قصيده للعليله
من وزن ( الميمر )
من ديوان (أرض الحتوف) ج١

تقرا بطور : باجر يزينب كل اخوتج ميتين
❥❈┉┉┅━━❀❀━━┉┉❥❈┉
انه العليله البديار الضليت
انه العليله
ابجي حزينه موت روحي تمنيت
انه العليله
❥❈┉┉┅━━❀❀━━┉┉❥❈┉
عافوني اهلي من مشو نحلانه
العمر مني ذبلت انه اغصانه
ظليت مكسورة كلب حزنانه
مابطلت من البجه ومامليت
❥❈┉┉┅━━❀❀━━┉┉❥❈┉
ماغمضت ساعه ونمت من الليل
ذبّل جفوني دمعي الظل ايسيل
مدري زماني ليش وياي ايعيل
معلوله ويلي لوحَدي انه بكيت
❥❈┉┉┅━━❀❀━━┉┉❥❈┉
وحدي انوحن ظاله بالديران
يشتعل كلبي للاهل ظل نيران
ماحسبت بيه الدهر لن خوان
شلك عليه يادهر وشخليت
❥❈┉┉┅━━❀❀━━┉┉❥❈┉
من حملو روحي بكت مجروحه
عيني تصد لضعونهم مشبوحه
اركض وراهم دمعتي مسفوحه
بحسين ابوي توسلت وترجيت
❥❈┉┉┅━━❀❀━━┉┉❥❈┉
حملني يابويه واخذني وياكم
محمل تراني العيش لبلياكم
روح العليله يالابو تهواكم
مثل الحمامه عالضعون افتريت
❥❈┉┉┅━━❀❀━━┉┉❥❈┉
عافو نزلهم مظلم يبجيني
مصلى ابوي حسين هل عاميني
مناغى الرضيع من اذكره يأذيني
مانسى صوته وضحكته الي بلبيت



بقلم خادمة أهل البيت الشاعرة أم عباس السكيني

https://www.tg-me.com/umabbas1979

نعي بحق فاطمه العليله( ع )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
( ابوذية )

يبقى وياي ابوي بطيب وديت
رسالة من حريك الروح وديت
عجب عفت البنيه ال لها وديت
عليله وتون ونه شجيه

موجوعه اون بالدار وحدي
سيل الدمع يحفر بخدي
من الاهل مابكه عندي

لاولي عندي ولاحبايب
اشكيلهم ضيم النوايب
معلوله اون دلالي ذايب

ذايب يكلبي وحيلي مهدوم
مكاطف عليه ياويل الهموم
عيني ربيه محاربه النوم

ردت الحبايب يجن يمي
واشكيلهن ضيمي وهضمي
ياعين للحملن دعمي

ازحف زحف وانطر عالباب
وجعانه انه والكلب عطاب
انطر وتاني جيت الاحباب

طال السفر وكطعو بيه
نار الكلب تسعر سريه
نحلانه انه وشلون بيه

ونيت والونه خفيه
مابطلت صبح ومسيه
لل حملو مابعد جيه

❥❈┉┉┅━━❀❀━━┉┉❥❈┉

( نعي بطور الفراق )

النزل خالي ... مظلم ويوحش عليه
النزل خالي ... من الاهل منكشع ضيه
النزل خالي ... ينعى ظل اهل الحميه

بالمسيه .. وين اروح وليل عندي
بالمسيه .. ارتعش مرعوبه وحدي
بالمسيه .. والالم يابويه يبدي

نحل جسمي .. من المرض والفركه اكثر
نحل جسمي .. عيوني ضلت دمع تنثر
نحل جسمي .. فراكم بكليبي اثر


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لسان حال العليله( ع )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
ابوذية:

بدونك ياعزيز الروح مرهم
ضمد لجروح كلبي انت مرهم
تناشدني عليك اعضاي مرهم
بحلم يابوي خل نكعد سويه

صاحت بصوت يقرح القلوب :

