قصيدة لهلال محرم وزن بحر الطويل
من ديوان #مواجع_الطف_الجزء_الثالث

{ مستهل القصيدة }

الصادق من يهل عاشور - يشتد حزنه وآلآمه
وينصب ماتمه لحسين - ويلطم حيل علهامه

•───✧◐◐◐◐✧───•

ليل انهار يبچي اعليه الصادق زادت احزانه
يتذكر مصاب حسين ودمع عيونه جريانه
ينوح بكل الم ويكول مارحموه عدوانه
عشر خيول داسنه جدي ورضو اعظامه

•───✧◐◐◐◐✧───•

وناته تفت بالروح يبچي صادق العتره
للمطروح فوك الكاع جده الكسرو صدره
والعالم تجي تعزيه وتكثر بالعزه العبره
من كثر الحزن والآه ينزع حتى العمامه

•───✧◐◐◐◐✧───•

يكول الصادق بحقه حي حسين عند الله
ابچي لقصته ويومه واذكر ذبح عبدالله
بذاك اليوم والساعه ظل يلهج بذكر الله
والله رافعه وعلاه جدي تشهد ايامه

•───✧◐◐◐◐✧───•

بروايات الحديث يكول صادق يحچي للشيعه
حسين يشوف زواره وكلمن منهجه يطيعه
يسجله بدفتره خادم بدفتر أمه الوديعه
ويلكه هناك بالجنه نعيم محققه احلامه

•───✧◐◐◐◐✧───•

يهنياله النصب ماتم لجدي ويذكر مصابه
يواسي فاطمة الزهره باابنها السلبو ثيابه
وبولاده الكضو بالطف كلها وجملة اصحابه
شفيعتكم تصير هناك زهره بيوم لقيامه

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

أعلنَ مكتبُ سماحة السيد السيستاني (دام ظلّه) في النجف الأشرف أن يوم غدٍ الجمعة المصادف (٢٧-٦-٢٠٢٥م) هو الأول من شهر المحرّم الحرام لعام ١٤٤٧ للهجرة، ونسألكم الدعاء .

#وفاء_للحسين
#السيد_السيستاني

لم يشهد التاريخ ملحمةمنذ ان خلق الله ادم بمثل معركة كربلاء

من برنامج الروضة الحسينية
سماحة الشيخ ذكر كتاب منهج الخطيبات هنيئاً للخادمات بـالكتاب موفقين ان شاءالله اخواتي العزيزات

نعي الهلال دخول محرم
من ديوان #مواجع_الطف_الجزء_الثالث

حديث گوریز

قيل للإمام الصادق (عليه السلام) : سيدي جعلت فداك إن الميت يجلسون له بالنياحة بعد موته او قتله واراكم تجلسون انتم وشيعتكم من اوّل الشهر بالمأتم والعزاء على الحسين (عليه السلام) فقال (عليه السلام) : يا هذا اذا هلّ هلال المحرّم نشرت الملائكة ثوب الحسين (عليه السلام) وهو مخرّق من ضرب السيوف وملطّخ بالدماء فنراه نحن وشيعتنا بالبصيرة لا بالبصر فنتفجر دموعاً . 
وغاب بعض اصحاب الصادق (عليه السلام) عنه ليلة من الليالي فسأله عن غيابه وكان ذلك الرجل منصرفاً الى تعزية الحسين (عليه السلام) عند بعض اصحابه فقال (عليه السلام) : اين كنت البارحة قال : في شغل بدا لي ولم يذكر له مأتم الحسين (عليه السلام) اشفاقاً عليه . 
قال (عليه السلام) : كنت في مجلس الحسين (عليه السلام) فخشى الرجل ان يقول لا قال : نعم ، قال (عليه السلام) : هل عثرت بشيء في الباب عندما اردت الخروج ، قال : نعم عثرت بثوب ، قال (عليه السلام) : ذلك الثوب ثوبي وربّ الكعبة ، فبهت الرجل وقال : سيدي كيف تجلس في الباب وانت ابن رسول الله (صلى الله عليه وآله وسلم) وأشرف من على البسيطة ولم لا تتصدّر المجلس ، فان لكم صدور المجالس ، قال (عليه السلام) : كيف اتصدّر فيمجلس وجدي رسول الله وابي أمير المؤمنين وأمي فاطمة في صدر المجلس . 
ثم بكى الإمام (عليه السلام) وبكى من كان حاضراً وقال (عليه السلام) : رحم الله تلك المجالس التي يحيى فيها امرنا ،اما اني لأحبّها . 
نعم يحبّون المجالس ويجلسون بها ولو كشف لكم لرأيتموهم لابسين ثياب الحزن والأسى خصوصاً مولاتنا فاطمة (عليها السلام) ، وكأني بها ……


