فزاعيه للقاسم ابن الحسن عليه السلام

{ مستهل القصيدة }

انريد لطمه اعله الولد
ويــن التـدك ويانـــه

•───✧◐◐✧───•

اشباب محروم الهوى
والموت صار ابنينوى
مطروح ظل فوك الثرى
وامه تون حزنانه

•───✧◐◐✧───•

ماتنسه يومه وقصته
طاح الولد من مهرته
مطروح رمله شافته
اهدومه ابدمه غركانه

•───✧◐◐✧───•

مجروح كلب الوالده
عصابه لجله شاده
تون اعله ابنها الفاكده
ادموع العين جريانه

•───✧◐◐✧───•

تجري المدامع عالولد
للراح منها ومايرد
وسفه ابنها مبتعد
وياروحها التعبانه

•───✧◐◐✧───•

ضلت وحيده اخلافه
ماتنسه ذيج اوصافه
يبست الترفه اشفافه
من العطش ذبلانه

•───✧◐◐✧───•

2021
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

جلوة للقاسم ابن الحسن ع
من ديوان
#مواجع_الطف_الجزء_الرابع

شرح قبل البدء
كانت أمنية في قلب رمله أن تزوج القاسم وتفرح بي حالها حال كل ام عدها ولد لكن ماتحقق هذا التمني وأستُشهِد القاسم وبقيت رملة بااحزانها
مواساتآ برمله هذه التقاليد والصواني ونجعله ثواب ان شاء الله


{ مستهل بداية الجلوة }

صواني الحزن حضريها / وام الولد واسيها
ماظل فرح هذا اليوم … حتى امه ونهنيها

•───✧◐◐◐◐✧───•

لشبابه علكيله الشمع بمچانه
وكولي لجاسم هلنذر مولانه
للماتهنه بدنيته حزنانه
نذكر مصابه بكل عام / نعلك شموع لجاسم
نكثر البواچي والنوح / وامه نجي نعازيها

•───✧◐◐◐◐✧───•
صينية القاسم اله نصبوها
ورد وشمع والياس بي حطوها
وامه الحزينه بالعزه واسوها
نبچي وننوح وياها / مصاب الولد اذاها
اسم الفرح ماشافه / زفة حزن خليها

•───✧◐◐◐◐✧───•
تتمنه جاسم عايش بهذا اليوم
مثل الشباب اوليدها يكبر دوم
وتزفه ويعيش بهنا مو محروم
ماصار التمنته / تالي بذبح شافته
تتمنه چانت عريس / وايامه تحليها

•───✧◐◐◐◐✧───•
راح الفرح واصبح نوايح ودموع
مات الولد وامه كلبها مشلوع
شيلي الصواني الفاكده بس تلوع
طفو الشمع يحبابه / نام الولد بترابه
مالحك وعمره يطول / هذا الفرح تاليها

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

قصيدة للقاسم تقرأ بعدة اطوار
من ديوان
#مواجع_الطف_الجزء_الرابع

{ مستهل القصيدة }

هليوم الولد حظريلــه صينيـه
علكيله الشمع وأقريله لطميه

•───✧◐◐◐◐✧───•
حظريله الصواني والشمع بيها
واقري الفاتحه وأمه دواسيها
رمله اعله الولد جينه نعازيها
تكول الراح مايرجع بعد ليه

•───✧◐◐◐◐✧───•
مايرجع بعد وتعود كعداتــه
محروم الولد ريح الهوى فاته
بعد بالدار ماتسمع حجاياته
وكل يوم اليمر اذكر محاچيه

•───✧◐◐◐◐✧───•
يخنكني الهوى من اذكر ايامه
من يوم المشه والليل ماانامه
شبيب يلولد ماحقق احلامه
وبتراب الكبر دفنو معانيه

•───✧◐◐◐◐✧───•
ذيچ ارسوم وجهه الجانت اتلالي
غاطيها التراب الچانت اكبالي
خلافه ابقى بهظم وبنوح للتالي
اون اعليه لحد ما تلفي المنيه

•───✧◐◐◐◐✧───•
چنت احسب شهور صحاح وانتظره
تمنيت المنيه لعمري مو عمره
يشيل جنازتي ينزلها بالحفره
وشمعه بحجرتي يعلكلي ليليه

