موقف وبعيوني شفتــه
تالـــي ماتــالي ذكــرتــه
ابني چان اگبالي واگع
بس ولا چــــني وعبرتــه

امشي واوكع ..الـ هايمه اسمع..مابيه ارجع .. والعباس
ماحجيته… ولا دنيته .. ولا شمــــــــيتــه .. والعباس
تالـــي ماتــالي ذكــرتــه ..

*

الذكريات .. بهالحياة .. و الجروح الي عشت وياها
شلون اعيش ..شرد اعيش .. لحظه وحده الطف فلا انساها

عمري بالخمســـين والشفته عذاب
لحظه انهض لحظه اوگع ع التراب
انه زينـــب والحــزن بيــه يعــيش
فوگ شيب الراس اهيس گلبي شاب

•••••••••••

بزود اخــوتي جنــت اميره
بلحظه وحده صرت اسيره
حيـلي راح ابدخلت الشام
و ‏ع اليسر كلــــش جبيــره

راح احجيهن.. بدمعي ارويهن.. ادموعي ابجيهن .. والعبس
امشي واوكع ..الـ هايمه اسمع..مابيه ارجع .. والعباس


******
استراح .. شأستراح .. بتالي شيب وانه اركض حافيه
حيلي راح .. حسين طاح .. وخيم محترگه عليه وطافيه

حافيه امـــشي واحس ضايعلي نفس
وچـــنه صوت ابنـي الچبير الي همس
بعيني شفتـه ورحت ادور عـن اخوي
فوگ صدر حسين اضن سحگت فرس

*

شفــت حـافر لونه احمر
صحت خويه و ( الله يستر )
حسين طاح واضن چانت
عشر خيل بصــدره تعثر

يسحگن ولدي .. يمردن چبدي .. اهون عندي .. والعباس
امشي واوكع ..الـ ها يمه اسمع..مابيه ارجع .. والعباس


****

ماكو صوت .. كلشي موت .. خـيم محترگه وصعد دخانها
ابحسره جيت .. ودوريت .. هــي روحي تريد اعز خوانها


من عله التله وصحت واشگد بجيت
بخطوت الفاگد وطن يحسين اجـيت
ناسـيه اُوُلادي وتــعب ذيج السنـــين
حســـين شــاغل بالي لمــــن دوريت


ابـين جـــثه وجـــثه ادوره
ارد اشوف ابعيـــــني نحره
بلكي الحـــگ وابعد الخيل
ولا فرس تسحگله صـــدرة

اركض واعثر .. واوگف واعثر .. گلبي اتفطر.. والعباس
امشي واوكع ..الـ هايمه اسمع..مابيه ارجع .. والعباس



*****



من بعيد .. انرفعت ايد .. بيها موگطوع اصبع وتوميلي
اتحيرت.. وممشه اجيت .. مره اطيح ومره اگوم ابحيلي

يمه اجيــــــت ابـ آه و ابلـوعة ودمع
الزمت چفــة واعرفت ناقـص صِــبع
اجروح واتراب ودمه حسين اليسيل
ومن دِبيچ الخيل مـــا ســــالم ضلع


يااااا جرح مــحتاره اشِـده
ويا كسر بالـــــنوح اضـمده
طبر سيف وضربت احجار
وبگبلبه المـــثلث تِــــــعده


اكبر هضمه .. مفرهد هدمه .. هاي اللچمه… والعباس
امشي واوكع ..الـ ها يمه اسمع..مابيه ارجع .. والعباس



***


من مشيت .. اتحسريت .. الاجت مهيوبه ترد مجتوفـه ؟؟
ما حجيت.. بس بجيت .. ادري راح اطلع سبي عله الكوفه


بكــسرة الخاطـر عفت روحي وگمت
مجــــتفه وع النـــــاگه للكـوفه رحت
‏الموت شفته ابدربي اول ما مشـيت
((وصوت ابني الي ندهـــلي اتذكرت ))


باوعت هذا ابني شفته
الصاح يمه وما سمعته
ودعــيته ابدمـع عينـي
عليه عينه من تركته


هنانه اذكرته.. ابني وصحته .. مهيوب انته .. والعباس
امشي واوكع ..الـ ها يمه اسمع..مابيه ارجع .. والعباس