يشتد الحزن من يبدي عاشور
قميص ابني انشره بدمع منثور
وابچي لحالته والضلع مكسور

•───✧◐◐◐◐✧───•
احظر واون لمصاب الحسين
واحظر عزاكم يالموالين
من البواچي عاميه العين

•───✧◐◐◐◐✧───•
يم باب الحسينيات اكعد
واشوف التون وياي وتعد
على ابني العزيز الشال وابعد

•───✧◐◐◐◐✧───•
واما عن حاله مولاتي زينب عندما رأت الهلال وصااااحت


هلت عيوني بجيت الهلال
مخسوف شفته والدمع سال
وحمل ضعنه وللسفر شال

•───✧◐◐◐◐✧───•
هل الهلال ورجف كلبي
يادمعتي بهل اليوم صبي
بدمعه رفعت ايدي لربي

•───✧◐◐◐◐✧───•
ضليت بس احچي اويه روحي
وخفت اعله اخوتي وزاد نوحي
بهذا الشهر تكثر جروحي

•───✧◐◐◐◐✧───•
يروحي استعدي للبواچي
تفكدين حلوين المحاچي
وماتبقى منهم بس خواچي

•───✧◐◐◐◐✧───•

هل الشهر وانه نظرته
وحسيت بلهم لمن شفته
ياخذ هلي كلهم عرفته

•───✧◐◐◐◐✧───•
يهلال المصايب يوم هليت
بكلبي جرح صوب اهلي خليت
كبلهم ردت ميته تمنيت

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

نرحب بخادمات الحسين ع وبناتنا المهدويات بوجودهن معنا بقناة جنة فضائل اهل البيت ع
قناة مميزة وهادفة لنشر العلم والمعرفة واقوال اهل البيت والتوعية

ابد لتنرددين اشتركي عبر الرابط واستفيدي من المعلومات

https://www.tg-me.com/jinitfi

https://www.tg-me.com/jinitfi

هذه قناتي 👆🏻👆🏻اشتركو بيها اخواتي العزيزات راح تفيدكم كلش اني انشر بيها والمنشورات كلها موثوقه

خادمتكم ام علي الإماره

⚫ نصائح ذهبيّة للتّهيؤ المعنويّ للذهاب إلى المجالس..

١. الإخلاص في النّية عند الذّهاب للمجلس ولا يكون لأغراض دنيويّة بل للاستفادة والعِبرة والعَبرة..

٢. الدُّعاء والرَّجاء من اللَّه أن يجعل أمنياتك وأهدافك تُطرح على لسان الخطيب..

٣. البقاء حتّى آخر المجلس للتّأمين (قول آمين) على دعاء القارئ أو الخطيب حتّى يشملك تحقّق الدّعاء..

٤. الاسترخاء لمدّة دقيقتين بعد انتهاء دعاء الخطيب وطرق الرّأس للأسفل وإغماض العينين حتّى تدعو اللَّه حاجتك وأنت في هذا الجوّ الرّوحانيّ..

٥. عدم البقاء في المجلس بعد الانتهاء والإطالة في الحديث والمزاح مع الآخرين مما يضيع الفيوضات الرّوحيّة الّتي شملتك وحتّى يستمرّ القنديل الّذي أضيء لك مولعًا..

٦. الدُّعاء أن يرزقنا اللَّه البكاء أو التّباكي على مصيبة الحُسين (عليه السّلام)..

٧. عدم الاكتفاء بسماع المحاضرات عبر التّلفاز والاستغناء بها عن الذهاب للمجالس، فشتّان بين مجرّد كلام تسمعه وبين التّوفيق لحضور مجلس الحسين عليه السّلام (لكل إنسان ما سعى) فلا يخدعنّك الشّيطان..

