وقام اللعين وجرّد سيفه وقصد الغلامين ، فحالت المرأة بينه وبينهما ، وقالت :ويلك أما تخاف الله ، أما تحذر من يوم القيامة!. فغضب اللعين ، وحمل على زوجته بالسيف وجرحها ، فوقعت مغشيا عليها. فأقبل ابنه وأخذ بيده ، وقال : ويلك قد خرفت وذهب عقلك ، ما تصنع؟. قتلت الغلام وجرحت أمي!. فاشتدّ غضبه وضرب ابنه بالسيف وقتله.ثم أسرع إلى الغلامين وحمل عليهما. فعند ذلك بكى الغلامان وارتعدت فرائصهما ، وجعلا يتضرعان ، وقالا : أمهلنا حتى نصلي ركعات ، فما أمهلهما.فقام إلى الأكبر وأراد قتله ، فأقبل الصغير ورمى بنفسه عليه ، وقال : ابدأ بي فاقتلني ، فإني لا أستطيع أن أرى أخي قتيلا. فأخذ الصغير ، فأقبل الكبير ورمى بنفسه عليه ، وقال : ويلك كيف أطيق النظر إليه وهو يتمرّغ في دمه!. دعه واقتلني قبله. فقام اللعين إلى الأكبر وضرب عنقه ، ورمى بجسده إلى الفرات
فقام الصغير وأخذ رأس أخيه ، وجعل يقبّله. وأقبل اللعين إليه وأخذ الرأس منه ، وضرب عنقه ، ورمى بجسده في الماء

الكوريز ….
مصيبة عظيمة مؤلمة على ال بيت رسول الله ماالذنب الذي اقترفوه حتى يُذبحُ ويرمى بهم بشط الفرات واويلاه وامصيبتاه
ماحال امهم رقية بنت امير المؤمنين عندما سمعت بخبرهما كأني بها
تكووووول يمه يايمه …


يذباح ماعندك حميـه
خذيت الولد من بين اديه
وشلع كلبي بهل المسيه

•───✧◐◐◐◐✧───•
حلوين ضاعو من اديه
وماادري فرو يانويه
يوحش افراك ابني عليه

•───✧◐◐◐◐✧───•
يمحمد ييمه وين الاكيك
چاوين تسمعني ارد احاچيك
ادير الموت الي وانت اخليك

•───✧◐◐◐◐✧───•
زغار الولد واليل ظلمه
وماظل ولي بيهم احشمه
وخلافهم شبعينه هظمه

•───✧◐◐◐◐✧───•
ادور على اولادي الصبايه
وين احصلهم ياولايه
لو يحصل أشريهم شرايه

•───✧◐◐◐◐✧───•
محله الولد من يمر بيها
وبكل وكت ينشد عليها
وصير حاميها اووليها

•───✧◐◐◐◐✧───•
يالفاكده ميفيد نوحچ
والعين تعمه يروح شَوفچ
بطلي النياحه وشيلي خوفچ

•───✧◐◐◐◐✧───•
مالومها الفكدت ولدها
بالدنيا چان الها سندها
مثل الهوى والماي عدها

•───✧◐◐◐◐✧───•

بحث المحاضرة للشيخ المحقق عقيل الحمداني
كتابة نصوص النعي
الشاعرة ام علي الإماره

لانجيز حذف الأسماء العمل مهدات لمولانا صاحب الزمان عج

https://www.tg-me.com/um_ali313

كلام هام عن ادوار مسلم بن عقيل ع في الكوفة

قصيده لأنصار الحسين ع

من #ديوان_ضمأ_الطف

[ انصار حسين ]

انصار حسين بيهم همه والزود
شجاعتهم خذوها من ابو الجود

•───✧◐◐✧───•

معروفين يالكلهم حميـه
ميهابـون لو جتهم منيــه
فدوها ارواحهم لبن الزجيه
{{ الكوم الهجمت يفنوها }}

•───✧◐◐✧───•

شجعان وكفو والنعم من عدهم
يالنصرو حسين وهاي همتهم
شالو راية الحق اعله يمنتهــم
{{ ساحات الملعب كلبوها }}

•───✧◐◐✧───•

وبسوح الحرايب هزمو العدوان
انصار ابو اليمه والنعم شجعان
تشكرهم الزهره وكل بني عدنان
{{ تشهد وكفتهم بالساحه }}

•───✧◐◐✧───•

تشهد بالحرايب وكفـت الأنصار
ويشهد عشك عابس ذاك المغوار
بجنونه العشك تحجي ازغار اكبار
{{ مجنون حسين يسمونـه }}

