‏صورة من ام احمد

‏صورة من ام احمد

‏صورة من ام احمد

‏صورة من ام احمد

بسم الله الرحمن الرحيم


قصيده بذكر السيدين الجليلين

محمد وموسى اولاد الحسن المثنى بن الحسن المجتبى بن الامام علي عليهما افضل الصلاة والسلام

****

اجيت ابابكم يانسل الاكرام

ليكم نخوتي يارفعت الهام

*******

اجيت اعتابكم دمعي جريه

أمشي فاطمه الزهره الزجيه

يمكم حاجتي وناري سريه

هاظمني زماني وجور الايام
********

يساداتي أون وأشكي حزينه

إبجاه المرتضى حنو علينه

من غدر البشر صحنه وبجينه

يالجدكم علي كافل للأيتام
**********

احلف بالحسن المات مسموم

جبده بالطشت وي نزف الدموم

تكضو حاحتي وكل كلب مهظوم

ضايع كل دوه جبرو يلاسلام
*********
يشبان ابكسر ضلع ودفع باب

ماضلي صبر من فركه الاحباب

من هم الثكل منه الكلب شاب

من كسر الضلع ومصايب الشام
**********
من كسر الضلع ومصاب الطفوف

وعباس الفده لحسين الجفوف

كل يوم اليمر وكليبي ملهوف

تشفون العليل اتزيل الغمام
*******
حاشه بالعطايه ماتقصرون
كل شده وكسر انتم تجبرون

اليقسم بالعليله ماتفشلون

جربنه الكرامه أبكل الاعوام
***********

تمت بعون الله تعالى✍خادمة الزهراء عليها السلام
أم أسعد ألشمريhttps://www.tg-me.com/um1966ahmed

بسم الله الرحمن الرحيم
########

بعتابج شريفه دمعي صبيت

أيسني طبيبي وحظرتج جيت

########@
ضايع كل دوه علتي خفيه
أمشي اعليج ونات السبيه
ابجاه المنذبح بالغاضريه
تشافي علتي ودموعي هليت

##############
يابت الحسن حني لحالي
مهظومه عليله دمعي سالي
أقسم بالسبي وذيج الليالي
يابت الكرم والمجد والصيت
########

اقسم بالضلع والعتبه والباب
وابدم الزجيه وذاك المصاب
محتارين جمر الكلب عطاب
شباجج لزمته وحيل ونيت
##########
اشكيلج يحره ابدمعت العين
أسرار الخفيه انتي تعرفين
وينج صحت يابت الميامين
كالو والنعم بيهم أهل بيت

###########
يبت المرتضى حالي هظمني
ماشفت الفرح من صغر سني
أبابج حايره والنوح فني
ضيفتكم يبعد الروح ناديت
###########
ضيفتكم واجيت ابعتبت الدار
ادريج الكريمه وتكرمي الجار
امج فاطمه وجدج المختار
نخيت الله ورسوله ابجاهج انخيت
###########

تمت بعون الله تعالى ✍خادمة الزهراء عليها السلام
أم أسعد الشمريhttps://www.tg-me.com/um1966ahmed

‏صورة من ام احمد

بسم الله الرحمن الرحيم
اللهم صل على محمد وال محمد وعجل فرجهم

نعي عاشوري

عندما وصلت سيدتي وملاتي زينب قبر اخيها الحسين عليهما السلام
========
نعي عاشوري
=========
خويه أنه جيتك
وجبت الراس وياي آه آه آه

