نسألكم الدعاء بالصبر مصيبة الحسين اذتني 😭😭 الله يساعد زينب 💔💔 شلون حالها

سمعو القصيدة 👆🏻👆🏻للنهاية شوفو الوجع بالقصيدة 😭😭

كلام هام حول شيعة الكوفة ودورهم في نصرة الحسين ع

قصيدة للخوان شده او مربعة

من ديوان #مواجع_الطف_الجزء_الأول


الاخت اخلاف اخوها بيش تنهاب
لو طاح الحمل ما بين الاجناب

•───✧◐◐✧───•

الاخت خلاف اخوها محد يجلها
ومحد يعتنيها المشكله يحلها
شمحتاجه يجي للباب ويكلها
شال وخوته اندفنت بالتراب

•───✧◐◐✧───•

محلات الاخو بالبيت تلكاه
محله سوالفه ومحله حجاياه
وسفه اعله الحنين الضيعيناه
من البيت طوله بالعجل غاب

•───✧◐◐✧───•

تنهاب الأخت من تحظر الخوه
حنين بصف حنين وكلهم مروه
ياكعدات اخوتي بكل وكت حلوه
عباس وحسن وحسين الأطياب

•───✧◐◐✧───•

خوتنه شحلاها أبيت الحنين
كعدتنه سوه وبدار الحسين
شالو بالعجل خواني طيبين
غابو والكلب مثل الشمع ذاب

•───✧◐◐✧───•

ميفيد العتب لا ما يردون
عالخوان لعميجن يالعيون
خلاف الغربو ورمن يالمتون
راحو من وكت ميفيد العتاب

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيدة للحسين (هله بطاريها)
تقرأ بطور المربع او الفزاعيه
من ديوان #مواجع_الطف_الجزء_الأول


هله بريحة الخوه وهله بطاريها
افدي اعيوني اله وبروحي اشريها

•───✧◐◐✧───•

هله بريحة اخيي الجايبته امي
باانفاسي يريحة ثوبه وبهدمي
من اذكر كعدته ينزاح كل همي
اشم اهدوم اخيي الريحته بيها

•───✧◐◐✧───•

على طاري الأخوه اليوم عينوني
حسين حنين بي عدوانه فجعوني
مااحمل غياب ابن امي تدروني
عشت اوياه عمر ويروح تاليها

•───✧◐◐✧───•

يروح ابن امي والروحه الوداعيه
يوحش منزله وتوحش مبانيه
شال الغالي عني ومـايرد ليه
على حسين الحنين عيوني اعميها

•───✧◐◐✧───•

مايتعوض ابن امي واعوضنه
والداسته الخيل منين اجيبنه
بعد ياروح ايسي وكطعي الضنه
خال ابني الحنين لروحي ياذيها

•───✧◐◐✧───•

ياذيني الفراك ابطولت المده
مااحمل فراكه وغيبته شده
وين الكاه الراح ومااله رده
عالحايط الصوره كبالي اخليها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيدة شدة للسبي الى الكوفه
من ديوان #مواجع_الطف_الجزء_الثاني

يبن امي راح نروح عنكم سبايه
للكوفه متعنين ماعدنه حمايه

•───✧◐◐✧───•

ماشين عنكم يخوتي غصبن علينه
ظلت جثثكم بالشمس لا مو بدينه
ماقبلو انغسل الجثث كلنه مشينه
يفرون بينه هالعده اولايه ولايـه

•───✧◐◐✧───•

لاتعتب اعليه وتكول اختي نستني
كوه رحت عنكم يلجثثكم عمتني
ذاري الترب بجروحكم حيل اتعبتني
من على الناكه وداعكم صار النهايه

•───✧◐◐✧───•

وياكم يخوتي الليوم ودعنه المحنه
ايسنه ماترجع بعد كعدات اهلنه
من اوداعنه هذا المسه نكطع الضنه
وداع المفارك مااله رجعه وبدايه

