هل ثبت عرس القاسم ؟؟👆🏻👆🏻
نرجو الأستماع للمقطع اخواتي الخادمات

موكب شهيد المحراب تابع لحسينية سفينة النجاة
الرادود اخي ابو حسين الإماره
موفقين ان شاءالله على هذه الخدمة المباركة

العم العزيز تاج روسنه وخيمتنة وشيخ عشيرتنه اطال الله في عمرك الى 200 عام ان شاءالله وكل عام وانت ثابت على هذه الخدمة وتوزع ثواب العباس واخيه الحسين ع
عمي ابو سعد الإمارة
خادم حسينية سفينة النجاة

قصيدة لعلي الأكبر
من ديوان
#مواجع_الطف_الجزء_الرابع

{ مستهل القصيدة }

واويلا يالأكبر … واويلا يالأكبر
حسين حاله تحير / واويلاه يالأكبر

•───✧◐◐◐◐✧───•
من شافه وسط الميدان
طايح شبيهه العدنان
ودارت عليه العدوان
شباب راح محسر / واويلا يلأكبر

•───✧◐◐◐◐✧───•
وحسين ظهره مكسور
من شاف ابنه مشمور
طايح اوليده ومقهور
والكلب بيمن يُجبر / واويلا يلأكبر

•───✧◐◐◐◐✧───•
نايم اوليده اعله الكاع
مطروح رمز الأسباع
ياعلي حلو الأطباع
عالكاع جسمه تطبر / واويلا يالأكبر

•───✧◐◐◐◐✧───•
ليله تنادي ياعلي
يابعد روحي وكل هلي
ردتك تضل لمك ولي
والموت لبني تخير / واويلاه يلأكبر

•───✧◐◐◐◐✧───•
وعمته تون وتنادي
شايل شبيهه الهادي
بالحومه طايح غادي
ياوسفه جسمه مطشر / واويلا يالأكبر

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

آآرااء العلماء في قضية . عرس القاسم


ما هو رئيكم بما يسمى عرس القاسم هل ثابتة هذه الواقعة؟
____
١. السيد الصدر
لم يثبت ذلك ولا يجوز *إقامة مراسم الفرح في مورد الحزن على الحسين.*
📚مسائل وردود ج٣ م ٥٣١
لم تثبت لدينا القضيَّة المذكورة.
📚مسائل وردود ج٢ م ٢٨٠
-----------
٢. السيد الخوئي
لم يثبت لدينا القضية المذكورة، والله العالم.
📚صراط النجاة م ١٣٩٠
-----------
٣. مركز الأبحاث العقائدية
*إنّ مسألة حدوث زواج القاسم يوم عاشوراء لم تذكره المصادر المعتبرة والمقاتل المعتمد عليها،* وإن حاول بعض الأعلام كالعلامة الدربندي في كتابه ( أسرار الشهادات ) إثبات هذه الحادثة وذكر عدّة ادلّة. وعلى كل حال ، *فالمسألة تبقى في حيّز الاحتمال .*
📚الموقع
-----------
٤.الشيخ النجفي
لم يثبت بسند معتبر، *وينبغي أن ننبه إلى أن التجاذب والتدافع بين أصحاب الحسين (ع) الاشقياء قد بدأ من اليوم الثالث من محرم وقطع الماء عن الحسين (ع) وأصحابه قبل بدء المعركة الاخيرة بأيام فهل يعقل أن يفكر أحد في الزواج؟*
وما يقال انه كانت وصية الإمام الحسن (ع) *فهل كان الحسين (ع)_والعياذ بالله _غافلاً عن وصية أخيه؟* وهل القاسم كان مهملاً لوصية ابيه والعياذ بالله، فانتبهوا يا أولي الألباب، *نعم هناك في كتب غير معتبرة ذكر ذلك، فإن رأينا في منطقة من مناطق الشيعة اهتماماً بذلك فلا نسيئ لهم مادام عملهم ناشئاً عن حبهم لأهل البيت (ع).*
📓استفتاء
-----------
٥. السيد صادق الشيرازي
في ذلك رواية، *وهو غير بعيد حتى لا يكون القاسم سلام الله عليه عزباً عند الشهادة.*
📚الموقع
-----------