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

من ظلامات العباس ع

مجالسنا مدارس منها نتعلم

نعي للقاسم حال رملة ع

من ديوان #مواجع_الطف_الجزء_الرابع


صاحت يالولد والحيل تعبان
نايم يبعد امك بتربان
عكبك ايامي صارت احزان

•───✧◐◐◐◐✧───•
حزني كثر والونه طالت
وأيامنه الحلوات راحت
وامك ييمه مستراحت

•───✧◐◐◐◐✧───•

راح الولد مارد عليه
لغيابه مالي قابليه
غاب وبعد مانشد بيه

•───✧◐◐◐◐✧───•

يامحله طوله الولد يبني
يدفان الولد وياه ادفني
تمنيت الأجل كبله أخذني

•───✧◐◐◐◐✧───•

يصعب عليه فركاك يبني
ردتك عليه البيت تبني
ماحسبت تالي تذبني

•───✧◐◐◐◐✧───•

التفكد ولدها شلون ترتاح
تخلص العمر كله بالأنياح
تذكر ارباها والتعب راح

•───✧◐◐◐◐✧───•

نظرة عيونه تسعد الروح
كلبي عليه اليوم مجروح
ويهون اله يفاركني ويروح

•───✧◐◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

هل ثبت عرس القاسم ؟؟👆🏻👆🏻
نرجو الأستماع للمقطع اخواتي الخادمات

موكب شهيد المحراب تابع لحسينية سفينة النجاة
الرادود اخي ابو حسين الإماره
موفقين ان شاءالله على هذه الخدمة المباركة

العم العزيز تاج روسنه وخيمتنة وشيخ عشيرتنه اطال الله في عمرك الى 200 عام ان شاءالله وكل عام وانت ثابت على هذه الخدمة وتوزع ثواب العباس واخيه الحسين ع
عمي ابو سعد الإمارة
خادم حسينية سفينة النجاة

قصيدة لعلي الأكبر
من ديوان
#مواجع_الطف_الجزء_الرابع

{ مستهل القصيدة }

واويلا يالأكبر … واويلا يالأكبر
حسين حاله تحير / واويلاه يالأكبر

•───✧◐◐◐◐✧───•
من شافه وسط الميدان
طايح شبيهه العدنان
ودارت عليه العدوان
شباب راح محسر / واويلا يلأكبر

•───✧◐◐◐◐✧───•
وحسين ظهره مكسور
من شاف ابنه مشمور
طايح اوليده ومقهور
والكلب بيمن يُجبر / واويلا يلأكبر

•───✧◐◐◐◐✧───•
نايم اوليده اعله الكاع
مطروح رمز الأسباع
ياعلي حلو الأطباع
عالكاع جسمه تطبر / واويلا يالأكبر

•───✧◐◐◐◐✧───•
ليله تنادي ياعلي
يابعد روحي وكل هلي
ردتك تضل لمك ولي
والموت لبني تخير / واويلاه يلأكبر

•───✧◐◐◐◐✧───•
وعمته تون وتنادي
شايل شبيهه الهادي
بالحومه طايح غادي
ياوسفه جسمه مطشر / واويلا يالأكبر