•───✧◐◐✧───•

والحر الرياحي ثبت افنـونـه
ناصر صار لحسين وكف دونه
نال المرتبـه ونـاصر يسمـونه
{{ كـلمـن ويـاهـم هنيالــه }}

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

قصيده لأنصار الحسين
#من_ديوان_ضمأ_الطف

{{ سلام الله }}

سلام الله على انصارك يبو اليمه
سلام الله اعله كل واحد نزف دمه
سلام الله سلام الله

•───✧◐◐✧───•

ابدي منين بيهم لو ردت اذكر
مزاود بالعشك ياسيدي واكثر
عرفو بالحقيقه حسينهم اكبر
سلام الله على العاشك نقش اسمه
سلام الله على انصارك يبو اليمه
سلام الله سلام الله

•───✧◐◐✧───•

سلامي للانصار بكل زياره احجي
واحد واحد اذكر لو ردت ابدي
صرعى اذكرهم ودمعاتي ابخدي
سلام الله على الي اتغسل ابدمه
سلام الله على انصارك يبو اليمه
سلام الله سلام الله

•───✧◐◐✧───•

اسلم والسلام ترجعه انصارك
يمر بيهم كل واحد اجه وزارك
عابس وي زهير الوكف بكتارك
سلام الله اكول بعالي الهمه
سلام الله على انصارك يبو اليمه
سلام الله سلام الله

•───✧◐◐✧───•

نالو مرتبه الأنصار من عندك
فازو بالشهاده اندفنو بسدك
واحدهم شجاع ويوكف يسندك
سلام الله اعله كل واحد ذكر اسمه
سلام الله على انصارك يبو اليمه
سلام الله سلام الله

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

فزاعية خفيفه لأولاد مسلم
من ديوان #مواجع_الطف_جزء_الثالث


صبايه بهل العمر وتروح
ياذنب المسوينـــه

•───✧◐◐◐◐✧───•
الحارث ليش لاحكهم
ياذنب الصدر منهم
بسيف الغدر ذابحهم
عمرهم خلصت اسنينه

•───✧◐◐◐◐✧───•
بعمار الورد راحو
بعدهم كلشي ماشافو
بليل اظلم وسف ضاعو
وأمهم ضلت أحزينه

•───✧◐◐◐◐✧───•
حزينه وتجر حسرتها
أمهم طفت شمعتها
طايح سور حجرتها
گلبها زايد أونينه

•───✧◐◐◐◐✧───•
تون والروح تعبانه
عله الويلاد حزنانه
تصب دموع جريانه
عمرهم مامخلصينه

•───✧◐◐◐◐✧───•
صاحت يمه يولادي
ضعتو وين ياوادي
شوفو ابحالي اشسادي
خبرهم من وصل لينه

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

قصيدة ثكيله لأولاد مسلم ع

من ديوان #مواجع_الطف_الجزء_الثالث

{ قصيدة المستهل }

فريت السلف ماحصلتهم
حلوين المعاني ضيعتهم
أبراهيم وأخيه - ضاعو من أديه
فريت السلف ماحصلتهم

•───✧◐◐◐◐✧───•
كل يوم الصبح اكعد واتاني
ماواحد من اولادي اجاني
آآيفراكهم سلني وكضاني
كتلني فراكهم حيل
ابد مانايمه الليل
ليام الكبر ولدي ردتهم

•───✧◐◐◐◐✧───•
ضيعت العمر وأحله الليالي
بقيت اخلافهم مشدوه بالي
عيوني من الدمع ضلت تلالي
تصد عيني عله الباب
مــا اتحمل غيــاب
صحت بصوت مااحمل هجرهم

•───✧◐◐◐◐✧───•
لـو ونيت مــاينفع ونينـي
وتعمه خلافهم ياناس عيني
عليهم كل وكت زايد حنيني
احن ليام راحن
ويه اولادي ماتن
الدنيه بساع من ايدي خذتهم

•───✧◐◐◐◐✧───•
عين الما اشوف اولادي بيها
عساها بالعمه وزايد بچيها
ولا نور وضوه كون اليجيها
ذبلانه من الدموع
تذرف مثل الشموع
عميه تصير لوما شاهدتهم

•───✧◐◐◐◐✧───•
ضلت بس صورهم عالحياطين
شالو من وكت عـنـي العزيزين
ماخذهم زماني وين لاويـــن
شالو للمكابر
بقيت انه اكابر
المنيه بساع عن عيني لفتهم