قصيدة مربعة وفزاعيه للحسين

من ديوان #انوار_الشفاعه_جزء_الأول

{ مستهل القصيدة }

ثجيله الفاتحه — وتريد عوانــه
منصوب العزه لحسين واخوانه

•───✧◐◐◐◐✧───•
ثجيله الفاتحه ومنصوب چادرها
بثواب الحسين الليله نحظرها
فواتحكم الزهره تجي وتنظرها
تدك عالراس عالمذبوح حزنانه

•───✧◐◐◐◐✧───•
منصوب العزه لحسين ابو اليمه
تحلاله المناحـه غارك بدمــه
وين الفاكده تتكابل اويه امــه
تنوح اويه الزچيه حيل نعبانه

•───✧◐◐◐◐✧───•
فواتحكم يشيعه من تنصبوها
باأسم حسين والكرار خلوهـا
تنفعكم ليوم الحشر تلكوهـا
هنياله اللطم يلكاه بميزانـه

•───✧◐◐◐◐✧───•
لطمتنه لهل زينب لطمناهــا
ونقره الفاتحه والهم هديناها
الله يساعد ام عون اعله بلوها
فكدت كل اهلها وبقت حيرانه

•───✧◐◐◐◐✧───•
وين الفاكده خلتجي فزاعـه
تدخل وسطة الميدان هالساعه
وتلطم للحسين الداسو اضلاعه
وبنص العزه خل تلطم اويانــه

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

نعي الزهراء تنعي ولدها الحسين عليه السلام


انا امك واجيتك يبني يحسين
مصابك شلع كلبي من المعين
عليك الحزن ياقرت العين

•───✧◐◐✧───•

يحسين يمه بهالمسيه
ونيت والونه خفيه
على امصيبتك عيني جريه

•───✧◐◐✧───•

يالنايم بحر الظهاري
ومترس اجروحك الذاري
مطروح يبني بالبراري

•───✧◐◐✧───•

اذتني يبني نومتك هاي
مذبوح هم ماشارب الماي
اتكطع دليلي اعليك وحشاي

•───✧◐◐✧───•

اذاني يوم الغاضريه
مطروح شفتك عالوطيه
داست عليك الأعوجيه

•───✧◐◐✧───•

مصابك ييمه حنه ضلوعي
واعليك ماجفن ادموعي
عليك الحزن ماسكت روعي

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

#حصريآ_جديد🔥🔥

قصيدة جنوبيه ليلة الوحشه

{{ ونريدله وساده }}

حسين اعله الترب ويريدله وساده
خلتحظر عمـامـه و تحظر الساده

•───✧◐◐✧───•

خلتحظر الساده شيخهم نايم
عالتربان جسمه طشره الظالم
يحظرونه هله وين اهل العمايم
{ مطشر جسمه يلمونـه }

•───✧◐◐✧───•

يشيلون العميد الطاح عالغبره
يجيبوله چفن وتفصله الزهره
ويم راسه تجي وتنوحله بعبره
{ امه بهل ساعه تبچي عليه}

•───✧◐◐✧───•

ياساده الحسين يريدلـه خــوان
تحظرله العشيره ويحظر الدفان
ويشيلون جسمه الظال بالتربان
{ من التربان يشيلونه }

•───✧◐◐✧───•

اسمعنه الي يموت اهله يحظرونه
فوك جتافهم والروس يخلونــه
بس حسين بالخيل ويدوسونـه
{ مطشر ليش يخلونه }

•───✧◐◐✧───•

دم وتراب صاير جسم ابو سكينه
وزينب من اجت ماعرفته وينـه
احلفك بالزچيه تصيح رد لينـه
{ احمولي بعوزك يالوالي }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
لايجوز حذف براء الذمه من القصيده

https://www.tg-me.com/um_ali313

قصيده ليلة الوحشه ليلة الحادي عشر وتقرى بطور المربعه والفزاعيه

{ مستهل القصيدة }

اليله شلون ليلة مرت اعليج
كلهه امذبحه ونومه اهاليج

•───✧◐◐◐◐✧───•
اليل شلون يازينب تخلصينه
ونايم عالثره ابن امج تشوفينه
وراسه اعله الرمح يخته امعلكينه
وماعندج ولي يمج يحاميج

