#حصريآ_جديد🔥🔥

قصيدة جنوبيه ليلة الوحشه

{{ ونريدله وساده }}

حسين اعله الترب - ويريدله وساده
خلتحظر عمـامـه و تحظر الساده

•───✧◐◐✧───•

خلتحظر الساده شيخهم نايم
عالتربان جسمه طشره الظالم
يحظرونه هله وين اهل العمايم
{ مطشر جسمه - يلمونـه }

•───✧◐◐✧───•

يشيلون العميد الطاح عالغبره
يجيبوله چفن وتفصله الزهره
ويم راسه تجي وتنوحله بعبره
{ امه بهل ساعه - تبچي عليه}

•───✧◐◐✧───•

ياساده الحسين يريدلـه اخــوان
تحظرله العشيره ويجي الدفان
ويشيلون جسمه لفوك تربان
{ من التربان - يشيلونه }

•───✧◐◐✧───•

اسمعنه الي يموت اهله يحظرونه
فوك جتافهم والروس يخلونــه
بس حسين بالخيل ويدوسونـه
{ مطشر ليش - يخلونه }

•───✧◐◐✧───•

دم وتراب صاير جسم ابو سكينه
وزينب من اجت ماعرفته وينـه
احلفك بالزچيه تصيح رد لينـه
{ احمولي بعوزك - يالوالي }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
لايجوز حذف براء الذمه من القصيده

https://www.tg-me.com/um_ali313

نعي ندبه لطلب الشفاء
من مولاتي فاطمة الزهراء ومن فاطمة بنت الحسين العليله


لو مسنه المرض نندب الزهره
منچ نكلها نريد نضره
نحلفها بأبنها وكطع نحره


تشافينه وتحن علينه
ندريها بالشده تجينه
على احبابها امنه حنينه



ماينفع دوه ولافاد دكتور
كتلنه المرض وكلوبنه تفور
ومجبل علينه شهر عاشور


تعبنه المرض مابينه حيله
وارواحنه صارت نحيله
نشكي الهظم يم العليله


عليله وتحن اعله العليلات
تزيح المرض ماتظل ونات
تشافي يكون الخادمات


اليوم المرض كثران كثران
ونريد وكفه من ام الأحزان
تمد ايدها اعله الضال وجعان


بقلم ام علي الإماره

https://www.tg-me.com/um_ali313

#نعي حزن القلب ..😭💔
اه يامولاتي يازينب

للضيخ مريوده الحبايب
انا الضليت ماعندي كرايب
وتكاثرن بيــه المصايب

•───✧◐◐✧───•

عليله اصبحت والظيم حالي
بعازت ولي ومابقى والي
منهم صبح يابيتي خالي

•───✧◐◐✧───•

باب الهظم ياهو اليسده
والظيم عالهامـــه تعده
والوكت مامنطينه مده

•───✧◐◐✧───•

كلبي شبع لوعه وهظايم
من غربو اهل العمايم
شيعود حلوين الجهايم

•───✧◐◐✧───•

شيعودهم صارو بعيدين
اهلنه المشو كلهم حنينين
عن عيني هلي صارو مغيبين

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

أعلنو الحداد وانشرو السوداء فأن محرم قد اتى

من حسينية سفينة النجاة أاهلي وعمامي

موفقين لهذه الخدمة المباركة

الى كل مله ورادود وشاعر وشاعره حسينية ان يبحث ويقرأ عن روايات أهل البيت ع الصحيحه كي يقدم خدمة صحيحه مقبوله عليه ان يسعي ويتعب بالبحث فاليوم جبتلكم قناة بدون تعب تحصلون بيها كل شيء

