قصيدة ثكيله لأولاد مسلم ع

من ديوان #مواجع_الطف_الجزء_الثالث

{ قصيدة المستهل }

فريت السلف ماحصلتهم
حلوين المعاني ضيعتهم
أبراهيم وأخيه - ضاعو من أديه
فريت السلف ماحصلتهم

•───✧◐◐◐◐✧───•
كل يوم الصبح اكعد واتاني
ماواحد من اولادي اجاني
آآيفراكهم سلني وكضاني
كتلني فراكهم حيل
ابد مانايمه الليل
ليام الكبر ولدي ردتهم

•───✧◐◐◐◐✧───•
ضيعت العمر وأحله الليالي
بقيت اخلافهم مشدوه بالي
عيوني من الدمع ضلت تلالي
تصد عيني عله الباب
مــا اتحمل غيــاب
صحت بصوت مااحمل هجرهم

•───✧◐◐◐◐✧───•
لـو ونيت مــاينفع ونينـي
وتعمه خلافهم ياناس عيني
عليهم كل وكت زايد حنيني
احن ليام راحن
ويه اولادي ماتن
الدنيه بساع من ايدي خذتهم

•───✧◐◐◐◐✧───•
عين الما اشوف اولادي بيها
عساها بالعمه وزايد بچيها
ولا نور وضوه كون اليجيها
ذبلانه من الدموع
تذرف مثل الشموع
عميه تصير لوما شاهدتهم

•───✧◐◐◐◐✧───•
ضلت بس صورهم عالحياطين
شالو من وكت عـنـي العزيزين
ماخذهم زماني وين لاويـــن
شالو للمكابر
بقيت انه اكابر
المنيه بساع عن عيني لفتهم

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

علمو بناتكم على لبس السواد وحظورهم بالعزاء معاكم وين متروحين اخذيها وياج للعزاء وخليها تتعلم على الخدمة من الطفولة خليها توزع المي بالمجلس وخليها تقدم المناديل للجالسات انها تمثل السيدة رقية بنت الحسين ع

جهزي لبنتك ملابس حسينية تليق بيها مع عبائة خلي تحس بالمسؤلية من الطفولة

✍🏻خادمتكم ام علي الإماره

صلاة بيوم المباهلة
تقضي إلك حوائج الدنيا والاخرة

+ اعمال هذا اليوم 👇

العمل الأول :  الغسل

ملاحظة : هذا الغسل لا يغني عن الوضوء

العمل الثاني : الصيام

العمل الثالث :  صلاة قضاء الحوائج

الي يصلي هذه الصلاة يحصّل ثواب مئة الف حجّة وعمرة ويقضي له رب العالمين حوائج الدنيا والآخرة

وقتها قبل اذان الظهر بنص ساعة

الصلاة ركعتين تقرأ في كل ركعة 👇

سورة الحمد + سورة التوحيد ( ١٠ )
+ آية الكرسي ( ١٠ )  + سورة القدر (١٠ ) 

العمل الرابع : دعاء المباهلة

العمل الخامس : قراءة الزيارة الجامعة

طبعا الإستغفار والتوبة والإكثار من الصلاة على محمد وآل محمد والصدقة وإدخال السرور على المؤمنين من أعمال هذا اليوم المهمة أيضا

#هوسات_زهرائيه

لخادمات خيمة عزاء اهل البيت التابعة لقناتي ام علي الأماره

{ خيمة العزاء }


بخيمتها الزچيه هنااك تجمعنه
وتنصب ماتم المظلوم وتلمنه
وتقره بصوتها الزهره وتفجعنه
{الزهره اهناك التقره / واحنه النلطم وياها}

{ وام عون ويانه / تحظر بالعزه }

•───✧◐◐✧───•

نفس الخيمه هايه هناك نلكاها
وبيها ام الحسن وام عون وياها
ونفس الخادمات الخذن مسراها
{ونلتم كلنه بخيمة / والزهراء التحمينه}

[والزهره تحمينه / كلنه نلوذ بيها]

•───✧◐◐✧───•

نلوذ بصاية الزهره وعبايتها
بيوم المحشر ادخلنها جنتها
دنيا واخره نعيش بحمايتها
{هناك الزهره تصيحچ / يالونيتي اعله المظلوم}

{ لحسين ونيها / ونت فاطمه }


•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

#حصريآ

قصيدة لبداية محرم

{ حضرنه لمحرم }

حضرنه لمحرم كلشـي بينــه
دمع العيــن وثـياب العلينـه

•───✧◐◐✧───•

ثياب السود نلبسها عله حسين
نحزن والحـزن ويانـه شهريــن
نلطم بالمجالس تدمع العيــن
عهد لم الحسن كلنه نطينــه

•───✧◐◐✧───•

نبچي اعله البقه عالغبره عاري
ثـلث تيـام جسمه بـالصحاري
شهرين اللطم لمصابه جـاري
مانكطـع الـونـه ولا بـچـينـه

•───✧◐◐✧───•

من اول يوم تبدي الونه والآه
من سار الضعن صحناله ويلاه
وصـلو كربـلـه وعـيـالـه ويـاه
نواسـي ام عون من صارت حزينه

•───✧◐◐✧───•

كبـار ازغـار نتـحظر لعـاشـور
من قبل المصاب بعدة شهور
ونحظر قصايـد لطمـة الشـور
ونـجـزع باللطم نكسر ادينـه

•───✧◐◐✧───•

وهاي ضلوعـنه نكسرها كسرات
على امصاب الجره للفاطميات
للشافن اخيهـن عـالثـره مـات
قليل الي نقدمه لـبو سكينــه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

ملاكاة لأستشهاد القيادات من الشيعة الذين ضحو بأنفسهم لأجل الحق على الباطل

{ قيادات العراق وايران ولبنان }

#جديد-حصريآ🔥💔

يدنيه شبيچ - بالقاده تميلين
كل يوم بمصيبة طاكنه البين
{ توجع يالبين - وطكاتـه }

•───✧◐◐✧───•

مربع كون - يـاثار القيادات
تاخذ بي يكون المرجعيات
{ فتوى اعله الثار - يسووها }

•───✧◐◐✧───•

نناشدكم يقادة - وين ماشين
يرجال الحرايب يــا شياهيـن
{ ارجال الزينه - اخسرناها }

•───✧◐◐✧───•

سمعنه اليوم - قائد بالحرب مات
حك تطلع الشيعة اعليه عراضات
{ تلوك الونـه - اعله امصابـه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

أن شاءلله الثباث والتوفيق لخدمة الحبيب
مع المواجع الى مواجع شهر الأحزان

راح يهل شهر بي لوعة بي كسره
وضلوع حسين باچر جوه الخيل منعصره


خادمه الحبيب الملا ام سيف الدين
https://www.tg-me.com/ma_x72w

للحجز @mahde84bot