•───✧◐◐◐◐✧───•
بس ايتام يمج كلها عطشانه
يلوذون بعباتج وانتي حيرانه
وماعندج خيم والروح خلصانه
ومن حرك الخيم مجويه رجليج

•───✧◐◐◐◐✧───•
منيلج خيمه يازينب تكعدين
وماعندج افراش انتي وتفرشين
ومن كعده صلاتچ هل تصلين
وماعدهم رحم واتشمتو بيج

•───✧◐◐◐◐✧───•
تلمين الحرم لو بالنساوين
ظلام وليل واطلعتي تدورين
هاي تون لبنهه وذيج لحسين
وياحال العليل انتي مأاذيج

•───✧◐◐◐◐✧───•
ليل وخوف والخوان نومه
ابن امج عالثره سلبو اهدومه
آ يحسين يوجع حيل يومه
وباجر لليسر زينب يوديج

•───✧◐◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له


https://www.tg-me.com/um_ali313

#قصيده_للحسين ليلة العاشر

#المستهل

لاخويه لا مالي حيل افراكك

•───✧◐◐✧───•

يحسين لا تنساني
راح امشي وي عدواني
خويه الشمر اذاني
وروحي الك تشتاكك

•───✧◐◐✧───•

ياابن امي واصبي عيني
ولوحدي تخليني
وبعيالك موصيني
يردوك خويه اعيالك

•───✧◐◐✧───•

زينب انه المهيوبه
اليوم اصبحت منكوبه
الدنيه الك مكلوبه
لموتتك واحوالك

•───✧◐◐✧───•

ضربوني واني بت علي
ماهاب امي ولاهلي
ويزمخ عليه العاذلك
كدامك وماهابك

•───✧◐◐✧───•

ماكال هاي الطاهره
من نسل ال المصطفى
محجوبه هاي مخدره
يضربني خويه كبالك

•───✧◐◐✧───•


بقلم المله والشاعرة ام علي الامارة
غير مبري الذمه اليحذف اسم الشاعره ويتلاعب بالكلمات
المستهل لأحدى الخادمات

https://www.tg-me.com/um_ali313

نعي ليلة الوداع


يليل الموادع مااحمله
وداع الأخوان يخلي عله
ومكابلتهم ليلي كله

•───✧◐◐✧───•

ياليلة التوديع ليله
عيني عليهم دم تسيله
لو مشو فركتهم طويله

•───✧◐◐✧───•

خليني منك اشبع اوداع
يحسين خويه وحلو الاطباع
باجر تظل مطروح عالكاع

•───✧◐◐✧───•

كلي يخويه شلون بيه
لو متت وانه امشي سبيه
وتضل جثتك فوك الوطيه

•───✧◐◐✧───•

خواني وماينشبع منكم
وطول الدهر مافاركتكم
ترضون لو تعبت اختكم

•───✧◐◐✧───•

يعامود خيمتنه وضمدنه
خليني اودعك ياسندنه
خلافك تصل عدوان حدنه

•───✧◐◐✧───•

اهدي ثواب العمل الى صاحب العصر والزمان عج

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

حديث ليلة الوداع

في ليلة العاشر من المحرم قال الحسين: يا اختاه يا زينب يا فاطمة يا رباب انظرن إذا قتلت فلا تشققن علي جيبا و لا تخمشن وجها و لا تقلن هجرا ثم إن الحسين أوصى اخته زينب بأخذ الأحكام من علي بن الحسين و إلقائها إلى الشيعة سترا عليه
-ثم إنه عليه السّلام أمر أصحابه أن يقاربوا البيوت بعضها من بعض ليستقبلوا القوم من وجه واحد و أمر بحفر خندق من وراء البيوت يوضع فيه الحطب و يلقى عليه النار إذا قاتلهم العدو كيلا تقتحمه الخيل فيكون القتال من وجه واحد.