تعالو معي لقناة 👇🏻👇🏻

الخطيب الحسيني المحقق والباحث التاريخي الشيخ عقيل الحمداني
القناة تعنى بنشر ابحاثه ومحاضراته

https://www.tg-me.com/Akeelalhamadany

https://www.tg-me.com/Akeelalhamadany

قصيدة للحسين(للحوائج)
تنقره بالطور السريع والفزاعي

من ديوان #مواجع_الطف_الجزء_الأول


مريضه وجايه لحسين
بس هــوه اليشافينــي

•───✧◐◐✧───•

حرت ياباب ادكنه
وچم دكتور اكصدنه
ابد ماحصلت منه
بس انت التداويني

•───✧◐◐✧───•

متعنيه لضريحك جيت
بالعتبه اكعدت وبچيت
يمك يالحنين اشكيت
بلهم خلصت اسنيني

•───✧◐◐✧───•

الطاح بشده واتعناك
ماخاب الذي ينخاك
يلهج بيك وبطرواك
بيك امأمنه تحميني

•───✧◐◐✧───•

غيرك ماالي يحسين
بس يمك بچيت العين
وامرادي اريده الحين
وكل احساس متردني

•───✧◐◐✧───•

مجرب لليندبك دوم
يا عطشان يامظلوم
حيلي من المرض مهدوم
ثوب العافيه البسنــي

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

كونو بأنتظار قصيدة جديدة خاصة للبنوتات الصغار وهم يواسوون السيدة رقية بمصاب والدها الحسين ع

قصيدة مواساة للسيدة رقية ع

هذه القصيدة تقراها المله بجمع البنوتات الصغار تخليهم بنص الميدان وتقراها الهم بطور الشور حتى تكون سهله عليهم

{ مستهل القصيدة }

اجينه وياچ نلطم هالمسية
حسبينــه خواتچ يـا رقيــه

•───✧◐◐✧───•

خواتچ كلنه جينـه انوح وياچ
ننطيچ الوعد نمشي اعله مسراچ
يابنت الحسين ومحله ذكراچ
نحلف بيچ وانتي ام القضيـه

•───✧◐◐✧───•

نواسيچ بأبوچ وكطع نحــره
ندري بالكلب نـارچ مــسعره
جينه ويـاچ بينه الحزن كثـره
هاي ادموعنه لجله جريــه

•───✧◐◐✧───•

اليوم وياچ جينه ندك المتون
نجري ادموعنه ونعميها العيون
الله يعين كلبچ شفتي شلون
مذبوح الولي الكلـه حميـه

•───✧◐◐✧───•

بعينچ شفتي دم نحره على الكاع
شكلتي يارقيــه عالولي الساع
فـاركتـي عزيزچ حـلـو الأطباع
حكچ من مشيتـي وياه سويـه

•───✧◐◐✧───•

لطمتنه نشدها ندك الصدور
عالمذبوح ابوها بشهر عاشور
نساعدها الكلبها هواي مجمور
وتالي باليسر راحـت سبيـه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

قصيدة لهلال محرم وزن بحر الطويل
من ديوان #مواجع_الطف_الجزء_الثالث

{ مستهل القصيدة }

الصادق من يهل عاشور - يشتد حزنه وآلآمه
وينصب ماتمه لحسين - ويلطم حيل علهامه

•───✧◐◐◐◐✧───•

ليل انهار يبچي اعليه الصادق زادت احزانه
يتذكر مصاب حسين ودمع عيونه جريانه
ينوح بكل الم ويكول مارحموه عدوانه
عشر خيول داسنه جدي ورضو اعظامه

•───✧◐◐◐◐✧───•

وناته تفت بالروح يبچي صادق العتره
للمطروح فوك الكاع جده الكسرو صدره
والعالم تجي تعزيه وتكثر بالعزه العبره
من كثر الحزن والآه ينزع حتى العمامه

•───✧◐◐◐◐✧───•

يكول الصادق بحقه حي حسين عند الله
ابچي لقصته ويومه واذكر ذبح عبدالله
بذاك اليوم والساعه ظل يلهج بذكر الله
والله رافعه وعلاه جدي تشهد ايامه