طول الدرب الجان سلواي آه آه آه

توكف لو سمعت الصوتي ظنواي آه آه آه

اكعد يخويه وشوف عيناي آه آه آه

تكلي اشبيج زينب خويه رجواي
آه آه آه

هظمني ابغيابك خويه دهراي آه آه آه

لو يندفن راسك يمنواي آه آه آه

تكعد تصد ليه يدنياي آه آه آه

وتنشدني اعلى حالي وحال متناي آه آه آه
واكلك سوط خويه زورك اجلاي آه آه آه

تكله خويه خويه يابو علي ياخويه
نعي مجرد
==========
ابجيك
لو شفت المتن خويه ابجيك

يظربني الشمر خويه واصد ليك

وبس راس خويه واعتب اعليك

💧💧💧💧💧💧💧
خويه يسبنه

يخويه الشمر بعدك يسبنه

ماضل حمه يحسين عدنه

ضلو جثث عزنه وسندنه

💧💧💧💧💧💧💧

جيتك يخويه امحمل اهموم

واترجاك يابعد اختك اتكوم

وتنشد يخويه اسوت الكوم

💧💧💧💧💧💧💧

تكله خويه

رقيه

لاتنشدني عن بنتك رقيه

ياخويه بالخرابه جتهه المنيه

شبكته الراسك وشهكتهه سويه

💧💧💧💧💧💧
خويه
خويه اجيتك اسمع اعتابي

ورد لهفتي وردلي جوابي

تكوم اوياي لو احفر ترابي
💧💧💧💧💧💧

خويه تمنيت الكبر ينفتح بابه

واتوسد واشم خويه اترابه

واشكي هظم ولوع الخرابه
💧💧💧💧💧💧

جيتك يخويه الظهر محني

لازاد يهنالي ولا نوم التهني

عمني
بناتك يخويه ابونهن عمني
💧💧💧💧💧💧

تمت بعون الله ✒✒خادمة الزهراء عليها السلام ام اسعدhttps://www.tg-me.com/um1966ahmed

بسم الله الرحمن الرحيم
اللهم صل على محمد وال محمد وعجل فرجهم
🏴🏴🏴🏴🏴🏴
قصيده تنقره بعدة اطوار

ومنها رداديه مواسات الزهراء عليها السلام
🏴🏴🏴🏴🏴🏴

وين انروح/ خل ننصب عزانه اليوم

وين انروح . غابت من سمانه أنجوم

نتوجه غريب الطوس
لو للطف نودي الروس

وين انروح/ خل ننصب عزانه اليوم
🏴🏴🏴🏴🏴
خل نروح كلنه انعازي الزهره

الله يعين كلبج عالولد جمره

سم وذبح ويلادج يهالحره

مطلوبين جنهم ويلتي العتره

ثارات ابدر وحنين

مطلوب الرضا وحسين

وين انروح/ نلطم على الوجه وانحوم

وين انروح/ خل ننصب عزانه اليوم
🏴🏴🏴🏴

خل نذكر مصابه مغرب الاوطان

ساعه انصيح نلطم منذبح عطشان

ساعه للرضا اللي سمته العدوان

لازمته الضلع كلبج جمر نيران

نصبو ماتم مواسين

لا مو وحدج تبجين

وين انروح/ تنزف جبدته بدموم

وين انروح/ خل ننصب عزانه اليوم
🏴🏴🏴🏴🏴
ياشيعة علي وياي عينوني

مكسورة ضلع وانتم تسندوني

ياشيعه ابذبح وابسم يفجعوني

وكل منصب عزه بيه اتواسوني

ياشيعة علي الطيبين

منساكم تره مسجلين
وين انروح/ ننصب مأتم المسموم

وين انروح/خل ننصب عزانه اليوم

🏴🏴🏴🏴🏴🏴


أبو محمد يويلي زورك اعيونه

ياذنب الجنه وابني يسمونه

ياشيعه الرضا ابغربه يدفنونه

ضامن جنته الثامن يسمونه


ليش اولادي امطشرين

مايرضى الشرع والدين

وين انروح / نبجي ابياعزه المشؤم

وين انروح / خل ننصب عزانه اليوم

🏴🏴🏴🏴🏴

تلطم فاطمه فوك الوجه والعين

يوجعه الضلع شافته المحبين

صاحت ساعدو امصابي يالمواسين

اشكيلك يابويه السوه بيه البين

خذ مني وسباني

ذبح وسم لفاني


وين انروح / آه ياصرخة المظلوم

وين انروح/ خل ننصب عزانه اليوم

🏴🏴🏴🏴
تمت بعون الله تعالى ✒✒
خادمة الزهراء عليها السلام
أم أسعد