأيّامِ، المخصوصة والتي ما صارت لها هذه الخُصوصيّة إلّا بسبب هذا الإنكسارِ الذي حَدَثَ في قُلوب أهل البيت، وفي قُلوبِ شِيعتِهم، في مثل هذه الأيّام‌ كما يُشير إلى ذلك إمامُنا الصادق صلواتُ الله عليه حين يقول: (إذا هلّ هلالُ المُحرّم نشرت الملائكةُ ثوبَ الحسين وهو مُخرّقٌ مِن ضرب السيوف ومُلطّخٌ بالدِماء، فنراهُ نحن وشِيعتُنا بالبصيرةِ لا بالبصر فتنفجِرُ دُموعنا)

✦ أيضاً يُشير إلى هذا الانكسار الذي عمّ قُلوبَ أهل البيت حديث أبي عمارةَ المُنشِد أحدُ أصحاب إمامِنا الصادق صلواتُ الله عليه حين يقول: (ما ذُكِرَ الحسينُ بن عليٍّ عند أبي عبدالله الصادق عليه السلام في يومٍ قطُّ فرُئيَ أبو عبدالله مُتبسِّماً في ذلك اليوم إلى الّليل، وكان أبو عبدالله يقول: الحسين عبرةُ كلِّ مُؤمن)

✦ فقُلوبُ الخلقِ طُرّاً انكسرت وتأثّرت لِما جرى على الحُسين صلواتُ الله عليه، لاسيّما قُلوبُ الشيعة على نحو الخُصوص ولكنّ الانكسارَ الأعظمَ والأشدّ والأعزّ كما أشرنا هو إنكسارُ قُلوبِ أئمّتِنا صلواتُ الله عليهم لاسيّما قلبُ ناموسِ دهرِنا ووليُّ أمرِنا وسفينةُ نجاتِنا: الحجّةِ بن الحسن الذي هو خُزانة الأحزانِ ومَجمعُ المصائبِ والّلوعات فكلُّ لحظةٍ تمرُّ على قلب إمامِ زمانِنا هي مأتمُ لوعةٍ وزفرةٍ وحسرةٍ وتأسُّفٍ ودُموعٍ حمراء على سيّد الشهداء صلواتُ الله عليه.

✦ كما نقرأ في زيارة الناحية المُقدّسةِ وهي الزيارة التي يزورُ بها إمام زمانِنا جدّهُ الحسين صلواتُ الله عليه نقرأ فيها هذه العبارات التي يُخاطِبُ فيها إمامُ زمانِنا جدّه الحسين فيقول: (فلئن أخّرتني الدُهور وعاقني عن نصرك المقدور ولم أكن لِمن حاربك مُحارباً ولِمَن نَصَبَ لك العداوةَ مُناصباً فلأندُبنّكَ صباحاً ومساءً ولأبكينّ لك بدلَ الدُموعِ دَماً حسرةً عليك وتأسُّفاً على ما دهاك وتلهُّفاً حتّى أموتَ بلوعةِ المُصاب وغُصّةِ الاكتئاب)

✦ فهذا الإنكسارُ الذي حَدَثَ في قُلوبِ أهلِ البيت ولاتزالُ جَمرتُهُ تستعِرُ في قُلُوبِهم وفي قلبِ إمامِ زمانِنا صلواتُ الله عليه إلى يومنا هذا فالذي ينكسِرُ قلبُهُ في هذه الأيّام انكساراً يُؤاسي ويُوافق انكسار قلبِ إمامِ زمانِنا فإنّما وافق في ذلك قلب الله تعالى لأنّ الإمام المعصوم هو قلبُ اللهِ الواعي

●➼‌┅═❧═┅┅───┄
🔘 @alwilaya

الخادم فاضل عوز الذي سوف يبدل راية الإمام الحسين "🤺"

محُـرم يـاهلا بـشهر الدمِع