•───✧◐◐◐◐✧───•

بروايات الحديث يكول صادق يحچي للشيعه
حسين يشوف زواره وكلمن منهجه يطيعه
يسجله بدفتره خادم بدفتر أمه الوديعه
ويلكه هناك بالجنه نعيم محققه احلامه

•───✧◐◐◐◐✧───•

يهنياله النصب ماتم لجدي ويذكر مصابه
يواسي فاطمة الزهره باابنها السلبو ثيابه
وبولاده الكضو بالطف كلها وجملة اصحابه
شفيعتكم تصير هناك زهره بيوم لقيامه

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

أعلنَ مكتبُ سماحة السيد السيستاني (دام ظلّه) في النجف الأشرف أن يوم غدٍ الجمعة المصادف (٢٧-٦-٢٠٢٥م) هو الأول من شهر المحرّم الحرام لعام ١٤٤٧ للهجرة، ونسألكم الدعاء .

#وفاء_للحسين
#السيد_السيستاني

لم يشهد التاريخ ملحمةمنذ ان خلق الله ادم بمثل معركة كربلاء

من برنامج الروضة الحسينية
سماحة الشيخ ذكر كتاب منهج الخطيبات هنيئاً للخادمات بـالكتاب موفقين ان شاءالله اخواتي العزيزات

نعي الهلال دخول محرم
من ديوان #مواجع_الطف_الجزء_الثالث

حديث گوریز

قيل للإمام الصادق (عليه السلام) : سيدي جعلت فداك إن الميت يجلسون له بالنياحة بعد موته او قتله واراكم تجلسون انتم وشيعتكم من اوّل الشهر بالمأتم والعزاء على الحسين (عليه السلام) فقال (عليه السلام) : يا هذا اذا هلّ هلال المحرّم نشرت الملائكة ثوب الحسين (عليه السلام) وهو مخرّق من ضرب السيوف وملطّخ بالدماء فنراه نحن وشيعتنا بالبصيرة لا بالبصر فنتفجر دموعاً . 
وغاب بعض اصحاب الصادق (عليه السلام) عنه ليلة من الليالي فسأله عن غيابه وكان ذلك الرجل منصرفاً الى تعزية الحسين (عليه السلام) عند بعض اصحابه فقال (عليه السلام) : اين كنت البارحة قال : في شغل بدا لي ولم يذكر له مأتم الحسين (عليه السلام) اشفاقاً عليه . 
قال (عليه السلام) : كنت في مجلس الحسين (عليه السلام) فخشى الرجل ان يقول لا قال : نعم ، قال (عليه السلام) : هل عثرت بشيء في الباب عندما اردت الخروج ، قال : نعم عثرت بثوب ، قال (عليه السلام) : ذلك الثوب ثوبي وربّ الكعبة ، فبهت الرجل وقال : سيدي كيف تجلس في الباب وانت ابن رسول الله (صلى الله عليه وآله وسلم) وأشرف من على البسيطة ولم لا تتصدّر المجلس ، فان لكم صدور المجالس ، قال (عليه السلام) : كيف اتصدّر فيمجلس وجدي رسول الله وابي أمير المؤمنين وأمي فاطمة في صدر المجلس . 
ثم بكى الإمام (عليه السلام) وبكى من كان حاضراً وقال (عليه السلام) : رحم الله تلك المجالس التي يحيى فيها امرنا ،اما اني لأحبّها . 
نعم يحبّون المجالس ويجلسون بها ولو كشف لكم لرأيتموهم لابسين ثياب الحزن والأسى خصوصاً مولاتنا فاطمة (عليها السلام) ، وكأني بها ……


يشتد الحزن من يبدي عاشور
قميص ابني انشره بدمع منثور
وابچي لحالته والضلع مكسور

•───✧◐◐◐◐✧───•
احظر واون لمصاب الحسين
واحظر عزاكم يالموالين
من البواچي عاميه العين

•───✧◐◐◐◐✧───•
يم باب الحسينيات اكعد
واشوف التون وياي وتعد
على ابني العزيز الشال وابعد

