المستهل، ،،ليلة الوداع،،،للشاعرة العلويه ام رقية

سمعت صوت من الخيم وطفال يبجون
ثاري زينب والگمر وحسين يحجون
باجيه وتكسر الخاطر
بيه خويه شلون باجر
لو شفتكم عل ثره نومه وتونون
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي يازينب اظن اخر اليلة
باجر انتي على الحرم خويه الكفيله
وستعدي للسبي هاااايالعقيلة
خلي ابالج علم
للظهر حدها الزلم
ادري كلفتج انه بعيله ثگيلة
خويه امني خوفهم لمن يخافون
ليحب ويه اليحب يتوادع اشلون
(للشاعرة العلويه ام رقية)
😭😭😭😭😭
باجر يخويه الشمر مني يحز وريدي

ومن اصبعي الخاتم يكصونه من ايدي

جيبي دوه وياج خويه جرحي شدي

واعينج اشوف الشمر
ابسيفه يكطع النحر

اشوفين ياخويه الشمر رظرظه الصدري

خويه وي زجر واشمر للشام ترحون
ثاري زينب والكمر وياج يحجون

ام عمار الصائغ
●●●●●●●
يكله يختي لو طلع باجر علينه

اتحزمي ابصبر المصايب من تجينه


لاتشمتين العده ياخيتي بينه


بالج اطفالي تون
يختي لميهه ابحظن

وصيري يختي الكافله وام الحنينه

وصيري خيمه يختي الهم من يحركون

اليحب ويه اليحب يتوادع اشلون
ام أسعدالشمري
●●●●●●●
اشلون لو شوفن جثثکم فوگ الارمال

ولو اشوف الشمر یضربهاا الطفال

شنهو اسوی الحمل یا عباس لو مال

وروسکم فوگ الرماح

وآنه خدری خویه راح

من بعدکم العمر یا ریته ماطال

من البواچی اعلیک اعمیهن العیون

ثاری زینب والگمر ویاچ یحچون

ک...یسرا الموسوی
●●●●●●●
باجر يهجمون العده تركظ نسوان
انه ادري بيج ام الخدرتشتعل نيران
تحزمي ياام الصبر وصيري عنوان

