..قصیده بعنوان
🔥ذکریات الااهل🔥

كون البجي يرجع....... الفكدناه
جا ردو الــــــــمنا........ومنــــاه
كلش خبيثه المگبره اشلون
تاخذ عزيز العشنه ويـــــاه
___
ظلو عل حياطين..صور بيهه نولينه
وسفه حنان الكلوب.. طشو من ادينه
تعبنه طر الكبور... ولا ردو علينه
هجي ويرد العشنه بحذاه
كون البجي يرجع الفكدناه
بقلم العلويه ام رقيه✍🏻
____
وين الله ويجونه...ويرجع لمهه الحنان
جان افرشها للروح....واغفه ابفيض الجنان
وامسح كل دموعي... لو لحظه بلاحلام
ماهودت نار الكلب سكناه
كون البجي يرجع الفكدناه

أم اسعد الشمري✍🏻
ــــــــــــــــــــــــ
نمتو بذاك التراب.. وانه الهظم صفالي
ولج يا لمكبرة... هواي ظميتي غوالي
اون وكلبي مجروح...ولمدمع يلالي

اخذتي الي اوده بكلبي باقي ذكراه

✍🏻الشاعره ام سكينه العبوديه
_
لو دمعي يردهم...جان اعميها العيون
الف حيف وحسافه....الماتو مايرجعون
لوبيدي اسكن اكبور... وروحي خل يدفنون

ريته يرد لينه الكمر وضواه
كون البجي يرجع الفكدناه
أم أسعد الشمري✍🏻
ــــــــــــــــــــــــ
صفت صنطه وخليه..دور اهل المحنه
ضلمه وتحرك الروح..بعدكم اه يهلنه
ای والله ابهجركم...گلبي ماتهــنه
نبقى بحزن ودموع ننعــاه
كون البجي يرجع الفكدناه

ام روكان الشمريه✍🏻
ــــــــــــــــــ
ظلت موحشه الدور...و انطرهم على الباب
صورهم تارسه الدور...ونامو حدر التراب
اروحون صوب الگبور..عندی اویاهم اعتاب

اگعد علگبر و اظل انه احذاه
كون البجي يرجع الفكــدناه
ام مازن✍🏻
〰️➖〰️➖〰️➖〰️➖
اجونی ابحلـم بلیـل....اظــن انـه شفتهم
روحي ابلحظة احلام...تحس لنی اشبكتهم
اعاتب طال الغیاب...وابعــتابی اگلهــــم

ظلت روحي دوم تريد لقياه
كون البجي يرجع الفكدناه

ام محمد الساري✍🏻


قناة ساقي عطاشي کربلاء لنشر
القصايد الحسینیة ! ابوذیات! موالید! قصاید! النعی
https://www.tg-me.com/saghiatashaalkarbala

لطميه لزهراء س
وزن نصاري

✶✶✶✶✶✶✶✶✶
بيدينه علي الدّره لزمها
ثلث تيام فاطم نزف دمها

✶✶✶✶✶✶✶✶✶✶✶✶
الله يساعــده يــوم الفكدهه
دفنـاهه ودفـن روحــه بعدهه
ضاكت عبرته أبنزلت لحــدهـه
ومن شاف الضلع كسره ختمها

✍أم اسعدالشمري
✶✶✶✶✶✶✶✶✶✶٭٭٭٭٭
شمعة حيدره والچنها مصباح
وسفه نورها وذاك الحضن راح
ظل بس الدمــع بـالخــد سفاح
بــعـدج هــالغــريــبــة زادغمها

✍️سلمى أم جعفر
✶✶✶✶✶✶✶✶✶✶✶✶
شمعه يا وسف طفوا ضواها
خسرها من بعد ما فگد طاها
عليله الروح و الزهره دواها
بعمر اثمنتعش ورده ويشمها

أم علي ✍🏻دمعة لقاء
✶✶✶✶✶✶✶✶✶✶✶✶✶✶✶
من شاف الضلع زادت الالام
راحت زهرتي ويلي والاحلام
حرمـوني يــوسفه گــوم ظلام
محسنهه سقــط زايــد المها