خالد عبد السادة البديري

سبيات.. غريبات .. بناتج فاطمه

اسيرات .. حرامات .. بناتج فاطمه

حراماااااات .. حرامااااااات .. حراماااااات

__


بعد اول مغربيه .. صرت مو زينب سبيه
تالي ماتالي رحت مجتوفــه

جتفو بحبال اديه .. وكامو يسحلون بيه
سبي راح اطلع بعد للكوفه

ساكته ودمعاتي تجري .. السوط يتلوه اعله ضهري
حافيه امشي ودمعتي مذروفه

يسحلون .. يشتمون .. بناتج فاطمه
سبيات .. غريبات .. بناتج فاطمه


حراماااااات....
__

وين امشي وهيه حيره .. والوجه المن اديره

بس ابو فاضل يعرف البيه

خيل وازلام وعساكر .. وناس كلها تصيح باجر
باجر اركب ع الهزل مسبيه

سوط وحبال وشتايم ... وغربه ودموع وهضايم
امشي والعباس عينه اعليه

يضحكون .. يجتفون.. بناتج فاطمه
سبيات .. غريبات .. بناتج فاطمه


حرامات

***

خطوة الفاگد ثگيله .. يموت اليضيع دليله

وهذا ليل ولا گمر ويانه

امشي خطوه وخطوه اعثر … مره ع النسوان افتر

حسين خوي وماعفت نسوانه

انهضم من حالي وابجي … للرمح والراس احجي

لراس اخوي اشگد گلت تعبانه

تعب حيل … ورگد حيل .. بناتج فاطمه
سبيات .. غريبات .. بناتج فاطمه


حرامات

**

طالت ادروب السبايه … وحشه ماويانه رايه

والشمر من كل كتر يبرالي

المثلي ما تطلع اسيره .. ولا تطب كل يوم ديره

وگبل ما واحد يشوف خيالي

طيحت العباس موتي .. اخ من روحت اخوتي

جنت امشي بهيبه وي گفالي


بالعيون .. يحرسون.. بناتج فاطمه
سبيات .. غريبات .. بناتج فاطمه


حرامات

****

الشام اخ الشام باچر .. عليها اطب ابكسر خاطر …

بصفگت الوادم اطب ابيوتها

ناس فرحانه ابســبينا .. وزلم تـــتفرج عليــــنه

چني اسمع يمه باچر صوتها

يا سبيـــه الشام صاحت .. دمعه دمعه الروح طاحت

روحي من عدها تمنت موتها


يصيحون .. يجرحون .. بناتج فاطمه

سبيات .. غريبات .. بناتج فاطمه


حرامات


خالد عبد السادة البديري

نخوة مولاتنا عقيلة بني هاشم

وين اليروح ويگطع ادروب
ولمحمد ايوصل المكتوب
ويگله اخوك احسين مسلوب
عالغبره ضل لادفن لاثوب
شيخ الزلم عالوجه مگلوب
وخدره المصون الغالي منهوب
وانلمح طولي الجان محجوب
والعطش ناره اتحز بالگلوب
وين الذي بالشده مندوب
يلحگ خواته البيهن اندوب
جندوب اساره نبقه جندوب
وينه ابن كشاف الكروب
وينه اليطر الهيمه ويجوب
خل يصل لا يلفانه الغروب
وينظر وضعنه شلون متعوب
يشوف ابوجهنه انسدت البوب

وينه اليطر مهره الفيافي
ولو حشميته ايفزع حافي
الحيد الشهم والمايجافي
محمد اخوي الي يوافي
خل يفزع بخضر الجفافي
تره احسين عالتربان غافي
وماضل رسم برسومه صافي
كثرن اجروحه وبيش اشافي
كلمه ارد اگلك عله اشفافي
يمحمد امن الهظم كافي

وينه اليدوس الليل جدمه
ابوكت الحرب معروف عزمه
اليفزع ركض لمن احشمه
ويفهمني ما حاجه افهمه
الحرمه تره ابشارب الزلمه ..
محمد يخوي العين تعمه
على احسين من سلبوه هدمه
وبگلب بارد طاح دمه
الذباح يضحك وسف يمه
ولا ضل عظم صاحي ابجسمه
من وين اعدله وبيش الزمه
وضلت بنص الگلب جلمه
ما لايگ النه الركض زحمه

وينك يسركال المدينه
لحگ يبو جاسم علينه
حدر الشمس عفنا ولينه
ووي موش اجاويد انسبينه
وهاي الارجاس التحدي بينه
طينتهه ابد موخوش طينه
يبن والدي وجبراً مشينه
وجلمه بلسن شامت صفينه
نومي بدمع. مجتوفه ادينه
نأشر بدمع. مجتوفه ادينه
افتر الزمن دولابه بينه
وذبنه اعله وادم موحنينه
وبديرة التكرهنه اجينه