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

آآرااء العلماء في قضية . عرس القاسم


ما هو رئيكم بما يسمى عرس القاسم هل ثابتة هذه الواقعة؟
____
١. السيد الصدر
لم يثبت ذلك ولا يجوز *إقامة مراسم الفرح في مورد الحزن على الحسين.*
📚مسائل وردود ج٣ م ٥٣١
لم تثبت لدينا القضيَّة المذكورة.
📚مسائل وردود ج٢ م ٢٨٠
-----------
٢. السيد الخوئي
لم يثبت لدينا القضية المذكورة، والله العالم.
📚صراط النجاة م ١٣٩٠
-----------
٣. مركز الأبحاث العقائدية
*إنّ مسألة حدوث زواج القاسم يوم عاشوراء لم تذكره المصادر المعتبرة والمقاتل المعتمد عليها،* وإن حاول بعض الأعلام كالعلامة الدربندي في كتابه ( أسرار الشهادات ) إثبات هذه الحادثة وذكر عدّة ادلّة. وعلى كل حال ، *فالمسألة تبقى في حيّز الاحتمال .*
📚الموقع
-----------
٤.الشيخ النجفي
لم يثبت بسند معتبر، *وينبغي أن ننبه إلى أن التجاذب والتدافع بين أصحاب الحسين (ع) الاشقياء قد بدأ من اليوم الثالث من محرم وقطع الماء عن الحسين (ع) وأصحابه قبل بدء المعركة الاخيرة بأيام فهل يعقل أن يفكر أحد في الزواج؟*
وما يقال انه كانت وصية الإمام الحسن (ع) *فهل كان الحسين (ع)_والعياذ بالله _غافلاً عن وصية أخيه؟* وهل القاسم كان مهملاً لوصية ابيه والعياذ بالله، فانتبهوا يا أولي الألباب، *نعم هناك في كتب غير معتبرة ذكر ذلك، فإن رأينا في منطقة من مناطق الشيعة اهتماماً بذلك فلا نسيئ لهم مادام عملهم ناشئاً عن حبهم لأهل البيت (ع).*
📓استفتاء
-----------
٥. السيد صادق الشيرازي
في ذلك رواية، *وهو غير بعيد حتى لا يكون القاسم سلام الله عليه عزباً عند الشهادة.*
📚الموقع
-----------

قصيدة مربعة وفزاعيه للحسين

من ديوان #انوار_الشفاعه_جزء_الأول

{ مستهل القصيدة }

ثجيله الفاتحه — وتريد عوانــه
منصوب العزه لحسين واخوانه

•───✧◐◐◐◐✧───•
ثجيله الفاتحه ومنصوب چادرها
بثواب الحسين الليله نحظرها
فواتحكم الزهره تجي وتنظرها
تدك عالراس عالمذبوح حزنانه

•───✧◐◐◐◐✧───•
منصوب العزه لحسين ابو اليمه
تحلاله المناحـه غارك بدمــه
وين الفاكده تتكابل اويه امــه
تنوح اويه الزچيه حيل نعبانه

•───✧◐◐◐◐✧───•
فواتحكم يشيعه من تنصبوها
باأسم حسين والكرار خلوهـا
تنفعكم ليوم الحشر تلكوهـا
هنياله اللطم يلكاه بميزانـه

•───✧◐◐◐◐✧───•
لطمتنه لهل زينب لطمناهــا
ونقره الفاتحه والهم هديناها
الله يساعد ام عون اعله بلوها
فكدت كل اهلها وبقت حيرانه

•───✧◐◐◐◐✧───•
وين الفاكده خلتجي فزاعـه
تدخل وسطة الميدان هالساعه
وتلطم للحسين الداسو اضلاعه
وبنص العزه خل تلطم اويانــه

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

نعي الزهراء تنعي ولدها الحسين عليه السلام


انا امك واجيتك يبني يحسين
مصابك شلع كلبي من المعين
عليك الحزن ياقرت العين

•───✧◐◐✧───•

يحسين يمه بهالمسيه
ونيت والونه خفيه
على امصيبتك عيني جريه

•───✧◐◐✧───•

يالنايم بحر الظهاري
ومترس اجروحك الذاري
مطروح يبني بالبراري

•───✧◐◐✧───•

اذتني يبني نومتك هاي
مذبوح هم ماشارب الماي
اتكطع دليلي اعليك وحشاي

•───✧◐◐✧───•

اذاني يوم الغاضريه
مطروح شفتك عالوطيه
داست عليك الأعوجيه

•───✧◐◐✧───•

مصابك ييمه حنه ضلوعي
واعليك ماجفن ادموعي
عليك الحزن ماسكت روعي

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

#حصريآ_جديد🔥🔥

قصيدة جنوبيه ليلة الوحشه

{{ ونريدله وساده }}

حسين اعله الترب ويريدله وساده
خلتحظر عمـامـه و تحظر الساده

•───✧◐◐✧───•

خلتحظر الساده شيخهم نايم
عالتربان جسمه طشره الظالم
يحظرونه هله وين اهل العمايم
{ مطشر جسمه يلمونـه }

•───✧◐◐✧───•

يشيلون العميد الطاح عالغبره
يجيبوله چفن وتفصله الزهره
ويم راسه تجي وتنوحله بعبره
{ امه بهل ساعه تبچي عليه}

