نعي لدفن الحسين

من ديوان #مواجع_الطف_الجزء_الثاني

لسان حال مولاتي زينب تخاطب السجاد عندما ذهب لدفن الأجساد


يالتدفن اخيي وياه بهيده
اشتاكيت لبن امي واريده
وعليه كربله صارت بعيده

•───✧◐◐✧───•

يالتدفن الوليان تاني
ومصابهم والله عماني
مااحمل الفركه تراني

•───✧◐◐✧───•

نمتو على الغبره يوليان
بحر الشمس ماعدهم اكفان
بالشمس نومه اخواني الأحنان

•───✧◐◐✧───•

رش الكبر سجاد عمه
وبيديك صدر ابوك لمه
وياك جيب اتراب اشمه

•───✧◐◐✧───•

كلي يعمه شصار بيهم
والشمس غيرت معانيهم
يسجاد سلملي عليهم

•───✧◐◐✧───•

سمعنه الاخت لو راح اخوها
الناس كلهم يعزوها
تنصب المأتم يخلوها

•───✧◐◐✧───•

بس زينب الحره ولوها
تبجي اعله اهلهه ويأذوها
من النوح زينب يمنعوها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيدة عتب زينب والعباس
من ديوان #مواجع_الطف_الجزء_الأول

( لاتعتب عليه )

لاتـعتـب عليـه يـابـو فاضـل
غيرك ماكو والي يصير كافل

كوه اخذوني عنك
مـاخـلـوني يمـك

غيرك ماكو والي يصير كافل

•───✧◐◐✧───•

كوه اخذوني من يمك يكفال
اسيره وللغرب ماعندي رجال
بچيت ومدمعي عالوجن همال
حـرمـه وكلـفيـتـوني بـالعيـال

من النـاكه أودعك
لاتعتب على اختك

ذيـچ الساعه ردت الموت عاجـل
غيـرك ماكو والي يـصير كـافـل

•───✧◐◐✧───•

اودعك من على الناكه الهزيله
منعوني العده لشخصك اجيله
غصب اخذوني من يمك اليله
وعدوك يالولي يحرس العيله

تمنيت انت موجود
يلكـلـك وفـه وزود

على افراكك اصب الدمع هامل
غيرك ماكـو والي يصـير كافـل

•───✧◐◐✧───•

عزيز ومااحمل فركـاك تدري
غيابك يابو فاضل كسر ظهري
عكبك من يحاميني اعله خدري
والعـدوان مـاترحمنـي تـدري

بقت بس ذكرياتك
يـاهـيـبـة خواتـك

عمود البيت وسفه اليله شايل
غيرك ماكـو والي يصير كافـل

•───✧◐◐✧───•

كمر مطروح عفتك عـالوطيه
ومـاخلوني اجي يمك شويه
واجر اسهامهـم بثنين اديـه
ويم طولك يخويه انصب عزيه

اجيك بـونـه وبـنـوح
واضمدلك هالجروح

وتكوم وياي تسطرلي العايل
غيرك ماكو والي يصير كافل

•───✧◐◐✧───•

حـكـك يـالعزيـز تـريـد الـوداع
الأخت اخلاف اخوها توكع بساع
وشيلمه الشمل ياخويه لو ضاع
سفينه خلاف عينك مالنه شراع

الوكت والبين ضدنه
يـالـشايـل حـملـنـه

دمعي عالوجن ياخويه سايل
غيرك ماكو والي يصير كافل

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيده ثكيله رجاليه للأمام الحسين يوم الدفن

{ مستهل القصيدة }

بحصيره شلون ينشال
ابو ارقيه امن الأرمال
جسمه اموذرينه - وراسه امعلكينه
برمح رفعوه الأنذال

•───✧◐◐✧───•

الله يساعد السجاد من جاله
شافه اعله الأرض ومكطعه اوصاله
ابوه فوك الثرى وداسته الخياله
ثلث تيام محد غسله وشاله
الخنصر كاطعينه/وجسمه مرضرضينه
ولايمنه ولااشمال

•───✧◐◐✧───•

اجه السجاد محني يدفن حسين
لكه بجروح جسمه تراب والطين
كعد يمه ويشمه وتدمع العين
بيده ظل يلم اعضاء الحنين
حفرلحسين كبره/وكلبه اعليه جمره
دفن جسمه ابياحال

•───✧◐◐✧───•

سمعنه الي يموت اهله يحظروه
ويجيبون الكفن يمه ويغسلوه
وبس حسين راسه برمح رفعوه
وكت الدفن خد ماكو ويدفنوه
راسه برمح مرفوع/الخنصرمنه مكطوع
جسمه امكطع اوصال