•───✧◐◐◐◐✧───•
واما عن حاله مولاتي زينب عندما رأت الهلال وصااااحت


هلت عيوني بجيت الهلال
مخسوف شفته والدمع سال
وحمل ضعنه وللسفر شال

•───✧◐◐◐◐✧───•
هل الهلال ورجف كلبي
يادمعتي بهل اليوم صبي
بدمعه رفعت ايدي لربي

•───✧◐◐◐◐✧───•
ضليت بس احچي اويه روحي
وخفت اعله اخوتي وزاد نوحي
بهذا الشهر تكثر جروحي

•───✧◐◐◐◐✧───•
يروحي استعدي للبواچي
تفكدين حلوين المحاچي
وماتبقى منهم بس خواچي

•───✧◐◐◐◐✧───•

هل الشهر وانه نظرته
وحسيت بلهم لمن شفته
ياخذ هلي كلهم عرفته

•───✧◐◐◐◐✧───•
يهلال المصايب يوم هليت
بكلبي جرح صوب اهلي خليت
كبلهم ردت ميته تمنيت

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

نرحب بخادمات الحسين ع وبناتنا المهدويات بوجودهن معنا بقناة جنة فضائل اهل البيت ع
قناة مميزة وهادفة لنشر العلم والمعرفة واقوال اهل البيت والتوعية

ابد لتنرددين اشتركي عبر الرابط واستفيدي من المعلومات

https://www.tg-me.com/jinitfi

https://www.tg-me.com/jinitfi

هذه قناتي 👆🏻👆🏻اشتركو بيها اخواتي العزيزات راح تفيدكم كلش اني انشر بيها والمنشورات كلها موثوقه

خادمتكم ام علي الإماره

⚫ نصائح ذهبيّة للتّهيؤ المعنويّ للذهاب إلى المجالس..

١. الإخلاص في النّية عند الذّهاب للمجلس ولا يكون لأغراض دنيويّة بل للاستفادة والعِبرة والعَبرة..

٢. الدُّعاء والرَّجاء من اللَّه أن يجعل أمنياتك وأهدافك تُطرح على لسان الخطيب..

٣. البقاء حتّى آخر المجلس للتّأمين (قول آمين) على دعاء القارئ أو الخطيب حتّى يشملك تحقّق الدّعاء..

٤. الاسترخاء لمدّة دقيقتين بعد انتهاء دعاء الخطيب وطرق الرّأس للأسفل وإغماض العينين حتّى تدعو اللَّه حاجتك وأنت في هذا الجوّ الرّوحانيّ..

٥. عدم البقاء في المجلس بعد الانتهاء والإطالة في الحديث والمزاح مع الآخرين مما يضيع الفيوضات الرّوحيّة الّتي شملتك وحتّى يستمرّ القنديل الّذي أضيء لك مولعًا..

٦. الدُّعاء أن يرزقنا اللَّه البكاء أو التّباكي على مصيبة الحُسين (عليه السّلام)..

٧. عدم الاكتفاء بسماع المحاضرات عبر التّلفاز والاستغناء بها عن الذهاب للمجالس، فشتّان بين مجرّد كلام تسمعه وبين التّوفيق لحضور مجلس الحسين عليه السّلام (لكل إنسان ما سعى) فلا يخدعنّك الشّيطان..

٨. الدُّموع الَّتي تنحدر على خدّيك عليك أن تحتفظ بها في منديل خاص وليس محارم كلينكس وترميها ففيها بركات عظيمة وممكن وضعها في الكفن أو عليك أن لا تمسحها واجعلها تجف من نفسها فما دامت الدّموع على الخدّ فالدّعاء مستجاب..

٩. عدم الاستماع لقضيّة مقتل الحسين عليه السّلام والقلب لاهٍ أو في مزاح مع الآخرين فهذا مما يسبب قسوة القلب!..

• سماحة الشيخ حبيب الكاظمي حفظه اللّٰه..

- صورة من صور الأستعداد لعاشوراء..