✍️حوراء الكناني
✶✶✶✶✶✶✶✶✶✶✶✶✶
من وارى الجسد صاحت اليتام
ردها يا علي ويــــانـــه اتــنــام
تضمنا فــي صـدرها رغم للآلام
وگلبنا يطــيب مـن نسمع اسمها

✍فاطمة العجمي / ام حسين
✶✶✶✶✶✶✶✶

يــازهره الزجيــه ونبض لروح
ما انساج دمعي اعليچ مسفوح
ريتچ ترجعيلي ولو مسموح
بعد الزهره روحه زاد همها

✍🏻ناعيه كربلاء عاشقة الطف ام محمد آل درويش
✶✶✶✶✶✶✶✶✶✶✶✶✶✶
من شاف الضلع مكسور نصين
صــاح الله اكبـر ابــو الحسنين
ضــل يبجٓـي عليها ويهمل العين
اتمنه زهـــــرته ابگـــلبه يضــمها

✍🏻 ام زينب الأسدي
✶✶✶✶✶✶✶✶✶✶✶✶
تمت وبعون الله وباقلام شاعرات اهل البيت في رابطة واقعة الطف لتعليم الاوزان وباشراف الشاعر كيان الكاظمي ونسالكم الدعاء🙏🙏

بسم الله الرحمن الرحيم

هوسات مع حماسيه للزهراء عليها السلام
☆☆☆☆☆☆☆☆☆
عتاب يطول لو صديت باب الطاهره الحره

ليش ابياذنب دفعوج وكسرو ضلع للزهره

اتمنيت النبي المختار ايشوف ابعينه السطره

جا مضل بعد بالكون لامسلم ولا كفره

ها ها ها
((جا هز الكون الله أبييده)

*****************

كوثر لو ابوها اليوم حاظر ساعة النيران

من خطو لبيته اعتاب ماهابو بني عدنان

ولا هابو علي الكرار خلو للولي حيران

مجتوف ابوصيه اشلون يحمل حامي الديران

ها ها ها
((فقار ايحد جمر اضلوعه ))

****************

وينك يالدحيت البوب صاحت والضلع مكسور

عونج يالعزيزه اوصار دمه بالعروك ايفور

لوبيدي لصفي الكون واسكيهم دمه وانحور

عذريني يبعد الروح لوحج بالسمه مذكور

ها ها ها

(( من شاف انهز بي بركانه))

☆☆☆☆☆☆☆☆☆

حماسيه بعد الهوسات
☆☆☆☆☆☆-

صاحت الحره ابكسرها
وينه وينه حيدره
☆☆☆☆☆☆☆☆☆

صاحت ابجمره ياحيدر صوبو

يمي داحي الباب خيبر مادرو

كسرو اضلوعي البابي وجرو

مادرو بتمن يبويه وأنكرو
وينه حماي الورى
وينه وينه حيدره
☆☆☆☆☆☆☆☆☆
دفعو الباب أبثكله أعلى أم حسن

صاحت أبدو بيه يابويه المحن

اول الثارات بضلوعي سحن

يمحي ذكر الدين بفعاله يظن

خسر دنيه وآخره

وينه وينه حيدره
☆☆☆☆☆☆☆☆

صاحت الحره دخيل الله ودخيل

واكع اجنيني هظم مني الدليل

اشكي همي ولوعتي الباري الجليل

وينضر ابعصرة كلب ليهه الخليل

وينه صرت امحيره
وينه وينه حيدره

☆☆☆☆☆☆☆☆☆
ويلكم يهل الغدر يوم الحساب

الله شاهد حالتي عظم المصاب

حملو علينه ضغاين والعذاب

آتآمرو يمحون ذكرانه الصحاب

كلبه مني اشصبره
وينه وينه حيدره

☆☆☆☆☆☆☆☆☆☆
تمت بعون الله تعالى✍خادمة الزهراء عليها السلام أم أسعد الشمريhttps://www.tg-me.com/um1966ahmed