٨. الدُّموع الَّتي تنحدر على خدّيك عليك أن تحتفظ بها في منديل خاص وليس محارم كلينكس وترميها ففيها بركات عظيمة وممكن وضعها في الكفن أو عليك أن لا تمسحها واجعلها تجف من نفسها فما دامت الدّموع على الخدّ فالدّعاء مستجاب..

٩. عدم الاستماع لقضيّة مقتل الحسين عليه السّلام والقلب لاهٍ أو في مزاح مع الآخرين فهذا مما يسبب قسوة القلب!..

• سماحة الشيخ حبيب الكاظمي حفظه اللّٰه..

- صورة من صور الأستعداد لعاشوراء..

قصيدة جنوبية زينب والحسين

من ديوان #ضمأ_الطف

{ يلضيع دلالچ }

يلضيع دلالچ ويــن تلكينـــه
خذاه الموت منچ ماتحصلينه

•───✧◐◐✧───•

للضيع دلالـچ حيــل لطميلــه
وعصابه لخوچ اليــوم شديلـه
وثوب اسود عله المظلوم لبسيله
{ والخوه اوياه / لاتنسيها }

•───✧◐◐✧───•

لاتنسي عشرته وكعدته الحلوه
اخوچ حنين يتعنــه بلا نخـوه
يفييلچ خياله صاحب امــروه
{ يامحله حسين / اوكفاته }


•───✧◐◐✧───•

عله ابن امج يزينب دوم تنعين
كون اسمع ونينج مــن تونيــن
هم يمج حبايب مــن تلطمين
{ چادر لبن امچ / سويتي }

•───✧◐◐✧───•

مايرجع بعد ماضن تشوفينه
يزينب ايسـي راح التودينــه
راح الجان بالكلفات تنخينـه
{ والغرب عنچ / شيعوده }

•───✧◐◐✧───•

خرب ذاك الدلال وراح ميعود
وخلص كلشي بحياتچ صار مفكود
وماترجع عشرتچ جانت بزود
{ عافوچ وراحو / مهظومه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

احصائيات هامة عن خروج الركب الحسيني

قصيدة جنوبية لأهل زينب
من ديوان #العبرة_الفاطمية_جزء_الأول

{ هنا يهل المراجل }

هنا يهل المراجل وين ماشين
ردناكم عله العيله سلاطين

✫───⊹⊰⊹───✫

هنا يهل المراجل لاتبعدون
ردناكم حمايه الهاي الضعون
وعداكم كفر بينه يعيلون
{ انريد اخوان / اليحمونه }

✫───⊹⊰⊹───✫

ياخواني كومو ردو اويانــه
اعاتب والعتاب يريد عوانه
اختكم من بعدكم تمشي حيرانه
{ ونتم بلهيمه / امخلينه }

✫───⊹⊰⊹───✫

النه اعتاب وياكم نعاتبكم
جبتو هل حرم وطفال تطلبكم
وانه امن التعب ضليت احشمكم
{ وشلون اعتابي / اتسمعونه }

✫───⊹⊰⊹───✫

حك الحرمه من تعتب عله الوالي
حلوه لمة الخوان واكبالي
اوشحلات الولد لو كال ياخالي
{ ياچلمة خالي / اشمحلاها }

✫───⊹⊰⊹───✫

غدرنه البين من اهلي النشميه
راحو والزلم جانت اسباعيه
اعتب والعتب لاوين تاليه
{ رديت ابوحدي / ومهظومه }

✫───⊹⊰⊹───✫

الشاعرة ام تحسين البصرة
غير مبري الذمه اليحذف اسم الشاعرة وينسب الكلام له

https://www.tg-me.com/a1230th

قصيدة مربعة لنزول كربلاء

من ديوان #مواجع_الطف_الجزء_الثالث

وصلنه الكربله ودكينه الخيام
وخواني النشامـه شدو أحزام

•───✧◐◐◐◐✧───•

لرض الغاضريه من وصلنه
والوليان نزلو كل حملنـــه
حرم واطفال اجينه وگل شملنه
وعباس الشفيه الليل مينام