•───✧◐◐✧───•

ياساده الحسين يريدلـه خــوان
تحظرله العشيره ويحظر الدفان
ويشيلون جسمه الظال بالتربان
{ من التربان يشيلونه }

•───✧◐◐✧───•

اسمعنه الي يموت اهله يحظرونه
فوك جتافهم والروس يخلونــه
بس حسين بالخيل ويدوسونـه
{ مطشر ليش يخلونه }

•───✧◐◐✧───•

دم وتراب صاير جسم ابو سكينه
وزينب من اجت ماعرفته وينـه
احلفك بالزچيه تصيح رد لينـه
{ احمولي بعوزك يالوالي }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
لايجوز حذف براء الذمه من القصيده

https://www.tg-me.com/um_ali313

قصيده ليلة الوحشه ليلة الحادي عشر وتقرى بطور المربعه والفزاعيه

{ مستهل القصيدة }

اليله شلون ليلة مرت اعليج
كلهه امذبحه ونومه اهاليج

•───✧◐◐◐◐✧───•
اليل شلون يازينب تخلصينه
ونايم عالثره ابن امج تشوفينه
وراسه اعله الرمح يخته امعلكينه
وماعندج ولي يمج يحاميج

•───✧◐◐◐◐✧───•
بس ايتام يمج كلها عطشانه
يلوذون بعباتج وانتي حيرانه
وماعندج خيم والروح خلصانه
ومن حرك الخيم مجويه رجليج

•───✧◐◐◐◐✧───•
منيلج خيمه يازينب تكعدين
وماعندج افراش انتي وتفرشين
ومن كعده صلاتچ هل تصلين
وماعدهم رحم واتشمتو بيج

•───✧◐◐◐◐✧───•
تلمين الحرم لو بالنساوين
ظلام وليل واطلعتي تدورين
هاي تون لبنهه وذيج لحسين
وياحال العليل انتي مأاذيج

•───✧◐◐◐◐✧───•
ليل وخوف والخوان نومه
ابن امج عالثره سلبو اهدومه
آ يحسين يوجع حيل يومه
وباجر لليسر زينب يوديج

•───✧◐◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له


https://www.tg-me.com/um_ali313

#قصيده_للحسين ليلة العاشر

#المستهل

لاخويه لا مالي حيل افراكك

•───✧◐◐✧───•

يحسين لا تنساني
راح امشي وي عدواني
خويه الشمر اذاني
وروحي الك تشتاكك

•───✧◐◐✧───•

ياابن امي واصبي عيني
ولوحدي تخليني
وبعيالك موصيني
يردوك خويه اعيالك

•───✧◐◐✧───•

زينب انه المهيوبه
اليوم اصبحت منكوبه
الدنيه الك مكلوبه
لموتتك واحوالك

•───✧◐◐✧───•

ضربوني واني بت علي
ماهاب امي ولاهلي
ويزمخ عليه العاذلك
كدامك وماهابك

•───✧◐◐✧───•

ماكال هاي الطاهره
من نسل ال المصطفى
محجوبه هاي مخدره
يضربني خويه كبالك

•───✧◐◐✧───•


بقلم المله والشاعرة ام علي الامارة
غير مبري الذمه اليحذف اسم الشاعره ويتلاعب بالكلمات
المستهل لأحدى الخادمات

https://www.tg-me.com/um_ali313

نعي ليلة الوداع


يليل الموادع مااحمله
وداع الأخوان يخلي عله
ومكابلتهم ليلي كله

•───✧◐◐✧───•

ياليلة التوديع ليله
عيني عليهم دم تسيله
لو مشو فركتهم طويله

•───✧◐◐✧───•

خليني منك اشبع اوداع
يحسين خويه وحلو الاطباع
باجر تظل مطروح عالكاع

•───✧◐◐✧───•

كلي يخويه شلون بيه
لو متت وانه امشي سبيه
وتضل جثتك فوك الوطيه

•───✧◐◐✧───•

خواني وماينشبع منكم
وطول الدهر مافاركتكم
ترضون لو تعبت اختكم

•───✧◐◐✧───•

يعامود خيمتنه وضمدنه
خليني اودعك ياسندنه
خلافك تصل عدوان حدنه

•───✧◐◐✧───•

اهدي ثواب العمل الى صاحب العصر والزمان عج

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313