مستهل وزن التجليبه

(*بعنوان گسر الخواطر*)

✶✶✶✶✶✶✶✶✶✶
تون روحي عله احباب الي عافوني
خليه الدار من دم هللن اعيوني

•--•❅٠٠♢٠٠✿٠٠♢٠٠❅•--•
خليه الدار توحشني مبانيها
وترهب من اشوف اترابه غاطيها
وشال ابعيد عنه الي سكن بيها

وال حيطان بسمه اليوم ذكروني

*_الشاعـرة ام مهـدي العيـداني_
✶✶✶✶✶✶✶✶✶✶✶✶✶*
غاطيها الترب من شالو احبابي
مضلمه وموحشه يادار غيابي
بعدكم ياهلي منهو اليدگ بابي

عيني عل الدرب بلكت تمروني

✍️ام حسين الحسني
✶✶✶✶✶✶✶✶✶✶✶✶
بس حيطان هلتسمع بواجينه
وحشه مضلمه يبيوت اهالينه
ولج يادار انشدج ردي اعلينه

بس مره ولو ليه يفكدوني

ام حسين الحلفي
✶✶✶✶✶✶✶✶✶✶✶✶
وحشه دار بَــــــسّ تون على شالو
مشو للبعيد النه عــزاز مــا كــالــو
حسره ابوسط روحي عني ماسألــو

مابطلــــت وني لأن عافوني

ام احمد العبوديه
✶✶✶✶✶✶✶✶✶✶
يـــادارالاهــل جاوين كليلي
فركاهم كتلني وبادكل حيلي
لاغمضت عيني ولانمت ليلي

الليل مساهرة مانامت عيوني

ام صادق كركوك
✶✶✶✶✶✶✶✶✶✶✶✶✶✶
شلي بالدار وحشه خاليه وظلمه
من بعد الاهل بيها الف هظمه
تناشدني ابحزن وين الشمل لمه

يدار اشلون منهم خابت اظنوني

أم أسعد الشمري
✶✶✶✶✶✶✶✶✶✶✶
يادار الاهل وحشه مبانيها
مااكدر اشوفنها وصد ليها
وبحبابي تذكرني محاريها

راحوا وابعدوا ماظني يلفوني

ب~✍️~الحاجه ام احمد الحچامي
✶✶✶✶✶✶✶✶✶✶✶
عالوجنات دمعاتي نهر جاري
على الفرگه أبد ماتنخمد ناري
ما واحد الي بمحبته شاري

لظل أبچي عليكم واجرح اجفوني

أم علي✍🏻 دمعة لقاء
✶✶✶✶✶✶✶✶✶
اصدللدار مني مكسره العبره
واعزازالكلب ناموا على الغبره
صوبني الدهر بجروح ماتبره
وانجوم السعد ماظنهم يجوني

✍️سلمى أم جعفر

✶✶✶✶✶✶✶✶
تمت وبعون الله وباقلام شاعرات اهل البيت في رابطة واقعة الطف لتعليم الاوزان باشراف الشاعر كيان الكاظمي ونسالكم الدعا🙏🙏

قصيده لاستشهاد النبي صلى الله عليه واله

*الوزن المجرشه*

*الطاهره ام الطهر*
             *اليوم تفكد النبي*
*الدنيه تصبح مضلمه*
      *من عكب والدهه الابي*
•--•❅♢✿♢❅•--•
شمس الحبيب امغربه......وحته السمه زعلانه
لانور بيهه ولاكمر............ لانجم شع عنوانه
حزنانه املاك وانس..........حزنانه كل دنيانه
*الليله تون ام الحسن*
*عالخد دمعها ساجبي*

