#هوسة_لفاطمة💔

راحت فاطمة تشكي لـوليها
من طحن الرحى تعبن اديها
تلكاهــا النبي وسلم عــليها
حبها براسها ويسمع حچيها
يكلها انتي الفخر يـا أم ابيها

{ وأنطاها الخير - بتسبيحة }

✍🏻#ام_علي_الإماره

كونو مترقبين بالمزيد من الهوسات الخاصة والحزينة مع كل هوسة صورة من صور المصيبة على دار الزهراء ع اقروهن بمجالسكم المباركة

#أم_علي_الإماره

👇🏻👇🏻👇🏻👇🏻

اخواتي الخادمات انصحكم بدواووين مواجع الزهراءع
ثقو بالله تصير مجالسم خالصة بذكر الزهراء وتنالون رضاها

نصيحة من اختكم وخادمتكم ام علي الإماره

جزء الأول ماعتقد تحصلوه لأن مخلص وجزء الثاني والثالث متوفرات مع ديوان العبرة الفاطمية جزء الخامس
مع كتاب منهج الخطيبات للمحاضرات

حجزوهن وكونوا على يقين انكم محظوضين بيهن

حجزو منا 👇🏻👇🏻👇🏻

@miunt12bot

#جديد

قصيدة توسل الخادمه بالزهراء

{ ناذره عمري }

ناذره عمري لخدمتج فاطمـة
يم حسن قبليني عندج خادمة

خـادمـه قـبلينـي
بدفترچ سجلينـي

ناذره عمري لخدمتج فاطمة

•───✧◐◐✧───•

امي نذرتنـي الچ من الـصغـر
بـدربچ امشي يلعزيزه للـگبـر
وأدري بيچ مساندتنـي للحشر
انتـي امي الحانيه
مالي غيرچ ثانيــه
يالحنينه بيچ روحي هايمـة
ناذره عمري لخدمتج فاطمة

•───✧◐◐✧───•

عمري ماريده اذا ما أخدمچ
خادم يسموني لحسين والچ
واني باقي وياچ للموت أتبعچ
خادمه يسموني
وانتي نور عيوني
افتخر اخدم الدره العالمة
ناذره عمري لخدمتج فاطمة

•───✧◐◐✧───•

فاطمة اسمچ دوه لجـروحي
انتي أمي وانتـي كُلشي بروحي
خادمــه لوليدچ المــذبوحي
اخدم حسين وهله
وبخدمتي مدللــه
والخدمهم ياخذ اجر وغانمة
ناذره عمري لخدمتج فاطمة

•───✧◐◐✧───•

واليخدمچ فاطمه تعوضينه
مراد عـاجل للـخدم تنطينـه
واليجـي يم بابــچ تفرحينـه
فاطمه ام كلب الحنين
تنطي بثواب الحسين
وتحظر بكل العزيـه لاطمــة
ناذره عمري لخدمتج فاطمة

•───✧◐◐✧───•

اشكر الله اعليچ يامــولاتــي
بهل الخدامه تسجلن دمعاتي
بس الچ مولاتي أجـر وناتــي
يم الحسن مشكوره
وبخدمتـچ مسروره
يالصيتچ من الله عِله سابع سمة
ناذره عمري لخدمتج فاطمــة

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://www.tg-me.com/um_ali313

#ذكرى_أليمة


في مثل هذا اليوم بالهجري يوم استشهاد مولاتي فاطمة ع كان وفاة والدتي الشاعرة ام تحسين بصرة اللهم يرحمها برحمته الواسعة صارلها 5 سنوات 💔
💔وفاتها في يوم استشهاد الزهراء ع

اخلاصها ثبت بدليل دواوينها
توفت وهي ماعدها اي ديوان مطبوع من كتاباتها

واذا بنظرة من الزچية ان توفقني للطباعة واطبع دواوينها ويصبحن كتبها العبرة الفاطمية رمز للأخلاص وقوة الشعر الجنوبي الفطري

شهد لها الأخلاص بكتبها بحيث يطبعون 1000 نسخه لديوان العبرة ويرجعون يجدددون وهي متوفيه

من كتبت فطري يعني والدتي ممكمله مرحلة بالدراسة صف رابع ابتدائي وتاركة الدراسة

الشعر مالتها عالفطرة وعالوراثه لأن والدها كان شاعر مميز بقصائده التي كتب منها بدون نقاط

رحمها الله ورحم والدها ورحم امواتكم ان شاءالله

إبنتُها الخادمة ام علي الإمارة

#جديد💔😭🔥

حديث تغسيل وتكفين الزهراء ع مع نعي

.فوقع الحسن عليها يقبّلها ويقول: يا أمّاه كلميني قبل أن تفارق روحي بدني.. والحسين يقبّل رجلها ويقول: يا أماه أنا ابنك الحسين كلميني قبل أن ينصدع قلبي فأموت..

• ثم خرجا إلى المسجد وأعلما أباهما بشهادة أمهما فأقبل أمير المؤمنين إلى المنزل وهو يقول: بمن العزاء يا بنت محمد؟! كنت بك أتعزى.. ففيم العزاء من بعدك؟

• وقال: (اللهم إني راض عن ابنة نبيك «صلَّى اللّٰه عليه وآله» اللهم إنها قد أُوحشت فآنسها وهُجرت فصلها وظُلمت فاحكم لها يا أحكم الحاكمين).

• وخرجت أم كلثوم متجللة برداء وهي تصيح: يا أبتاه يا رسول اللّٰه، الآن حقاً فقدناك فقداً لا لقاء بعده..