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

هام ‼️
بث مجلسنا الحسيني من الناصرية كل يوم مباشر الساعة ٩ وربع مساءا
والمجلس الثاني ١١ وربع ليلا مباشر على منصتنا في اليوتيوب

https://youtube.com/@aqeel_hadi78?si=O-rs6T3Zn7hRdpYs
شرفونا بالاشتراك والاستماع

قصيدة لبيرغ العباس 🚩🏴

{{ البيرغ ياسبع }}

البيرغ ياسبع بچفوفي هزيتـه
چن غيم ومطر والظايع لكيته

•───✧◐❤️‍🔥◐✧───•

مجرب بيرغك ينعكد بالشده
وبي شـاره يرد العايل لحـده
تنطي مراد كلمن شايله بزنده
{{ البيرغ باأسمك بي هيبه }}

•───✧◐❤️‍🔥◐✧───•

البيرغ يابو فاضل يرفع الراس
ولو شلنا بدينه نصيح عباس
يالكلك بطوله وبيك نوماس
{{ والبيرغ يشهد بفعاله }}

•───✧◐❤️‍🔥◐✧───•

نرفع بيرغـه بسابـع سمواات
بالمجلس يرف ويكضي حاجات
البيرغ بس نعكده بي مرادات
{{ الرايه بچفكم هزوها }}

•───✧◐❤️‍🔥◐✧───•

يحل كل مشكله عباس بچفوفه
الرايـه لاتـظل بيديـك ملفوفـه
هزها وشوف بيها امراد معروفه
{{ بس انـخو يحلها بچفه }}

•───✧◐❤️‍🔥◐✧───•

محلولـه الشدايد والنعم منـه
ابو الغيره شهم بالحاجه اكلفنه
الشده ماتضل بحسين احلفنه
{{ بثواب حسين وينطينه }}

•───✧◐❤️‍🔥◐✧───•

ناخيتك واريد الحاجه مكضيه
يبو فاضل بجاه اختك العلويه
تنطي مراد كلمن دزلي اوصيه
{{ تدعيلي يم كافل زينب }}

•───✧◐❤️‍🔥◐✧───•

#جديد2023


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج واجداده

القصيده كتبتها لطلب حاجة صديقتي الشاعرة المخلصه ام علي رضا الشريفي الحسيني



https://www.tg-me.com/um_ali313

قصيدة للعباس عليه السلام

حصريآ من

#مواجع_الطف_الجزء_الأول

(سلام الله )


سلام الله على الكافل ابو الغيره
سلام الله على شيخ العشـــيرة

•───✧◐◐✧───•

على العباس اريد ابدي سلامـي
ولحسين الشهيد المات ضامي
وي طير الحمام ابعث غرامـي

سلام الله اعله وكفاته الچبيره
سلام الله على شيخ العشـيره


•───✧◐◐✧───•

سلامي للوفه الخوه بااصلهــا
فده اعيونه ويكول الروح كلها
افـديها لخيتـي وكـل اهـلهــا

سلام الله بااسمه ماتظل حيره
سلام الله على شيخ العشـيـره

•───✧◐◐✧───•

اسلــم والسلام يـرد عـليـه
افدي الروح لچفوفه السخيه
وسلامي للحسين ابن الزچيه

سلام الله على حسين ونصيره
سلام الله على شيخ العشــيره

•───✧◐◐✧───•

اسلم عالكفيل او عالعقيله
واريد بجاهم همي يزيلـــه
بس لمصابهم دمعي اسيله

سلام الله على الراحت اسيره
سلام الله على شيخ العشيره

•───✧◐◐✧───•

مجرب يابو فاضل بالشدايد
ميرد الأجه ويم بابه كاصــد
ياخذ حاجته من چفوفه رايد

سلام الله على الحدد مصيره
سلام الله على شيخ العشيره

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

🚫لايجوز حذف براء الذمه من القصيدة

https://www.tg-me.com/um_ali313

قصيدة جنوبيه للعباس واخوانه

من ديوان #مواجع_الطف_الجزء_الأول


بدايتها نعي { قفلتها هوسه }

هله باأولاد حيدر من يهدون
يشمرون الجثث وعليها يمشون
اعداهم من مشيهم هل يرجفون
ولو دخلو حرايب مايخافون