*الشاعره ام یحیی العبودي*
•--•❅♢✿♢❅•--•
ظلت تون ام الحسن .....فراك الأبو ماذيهه
تنتحب ويلي فاطمه..... مايدري طه اشبيها
هجمو على داره العدة.....والنار شبو بيها
*ابدن مرحموها الكفر*
*خلوهه ماتمشي تحبي*
✍🏻ام عمار الصائغ
•--•❅♢✿♢❅•--•
هاليله ونت فاطمه.......وجبريل ون اویاها
راح وبعد منه الابو.....وغابت نجم دنياها
اتغير اسمها  ام الحزن.... تندب فكد ولياها
*صاحت يبويه لو رحت*
*بانت علامات السبي*
*أم أسعد*الشمري
•--•❅♢✿♢❅•--•
اليوم ابن عمه علي.....حزنان يصفك بيده
يكول راح المصطفى....شايل وشيله بعيده
خلاني وحدي وي الظلم.....جرم الظلاله يعيده
* نصبوا خليفه بالغصب*
*وبينه تشمت الاجنبي*
    
*ام محمد الساري*
•--•❅♢✿♢❅•--•
غربت شمس المصطفی.....وظلت تون ام حسین
علفرگه موش امعلمه .....دم گامت اتهل العین
وتصیح ایاوالدی.....بعدک اروح آنه الوین
*اهل السقیفه یلولی*
*بالظلم عگبک ياأبي*
*المیرزا ام لیلی الخاقانی*
•--•❅♢✿♢❅•--•
محزونه تبقى ام الحسن...تبجي وتون مهظومه
ويــلي عليــها الطــاهره....عكب النبي مظلومه
تبجي تضل طول العمر .... بــعد الابـو  مـــالومه
*ضلت تون ام الحسن* 
*نادته اريده مطلبي*

*ام عبدالله السراي*
•--•❅♢✿♢❅•--•
غاب الحبيب بغيبته.....وام الحسن محتاره
إعله الابو تنوح وتون......وحشه وخليه ادياره
تودع الحنين وتنتحب.....ودمع الحزن يجاره
*نواسيه هليله ونون *
*لفكد النبي العربي*

*زهراء الزيداويه*
•--•❅♢✿♢❅•--•
♦️▣━━━━
تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها
https://www.tg-me.com/mmyfhhb

هوسات جنوبيه للفواتح &&&&&&&&&
تمنيت الكبر بيه باب مفتوح
وشبع مناحه ومابطل النوح
وكلبي عله الوليان مجروح
اعزاز وحملو. ونريد وياهم

نامو بالكبر مدري شوداهم
عزاز وحملو
حسبالي يجون ونكعد وياهم
عزاز وحملو * *للهم ونوح مخلينه*
اهم هاجر الشريفي
⚫⚫⚫⚫
هوسه جنوبيه
تمنيت المكابر الها بيبان
وتمنيته الميت كون اله السان

ويحجيلي شسوت بيه التربان

مخلينه بحزن والدار مسدوده ..

جايمته الزمان الغايب يعوده...مخلينه بحزن والدار مسدوده

وسفه وجوههم صبحت مفگوده ...مخلينه بحزن والدار مسدوده


.اگعد لينه يالگلك زود اكعد لينه

✍🏻ام عبد الله العابدي
⚫⚫⚫⚫⚫
هوسه جنوبيه
راحو وابعدو والهم سلاني

تمنيت الولي يعود الثواني

واكله اصوابه هد حلي وعماني
ها ها
اخلافه الدار ماطبن بعد ليهه
وين الوالي عني اليوم يحييهه
اخلافه الدار

يعميني الهظم والنوح تاليهه
اخلافه الدار

ياحيف النزل وحشه امخليهه
اخلافه الدار

يالوالي اخلافك ذلينه
✒ام اسعد الشمري
⚫⚫⚫⚫
ريت اهل المگابر تگعد اويانه
انشوف احبابنه الچانو احذانه
من حمل ظعنهم ظلمه دنيانه

ماريد العمر انا بلياهم
عزاز وحملو ،جاوين نلكاهم
ماريد العمر
مالي حيل فرگاهم ،،،
ماريد العمر
بس يعجبني ملگاهم،،،
ماريد العمر

(الدار اتون وحزنانه)


