#جديد_حصريآ

قصيدة لفاطمة العليله

{ صار الغروب }

صار الغروب……..ودارهم توحش بعيني
صار الغروب ……ورايده واحد يجينـي

وحدي اون بلا أهل
كلبي متروس بعلل

صار الغروب …….. صار الغروب

•───✧◐◐✧───•

صار الغروب وهلي مـابـينــو
همه كالولي نجي بس ما اجو
نشلع كلبي من شفتهم سافرو

كاعده بالباب اتاني
خبر منهم ما اجاني

صار الغروب ……. صار الغروب

•───✧◐◐✧───•

ما اجه طارش يبـشـرني عـليهــم
تلوب روحي وكاعد اتذكر حجيهم
كالو اندزلـج خبر بيـد اليـجـيهــم

خايفه احبابي نسوني
وبعد ليه مـايـجـوني

صار الغروب …… صار الغروب

•───✧◐◐✧───•

بس صورهم ضاله بترس الحياطين
ومابقى شوف واشوفن عميه هالعين
اعزاز كلبي حملو للذبح ماشين

اعيوني اعليهم عمن
مـن يجوني ايفتحّـن

صار الغروب …..صار الغروب

•───✧◐◐✧───•

بيهم أصبي عيني يرجع من جديد
فراكهم چن نار ويذوب الحديـد
ياهلي بتكم وحيده بــلا عميــد

ناطره منكم خبر
لاتطولون السفر

صار الغروب ….. صار الغروب

•───✧◐◐✧───•

يـاهلي تدرون بيـه مـاكو حـيــل
والمرض كاضيني ومسهرني ليل
ردت وياكم اروح اسرج الخيــل

افرش مصلايه الكــم
ادعي ربي يلم شملكم

صار الغروب …. صار الغروب

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

توافد الكتائب الاموية على كربلاء

نرحب بخادمات الحسين ع وبناتنا المهدويات بوجودهن معنا بقناة جنة فضائل اهل البيت ع
قناة مميزة وهادفة لنشر العلم والمعرفة واقوال اهل البيت والتوعية

ابد لتنرددين اشتركي عبر الرابط واستفيدي من المعلومات

https://www.tg-me.com/jinitfi

https://www.tg-me.com/jinitfi

هذه قناتي 👆🏻👆🏻اشتركو بيها اخواتي العزيزات راح تفيدكم كلش اني انشر بيها والمنشورات كلها موثوقه

خادمتكم ام علي الإماره

قصيدة لمسلم ابن عقيل ع

من ديوان #مواجع_الطف_جزء_الثالث

{ الله يعين كلبچ }

الله يعين كلبچ ياحميده
فاركتي الأبو فركه بعيده

فراكه يهدم الحيل
دمعج عالأبو يسيل

الله يعين كلبچ ياحميده

•───✧◐◐✧───•

شكلتي من سمعتي مات الحنين
والميت بعد مايرجع سنيـن
لفراكه تضل بس تدمع العين

شحالچ من سمعتي
بموته شلون كلتي

يكتل يومه وابنيته تريده
الله يعين كلبچ ياحميده

•───✧◐◐✧───•

اضن كلتي اخذني وياك للموت
المن عايشه وكليبي مفتوت
يا سور وشهم ما شاله تابوت

بويه بكلبي ادفنك
كل مااحن اشمك

اخلافك يالولي اصبح ونيده
الله يعين كلبچ ياحميده

•───✧◐◐✧───•

من صغري انترس دلالي بجروح
ابوي العافني الكلالي ماروح
شايل بيت كلبي وكثر النوح

اون لليسوه الونين
اجرهن طول السنين

واضل امتانيه ياخذني بيده
الله يعين كلبچ ياحميده

•───✧◐◐✧───•

العيشني بحنانه نام بتراب
بعد ماينفع اوياه كل العتاب
والمن كاعده وعيني عله الباب

راح التارس البيت
مشه ولوحدي ضليت

روحي الفاكده صبحت عنيده
الله يعين كلبچ ياحميده

•───✧◐◐✧───•

حكها الروح لو كثرت بچاها
شال الچان يحميها وغطاها
ذبلت وردته ومحد سكاهـا

بصوته اروي روحي
وتتلايم جروحي

وافتح صفحه للغالي جديده
الله يعين كلبچ ياحميده

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

النص الذي يذكر ان ام البنين فقدت بصرها اخر عمرها لكثرة بكائها على الحسين ع 💔😭

الشيخ الخطيب عقيل الحمداني

شنو من عشق شايلة للحسين مولاتي ام البنين 😭💔