•───✧◐◐✧───•

ماشين عنكم بالعجل للكوفه والشام
ونشوف انواع الغصص كل هاي الايام
راح الدلال بوكته هسه احنه وي ظلام
لاعدنه خيمه ولاسكف بس العبايه

•───✧◐◐✧───•

تـوجع يهلـنه طبـت الكوفه عليـه
بت حيدر اني وادخل اعليهم سبيه
واسمع تكول الناس هاي الهاشميه
كل ديره اطبنها يسمعوني حچايه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيدة للسبي الكوفه والشام
من ديوان #مواجع_الطف_الجزء_الثاني

[ اكعدو يخوتي ]


عنكم ماشيه يخواني الأحنان
اروح شلون للكوفه اويه عدوان

شمر يحدي بضعنه
حرم وايتام كلنه

عنكم ماشيه يخواني الأحنان

•───✧◐◐✧───•

اخيتكم جبيره وحيل مابيها
وي ذباح اخوي نروح تاليها
وسفه رايحه وكوم التماشيها

الروس اوياها برماح
ماخذهن الذباح

غصبن رايحه عنكم يوليان
عنكم ماشيه يخواني الأحنان

•───✧◐◐✧───•

ناديت ولچن ماسمعو الصوت
صوتي من ظهر ناكه ومخفوت
تعبانه يخوتي وحالي مبهوت

حال الظيم حالي
روس اخوتي كبالي

امشي ويه العدو وافتر بالأوطان
عنكم ماشيه يخواني الأحنان

•───✧◐◐✧───•

صعبه امشي واعوفنكم على الكاع
وامشي اويه الذبحكم والكلب لاع
واودعنـكم يـخـوتي اخــر اوداع

اعذروني يخوتي
عكبكم ردت موتي

ولا يحدي بضعنه شمر خَوان
عنكم ماشيه يخواني الأحنان


•───✧◐◐✧───•

اذا عثرت الناكه توكع العيله
والسجاد ويانه انهدم حيله
ولو طاح الحمل مايكدر يشيله

عليل وهذا حاله
من ظيم الجراله

يشوف الي جره والحيل تعبان
عنكم ماشيه يخواني الاحنان

•───✧◐◐✧───•

من يوصل ضعنه كوفه والشام
ويصير الخدر عرضه بهالايام
هاي اصعب عليه الروس جدام

وعلينه الكل يسألون
هاي منين الضعون

واجر كوه النفس والدمع جريان
عنكم ماشيه يخواني الأحنان

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

فراعيه للسبـي { عرجه الناكه }
من ديوان #مواجع_الطف_الجزء_الثاني


عرجه الناكه ياعباس
جابوها اصعد اعليها

•───✧◐◐✧───•

من تعثر تهد حيلي
ومنها مانمت ليلي
عالشط طايح اكفيلي
حال الراح واليها

•───✧◐◐✧───•

الدرب بعيد ياخويه
وميوكفونه شويه
الناكه تأذي رجليه
واختك حيل مابيها

•───✧◐◐✧───•

كلما تعثر احنه نطيح
ياعباس خويه نصيح
ياذينه مهب الريح
والعدوان سابيها

•───✧◐◐✧───•

انه اختك العلويه
رحت للشام مسبيه
الناس تباوع اعليه
الحشمه بروحي اخليها

•───✧◐◐✧───•

هذ الحال ياعباس
يالغيرتك فوك الراس
ماقصرت يافراس
بروحك انت فاديها

•───✧◐◐✧───•

اعذرني من احشمنك
يالزاچي حليب امك
بعتبي خاف اجرحنك
وانت ماي عينيها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