ام عدنان سياحي
🖍⚫⚫⚫⚫
اطب الدار يابوية وتبجيني

على شالو بليل وحيل تعميني

وضل محسرة كل عمري وسنيني

اطب الدار ...بوية وتعمي العيون

اطب الدار
على شالو غفل ومايردون

اطب الدار
بكيت الطم وصيح بصوت محزون

اطب الدار
((حزنانة//يادار الوالي ))

✍️ام احمد العبودي

تمت بعون الله تعالى واقلام شاعرات رابطة الحسن المجتبى ع

فراق الامام الحسن المجتبى ع
الوزن (البحر الطويل)
~
ياويلي على المسموم تكتل حيل وناته
ابو محمد يدير العين اويجذب ويلي آهاته

❣️❣️❣️❣️❣️❣️❣️❣️
صبت دمعت عيونه لعياله يدير العين
مسموم الچبد ويلوج ويوصي بخوه حسين
يگله لاتجي زينب. گلبها ينفطر نصين
بعد نار الخيم والطف وغربه ويه الملاعين

عليه زادت همومك
لايوم المثل يومك
يخويه تنزف دمومك
اليوم الحسن مفگود اتحمل انته شوغاته
✍️الشاعره ام ليث المالكي

❣️❣️❣️❣️❣️❣️
اجت زينب تدك بالباب تبجي بت علي نحيله
الحسن كله يخويه حسين من يمي الطشت شيله
خافن تنفجع زينب الدمع من عينها اسيله
خلني اتوادع اوياهاويه بت الوالده الليله

خافن تنهظم اختك
يبو اليمه على بختك
يخويه لاتجر ونتك
يحاجيه ابضعيف الصوت ابعينه تهل دمعاته
✍️الشاعره ام عمار الصائغ

❣️❣️❣️❣️❣️❣️
يبو محمد صدگ مسموم الزينب شابح عيونه
يعالج بالمنيه الحيد يريد أهله يودعونه
حيف معزب الخطار هاليله يضيعونه
ياحيف الجبد ممرود وجه منخطف لونه

صاحت والگلب مهموم
جبد الحسن ضل مسموم
وينك يابحر العلوم
تعال وشوفنه بعينك الحسن ضيع اخياته
✍️الشاعره ام وليد الموسوي

❣️❣️❣️❣️❣️❣️❣️
شحال ام الخدر هاليوم دمعهه من دمه تهيله
امي كون تحضرنه وخلي اشوفنه الليله
تشوف الحسن بالونات وتشوف حسين هد حيله
ابو القاسم يدير العين يريد يودع العيله

اويلي سمته جعده
اخويه طايح بشده
وتنزف بالدمه الجبده

خويه حسين كلي شلون الحسن هل زاد وناته
✍️الشاعره ام علي المالكي
❣️❣️❣️❣️❣️❣️❣️❣️
الله يساعد المظلوم لمن عاين الحاله
وشاف الحسن يتگلب ويدير العين لعياله
امن السم يون يتكلب يريد ايودع اطفاله
ينوح حسين ظل اعليه والدمعات هماله

انحنه يمه ويهل العين
ينوح اعليه ظل حسين
وكلبه منفطر نصين
بعد لو راح شيعوده وبعد متعود كعداته
✍️الشاعره ام حسين الهلالي

❣️❣️❣️❣️❣️❣️❣️
خاين يادهر وياي بشوغاتك تأذيني
عفه كلبي وحمل ياناس كل منظر يچويني
ليش ام الحسن ماجت تشاركني بدمع عيني
بعد عين الأخو ياناس اعداكم تولوني

ماعندي كلب ويشوف
بعد اتمر عليه اطفوف
وتوكع عالنهر الجفوف
وينك ياعلي الكرار تسمع حسن وناته
✍️الشاعره ام اسعد

❣️❣️❣️❣️❣️❣️❣️
اجت زينب تكله اشلون خويه اشلون اشوفنك
وانت اتلوب يبن امي وبيدي خويه اگلبنك
وين امي تجيني اليوم ويالكرار احشمنك
عليه رد يخال ابني يخويه ايست منك