•───✧◐◐◐◐✧───•

عفنه اديارنه الجانت زهيـه
وعفناها وبقت ظلمه وخليه
وكعدنه اديار أرض الغاضريه
وخواني باأرضها رفعو الهام

•───✧◐◐◐◐✧───•

الدار الچانت امزهره بااهلها
هليوم اصبحت خالي نزلها
بقت بس العليله تزيد ونها
تون اعلى الأهل والقلب محتام

•───✧◐◐◐◐✧───•

احس گلبي انجرح من جيتي هاي
بأرض الغاضريه افگد احماي
واظل تالي اسيره بولية اعداي
واضل حرمه وحيده مالي ازلام

•───✧◐◐◐◐✧───•
مهيوبه اجيت ورافعه الراس
يحرسني الكفيل الكله نوماس
حامي اضعون اخيته البطل عباس
وصيه من علي حيدر الضرغام

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

قصيده فزاعيه للمسير

من #ديوان_ضمأ_الطف

{{ اليوم ام عون }}


اليوم ام عون عافت دار اهلها
لراضي كربله جابـت حملها

•───✧◐◐✧───•

دار اهل الكرم هاليوم سدوها
كل احمولهم بالضعن جابوها
دكوها الخيم والحرم نزلوها
(( زينب بخوتها مهيوبه ))

•───✧◐◐✧───•

مهيبـوبه اجت والراس رافعتــه
ابوفاضل الحارس بالضعن لخته
بطوله يضللهه حسين شافتــه
(( ماذلت يوم المحجوبه ))

•───✧◐◐✧───•

بوجــود الأهل ماذلت الحــره
اجت من المدينه وبالكلب حسره
وصلت كربله والروح متحيره
(( والعين تصد لولياها ))

•───✧◐◐✧───•

اهل الزود اهلها البيهم مروه
بحماهم اجت كلهم عزم يكوه
مهيوبه العقيله بجال هالخوه
(( الخوه وياهم محلاها ))

•───✧◐◐✧───•

غراب البين فوك الخيم ضل يفتر
حست بالوجع زينب بهالمنظر
صاحت ياعلي ينخاك كل مضطر
(( الصاحك حيدر تحظر ليّ ))

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/um_ali313

قصيدة لفاطمة العليله
من ديوان #مواجع_الطف_الجزء_الثالث

{ يوحشنـي النزل }

يوحشـنـي النزل بالمغربيه
صحتهم ياهلي ردو عليــه

•───✧◐◐✧───•

مانشدو وأجوني وشافو الحـال
عليله وبالنزل أبچي الدمع سال
راحــو مـاخـذوني ويـه العيـال
عيني اعله الدرب ضلت جريه

•───✧◐◐✧───•

يوم الودعتهم دمعـي سـچـاب
صحت عيني لدربكم آ يالحباب
تضل مناطره وتنظر عله الباب
مثل حــال اليتم حال البنيــه

•───✧◐◐✧───•

بدمع العين اهـلي ودعـتـهـم
عافونـي ومشو مـا چني بتهـم
مريضه لوحدي ابچي بنزلهـم
عله الفركه اون صبـح ومسيه

•───✧◐◐✧───•

اون بالدار ويردلي صداها
مايمي اخت واكعد وياها
تخفف نار فركاهم هواها
اون بالبيت واصرخ يارقيه

•───✧◐◐✧───•

بـعـد شلفايـده عـافـنـي كلهـن
وصرت چني غريبه وماني منهن
وين امشـي واحصل وحده منهن
لا أم لا اخــت ضـلــت الـيــه

•───✧◐◐✧───•

#جديد_حصريآ

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

موضوع جدا مهم للأخوات الملايات نرجوا الإنتباه اليه ونشره بين النساء..
لنجعل من هذه المجالس فرصة و(محطة تفقه ) بالدين ولو مسألة شرعية واحدة...
جزاكم الله خير

#عظم_الله_لكم_الأجر

تم نشر قصائد جددة بقناة الحجيه ام علي من اروع القصائد تعالو وياي لقناة الشاعرة الحجيه ام علي البصره تحصلون بيها كولشي جديد

ماعليج بس تشتركين من هنا


👇🏻👇🏻👇🏻👇🏻👇🏻

https://www.tg-me.com/ahzan2018

https://www.tg-me.com/ahzan2018