ياليلة التوديع ليله
كل واحد المنهم مر دليله
ومن العطش مهدود حيله

•───✧◐◐✧───•
وتسامرو ليلة العاشر
باچر يذبحون المناحر
وزينب تظل الكلب حاير

•───✧◐◐✧───•
التمن عليه لمت حبايب
يودعن حسين بكلب ذايب
خلاف الولي يصبحن غرايب
•───✧◐◐✧───•
ام الولد ودعت ولدها
وام الرضيع احزان عدها
من غبشه ويكطعون حدها
•───✧◐◐✧───•
والبنيات كعدن يودعنه
التمن عليه ويشمنه
اخر مسيه حسين يمنه
•───✧◐◐✧───•
، ونادى: يا سكينة، ويا فاطمة، يا زينب، ويا اُمّ كلثوم، عليكن منّي السّلام، فهذا آخر الاجتماع، وقد قرب منكنَّ الافتجاع. فعلت أصواتهن بالبكاء، وصحن: الوداع، الوداع، الفراق،

التمن عليه يودعنه
لزمن اديه ويحبنه
لا تبتعد وتروح عنه
•───✧◐◐✧───•
لزمت رقيه ذيال ابوها
تنحب والخوات يشاهدوها
كوه من الوالي ابعدوها

•───✧◐◐✧───•
تفطر كلبها بليل الوداع
تكله يبويه الكلب متلاع
باچر تظل مطروح عالكاع

•───✧◐◐✧───•
اليله للصبح خليني يمك
وكل لحضه تحضني واشمك
ماندري باچر شنهو علمك


فجاءته عزيزته سكينة، وقالت: يا أبتاه، استسلمت للموت ؟ فإلى مَنْ أتّكل ؟ فقال لها: يا نور عيني، كيف لا يستسلم للموت مَنْ لا ناصر له ولا معين، ورحمة الله ونصرته لا تفارقكم في الدنيا والآخرة، فاصبري على قضاء الله ولا تشْكِي ، فإنّ الدنيا فانية، والآخرة باقية. فبكت سكينة فأخذها الإمام وضمّها إلى صدره، ومسح الدموع عن عينيها.

مااحمل اوداعك يغالي
باچر اصير بغير والي
ويخرب عكب عينك دلالي
•───✧◐◐✧───•
مهظومه اضل واجذب الونه
يعزيز كلبي ويا سندنه
راح الدلال اوين صرنه
•───✧◐◐✧───•
مافاركك غصبن عليه
يابوي يلكلك حميه
ردتك سند تبقى اليه

ثمّ إنّ الإمام الحسين عليه السّلام دعا النساء بأجمعهنَّ، وقال لهنَّ: استعدّوا للبلاء، واعلموا أنّ الله حافظكم وحاميكم، وسينجيكم من شرّ الأعداء، ويجعل عاقبة أمركم إلى خير، ويعذّب أعاديكم بأنواع العذاب، ويعوّضكم عن هذه البلية بأنواع النعم والكرامة، فلا تشْكُوا ولا تقولوا بألسنتكم ما ينقص قدركم. ثمّ أمرهنَّ بلبس أزرهنَّ ومقانعهنَّ، فسألته السيّدة زينب عن سبب ذلك، فقال: كأنّي أراكم عن قريب كالإماء والعبيد، يسوقونكم أمام الرِكاب، ويسومونكم سوء العذاب. فلمّا سمعت السيّدة زينب ذلك بكت ونادت: وا وحدتاه ! وا قلة ناصراه ! ولطمت على وجهها. فقال لها الإمام الحسين: مهلاً يابنة المرتضى، إنّ البكاء طويل. ثمّ أراد الإمام أن يخرج من الخيمة فتعلّقت به السيّدة زينب وقالت: مهلاً يا أخي، توقّف حتّى أتزوّد منك ومن نظري إليك، وأودّعك وداع مفارق لا تلاقي بعده. فجعلت تقبّل يديه ورجليه،

خليني اشمك ياضوه العين
اخر وداع اوياك يحسين
باچر على الغبره مطاعين

•───✧◐◐✧───•
من هسه كلبي لاحه المصاب
لو رحت ادري يطول الغياب
موذر يظل جسمك علتراب

•───✧◐◐✧───•
ياخويه ياماي البعيني
ياريحة الزهره التجيني
مافاركك وانتي تدريني

•───✧◐◐✧───•
اخر وداع بهل المسيه
وماترد كعداتك عليه
والعشره خصلت هاي هيه
•───✧◐◐✧───•
فصبّرها الإمام الحسين، وذكر لها ما أعدّ الله للصابرين. فقالت: يابن اُمّي، طب نفساً، وقرّ عيناً ، فإنّك تجدني كما تحبّ وترضى.