اختك ما احمل فركه
ابكلبي زادت الحرگه
بعد للحسن مانلگه
يبويه الحگ اليه اليوم شوف الدهر غدراته
✍️الشاعره ام حيدر الحمزه الطائيه

❣️❣️❣️❣️❣️❣️❣️
تمت لله الحمد


بأقلام وإشراف شاعرات أهل البيت
في رابطة الامام الحسن ع

أبوذيه السداسيه

تمنيت الشمل ينعاد ♧ مرهم

ليالي السود مرن عليه ♧مرهم

ريجي ماحلا کل وکت♧ مرهم

بعد ما باقی للعینین ♧ مرهم

يطارش روح لهلی ابعجل♧ مرهم

وگلهم فاطمه اتأدی التحیّه

أم أسعد الشمريhttps://www.tg-me.com/um1966ahmed

[۴/۱۷،‏ ۲۲:۰۰] صدى السكوت💫💫: نعى مجرد في حق الاب للامام علي ع
من لسان الحوراء س
🖤🖤🖤🖤🖤🖤🖤🖤🖤

تهمل دمعتي ضلت ادموم
وگلبي صبح ياخلگ مهموم
شال الولي حيدر المعلوم
هاذ الفجر وابسيف مسموم
----------

هاذ الفجر حيدر علي ايشيل
جسمي صبح مني نحيل
ودمعي دمه علخد يسيل
الفگد الولي حامي الدخيل


ام عدنان سياحي
🖤🖤🖤🖤🖤🖤
بويه علي راح من ادينه

ياحيف راسه امصوبينه

ليش من ابونه حارمينه

صبحنه ابونه فاگدينه
-----------
تبجي اليتامه الداحي بالباب

وينه ولينه وكل الاحباب

ريت ابكلنه طايح اصواب

كلبي صبح هاليوم عطاب

ام اسعدالشمري

🖤🖤🖤🖤🖤
رايح يحماي الحميه
جماله على فگد امي الزجيه
ظليت بس اصفك بديه
والبيت ظل موحش عليه

✍🏻ام عمار الصائغ

🖤🖤🖤🖤🖤
بويه تخليني ابهيظيمه
والنوح بعدك انه اجيمه
اخلافك صرت بويه يتيمه

ماتمم صيامه حريمه

♠️♠️♠️♠️♠️

شينساك يلكلك محنه

ضاعت العشره من يلمنه

انته يبويه كل اهلنه

✍المله والشاعره ام حمودي
🖤🖤🖤🖤🖤🖤🖤🖤

: شٍأّيِّلَ أّبِوِنِهِ شٍلَوِنِ بِيِّنِهِ
مَنِهِوِبِعٌدِعٌګبِهِ يِّجِيِّنِهِ

وِأّلَحٌَّسنِ هِلَزِّأّيِّدِ وِنِيِّنِهِ

يِّمَهِ، يِّمَهِ يِّمَهِ
مَريِّ عٌلَيِّنِهِ وِعٌأّوِنِيِّنِهِ

✍🏻أّمَ ذّوِ أّلَفِّقِأّر أّلَمَأّنِيِّأّ

🖤🖤🖤🖤🖤
ابوي الحيد حمل عنه وشال

ويانه الدهر يايمه ميال

فاركه الولي والدمع سيال

♠️♠️♠️♠️♠️

هذا الغالي يمه اريده

متعلمه انه ايدي بأيده

عليه البجي كل ازيده

✍️ام احمد العبودي

🖤🖤🖤🖤🖤🖤🖤🖤🖤🖤
تمت ولله الحمد وبأقلام شاعرات اهل البيت في🧿 رابطة الامام الحسن المجتبى ع لايجيز حذف الاسما ء او تغييرها 🧿

قصيده للأمام علي عليه السلام على طور جسام ياضنوتي رايح رايح من عيوني
للرادود الكبيرالمرحوم جاسم النويني