ردادية نهاية عزاء المجلس

من ديوان #مواجع_الطف_الجزء_الأول

الج مذخور يالطم التلطمينه
ها يالخادمه هناكه تحصلينه


نختم كل عزانه بااسم أبوسكينه
والزهره الزچيه تنظر علينه
تون وتنوح وتسجل اسامينه
يهنيال الخدمها ودمعته بعينه
مهدودت الحيل وياها ونينه

(( تلوك الونه - للشالو راسه ))

•───✧◐◐◐◐✧───•
رباطات نهايات عزاء

ومطشره عظامه - ومطشره عظامه
شلون ابن الزچيه مطشره عظامه

•───✧◐◐◐◐✧───•
ويريد عوانه - ويريد عوانه
مصابك يبو سكينه يريد عوانه

•───✧◐◐◐◐✧───•
منچ يشيعيه - منچ يشيعيه
هوسه معدله منچ يشيعيه

•───✧◐◐◐◐✧───•
الماشارب اميه - الماشارب اميه
ماي عيوني اله الماشارب اميه

•───✧◐◐◐◐✧───•
#هوسة رباط

مسجل هذا النوح مسجل عند الزهره ومولانه

البيت النلطم بي تحظره الزهره

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

قصيدة لوفاة خدام الحسين ع
من ديوان #انوار_الشفاعه_جزء_الثاني

اهدي ثواب القصيدة للشاب خادم الحسين ع ابن النجف حسين بيان ابو صيبع

{ مستهل القصيدة }

حسين يزور خدامه / اليموتون
يحظرهم بيوم تغمض العيون

•───✧◐◐◐◐✧───•
الخادم من يموت حسين يلكاه
بالبرزخ ابو السجاد ويــاه
دنيه وآخره الخدام بحماه
{ المات بحبهم - هنياله }

•───✧◐◐◐◐✧───•
هنياله الخدمهم خالص النيه
وماينسه الحسين وكل غواليه
شفاعة ينال من فاطمة المرضيه
{ حسين واهله - يشفعوله }

•───✧◐◐◐◐✧───•
يشفعون الخدمهم نور ينطونه
وبالظلمه بحفرته مايخلونه
يوم الماينفعه أحد يحظرونه
{ حسين يحظره - وماينساه }

•───✧◐◐◐◐✧───•
هناك الماينفعك غير هالخدمه
أبشر يلخدمت حسين ابو اليمه
يوكفلك علي الكرار بالظلمه
{ بيدك هالخدمه - يخليها }

•───✧◐◐◐◐✧───•
ذره ماتضيع بخدمة الساده
ينطون الخدمهم بأكثر زياده
اولهم علي الكرار واولاده
{صك من الجنه - ينطونه }

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

قصيدة لدفن الحسين

من ديوان #مواجع_الطف_الجزء_الثاني

{ دفانه للحسين }

امشونه نروح دفانه للحسين
مايمه عراضه ولا امشيعين

•───✧◐◐✧───•

نمشي الكربله وبيدينه رااايات
عراضه نسوي يمه وبيها هوسات
شال ابن الهيابه وبالذبح مات
{{ هوسه برايات نسويها }}

•───✧◐◐✧───•

نشيع جثت حسين الشفيه
نواسي ام عون ونواسي الزچيه
ننصب فاتحه بالغاضريه
{{ اتصير اللطمه اعله الهامه }}

•───✧◐◐✧───•

مريوده الفواتح كون ننصبها
بااسم حسين والعباس نكلبها
وندخل كربله والروح نتعبها
{{ وحسين موذر ونوله }}

•───✧◐◐✧───•

نوصل كربله نعين ابنه هاليله
كل ميت اجوله احبابه وتشيله
بس حسين ماحظرو حماميله
{{ وحسين احبابه يشيلونه }}

•───✧◐◐✧───•

يستاهل نشيعه الما مشيعينه
برايات ولطم ننصب تعازينه
يامذبوح كلنه بصوت نادينه
{{ يلوك النوح اعله حسيني}}