• وكثر الصراخ في المدينة على ابنة رسول اللّٰه واجتمع الناس ينتظرون خروج الجنازة فخرج إليهم (أبو ذر) وقال: انصرفوا إن ابنة رسول اللّٰه أخر إخراجها هذه العشية...

• وأخذ أمير المؤمنين «ع» في غسلها وعلله الإمام الصادق «ع»:
(بأنها صّدّيقة فلا يغسلها إلا صّدّيق كما أن مريم لم يغسلها إلا عیسی).

• وقال: إن علياً أفاض عليها من الماء ثلاثاً وخمساً وجعل في الخامسة شيئاً من الكافور وكان يقول: اللهم إنها أمتّك وبنت رسولك و خيرتك من خلقك، اللهم لقنها حجتها اعظم برهانها واعلِ درجتها واجمع بينها وبين محمد «ص وآله»..

• وحنطها من فاضل حنوط رسول اللّٰه الذي جاء به جبرئيل فقال النبي: يا علي ويا فاطمة، هذا حنوط من الجنة دفعه إلي جبرئيل وهو يقرئكما السلام ويقول لكما: اقسماء واعزلا منه لي ولكما فقالت فاطمة «ع» : ثلثه لك والباقي ينظر فيه علي فبكى! رسول اللّٰه وضمها إليه وقال: [إنك موفقة رشيدة مهدية ملهمة].

• يا علي، قلّ في الباقي.. فقال: نصف منه لها والنصف لمن ترى يا رسول اللّٰه، قال: هو لك.. (وكما هو متعارف أن أمير المؤمنين ترك نصف منه إلى ولده الحسن)..

• وكفتها في سبعة أثواب.. وقبل أن يعقد الرداء عليها نادى.ونادى «عليه السلام»:
(يا أم كلثوم يا زينب، يا حسن يا حسين) هلموا وتزودوا من أمكم الزهراء فهذا الفراق واللقاء في الجنة..

• فأقبل الحسنان يقولان:
وا حسرة لا تنطفي من فقد جدنا محمد المصطفى وأمنا الزهراء إذا لقيت جدنا فاقرئيه منا السلام وقولي له:
إنا بقينا بعدك يتيمين في دار الدنيا..

نعي مجاريد ….

دارو عليها بنـوح وصيــاح
حسين حب رجلينها وصاح
وياچ كـلبـي يم حسن راح

•───✧◐◐◐✧───•

صاح الحسن كعدي ييمه
موتچ ترك بالكلب هضمه
وعطرچ بعد چاوين اشمه

•───✧◐◐◐✧───•

زينب تون اعله الجنازه
غيابچ يخلي بروحي عازه
والموت الچ يمه توازه

•───✧◐◐◐✧───•

سوالف سولفو وي الحنينه
يـكـلولها ردي عـلينــه
طولج ييمه مضيعينــه

•───✧◐◐◐✧───•

تعمــه عليج العين ياريت
خلافچ بعد مايعجب البيت
كعدي ييمه ادخيل ناديت

•───✧◐◐◐✧───•

محله الحنينه من تمرنه
عالفركه ابد ماعودتنــه
راحت واضنها ناسيتنـه

•───✧◐◐◐✧───•

شيعودهـا عشرتها حلوه
بلاني الوكت بالفركة بلوه
عالبعد متحملين كـــوه

•───✧◐◐◐✧───•

بادن اديـه وركد حيلي
ياروح ويه امي دشيلي
ابچي واكل الدمعه سيلي

•───✧◐◐◐✧───•

حنينـــه للكعده وياهـــا
وحسين ضل يبچي وراها
ويعاتب الموت الخذاها

•───✧◐◐◐✧───•

الحديث من كتاب وفاة الصّدّيقة الزهراء «ع»؛ للسيد عبد الرزاق المقرّم/ص١٦٦-١٦٧ .


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

#جديد_مؤلم_من_القلب

نعي لسان حالي للزهراء ع

شكرآ لأمنا الحنونة فاطمة ع

أكووووول …💔😭

للزهره اريد انعي نواعي
فدوه الچ يا يمه اضلاعي
بكسر الضلع ابقى اداعي

•───✧◐◐◐✧───•

مـامل نياحــه ولا بواچي
عله ام الحسن حلوة محاچي
تسري اويه دمي ام كلب زاچي

•───✧◐◐◐✧───•

فدوه العمر لمنه الزچيه
متفضله علينــه بهديــه
خدامها حسبتنه هيـــه

•───✧◐◐◐✧───•

رفعت قدرنا وكبرتنه
خدام عدها سجلتنه
بنيات الها حاسبتنه

•───✧◐◐◐✧───•

كلما نبتعد تنشد علينــه
وتردنـه يمها امنه الحنينه
من ننهضم تاخذ بدينـه

•───✧◐◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة


https://www.tg-me.com/um_ali313

هذه ليالي الفاطمية أكيد تحتاجون قصائد للمصيبة تعالو معي لقناة الليالي الفاطمية عالواتساب المميزة بالنشر

اشتركو من الرابط وتابعو القناة👇🏻👇🏻


https://whatsapp.com/channel/0029Vb6FZrrFi8xgXoEIl834

اختي الخادمة اذا حابة تجين معنا لتجمع ربيبات الزهراء ع دزيلي بصمة بصوتچ اتأكد انكِ خادمة واضيفكم احلى تجمع لبنات الزهراء 🫶🏻 التجمع خاص للشاعرة ام علي الإماره
👇🏻👇🏻👇🏻

@Miontdrbot