حضنها الحسين اودعاها
حبها براسها وسولف وياها
سوالف اخو لزينب حچاها
•───✧◐◐✧───•
يزينب يخيتي لاتهمين
لو شفتي كل اهلچ مطاعين
فدوه اركابنه انذرناها للدين
•───✧◐◐✧───•
حاميچن الله ياعيوني
العدوان ليه يريدوني
همهم عليه يذبحوني
•───✧◐◐✧───•
تكله زينب ،،،

كلنه فده لأسمك وطرواك
وانصير كل احنه فداياك
ولااشوف راسك لازمه اعداك
•───✧◐◐✧───•

فقال لها الإمام الحسين عليه السلام: أخيه، ايتيني بثوب عتيق لا يرغب فيه أحد أجعله تحت ثيابي ، لئلاّ أجرّد بعد قتلي، فإنّي مقتول مسلوب. فارتفعت أصوات النساء بالبكاء.
•───✧◐◐✧───•
اوداعت الله ياولينه
مصباح باچر يأذينه
وچم غالي بيكم ذابحينه
•───✧◐◐✧───•
تروحون وانه احتار بأمري
واشبع هظم بس الله يدري
عكبكم يخون وياي دهري
•───✧◐◐✧───•
تدرون بيه هاشميه
مااحمل الهظمه وأذيه
ويحدينه ابن الدعيه
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

مواجع الطف جزء التاسع ملاياتنا العدكم الديوان اقروها اليلة 👆🏻👆🏻😭😭 قصيدة توجع القلب حزن والم بالقصيدة
القصيدة تنقري بعدة اطوار الأخوات قروها بجميع الأطوار
😭💔👌🏻

مقتطفات حزينة ليلة العاشر



اخياتي الخادمات اليلة ليلة عزااء من اكول عزاء مو يعني عزاء لطم فقط

اليلة اول متكعدين بالمجلس دخلي مكسورة والحزن واضح على عيونچ

اليلة الحسين يودع العيال وليلة اعمال وصلاة والصدقة مهمه اليله تطلعوها لسلامة قلب الحجة المنتظر عج

خلصوها للصبح عباده 👆🏻👆🏻 الحسين وانصاره واهل بيته

اخواتي بين كل نصوص النعي كطعي النعي وسولفي ويه الكاعدات على وداع الحسين مع اخته 😭💔
سمعيهن مفردات حزينة تكسر قلوب المعزيات
حتى المجلس يضج بالصراخ والعويل مثلآ قولي لهم 👇🏻👇🏻

تخيلي نفسچ اليلة انتي عندچ علم باچر اخوچ ينذبح وتدوسه الخيول الأعوجية وتطحن ضلوعه وبعد متشوف حتى راسه شيصير بيچ وانت عندچ اخيچ عزيز ممفاركته خلصتي عمرچ وياها وشلون اخوو مثل الحسين ع😭😭 الحبيب الي امچ اموصيتچ عليه تحبينه بنحره وتشمي بصدره 😭😭

واويلاه وامصيبتاه واضيعتاه

هم عندچ هيج اخ مثل هذه الصفات

تخيلي المنظر وعيشي الحاله وتصوريها 😭😭😭 ذيچ الساعه شلون حالچ

احلفچ بزينب شلون لوانتي بمكانها 😭😭 شتسوين

باچر ينذبح وتدوسه الخيول
وتحتار اخيته وبعد شتكول

😭😭😭👆🏻👆🏻👆🏻


هنا اكيد راح يضجن بالبكاء وانتي كذالك ابچي وياهن وانتي تحچين ابچي ومن يبچن كليلهن جزعن مالومچن لأن هذا الحسين هذا الحبيب هذا الطبيب هذا السند هذا المايردنه اذا نخيناه

😭😭😭👆🏻👆🏻👆🏻

كليلهن صيرن انتن بنات الحسين اليله وتخيلن ابوكم يودعكم وحده وحده وتچلبين بذياله تكليله بويه دخيلك لتعوفنه منكدر نفارك وجهك الحنين 😭😭😭😭
يابويه ياحسين عمت عيني عليك مولاي