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

#نصيحة

هذه الأيام صعبة على العزيزة الغالية قدوتنا سيدتنا العلوية بنت الأمير علي ع اللبوة زينب الحوراء ع

اخياتي الملايات قدمو التعازي والمواساة لها خلي تكون مجالسكم حزن ودموع وأنين وجزع العقيلة حيلها مهدود بفقد اعزازها كون نحس بوجعها ومصابها من نقره القصيدة نتمعن بيها نتخيل المصاب والسبي والحر والشمس وسجن الكوفة وسبي الشام ودخولهن للسوك الأكشر وقصر يزيد الملعون
وراها مصايب هواي يكسرن الظهر شيبنها وهدن حيلها ايام السبي 💔😭
عمت عيوني عليچ يالهاشمية ياغريبة يازينب 😭😭

كل مله كون هي تبدي بالنياحة والبكاء والجزع حتى المعزيات تاخذهن الرهبة والخشوع
مو المله تروح مصبغة وجهه مكياچ وتوريد عيب هذه الأمور خلي يصير عدنا حياء وعفة نحن بمحظر فاطمة واولادها
اهل البيت ساداتنا العظماء والعظمة لله كون نتأذب من ندخل مجلس الحسين ع

ندخل بأنكسار ونبرت صوتنا لايعلى احترامآ لأم الشهيد فاطمة الزهراء ع

#الملاية 👈🏻 كوني مخدرة بمعنى الكلمة اي عفيفة

#خادمتكم_ام_علي_الإمارة

@um_ali313

مشكور مولاي حبيبي حسين

نعي لدفن الحسين

من ديوان #مواجع_الطف_الجزء_الثاني

لسان حال مولاتي زينب تخاطب السجاد عندما ذهب لدفن الأجساد


يالتدفن اخيي وياه بهيده
اشتاكيت لبن امي واريده
وعليه كربله صارت بعيده

•───✧◐◐✧───•

يالتدفن الوليان تاني
ومصابهم والله عماني
مااحمل الفركه تراني

•───✧◐◐✧───•

نمتو على الغبره يوليان
بحر الشمس ماعدهم اكفان
بالشمس نومه اخواني الأحنان

•───✧◐◐✧───•

رش الكبر سجاد عمه
وبيديك صدر ابوك لمه
وياك جيب اتراب اشمه

•───✧◐◐✧───•

كلي يعمه شصار بيهم
والشمس غيرت معانيهم
يسجاد سلملي عليهم

•───✧◐◐✧───•

سمعنه الاخت لو راح اخوها
الناس كلهم يعزوها
تنصب المأتم يخلوها

•───✧◐◐✧───•

بس زينب الحره ولوها
تبجي اعله اهلهه ويأذوها
من النوح زينب يمنعوها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيدة عتب زينب والعباس
من ديوان #مواجع_الطف_الجزء_الأول

( لاتعتب عليه )

لاتـعتـب عليـه يـابـو فاضـل
غيرك ماكو والي يصير كافل

كوه اخذوني عنك
مـاخـلـوني يمـك

غيرك ماكو والي يصير كافل

•───✧◐◐✧───•

كوه اخذوني من يمك يكفال
اسيره وللغرب ماعندي رجال
بچيت ومدمعي عالوجن همال
حـرمـه وكلـفيـتـوني بـالعيـال

من النـاكه أودعك
لاتعتب على اختك

ذيـچ الساعه ردت الموت عاجـل
غيـرك ماكو والي يـصير كـافـل

•───✧◐◐✧───•

اودعك من على الناكه الهزيله
منعوني العده لشخصك اجيله
غصب اخذوني من يمك اليله
وعدوك يالولي يحرس العيله

تمنيت انت موجود
يلكـلـك وفـه وزود

على افراكك اصب الدمع هامل
غيرك ماكـو والي يصـير كافـل

•───✧◐◐✧───•

عزيز ومااحمل فركـاك تدري
غيابك يابو فاضل كسر ظهري
عكبك من يحاميني اعله خدري
والعـدوان مـاترحمنـي تـدري