•───✧◐◐✧───•

وعبدالله الطفل حطه اعله صدره
وصيت احسين ايريد ابنه بكتره
وسدهم علي وجر الف حسره
الله يعين كلبه اشتعل جمره
وسدهم هالأثنين /عبدالله والحسين
ودمع العين همال

•───✧◐◐✧───•

رَش كبر الحنين بدمعة العين
فوك الكبر كاتب والدي حسين
دفن جسمه وبقى يجهر بالونين
ابلا تغسيل يدفنهم الطيبين
يدفن اهله الحنان/رجع يم عمته حزنان
رجع يحجي للعيال

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

#فزاعيه_للحسين

#المستهل

فاتحت العزيز اتريد
ونات ولطم بيها

•───✧◐◐✧───•

كل ميت يشيلونه
للمغيسل يودونه
واهله بساع ايشيعونه
الجنازه مامعطليها

•───✧◐◐✧───•

چادر للعزه اينصبون
لميتهم عزه يخلون
بس حسين مامدفون
وجثته داسو اعليها

•───✧◐◐✧───•

يوجع يوم ابو السجاد
شالو راسه لبن ازياد
واخته تفر ادروب ابعاد
وتالي الشمر حاديها

•───✧◐◐✧───•

ماكو مثل قصْة حسين
ضل لا غسل لاتكفين
وسفه هذا ابن الزين
جثته اعداه امكطعيها

•───✧◐◐✧───•

يستاهل عزه منصوب
آيحسين يامحبوب
كلبي عليك ظل ايلوب
روحي الك افديها

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

قصيده ثقيله لدفن الاجساد
من ديوان #مواجع_الطف_الجزء_الثاني

{ عمه هنا يسجاد }

عمه اهنا يسجاد // وين ادفنت الاجساد
لم اعظامهم زين // ودور خنصر حسين
عمه اهنا يسجاد عمه اهنا يسجاد

•───✧◐◐✧───•

دور زين ياعمه عليهم
اوصال اوصال عمه امذبحيهم
دشوف ابياكتر مشموره اديهم
عليهم تدمع العين // وصل گلهم مگطعين
عمه اهنا يسجاد عمه اهنا يسجاد

•───✧◐◐✧───•

اخبرك ياعلي السجاد عمه
من تدفن جسد عباس لمه
خلي اجفوف أديه ياعمه يمه
لم اوياه الأيدين // عالج ظربة العين
عمه اهنا يسجاد عمه اهنا يسجاد

•───✧◐◐✧───•

والشبان عمه احفر كبرهم
علي الاكبر وجاسم ياعمرهم
موزين الگبر عمه ويظرهم
وسّدهم هالاثنين // علي وجاسم الحلوين
عمه اهنا يسجاد عمه اهنا يسجاد
•───✧◐◐✧───•

يعمه والرضيع اوياك وسده
اعله صدر حسين ياعمه تسنده
صعبه ادري عليك وهايه شده
هذه وصية حسين // ننفذهه وعلى العين
عمه اهنا يسجاد عمه اهنا يسجاد
•───✧◐◐✧───•

من تدفن ابوك ابهيده وياه
ترى اعظام العزيز امكطعه احاه
لم اشلاء صدره وخنصره اوياه
اولاتنسه الجفين // تكله وتدمع العين
عمه اهنا يسجاد عمه هنا يسجاد

•───✧◐◐✧───•

هذه اخر وصيه اسمعها مني
من تدفن ابوك احجيله عني
وكله اميسره وشامت شتمني
أسيره وتدمع العين // كله بويه يحسين
عمه اهنا يسجاد عمه اهنا يسجاد

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

هذه القصيدة 👆🏻👆🏻كل سنة اقراها ومن اقراها تصير بالمجالس جزع وبكاء احسبها من القصائد التراثية اقروها باچر بدفن الأجساد لأن القصيدة متسلسله عن دفنهم كلهم 😭😭💔💔

ماهو طريق الحسين عليه السلام؟

(ياليتنا كنا معكم) لست مجرد كلمة تقال
صحيح نلهج بها دئما فهل نعرف معناها؟

الرواية التي تثبت قطع رجلي العباس ع

ديوان مواجع الطف جزء الثامن توفر بالمكاتب ملاياتنه الغوالي سارعو بالحجز قبل لايخلص من اقرب مكتبه يمكم حجزي او من الرقم الموجود 👇🏻👇🏻👇🏻