{ صاح العباس }

صاح العباس حيهم يالنشامه
هله بخواني يالبيهم شهامــه

•───✧◐◐✧───•

يعبدالله ويجعفر عون خواني
حزام نصير لحسين اعله عدواني
حلوه لو فزعنه ونسند الثاني
{ ومتهمنه جيوش / الفزاعه }

•───✧◐◐✧───•

متهمنه الجيوش وهجمت الخيل
همتكم يخوتي بشدت الحيل
نسوي ساحة الميدان چن ليل
{ والكوم من الطف / نفنيها }

•───✧◐◐✧───•

نفني الكوم كلها لخاطر حسين
همتكم يخوتي نضحي للدين
ليهمكم الجيش الفزع صوبين
{ نمشي اعله الحك / ميهمونه }

•───✧◐◐✧───•

يعرفونــه اسباع اولاد نشميــه
من الخوله وعمام النسل حربيه
الزود البينه لم الوفه النشمية
{ امنه ام عباس / انحييها }

•───✧◐◐✧───•

نحييها ونكلها نحقق امنيتچ
اولادچ اسباع وهاي تربيتچ
مانرجع بعد وأنفذ اوصيتچ
{ اركاب انكص / لجل حسينچ }

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

اصدار السنة مواجع الطف
جزء 9/10/11/12

للحجز والاستفسار التواصل على رقم الواتساب

07846099457

كربلاء المقدسة/شارع السدرة

ملاكاة للعباس طور الفواتح

#حصريا من الديوان 🔥🔥

#مواجع_الطف_الجزء_الخامس


تلوك اعليه املاكاة الفواتح
الصرخه تلوكله وكل النوايح
{ الضحه بروحه / ونيله }

•───✧◐◐✧───•

كومي وياي خلنلطم عراضات
لطمه معدله وياها هوسات
{ الشال الملعب / هوسيله }

•───✧◐◐✧───•

الملعب لاك لرجال الكلافات
ابو فاضل واخوته اهل المروات
{ الحومه بچفهم / شالوها }

•───✧◐◐✧───•

يحلاله اللطم عباس ابو الغيره
يستاهل عراضه بوسطة الديره
{ الكون يريده / ويبچي عليه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

قصيدة حماسية للعباس ع

{ مستهل القصيدة }

الرايه تلوك - بيد ابن الكلابية
حره الجابته ومتروس حنيــه

•───✧◐◐✧───•

سبع عباس للحومه دخل وحده
ما واحد تدنه لو كرب حده
كلها ترتهب وتخاف من عنده
{ والكوم الهجمت - فانيها }

•───✧◐◐✧───•

مو كلمن يجي شيال للرايـه
تلوك ابجف ابو فاظل اوفايه
كفو ونعمين دكها اعله المسنايه
{ وشحده اليوصل - للرايـه }

•───✧◐◐✧───•

ابو فاظل سبع والكل يعرفونه
ماهاب الجيوش الرايه بمتونه
يرف برايته كلهم يشوفونـــه
{ والرايه تلوك - بچفينه }

•───✧◐◐✧───•

غدروه العده وكطعوله جفينه
وطاحت رايته وصاب السهم عينه
وصابو جربته وعامود بجبينه
{ وسكينه بعمها - يفجعوها }

•───✧◐◐✧───•

نعين ام البنين ابفكد ضنواها
فده چفين للخوه اوفاها
هاي ام السبع خلنلطم اوياها
{ وبفكد الكافل - عازيها }

•───✧◐◐✧───•

نعازيهه اعله ابنها ونلطم الراس
نواسي ام البنين بفكد عباس
ابنها الكله غيره وبيه نوماس
{ للموت مغرب - ضنواها }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

نعي بين ام البنين والعباس

من ديوان
#مواجع_الطف_الجزء_الأول

مولاتي ام البنين عندما ودعت ولدها ابا الفضل العباس وصته بوصاياها تكله يمه ….