بقت بس ذكرياتك
يـاهـيـبـة خواتـك

عمود البيت وسفه اليله شايل
غيرك ماكـو والي يصير كافـل

•───✧◐◐✧───•

كمر مطروح عفتك عـالوطيه
ومـاخلوني اجي يمك شويه
واجر اسهامهـم بثنين اديـه
ويم طولك يخويه انصب عزيه

اجيك بـونـه وبـنـوح
واضمدلك هالجروح

وتكوم وياي تسطرلي العايل
غيرك ماكو والي يصير كافل

•───✧◐◐✧───•

حـكـك يـالعزيـز تـريـد الـوداع
الأخت اخلاف اخوها توكع بساع
وشيلمه الشمل ياخويه لو ضاع
سفينه خلاف عينك مالنه شراع

الوكت والبين ضدنه
يـالـشايـل حـملـنـه

دمعي عالوجن ياخويه سايل
غيرك ماكو والي يصير كافل

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيده ثكيله رجاليه للأمام الحسين يوم الدفن

{ مستهل القصيدة }

بحصيره شلون ينشال
ابو ارقيه امن الأرمال
جسمه اموذرينه - وراسه امعلكينه
برمح رفعوه الأنذال

•───✧◐◐✧───•

الله يساعد السجاد من جاله
شافه اعله الأرض ومكطعه اوصاله
ابوه فوك الثرى وداسته الخياله
ثلث تيام محد غسله وشاله
الخنصر كاطعينه/وجسمه مرضرضينه
ولايمنه ولااشمال

•───✧◐◐✧───•

اجه السجاد محني يدفن حسين
لكه بجروح جسمه تراب والطين
كعد يمه ويشمه وتدمع العين
بيده ظل يلم اعضاء الحنين
حفرلحسين كبره/وكلبه اعليه جمره
دفن جسمه ابياحال

•───✧◐◐✧───•

سمعنه الي يموت اهله يحظروه
ويجيبون الكفن يمه ويغسلوه
وبس حسين راسه برمح رفعوه
وكت الدفن خد ماكو ويدفنوه
راسه برمح مرفوع/الخنصرمنه مكطوع
جسمه امكطع اوصال

•───✧◐◐✧───•

وعبدالله الطفل حطه اعله صدره
وصيت احسين ايريد ابنه بكتره
وسدهم علي وجر الف حسره
الله يعين كلبه اشتعل جمره
وسدهم هالأثنين /عبدالله والحسين
ودمع العين همال

•───✧◐◐✧───•

رَش كبر الحنين بدمعة العين
فوك الكبر كاتب والدي حسين
دفن جسمه وبقى يجهر بالونين
ابلا تغسيل يدفنهم الطيبين
يدفن اهله الحنان/رجع يم عمته حزنان
رجع يحجي للعيال

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

#فزاعيه_للحسين

#المستهل

فاتحت العزيز اتريد
ونات ولطم بيها

•───✧◐◐✧───•

كل ميت يشيلونه
للمغيسل يودونه
واهله بساع ايشيعونه
الجنازه مامعطليها

•───✧◐◐✧───•

چادر للعزه اينصبون
لميتهم عزه يخلون
بس حسين مامدفون
وجثته داسو اعليها

•───✧◐◐✧───•

يوجع يوم ابو السجاد
شالو راسه لبن ازياد
واخته تفر ادروب ابعاد
وتالي الشمر حاديها

•───✧◐◐✧───•

ماكو مثل قصْة حسين
ضل لا غسل لاتكفين
وسفه هذا ابن الزين
جثته اعداه امكطعيها

•───✧◐◐✧───•

يستاهل عزه منصوب
آيحسين يامحبوب
كلبي عليك ظل ايلوب
روحي الك افديها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313