عدوان ماعدهم رحم
يضربون بطفال وحرم

خويه انه نايم ياام طهروتهجم العدوان

وطفال عدج اوحرم يبجون رضعان

بس انت هايم الخدر تردين خوان


ام زهراء الفاطميه
●●●●●●●
خافن باجر ننولي خويه يطشر شملنه

من بعد عينك يبو اليمه ويلمنه

وداعك انت حسين عذبنه اوهدمنه

ونت عللغبره ذبيح
والحرم كلهه تصيح

والعده عكبك يحركوها يبن امي خيمنه

والحرم وطفال بلبر لن يتيهون
ثاري زينب والكمر وحسين يحجون

✍️✍️ام احمد العبودي
●●●●●●●
تمت والحمد لله لشاعرات الحسن المظلوم ع

مستهل

النحبهم .... فاركونه وسافرو

النحبهم.....مدري ليش اتأخرو

فاركونه ......فاركونه
شويه كون تعطلو
〰️〰️〰️〰️〰️〰️〰️
شلون توجع خاطري ذكراهم شلون

شكد صحت تانو بنعشهم
مايتانون

اخ يفراك النودهم تعمه العيون

ارد اناطر على الدرب بلكي يرجعون

بنار كلبي مادرو
شويه كون تعطلو

فاركونه.... فاركونه
✍️
العلويه ام رقيه
●●●●●●●
الي نحبهم ندري بيهم تحت التراب

عليهم انحب طول عمري والكلب ذاب

سافروا عنه ومشو ياوسفه الاحباب

اوياي حاربني الدهر جا شنهو الاسباب

مدري ياديره مشوا
اشويه مون اتعطلو
فاركونه فاركونه

ليش عنه تعطلوا
ام عمار الصائغ
●●●●●●●
اخ يفراك النحبهم اشكد جواني

عذب اكليبي وسهم حيل ورماني

صحت تاني يادهر راح ونساني


طيفه اصبر وانتظر شو مااجاني


اخذو الروح وسرو

اشويه كون اتعطلو


فاركونه فاركونه

ام أسعد الشمري
●●●●●●●
اخ يفراك نحبهم سافرولاكن بطوا

نتظرظلينه هم يرجعون علينه سيروا

جنه دوم وياهم نتظرهم ماجوا

شالو وراحو بعد
الراح مايرجع ابد

اشويه كون تعطلو
فاركونه فاركونه

ام زهراء الفاطميه
●●●●●●●
اشلون لو طول سفرهم ومايجون

بعد فركاهم يريت تعمه العيون

راحو احبابك يگلبي مايعودون

گطعي الضنه يروحي مايمرون

وبضعنهم حملو

اشوي كون تعطلو

فارگونه فارگونه

شيماء الحچامي
●●●●●●●
تمت والحمد لله ببركة شاعرات رابطة الحسن المظلوم ع

على طور مرتظا حرب ذبو عمايمهم للامام علي ع لليلة التوديع
وزن ميمر

♾️▪️♾️▪️♾️

ياكلبي ياصابر
ستر الله من باجر

انودع اجينه اليوم ابونه حيدر

وحسين ينحب ظل عليه امكدر

اوتتناحب ايتامه
خلصت علي ايامه

وحسين ظل حاير
ستر الله من باجر


ودعنه ابونه وتجري دمعة عينه

باحظانه خلانه ويشتم بينه

وبام البنين يوصي ابويه علينه

وايدير بعيونه ولينه لينه

زينب بمانتكم
داروها اخيتكم

عينك يبو فاظل تحطها اعليها
محتاره بالعاشر فلا اتخليها

وعينه الي تناظر
ستر الله من باجر

ام عمار الصائغ

♾️▪️♾️▪️♾️

ستر الله باجر لو اجانه انهاره

خافن ولينه تنطفي انواره

ايوصي ابونه اودمعه دم يتجاره

خير العمل باجر تغيب اسراره

ايتامه يوصيهم
يبجي ويبجيهم

حان الاجل خلصت يبويه ايامي

ليلة قدر ماكمل اني اصيامي

ايدير النظر حاير
ستر الله من باجر

ام أسعد الشمري

♾️▪️♾️▪️♾️

باوداعه زينب هالبقت محتاره

قرر رحيله علي وعايف داره

وتسئل طبيبه ابونه شنهو اخباره

ودعو ابوكم ما اله كل جاره

والعايله اتودعه
تجري دمه الدمعه

شفتك تلوج انت يبويه اكبالي

واگطعت منك انه كل امالي

بينه الزمن غادر
سترالله من باجر

ام زهراء الفاطميه

♾️▪️♾️▪️♾️

باجر ابونه يودع اهله وناسه