اوصيك يايمه وصيه
لو رحت لاترجع عليه
روحك فده لبن الزچيه

•───✧◐◐✧───•

اريد بروحتك راسي ترفعه
لحسين كون الكلب شلعه
وحصل رضا فاطمه البضعه

•───✧◐◐✧───•

اريدك بعد تفديله العيون
انت واخوتك لاترجعون
هذه وصيتي موش تنسون

•───✧◐◐✧───•

انا الوالده وانت ضناها
والروح بس يمك دواها
هذه الوصيه ولتنساها

•───✧◐◐✧───•

ماريد منك غير ذني
تنفذ وصيتي الولد يبني
واحمي العقيله بدل عني

•───✧◐◐✧───•

يعباس خلي اختك بعينك
وياك لتفارك يمينك
اوياها ييمه زاتينك

•───✧◐◐✧───•

هاي العزيزه اوصيك بيها
خلافك تره يعيلون بيها
يعباس حط عينك عليها

•───✧◐◐✧───•

اريدك تضحي بذني العيون
لزينب واهلها بس يسلمون
وحسين يرجع ويه الضعون

•───✧◐◐✧───•

عزيز انت يوليدي عليه
لخاطر هلك نفذ الوصيه
احبهم ييمه ومو بديه


جواب ابو فاظل لأمه ام البنين

بعيني احطهم لاتوصين
اوداعتج لفدي الچفين
اريدچ عليه كون ترضين

•───✧◐◐✧───•

وزينب احطها بوسط العيون
اخيتي الغاليه الربتني ام عون
لتخافين اشيلنها اعله المتون

•───✧◐◐✧───•

بوجودي محد يمس ضلها
اكسر اظلوعه اليوصل الها
ولو صاح زينب رجله اشلها

•───✧◐◐✧───•

يمه وداعتچ بالروح احطهم
وعمري نذرته بس لجلهم
لأخر نفس مافاركنهم

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

المجلس: نعي مع مقتل العباس

من ديوان #مواجع_الطف

#الجزء_الأول


صل الله عليك يارسول الله
صل الله عليك ياابا عبدالله
صل الله عليك وعلى ال بيتك الطيبين الطاهرين المظلومين
يارحمة الله الواسعه وياباب نجاة الأمه ياليتنا كنا معكم وندرك قائمكم المهدي فنفوز فوزآ عظيما

(( ابوذيه ))

يلايم بالم جرحي لاتلمني
اون من ضيم كلبي لاتلمني
انا مطشر يدهري لاتلمني
ردت عكب اخوتي تلفي المنيه

•───✧◐◐✧───•

لاحول ولاقوة الا بالله العلي العظيم انا لله وانا اليه راجعون

يقول الراوي: لمّا لم يبق مع الحسين عليه السلام إلّا أخوه العبّاس عليه السلام جاء إلى الحسين عليه السلام يطلب منه الإذن بالقتال قائلاً: هل من رخصة؟ فبكى الحسين عليه السلام بكاء شديداً ثمّ قال: يا أخي أنت صاحب لوائي، فقال العبّاس: قد ضاق صدري وسئمت الحياة وأريد أن أطلب ثأري من هؤلاء المنافقين. فقال الحسين عليه السلام: إذن أطلب لهؤلاء الأطفال قليلاً من الماء...

ركب جواده ومعه اللواء وأخذ القربة وقصد الفرات، فأحاط به أربعة آلاف فارس ممّن كانوا موكلين بالفرات لمنع الحسين وأصحابه منه، ورموه بالنبال فكشفهم وقتل منهم جماعة، حتّى وصل إلى المشرعة ركز لواءه ونزل إلى الماء، فلمَّا أحسَّ ببرد الماء وقد كظّه العطش، اغترف غرفة ليشرب تذكّر عطش الحسين عليه السلام فرمى الماء من يده، وقال: لا والله لا أشرب الماء وأخي الحسين عطشانا
يكله

حاشه يخويه الماي اشربه
وبيدي ترست الكم الجربه
لسكنه ورقيه الماي قربه

•───✧◐◐✧───•

مسرع يخويه جيت ليكم
فرحان بالجربه ارويكم
خبرو سُكينه معتنيكم

•───✧◐◐✧───•

ثمّ ملأ القربة وحملها على كتفه وخرج من المشرعة فاستقبلته جموع الأعداء، وصاح ابن سعد: اقطعوا عليه الطريق. ولمّا رأى ذلك منهم حمل عليهم بسيفه
فرموه بالنّبال من كلّ جانب حتّى صار درعه كالقنفذ من كثرة السهام، فكمن له زيد بن ورقاء من وراء نخلة، وعاونه حكيم بن الطفيل، فضربه على يمينه فقطعها فأخذ السيف بشماله
فقاتل القوم حتّى ضعف عن القتال، وقد أعياه نزف الدم فكمن له حكيم بن الطفيل فضربه بالسيف على شماله فقطعها من الزند،
وعند ذلك وقع السيف من يده وأخذ القربة بأسنانه، ولم يكن للعبّاس همّ إلّا إيصالها إلى المخيّم إلى الأطفال، فقطعوا عليه طريقه وأتته السهام كالمطر من كلّ جانب، فأصاب القربةَ سهمٌ فأريق ماؤها فوقف العباس متحيِّراً (كيف يذهب إلى المخيّم بلا قربة، بلا كفّين، جسمه كالقنفذ من كثرة السهام) وبينما هو كذلك جاءه سهم وقع في صدره وسهم آخر أصاب عينه اليمنى فأطفأها، وجاء إليه رجل من بني تميم فضربه بعمود من حديد على رأسه فخرَّ إلى الأرض صريعاً، ونادى بأعلى صوته: عليك منّي السلام أبا عبد الله أدركني يا أخي..