ابو حميدة الشويلي

اللهم عجل لوليك المنتقم الفرج

((قصيدة دفن الأجساد ع))
_________________________

شفت المنيه
ثالث مسيه .........وبكلبي حيره
يا عمه وضعه
سهمه اشيطلعه......شلته بحصيره
*******************************
ياعمه تدرين العطش يبس لهاته
ذبلان جسمه وماشرب لحظه وفاته
معقوله من حر الشمس غير صفاته
ونطبك جسمه وي الارض قصة مماته

يا عمه شفته
بس ماعرفته.......متغير اهواي
لميته جسمه
وشلون اضمه........متحير بهاي
*******************************
ياويلي عاينت اشكثر..وانظرها الاحباب
طحت عله وجهي اتمددت وياه بالتراب
مگطوع چفه شاهدت...والطبره الصواب
اكثر اسولفلج بعد......لو گلبج انصاب

حيره اردا شبگه
بس بيه خنگه.....من نار الخيام
وشلون اوسده
محتار اگعده......ومترس اسهام
*******************************
حيره من اسولفلج يعمه......حاير الراي
يمه اگعدت انه وصرت..بالدمعه سلواي
اسمع ونينه ايگلي بويه..... ماجبت ماي
نيران گلبي من العطش.. ماتنطفي بهاي

يابويه اجيتك
مجفي لگيتك...... فوك الوطيه
مابيه اعوفك
مشتاگ اشوفك......يبن الزجيه
*******************************
ينلچم يابويه الگلب من طول سهمه
والصوت جاوبني النحر وشلون اكلمه
وسد رضيعي ياعلي جنبي واشمه
خلي رضيعي عالصدر وبروحي اضمه

رش عله گبره
اشويه گطره...........بالنبله ذبحوك
كلش ترف چان
عبدالله عطشان ...يوليدي حرموك
*******************************
احزام ظهري ياعلي.......بالشده مقياس
من شفته متگطع وذر..گمت الطم الراس
وبدفنك اني اتحيرت....مخنوك الأنفاس
چان اشحلاته من يجي بالدرع والطاس

ليلى بدمعهه
تشعل شمعهه...........وحشه الليالي
مثل البدر چان
ودموعي عنوان....ظل بيتي خالي
*******************************
درعك يجاسم والعرس..بالدفنه موجود
وياي حضرت الشمع........جايبلك اورود
ايعينهه الله الفاگده......مثلك يمفگود
ياحيف فارگنه الدهر.......مايرجع اردود

بالكلفه ردتك
جاسم فگدتك.........يااحلى خوه
شاهد خصاله
نوره وجماله .........للدنيا ضوه
*******************************
اصعب محطات الدفن ...خلتني حيره
اتوجهت محني الظهر........وجهي اديره
صديت درب العلگمي.... البدر العشيرة
ناديت عمي بالهضم..........اختك اسيره

ياعمي وينك
اسمع ونينك..........يم زينب تنوح
واضح نحولك
يصعب نزولك......تدريني مجروح
*******************************
تمت بعون الله
خادمكم....... يوسف الفتلاوي

گبال عيني حملو بضعونهم
شلونهم أعزاز گلبي شلونهم
........................
حملو بضعونهم وبگلبي نار
كلشي مات بيتنه ومات الخضار
من اطلبن ماكو چلمة بويه  صار

بعد ياهو يگلي بويه تدللي
حملو بضعونهم كلهم هلي

عليه صدو والدمع بعيونهم
شلونهم أعزاز گلبي شلونهم
...........
أعزاز گلبي فراگهم ماينحمل
مال بختي وبعد ماضن ينعدل
دون البنيات ليش انه أنعزل

هالسفر يحباب گلبي يختلف
والجروح وياي شو صارت عرف

ليش يتغير اشوفن لونهم
شلونهم أعزاز گلبي شلونهم
..........
وداعهم ساعات وتگصر العمر
البيت صار أخلافهم يشبه گبر
حملو بالنوگ بس انه احتظر

تصعد أنفاسي واگولن ماترد
ليش ظليتي كل لحضه انشد

والدمع مثل المطر بچفونهم
شلونهم أعزاز گلبي شلونهم
............
يمي اهلي وگلبي عليهم يحن
والمدينه اخلافهم ماتنسكن
نار دمعي وخاف يحركلي الجفن