وايدير عينه او ينظر العباسه

ايگله اخيتك يا ترف احساسه

احفظ خدرها من الهوى لوجاسه

اتخليه بعيونك
حد طيحت امتونك

زينب امانه بركبتك يالكافل
اعدل حملها يافحل لومايل

ظل دمعي يتناثر
ستر الله من باجر

✍️العلويه ام رقيه

♾️▪️♾️▪️♾️

يا بويه آخر ليله ويانه اتضل

او دمعي عليك ابدا فلا هو يبطل

گلبي انفجع من طبرتك وامگبل

دمعي عليك دموم يابويه يهل

فراگگ يأذيني
بويه يضي عيني

الكون اظلم ياعلي من بعدك
ناوي الرحيل اليوم بويه شعندك

مصابك فلا صاير
ستر الله من باچر

✍️أم ليث المالكي

♾️▪️♾️▪️♾️

باچر نودع گلنه ابونه او ننحب

وظلت تنوح اعليك بنتك زينب

وتگله فگدك خله گلبي يلهب

فراكك يبويه الراس منه شيب

ياشمعه سنيني
اوداعك يچويني

يابويه بعدك هالعمر مايرده

والنوح بغيابك يابويه ازيده

والفگر ظل حاير
ستر الله من باچر

شيماء الحچامي

♾️▪️♾️▪️♾️

گلبي يبويه تستعر نيرانه

مصابك يحيدر بالضلع جوانه

صوب زماني وما خطه نيشانه

وداع الغوالي اليوم حيل اذانه

نيران تجويني
ناوي تخليني

تدريني غيرك ما اليه والي
ناوي تروح اتخلي بيتك خالي

گلبي يضل حاير
ستر الله من باجر

ام سجاد العسكري

♾️▪️♾️▪️♾️

تمت والحمد لله ببركت محمد وال محمد باقلام شاعرات رابطة الحسن المظلوم ع لانجيز حذف الاسماء ونسألكم الدعاء

دستورهای سفارشی

أبوذيه السداسيه

تمنيت الشمل ينعاد ♧ مرهم

ليالي السود مرن عليه ♧مرهم

ريجي ماحلا کل وکت♧ مرهم

بعد ما باقی للعینین ♧ مرهم

يطارش روح لهلی ابعجل♧ مرهم

وگلهم فاطمه اتأدی التحیّه

أم أسعد الشمريhttps://www.tg-me.com/um1966ahmed

أبوذيه السداسيه

بعدها الروح ماأدري♧ بلاها

دليلي أنلجم بالونه ♧ بلاها

حنينه اشلون بعد اصبر ♧بلاها

حاوطني الدهر ياما ♧ بلاها

سكيت اليابس ابدمعي ♧ بلاه

لحد الموت دمعاتي جريه

أم أسعد الشمريhttps://www.tg-me.com/um1966ahmed

‏صورة من ام احمد

بسم الله الرحمن الرحيم
قصيده للزهراء عليها السلام
الوزن دارمي
*******
يايمه من فركاج لوعاتي كثره
كلساع أصيح أبصوت وينج يزهره
*********
افراكج يبعد الروح کلش كتلني
يايمه حد الموت مايهده وني
عيني تصد للباب ودموعي فني
طيفج يجيني أو حیل گلبی یعصره
*********
أدخيلك يربي اشلون فركه الزجيه
حسره تهد أجبال ظيم العليه
انظر مكان البي اتصلي المسيه
وتاخذني حد الباب ضلع اويكسره
*********
تاخذني الدمعات يم عتبت الباب
جني اشوف ادموم محسن بالعتاب
صحت ولطمت الراس والكلب عطاب
ريت اندفن ویاچ وابفرد حفره
*********
ريتج تجین ابليل وتشوفي حالي
مثل الطفل مذبوح بونيني عالي
واحشني ظلمه البيت دمعي جرالي،،
والفرگه بلدلال جمره اعله جمره
*********
حرت ودرت صفنات لفراكج اشلون
ماظلي بعد ادموع ماظلت اعيون
ريت العمر ويشيل ويه اليشيلون
ولاظل اجر ونات شوغه ويحسره
*********
يمه اليتم وياي من خمسة أسنين
والهدم منی الحیل ونات الحسین،،
یلزهرا ذیچ الساع دم هملت العین
وزاد الحزن لوعات عبره ويه عبره
*********
تمت بعون الله تعالى✍خادمة الزهراء عليها السلام
أم أسعد الشمريhttps://www.tg-me.com/um1966ahmed

بسم الله الرحمن الرحيم
حنين زينب عليها السلام على امها الزهراء عليها السلام
ابوذيه