ღ🖤ღ🕊🔰((🌸))🔰🕊ღ🖤ღ
°°°°°°°°°°°°°°°°°°°°°°°°°°°°°°°°°°°

يحسين وين الولي

خويه خويه ارد
اودعنه

لاتكلي رحل
هذا ابويه الفحل

خويه خويه ارد اودعنه

ღ🖤ღ🕊🔰((🌸))🔰🕊ღ🖤ღ
°°°°°°°°°°°°°°°°°°°°°°°°°°°°°°°°°°°

يحسين خويه ارد اودعه العلي

هذا عزيزي وهذا اغلى هلي

ومن بعد امي صار كلشي الي

وحسيت توني باليتم يالولي


خليني اشم الولي ،،،،خوويه بلكي يفز أنه

هذا الوداع الاخير
ومن بعده كلبي يحير

خويه خويه ارد اودعنه

✍️ام علي المالكي

ღ🖤ღ🕊🔰((🌸))🔰🕊ღ🖤ღ
°°°°°°°°°°°°°°°°°°°°°°°°°°°°°°°°°°°

بلكي يفز يا خويه من نومته

ويسمع صدى ارويحتي الي رادته

انهض الزينب ياعلي نادته

خليني اودع الأبو خويه ،،،فركاه حيرنه

گلبي مثل الجمر
ماريد بعده العمر

خويه خويه ارد اودعنه

✍️ام سجاد العسكري

ღ🖤ღ🕊🔰((🌸))🔰🕊ღ🖤ღ
°°°°°°°°°°°°°°°°°°°°°°°°°°°°°°°°°°°

يحسين خويه للولي من شفت

راسي لطمته والله خويه وطحت


من لليتامه بعدك انته وعفت


ظليت اون ناديت واتحيرت

ظليت أهل الدمع،،خويه شوا أيست منه

خويه وينه علي
خل اشم الولي

خويه خويه ارد اودعنه

✍️ام اسعد الشمري

ღ🖤ღ🕊🔰((🌸))🔰🕊ღ🖤ღ
°°°°°°°°°°°°°°°°°°°°°°°°°°°°°°°°°°°

وين الابو وين الولي والضمد

لو راح عني وين اشوفه بعد

من غيبته ماضن علينه يرد

ولفركته ياخويه ذاب الجبد

ماتنحمل فركته صعبه،،،
اشلون انحرم منه
عايف ابنيته
صعبه يافركته

خويه خويه ارد اودعنه

✍️ام حسين الهلالي

ღ🖤ღ🕊🔰((🌸))🔰🕊ღ🖤ღ
°°°°°°°°°°°°°°°°°°°°°°°°°°°°°°°°°°°

زينب بجت وتقول يابو الحسن

دموع اليتامة اعليك من دم جرن

وياهو الزينب من يدور الزمن

ياملجأ الحيران والممتحن

هذا الحسين يصيح ،،،بوية فرقاك يفجعنة


حيلي يبوية انهدم
يالحسن شوفه انعدم

خوية خوية ارد اودعنة

✍🏻.ام شفق

ღ🖤ღ🕊🔰((🌸))🔰🕊ღ🖤ღ
°°°°°°°°°°°°°°°°°°°°°°°°°°°°°°°°°°°
يبجي الحسن ظلت تهل دمعته

يمه بجت زينب واجت شبكته

كامت تون ويلي على ونته

بهذا الوضع ريت ام حسن شافته


يمكن اذا شافته ،،،ويلي تكتلها الونه

لحي وين ام حسن
كلبي يمه امتحن

خويه خويه ارد أودعنه

✍️ام عبدالله العابدين

ღ🖤ღ🕊🔰((🌸))🔰🕊ღ🖤ღ
°°°°°°°°°°°°°°°°°°°°°°°°°°°°°°°°°°°
تمت القصيده بعون الله بأقلام شاعرات رابطة الحسن عليه السلام
ونسألكم الدعاء

يا زهراء

كروب خاص بخدمة محمد وال محمد



https://www.tg-me.com/+seH5Q_Y3xPw2NzIy

زيادة متابعين قناة التلجرام 3000 متابع خلال يوم واحد فقط
للاستفسار @ahmed_alziwar0