07716141152 بصرة عشار

0783 253 5076 نجف

07711395580 بغداد كياره

07806772872 حله

07808201784 ناصريه

07803379535 ميسان

0783 017 7501 بصره

07602403290 كربلاء

0783 611 1239
ناصريه شطره


جميع الأجزاء لمواجع الطف متوفره عند المكاتب التريد تحجزهم كلهم او نسخ منوعه براحتكم متوفرات سارعو بالحجز دواووين متتفوت 🔥

قصيدة موشح لشجاعة السيدة زينب
#الى_هيئة_عقيلة_الطالبيين

{ بت حيدر علي }

بت حيدر علي وخيرة النسوة
اميرة بت علي يسموهـا لبوة

•───✧◐◐✧───•

اميرة وذلت ايزيد بمقامـــه
چن حيدر علي اليحجي بكلامه
زينب لوحچت تنطني العلامه
من القرآن ادلتها وتقره

•───✧◐◐✧───•

ماذلت ابد زينب امـيـــره
خلت كوم أميه باألف حيره
يشوفوها مره لكن چبيــره
چبيره بالعقل هالحره تسوه

•───✧◐◐✧───•

زينب ثوره قادتها بشجاعــه
رغم المّر عليها من الجماعه
چن حيدر بوكفاته وطباعـــه
تدور عاليتامه وعله الفقره

•───✧◐◐✧───•

بثورتها العظيمه قادة اجيال
ماهمها الأسر ماهمها الأحبال
رسالـه ورادت تكملـها للأآل
بحشمتها وصبرها اصنعت ثوره

•───✧◐◐✧───•

ذلت كوم أميه من صبرها
رغم المّـر عليها ماكسرها
لـلـه سلمت زينب أمـرها
ودين الله اعتله بنحور الأخوه

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

اهدي ثواب عملي الى مولاي صاحب الزمان عج

https://www.tg-me.com/um_ali313

نعي للسيدة زينب لغربتها لمرقدها الخالي من الزوار


تكووول زينب …..

الليله اصبحت ماعندي زوار
ومامش حبايب يجن خطار
ولانـايحــه وتــنوح بالـدار

•───✧◐◐✧───•

ظلمه صفـت داري وخليه
غريبـه وهلي بعدو عليــه
واحباب كلبي اكطعو بيـه

•───✧◐◐✧───•

يزوار لتكطعون كطعـــه
عيني لدربكم تصب دمعه
احبكم وحك امي البضعه

•───✧◐◐✧───•

انه امتانيه وعيني لدربكم
يهل الحميه امتانيتكــم
من حسين جيبولي عطركم

•───✧◐◐✧───•

ضلت تون روحي حزينه
انه ورقيـه مــن يجينـه
والشام مكلوبــه علينه

•───✧◐◐✧───•

انسر چنت مــن تزوروني
واكول الحبايب مانسوني
من ابعيد اتعنو واجوني

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

قصيدة لشجاعة السيدة زينب
من ديوان #مواجع_الطف_الجزء_الثاني

{ يبت حيدر }

يـبت حيدر / ثوره وهزت الكون
هيبـه وخلت اعداهـــا يرجفون

•───✧◐◐✧───•

بت حيدر شجاعه وما تطخ راس
مثل عباس اخوها الكله نوماس
هزت جيش آميه اخت عباس
{{ بت حيدر هيبه / يعرفوها }}

•───✧◐◐✧───•

محد يوصل لزينب وطاريها
يهاي معدله واربات واليها
يخسه الكال زينب عالو اعليها
{{ وبعين الباري / محروسه }}

•───✧◐◐✧───•

هاي الماتهاب يزيد واعوانه
زينب دخلت الديوان حزنانه
لكن ماظهر عالوجه الوانه
{{ ذلته ايزيد / بديوانه }}

•───✧◐◐✧───•

زينب ماحچت وياهم حچايه
بت فحول هيه مفسره الآيـه
مستصغره يزيد وزمرته هوايه
{{ ماطخت راس / السلطانه }}

•───✧◐◐✧───•

يسلطانه ويلبوه والصبر عنوان
يالماهمها صوت اعداها بالديوان
زينب قائد وتحچي الحچي بميزان
{{ چن حيدر / ويرد عدوانه }}

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيدة جنوبيه لشجاعة زينب
من ديوان
#مواجع_السجين_الجزء_الأول