يكله :

تناديني ياخويه اعتنيتك
عالكاع يعضيدي لكيتك
مطروح والدم بلحيتك

•───✧◐◐✧───•

ظهري كسرته بطيحتك هاي
ياخويه عكبك ماحله الماي
يعضيدي ويالحامل الواي

•───✧◐◐✧───•

بيدي شلت چفك من الكاع
وراسك مطبر شلته هالساع
وبحظني احطك اخر وداع

•───✧◐◐✧───•

الأخو بالموت يكسر ظهر اخيه
يعباس خويه رد عليه
وياك اروح بهل المسيه


أقول: هذه مصيبة عظيمة على قلب مولانا الإمام الحسين عليه السلام ولكن الأشدّ ألماً كيف يخبر أخته العقيلة باستشهاد أبي الفضل عليه السلام؟ يقول الراوي: لمّا رجع الحسين عليه السلام من مصرع أخيه رجع وهو يكفكف دموعه بكمّه، فتلقته أخته الحوراء زينب عليها السلام وقالت: أبا عبد الله أراك رجعت وحيداً فريداً؟ أين ابن والدي؟ أين أخي

يكلها……

أخونه بقه عالكاع مطروح
وتنزف بقت منه يالجروح
يزينب لخيج زيدي النوح

•───✧◐◐✧───•

يكلها يزينب راح عباس
راح ابو الغيره اليرفع الراس
وضعنج بقه من غير حراس

•───✧◐◐✧───•

حقچ يخيتي من تنوحين
عباس لجلچ صوب العين
شمّر اچفوفه وكطع زندين


قال لها عظم الله لك الأجر بأخيك أبي الفضل، وقيل ما كلّمها بشيء، بل راح إلى خيمة العبّاس، فأسقط عمودها فارتفعت الأصوات بالنحيب والبكاء...

وأرادت العقيلة أن تذهب إلى مصرع العبّاس ولكن الإمام عليه السلام منعها قائلاً: لا تشمتي بنا الأعداء. ولكنّها لم تخرج إلى كفيلها إلّا عندما جنّ ليل الحادي عشر أقبلت إليه تتعثّر بأذيالها حتّى وصلت إليه ورأته بتلك الحالة الفظيعة
صااااااحت…..


اجيتك اتعثر بالعبايه
وكلسه يسمعوني احچايه
اخيچ طريح بلايه رايه


•───✧◐◐✧───•

عباس جيتك لاتردنـي
عدوك يخويه شك أردني
وبالسوط بمتوني ضربني


•───✧◐◐✧───•

اكعد يبعد اختك اشويه
خلافك عدوك عال بيه
ويكول هاي الخارجيه


•───✧◐◐✧───•

يعباس يارمز الأخوه
وبروحتك كلبي تچوه
كلبي الك يالغالي يهوه

( عميه على الخوان عيني )


•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

لايجوز حذف براء الذمه من الحديث
https://www.tg-me.com/um_ali313

#ختامية_عزاء_العباس


بداية اللطمة 👇🏻👇🏻👇🏻

اليوم يوم العباس _چاوينها اللطامه


وين اليدك اعله الصدر
العباس چفه منشمـر
مطروح وبحر الظهــر
والراية يــم جرف النهر
وام عون سمعت بالخبر
نيـران منـهـا تـسـتعــر
وين اليدك اعله الصدر
ويواسي زينب بالكمر
واليل خلصته سهــر
يم جثت الكافــل تمر


وين اليدك عالهامه
چا وينها اللطامه


#هوسة_رباط

وكعت الخيمه وكعت الخيمه
ومن طاحت الراية وكعت الخيمة


يالتضرب براسك يالتضرب براسك
بقامه لو ردت يالتضرب براسك


هاليوم كفالي هاليوم كفالي
وطاح من المهر هاليوم كفالي

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313