يمي اهلي وشكثر مشتاگه
شلون من تبعد يناس الناگه

چني ميته بلا نفس من دونهم
شلونهم أعزاز گلبي شلونهم
.........
لا صبر ينباع حته انه اشتري
وللمصايب هايروحي تحضري
رقيه وي عبدالله كسرو خاطري

ياحجي الماينحجي بيهم شفت
وداع بيه حسرات وعليهم خفت

بعد ماشوفن بياظ أسنونهم
شلونهم عزاز گلبي شلونهم
...........
   خادم اهل البيت ع
  فلاح طالب الماجدي

اللهم عجل لوليك الفرج 🤲

گبال عيني حملو بضعونهم
شلونهم أعزاز گلبي شلونهم😭🚩

يايمه يايمه ونيني انت اتسمعه
يايمه يايمه عد راسك انعه
يبني المذبوح ومتروس اجروح

عدك راسك انعه

ــــــــــــــــــــــــــــــــــــــــــــــــــــــــــــــــــــــ

طريح ذبيح وشفتك تتلوه من اجروحك
طحت شفت دوس الخيل مطلع روحك

يا اغله واحد بالضنه
حاجيني جلمه امك انا
بصدرك اثر حافر شفت
بجتلك تره ضهري نحنا

ياويلي ياويلي شصاير برسومك
ياويلي ياويلي مسلبين اهدومك

وبالحر مطروح ومتروس اجروح

عد راسك انعه

ـــــــــــــــــــــــــــــــــــــــــــــــــــــــــــــــــــــــــــــــــــ

اجيت والكيت صدرك يمه بخيل مرضرض
نعيت وبجيت بلكت تسمع وني وتنهض

كضيت ضلعي وحنبت
وطيحت نده كبالك طحت
من شفـــــــــــــتك اكبالي تون
مـــــــــــــن البجي يمك متت


يوليدي يوليدي ذبحك موتني
يوليدي يوليدي جرحك يوجعني

شيبني النوح ومتروس اجروح

عد راسك انعه

ــــــــــــــــــــــــــــــــــــــــــــــــــــــــــــــــــــــ

حسين عاليش بالهيمه مطشرين ضلوعك
خضيب عجيب والخيماتك تجري ادموعك

للخيمه دمعاتك تسح
رغم انت كاضيك الذبح
بجسمك يبعد امك شفت
الف وتسع مية جرح

اه يبني اه يبني حركوها اخيامك
اه يبني اه يبني مطحونه اعظامك

ماضلت روح ومتروس اجروح

عد راسك انعه

ــــــــــــــــــــــــــــــــــــــــــــــــــــــــــــــــــــــ


بنحيب وثغيب بضهر العاشر من اوصلتك
يحيف شفت برجله الشمر يكلب جثتك

يايمه احس ضاك النفس
بضلعك لمن شفته رفس
يحسين يانبض الكلب
من مثلي ابجروحك يحس


ذباحك ذباحك فرحان بذبحك
ذباحك ذباحك يم راسك يضحك

وجرحك مفتوح ومتروس اجروح

عد راسك انعه

ــــــــــــــــــــــــــــــــــــــــــــــــــــــــــــــــــــــ

دمه وضمه ومامش ناس لي رحمونك
كمت امسحت الدم الجامد فوك اعيونك

حاه ياليل اهدعش
دمك عله الكاع انفرش
مطروح باقي بلا غسل
ذبلان من كد العطش

بعيونك بعيونك شاهدت المنضر
بعيونك بعيونك ركضات الخدر

وجفنك مشبوح ومتروس اجروح

ـــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

طبــــــــــينه للشام ابمهازل
وتمــــــــــيل بسوك المحامل
يضحكون واحنه الدمع سايل
ملكاهه مــــــــــوزين القبايل

موش اهل ملكه ناس الشام كلها

ــــــــــــــــــــــــــــــــــــــــــــــــــــــــــــ
يحسين كــــــــــونك تدري بينه
مكيفه الخلك خويه بسبينه
واحنه الحــــــــــبل ياكل بدينه
يضــــــــــحكون لو سمعو بجينه

ضحكت الشامي رمح بضلوعي زينب

ــــــــــــــــــــــــــــــــــــــــــــــــــــــــــــ


ماجانــــــــــت عله البال هايه
نســــــــوانكم تطـــــــلع سبايه
وجتالـــــــكم نمـــــــشي برايه
وجــــــــدامنه شــــــكو الرايه