ليج أشكثر يمه بشوك 💔حنيت

غده دمعي دمه وجفوفي 💔حنيت

فكدج نحلاني الظهر💔 حنيت

ألدار أبغيبتج وحشه وخليه

أم أسعد الشمريhttps://www.tg-me.com/um1966ahmed

‏صورة من ام احمد

نعي للزهراء عليها السلام

وزن نصاري

********

صحنه أبصوت يايمه تعالي

شوفي غيبتج بيها الجرالي

صارت مظلمه وسود الليالي

بانت يم حسن خلتج علينه
💔💔💔💔💔💔

وين الجانو أبدار الحبايب

صارت مظلمه والكمر غايب

مانعتب على السكنو ترايب

وحش اغيابهم جمر بجينه

💔💔💔💔💔💔

شالت وانكضت ذيج الليالي

غيابج ونتي ودمعي سلالي

تعوفين النزل مامر خيالي

يتامه من الصغر ماحسبينه

💔💔💔💔💔💔

نعي مجرد
***

شلتي يالحنينه وغايب ضواج

ماريد المنازل أخلاف عيناج

مايسوه العمر لحظه بلاياج

*********
https://www.tg-me.com/um1966ahmed

قناة عزيزة الزهراء ع للقصائد المشتركة
https://www.tg-me.com/Azizalzahr

بسم الله الرحمن الرحيم
اللهم صل على محمد وآل محمد
قصيده للعليله بنت الحسين عليهما السلام
@@@@@@!

يبويه @ وحدي لتخلوني

يبويه@ دمعي يعمي اعيوني

بويه آه يبويه
@@@@@@@
آنه يابويه العليله وحدي لاتنساني

حمّلت كلهن بناتك وآنه عيني إتاني

يمته ابويه يصيح بأسمي وكلبي يلهف آني

حمل ابضعن الحبايب وآنه ماندهاني

يبويه @ أهلي ماصاحوني

يبويه@ وحدي لتخلوني

يبويه آه يبويه
@@@@@@@@@@

ليش يابويه تحَّمل تسرع أبممشاهم
وآنه مكسوره وعليله ماخذتني وياهم

تدري بالعلته خفيه أبعازة أهلهه أضواهم

تاخذ أمي وكل خواتي بعد
وين الكاهم
يبويه @ الطفل بي سلوني

يبويه@وحدي لتخلوني

يبويه آه يبويه
@@@@@@@!!
خلو عبد الله يناغي ويجلي بويه همومي

من بعدكم عمري يخلص مني يكرب يومي

لا يصل مرسال منكم لا تعرفو اعلومي

وظل دمع عيناي سايل بي عتابي اولومي

يبويه @ بعد متذكروني

يبويه@وحدي لتخلوني

يبويه آه يبويه
@@@@@@@@@

اشلون بويه عيوني تنظر لن نزلكم خالي

اهنا كعدنه اهنا أبويه ضي كمر ويلالي

انتو كل عمري وعزوتي وكل فرح دلالي

وحدي دمعاتي جوَّني لو أموت اشوالي

يبويه @ ياهلي سمعوني

يبويه@ وحدي لتخلوني
يبويه آه يبويه

@@@@@@@@@@

اشوف بويه عيون تحجي ماتريد اوجاعي

تريد كلمه تبدي بيها وتنتهي بوداعي

وآنه يابويه الهظمني والي زاد أضیاعي

صوت قرآنك يبويه أيغيب عن أسماعي

يبويه@ الله ويردوني

يبويه@وحدي لتخلوني

يبويه آه يبويه
@@@@@@@@@

خاف موتي ايصير غربه نعشي اليشيلونه

عادت الميت يبويه اتغمّض أهله اعيونه

اوللنعش يمشون عزوه أبدمعه ويودعونه

أبهيده من ينزل حفرته أترابه ويهلونه

يبويه@ غربه ميرحموني

يبويه@ وحدي لتخلوني
يبويه آه يبويه

@@@@@@
تمت بعون الله تعالى✍خادمة الزهراء عليها السلام أم أسعد ألشمريhttps://www.tg-me.com/um1966ahmed