من اروع القنوات الحسينية الحزينه

قناة الشاعرة والملاية ام محمود الصليحاوي
صاحبة ديوان مجالس الاحزان
منك ياحسين اطلب هديه اريدك بالگبر اتمر عليه

اشتركي من الرابط قبل لااحذف الاعلان

👇🏻👇🏻👇🏻👇🏻👇🏻


https://www.tg-me.com/+h6T9u66CiMM0OTZk

نص عجيب حول مقتل العباس ع

قصيدة حماسيه للعباس ع
من ديوان
#ضمأ_الطف_الجزء_الأول

{ مستهل القصيدة }

وللعباس - هالبيرغ يشيلونـه
المله خادمـه وتنوح لعيونــه

•───✧◐◐✧───•

ينطي امراد يامن هوسيتيله
ماينساج لورايــه رفعتيلــه
وبخصوص اليدك وي زينب الليله
((گلنه ويه الحره - دگينه))

•───✧◐◐✧───•

يالعندج حوائج گلها ذگريها
بس حلفي بزينب هوه يگضيها
يستاهل لطم واللطمه عدليها
((واليطلب منهم - ينطونه))

•───✧◐◐✧───•

نرفع رايته اليم النهر طاحت
ونعزي العقيله البليسر راحت
شافت چم مصيبه وچم هظم شافت
((واليفگد غالي - يعازونه))

•───✧◐◐✧───•

حگنه نساعد الحره ونواسيها
اخوها الجابها ومحد يرد بيها
ولطمتنه لبو فاظل دعدليها
((مسبية تروح - اخت الهيبه))

•───✧◐◐✧───•

مرفوع العلم ويرفرف بزوده
الف ياحيف طاح وگطعو ازنوده
وصابوه بسهم والعين ممروده
((والرايه الطاحت - بالحومه))

•───✧◐◐✧───•

وهاي الرايه تكضي الحاجه معروفه
ودگي على الصدر للگطعو جفوفه
رفعي رايته لاتظل ملفوفـه
((ولو عندج حاجه - يحلوها))

•───✧◐◐✧───•

القصيدة من ارشيف ديوان ضمأ الطف
بقلم المله والشاعرة ام علي الامارة
غير مبري الذمه اليحذف اسم الشاعره ويتلاعب بالقصيده

https://www.tg-me.com/um_ali313

حسينية اهلي وعمامي اليوم عدهم فاتحة للعباس 😭😭

والنعم منهم خدام الحسين من أب الجد خدام وعشاق مخلصين

خادمتكم الشاعره ام علي الإماره

#حسينية_سفينة_النجاة

فزاعيه للقاسم ابن الحسن عليه السلام

{ مستهل القصيدة }

انريد لطمه اعله الولد
ويــن التـدك ويانـــه

•───✧◐◐✧───•

اشباب محروم الهوى
والموت صار ابنينوى
مطروح ظل فوك الثرى
وامه تون حزنانه

•───✧◐◐✧───•

ماتنسه يومه وقصته
طاح الولد من مهرته
مطروح رمله شافته
اهدومه ابدمه غركانه

•───✧◐◐✧───•

مجروح كلب الوالده
عصابه لجله شاده
تون اعله ابنها الفاكده
ادموع العين جريانه

•───✧◐◐✧───•

تجري المدامع عالولد
للراح منها ومايرد
وسفه ابنها مبتعد
وياروحها التعبانه

•───✧◐◐✧───•

ضلت وحيده اخلافه
ماتنسه ذيج اوصافه
يبست الترفه اشفافه
من العطش ذبلانه

•───✧◐◐✧───•

2021
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

جلوة للقاسم ابن الحسن ع
من ديوان
#مواجع_الطف_الجزء_الرابع

شرح قبل البدء
كانت أمنية في قلب رمله أن تزوج القاسم وتفرح بي حالها حال كل ام عدها ولد لكن ماتحقق هذا التمني وأستُشهِد القاسم وبقيت رملة بااحزانها
مواساتآ برمله هذه التقاليد والصواني ونجعله ثواب ان شاء الله


{ مستهل بداية الجلوة }

صواني الحزن حضريها / وام الولد واسيها
ماظل فرح هذا اليوم … حتى امه ونهنيها

•───✧◐◐◐◐✧───•

لشبابه علكيله الشمع بمچانه
وكولي لجاسم هلنذر مولانه
للماتهنه بدنيته حزنانه
نذكر مصابه بكل عام / نعلك شموع لجاسم
نكثر البواچي والنوح / وامه نجي نعازيها

•───✧◐◐◐◐✧───•
صينية القاسم اله نصبوها
ورد وشمع والياس بي حطوها
وامه الحزينه بالعزه واسوها
نبچي وننوح وياها / مصاب الولد اذاها
اسم الفرح ماشافه / زفة حزن خليها

•───✧◐◐◐◐✧───•
تتمنه جاسم عايش بهذا اليوم
مثل الشباب اوليدها يكبر دوم
وتزفه ويعيش بهنا مو محروم
ماصار التمنته / تالي بذبح شافته
تتمنه چانت عريس / وايامه تحليها

•───✧◐◐◐◐✧───•
راح الفرح واصبح نوايح ودموع
مات الولد وامه كلبها مشلوع
شيلي الصواني الفاكده بس تلوع
طفو الشمع يحبابه / نام الولد بترابه
مالحك وعمره يطول / هذا الفرح تاليها

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

قصيدة للقاسم تقرأ بعدة اطوار
من ديوان
#مواجع_الطف_الجزء_الرابع

{ مستهل القصيدة }

هليوم الولد حظريلــه صينيـه
علكيله الشمع وأقريله لطميه

•───✧◐◐◐◐✧───•
حظريله الصواني والشمع بيها
واقري الفاتحه وأمه دواسيها
رمله اعله الولد جينه نعازيها
تكول الراح مايرجع بعد ليه

•───✧◐◐◐◐✧───•
مايرجع بعد وتعود كعداتــه
محروم الولد ريح الهوى فاته
بعد بالدار ماتسمع حجاياته
وكل يوم اليمر اذكر محاچيه

•───✧◐◐◐◐✧───•
يخنكني الهوى من اذكر ايامه
من يوم المشه والليل ماانامه
شبيب يلولد ماحقق احلامه
وبتراب الكبر دفنو معانيه

•───✧◐◐◐◐✧───•
ذيچ ارسوم وجهه الجانت اتلالي
غاطيها التراب الچانت اكبالي
خلافه ابقى بهظم وبنوح للتالي
اون اعليه لحد ما تلفي المنيه

•───✧◐◐◐◐✧───•
چنت احسب شهور صحاح وانتظره
تمنيت المنيه لعمري مو عمره
يشيل جنازتي ينزلها بالحفره
وشمعه بحجرتي يعلكلي ليليه

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

من ظلامات العباس ع

مجالسنا مدارس منها نتعلم