وأغلقت باب الحبّ حين تملّكه الحسين.

#ياحبيبي_ياحسين ❤️‍🩹🖤

وين اليواسي دمعة عيوني
يا بوية عگبك والله طگوني
صوتك هجرني ،، زيدلي وني
_
عگب صورة جمالك شوفي ذبيتة
وعمر خمسة خلص وأعزازي أنطيتة
عگب حظنك حظن حزني ضميتة
عليّ بوية التراب بلوعة هليتة

گلي يبوية براسك شلونة
راحن أجيك وأحظن عيونة
خليني أشوفك ،، مابية أعوفك
____
أسألك يا نفس روحي تجاوبني
على هجرك تجي گلي  وتگابلني
أنة بنيتك وأريدك لو تسامحني
وحگ نحرك بعد ما ينگطع وني

روحي تريدك يا أعز روحي
خلهن يطيبن ذني جروحي
بنتك رُقية ،،، عينك علية
_
مشينة وشالوا عيالك على الهزل
كل ساعة نطب وادي بلا كافل
يا بوية عگب عزنة خذونة أبذل
على زينب شمر واگف يتمرجل

من كربلة للشامت أخذونة
يا بوية عگبك ذلة ذلونة
موتوهة الأحلام ،، أخذونة للشام
__
ترد لية وتحط أيدك على متوني
أنة بنيتك عليّ داروا يضربوني
بعد ماظن لقاء وياك يعيوني
على راسك أنة ميتة يلگوني

أنة المتت من حزني عليكم
ما عيشن انة بلا محاجيكم
شبگة حياتي ،،، صارت مماتي
___
يعمة بهل درب أحميتي عيالج
وبعد ياهو يجي ويتسمة كفّالج
مشيتي وما بگة عباس يبرالج
الصبر منج يعمة تقوة بأحوالج

ويانة يعمة وفيتي ويانة
بظلج گعدنة وأنتي تعبانة
صبرج قضية ،،، هوّن علية
____

كلمات خادم الحسين
الشاعر حسن حمزة هاشم الحلفي.
بثواب سيدتي ومولاتي رقية .
____

بصوت. مسلم المطيري

وين اليواسي دمعة عيوني


كلمات الشاعر
حسن حمزه هاشم الحلفي

ودو اليثرب اخبار لمحمد اخونه
كطعو راس الاحسين  كلوله وسبونه
ــــــــــــــــــــــــــــــــــــــ
يمحمد يصنديد  عوف ارض المدينه
اريدك تسبك الريح  بالشكره وتجينه
الحك يااخو احسين  احسينك ذابحينه
داسو صدره بالخيل  واحنه سلبونه
ــــــــــــــــــــــــــــــــــــــ
يبن فراس الاحروب  لوطارش اجالك
معصب بيده وديت  فزع كل رجالك
ذبحو كل هلك غاد  ما واحد بكالك
ياسراجة الخيل  يمته تلحكونه
ــــــــــــــــــــــــــــــــــــــ
اريد ابغيضك اتهيج  من تلكد رسنهه
تعال وجيب الاسباع  واختكم نشدو عنهه
حته ارموش الاعيون  طالع شيب منهه
بضرب السوط ترضون  ضهري يورمونه
ــــــــــــــــــــــــــــــــــــــ
عكب ماذبحو الشيخ  لزوم الكم مواقف
دطفو نار الادلال  واغلكوهه المضايف
يهلنه راس الاحسين  بالبالدان طايف
ومن ضربات الاحجار  احمر غادي لونه
ــــــــــــــــــــــــــــــــــــــ
جا يمته يشجعان  تنجزون المهمه
ابمواضيكم تهدون  زلمه بضهر زلمه
حرمكم طبت الشام  واهل الشام لمه
بدك الطبل وادفوف  هيج استقبلونه
ــــــــــــــــــــــــــــــــــــــ
هم يوم أمن الايام  سمعتو بهالرزيه
علويه اوي الاجناب  ماخوذه سبيه
جان اسمي الحوراء  وهسه الخارجيه
آ ياطبة السوك  آه أمن الولونه
ــــــــــــــــــــــــــــــــــــــ
حيهم ياهلي انصيح ولا واحد اجانه
القصر الاموي اهناك  حادينه خذانه
ويزيد  اكبالنه الراس طكه بخيزرانه
من حلكه الدمه سال  جا يمته اتحمونه

محمد الجماسي

بصوت. مسلم المطيري

ودوا اليثرب اخبار لمحمد اخونه


كلمات الشاعر
محمد الجماسي