{ يسلطانــه }
يسلطانــه .. يابنت اليرهبون
يل خليتـي عدوانچ يرجفون

•───✧◐◐✧───•

شجاعة حيدره بشخصچ يعلويه
ذليتـي يزيد وكل بنـي ميــه
بكلمة حق فنيتي الظلم تاليه
{ چن حيدر حاظر / باافعاله }

•───✧◐◐✧───•

يسلطانه وشجاعة وماتخافين
حاربتي الظلم وانشرتي للدين
مثل اخوانچ الضحو قرابين
{ ضحيتي اولادچ / بالساحه }

•───✧◐◐✧───•

ماهزچ الظيم البيچ واللوعه
رغم اچفوف اخييچ بقت مكطوعه
وكل الصار بيچ وعشتي مرفوعه
{ شامخ راسچ / ماذليتـي }

•───✧◐◐✧───•

بت حيدر اميره وماتذليــن
انتي اخت النشامه والسلاطين
كل همچ يزينب نصرة الدين
{ ايزيد وكومه / ذليتيه }

•───✧◐◐✧───•

تسوين الزلم كلها يعلويه
يالموزون حچيچ بالعداليه
بت حيدر فخر واربات نشميه
{ بنت العلويه / معروفه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

هوسات جنوبيه للسيدة زينب ع

#جديد_لمرقد_العقيله

موجوع الگلب يم عون عالمرقد
مانرتاح وانتي صحنچ مهدد
نحس بيچ السبي كل يوم يتجدد
مندومين / مو شيعه اليحرسوچ
بني سفيان عالمرقد يحيطوچ
اشكال الحچي وسفه يسمعوچ
{ من داسو صحنچ / اذونــه }

•───✧◐◐✧───•

وسفه لحضرت اخت حسين طبوها
كفر وأرجاس ميرحمون ياذوها
شمات وعليها العين داروها
حسافه تعود / بيها لوعة الشام
كبال عيونها يشمتون ظلام
ياظيم الرجس لساتـه عالهام
{ الظيم البيها / ماتنساه }

•───✧◐◐✧───•

ناوين السبي لزينب يردونه
ومرقدها بقذايفهم يفجرونه
واسمها بسوريه من الكاع يمحونه
ابد والله / ماننساچ يم عون
اذا مسو ضريحچ لو يفجرون
غضب ينزل عليهم خل يسمعون
{ والحجه يهد / بصولاته }

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

اخواتي الغاليات نزلت لكم قصائد لشجاعة العقيلة اقروهن بالمجالس مولاتنا زينب ع شجاعة وتستحق كل الگول والقصائد الشجاعية افتخارية رغم مصيبتها مادنكت راسها فدوه رحت لتراب المشت عليه

اختكم ام علي

مـاادور ذهب لا مــال لاشهره
ادور بس خدمتك اكتب واقره

حبيبي حسين

#ام_علي_الأماره

قصيدة مأسات زينب بالسبي
من ديوان #مواجع_الطف_الجزء_الثاني

{ ومن ياظيم }

ومن ياظيم - زينب صاحت آحاه
چثيره جروحها واتصيح ويـلاه

•───✧◐◐◐◐✧───•
من يافجعة لطمة على الراس
اظن بيوم كطعو زند عباس
ضلت حايره ومگطوعه الانفاس
((ومن ظيم اعداها / موجوعه))

•───✧◐◐◐◐✧───•
من ياظيم صاحت حيل مابيها
من هظم العليها وفكد اهاليها
لو من فكدت الخوان تاليها
(( واحا يالراحت / بالهيمه ))

•───✧◐◐◐◐✧───•
من موتت رقيه وحال العليل
لو من گالو امشي ونطلع ابليل
ضلت حايره ومهدمه الحيل
(( وشلون تروح / بلا والي ))

•───✧◐◐◐◐✧───•
لو من گعدت الديوان اذوها
وطبت مجلس الملعون خلوها
وماعدها ولي والروس شالوها
(( والراس بسوط / يضربونه ))

•───✧◐◐◐◐✧───•
گل الاه الج يازينب الحره
شفتي جم مصيبه ونايبه المره
والأزيد والأشد سبوها للزهره
(( بنتك ياحيدر / هظموها ))

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

#جديد_محرم_2025

#متوفر_حاليآ

كتاب منهج الخطيبات
لمجالس قتيل العبرات
#الجزء_الثاني

👈🏻 خاص بالمحاضرات

لمجالس شهر محرم وصفر من يوم العاشر الى الشام

المحاضرات للشيخ عقيل الحمداني
رثـاء النعي للشاعرة ام علي الاماره

اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش

للطلب او الاستفسار
07832535076

https://www.tg-me.com/hrmrm7