اليله ام ولد ودعت ولدها
وام الرضيع انكطع حدها
وسكينه باچر محد الها

لا كفال يكفل هلضعينه
عباس ومصوب عينه
وراس بعمود مصوبينه

رقيه بليلة الوداع كوه فصلوها من الحسين
چليت بذياله 😭😭😭😭

اليله للصبح مانامت ام عون
خوانها عليها يحرسووون
هاي العزيزه وماي العيون


خادمتكم ام علي الإمارة

https://www.tg-me.com/um_ali313

ادوار الكتائب الشامية في معركة كربلاء

كان العلامة الاميني (قدس سره)
من عادته أن في ليلتي التاسع والعاشر من شهر محرم الحرام يخرج صدقة باسم صاحب الزمان (عجل الله فرجه) وكان يقول :

أن في هذه الليالي يكون قلب الحجة معتصرا بالألم والحزن

قصيدة جنوبية لأهل زينب ع

من ديوان

#العبرة_الفاطمية_جزء_الأول

{ هين ياموت }

هَـون ياموت - ويه البيهم الزود
خليلي اخوتي وراعي الجـــود

✫───⊹⊰⊹───✫

تانوني يخوتي ولاتبعدون
وانه اخلافكم عميانه العيون
كون اوياي ياخويه تكعدون
{ خلوني وراحو /حيرانه }

✫───⊹⊰⊹───✫

ياموت الاعزاز اشلون سويت
ضربت امثال من الحزن وايسيت
بلميدان صار اللطم وبجيت
{ الشايل مني / وين الكاه }

✫───⊹⊰⊹───✫

ها ياموت ريض ويه الاسياد
ردتهم للزمن ودروب الابعاد
اصيح ابصوت خويه يبو السجاد
{ صحتك ياابن امي / حاجيني }

✫───⊹⊰⊹───✫

الف وسفه عليهم شالو ابعيد
بعد ماضن يجونه ابليلة العيد
مايدرون رحنه ابعملت ايزيد
{ ويزيد اليضرب / بعضانه }

✫───⊹⊰⊹───✫

مايدرون اخوتي ضاعت اطفال
والنسوان كلها اتريد خيال
راحت هلحرم كلها اويه الانذال
{ مارجعت لينه / ارجال الراحت }

✫───⊹⊰⊹───✫

هين يادهر لاتغلب العيله
هاي اطفال كلها امسافره اليله
ريض ياعدو تانينه علشيله
{ اويه اعدانه / اشلون اروح }

✫───⊹⊰⊹───✫

اشلون انشيل شيلتنه ابمغربيه
ويزيد اللعين ايضرب اعليه
ويانه عوايل كلها مسبيه
{ مسبيه اومحد / ويانه }

✫───⊹⊰⊹───✫

بقلم الشاعرة ام تحسين البصرة
غير مبري الذمة اليحذف اسم الشاعرة وينسب الكلام له

https://www.tg-me.com/a1230th

قصيدة للحسين {جنوبيه}
من ديوان

#مواجع_الطف_الجزء_الأول

{ مستهل القصيدة }

الزهره تريد - لطامه على حسين
تتكابل اوياها وتهمل العيـــن

•───✧◐◐◐◐✧───•
الزهره تكابلچ وني يشيعيه
عالمذبوح واللطمه اشتراكيه
وني وياي ونكابل العلويه
{ وانون وانوح - لمبچاها }

•───✧◐◐◐◐✧───•
عينوها يشيعه ولطمو وياها
لمصاب الشهيد الكطع احشاها
شلع كلب الزچيه وطفت عيناها
{ من ظيم المرها - تعبانه }

•───✧◐◐◐◐✧───•
شهرين اعله ابنها المأتم انصبه
هاي ام الحسن منكوبه ومعصبه
محنيه تجي وتكعد عله العتبه
{ ماكتدر تلطم - عينوها }

•───✧◐◐◐◐✧───•
لطمو اعله الشهيد الرضو ظلوعه
وذكرو اخته المشت للشام مفجوعه
ماضل الها والي وشافت اللوعه
{ لطمو اعله الراحت - ميسوره }

•───✧◐◐◐◐✧───•
صاحت فاطمه وين الي ناخينه
هله بخدامنه النصبو تعازينه
كل عام بمحرم تجي تواسينه
{ مشكور الون - اعله اوليدي }

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313