الرايه شكوها هضيمه اكبال عيني

قصيدة للحسين (عليه السلام )لسان حال مولاتنا العقيله عليها السلام 💔💔
****
ثكيله الفاتحة والميت ابن امي
وين انصب عزاه وحركو اخيمي
**
چادر‌ كون للمذبوح انصبنه
وملايه ارده اصيرن ورد اجر ونه
ولطم حسين ابد ماينشبع منه
يبعد اختك وهلها ويابعد عمي
ثگيله الفاتحة
والميت ابن امي
*
ثگيله الفاتحة ومامش لطم بيها
وثالث يوم ختمه وين اسوها
زينب عالهزل والشمر يحديها
ويشتمني عمد لو فات من يمي
ثگيله الفاتحة والميت ابن امي
**
ليش الفاتحة محد وگف بيها
تحشم زينب او چاون اهاليها
چاشنو المره من دون واليها
ومافزعت عشيرة وشالت ابن امي
ثگيله الفاتحة
والميت ابن امي
**
لبن امي الفواتح
لاتطيحوها
وللزوار يمحبين انصبوها
وي المشايه اجت امي تلگوها
تشاركني بعذابي
والوعتي وهمي
ثگيله الفاتحة والميت ابن امي
**
جبت راس العزيز وجيت ازورنه
وراسه ويه الجسم جيت ارده ادفننه
واسولفله الهظم وبحالي اخبرنه
اجيته من اليسر گوه انگل بجدمي
ثگيله الفاتحة
والميت ابن امي
بقلم ✍️✍️العلوية الملا ام كرار الغالبي

زينب يا اخو زينب شافت ضيم شبعت نوح
من كد مابجت بجفاك بمصابك يهل مذبوح
.
.
كوم اختك مشت للشام ميسوره يخو زينب
الباب اخيالها ماشاف شلون اعله الهزل تركب
اعليها امصايب التمن مثل المطر صبن صب
ماترهم اسيره تروح حيل اعله الحرم تصعب
زينب بت علي الكرار راحت و الكلب مجروح
.
.
مره اطيح مره تكوم زينب من مشت للشام
و رجليها لـحد الــيـوم  محترك بجمر لخيام
مـن كثر الضرب زينب مــا تكدر يخوها اتنام
و مـره تفكد النسوان مـره تـجـمـع الايتام
محتاره ابمصيبتكم مـا تدري لا وين اتروح
.
.
الخيمه التستر الحوراء شبت وين ابو فاضل
وين الجان وجعت موت وين اليسطر العايل
مـــــن ام عون يا عباس دم ويه الدمع سايل
كوم الحك عليها شوف وجها امن هضم ذابل
حل وكت العتب عباس غير العتب مامسموح
.
.
زينبكم يـهـل زينب راحــت لاكن بـيـا حــال
راحت والكلب مكسور مــا عدها فكر لا بال
من عدها الفكر مشدوه محتاره بحرم واعيال
مـحـد يفزع  الزينب ويـن حسين و الكفال
زينب ويه راس حسين درب الشام راح تروح
.
.
عله الناكه مشت لشام ميسوره بكلب حزنان
ما شايف شكلها الباب اشلون بطبت الديوان
بسوك الشام من طبت بس شمات والعدوان
زينب كامت اعله الراس تلطم والكلب حيران
ام عون العقيله يبات دمعها اعله الوجن مسفوح
.
.
حسن صالح العيساوي

زينب يااخو زينب شافت ضيم شبعت نوح
من گد مابچت بجفاك بمصابك يهل مذبوح🚩

#نعي

صاحت يوادي كربله عنك مشينا
بلايه غسل واكفان خلينا ولينا

غصبن عليه سافرت يامهجت حشاي😭
يحسين يالما ضاگ من گبل الذبح ماي
فارگت جسمك ع ثره والراس وياي
فوگ الرمح مشهور يبرده للضعينه

لو خيروني ياخليصي ابگيت وياك
اجلس على گبرك ينور العين وانعاك
لكني لو ضليت من يبره اليتاماك 😭
لو طوح الحادي وحده بهذا الضعينه

وصدت الى المسنات والعبره جريه
وصاحت يراعي المشرعه زينب سبيه
عگب الخدر للشام يردون هديه
يالي جبتني گوم ردني للمدينة


#اللهم_عجل_لوليك_الفرج