حملني يبويه وي الضعون
علي فراكم يحسين ميهون
عليله وناحله يابوي تدرون

يهون اعليك يالغالي تهدني
اصيحن ياهلي واجهر بوني
يبويه ارجاك ويه اهلي اخذني

اظل بالدار توحش لن عليه
من نور الاهل ظلمه وخليه
شالت هيبتي وشلون بيه

مادري الدهر تاليته خوان
يفركني يويلي من الحنان
تسعر بلكلب للفركه نيران

عليكم بس اون واهمل بالدموع
وكلبي من صميم احشاي مشلوع
تروح بعيد بويه ومامن ارجوع
❥❈┉┉┅━━❀❀━━┉┉❥❈┉

نعي كرناوي :

يافكد الاعزاز يهدم الحيل
يطعن بالكلب طعن السجاجين

عليله ياهلي محمل ترى فراك
صعب كلش عليه وانتو ماشين

اصد لدياركم توحش عليه
حزنانه بقيت واجري بالعين

حيرانه واكول شلون وشلون
اهلنه حملو صارو بعيدين

نار فراككم تلهب بالضلوع
خنجر جن يحز ظل الشرايين

ماكلتو يهلنه ليش ترحون
بعدنه بشوك للملكه يطيبين

علي يصعب يبويه ومر الفراك
احس كلبي يغالي نفطر نصين

زغيره والهضم ماليه حيله
عليكم راح اظل اجهر بالونين

بعدكم ياهلي ماتحله الايام
محزونه اون واصفج بالايدين

ماحسبت بويه حساب وبيوم
يطشرنه الدهر ونصير ماضين

شلي بالعمر من بعد الحنان
حسبوني متت وي الي ميتين

انشدك يالولي هم ترجع تعود
لو اكطع الضنه طول السنين


بقلم خادمة أهل البيت الشاعرة أم عباس السكيني

https://www.tg-me.com/umabbas1979

لطميه مربعة للعليله
( وزن النصاري )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
تانوني بضعنكم لاتحملون
عليله بداركم لا لا تعوفون
❥❈┉┉┅━━❀❀━━┉┉❥❈┉
تانوني بضعنكم يالمرحلين
اصيح ادخيل بويه وياك يحسين
مريضه وليش عني اليوم ماشين

( حملوني / اخذوني وياكم )
❥❈┉┉┅━━❀❀━━┉┉❥❈┉
حملني وخذني وياك ياحيد
بعدكم ياهلي عالعمر ماريد
عليكم بس انوح وابد ماهيد

( يحلالي / والنوح عليكم )
❥❈┉┉┅━━❀❀━━┉┉❥❈┉
يحلاله البجي لي فارك احنان
يظل طول العمر ناحل وحزنان
عليكم ياهلي ظل حيلي ركدان

( تهد حيلي / يابويه الفركه )
❥❈┉┉┅━━❀❀━━┉┉❥❈┉
لاترحون عني بعيد تمشون
حملوني اصيحن وي الضعون
شوفو حالتي بلجن تحنون

( ياذيني / ممشاكم عني )
❥❈┉┉┅━━❀❀━━┉┉❥❈┉
ياذيني يبويه حسين الفراك
تدري للكلب الفراك حراك
كل صبح ومسه هالكلب يشتاك

( ماريده / والعمر خلافك )
❥❈┉┉┅━━❀❀━━┉┉❥❈┉
شلي بالعمر بفراك الاحباب
عليكم ياهلي مابطله لعتاب
عليله بالنزل والاهل غياب

( خلصانه / هالروح عليكم )


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه مربعة للعليله
وتقرأ بطور الفزاعي الجنوبي
من ديوان (أرض الحتوف) ج١
❥❈┉┉┅━━❀❀━━┉┉❥❈┉
عليله يالابو ودمعاتي هماله
وصلي وي الاهل لاتكطع حباله
❥❈┉┉┅━━❀❀━━┉┉❥❈┉
عليله شلون بيه محمل الفركه
احن واشتاك تدري بويه للملكه
تعوفني وحيده ابقى ممصدكه
اذرف بالدمع ياحالتي حاله
❥❈┉┉┅━━❀❀━━┉┉❥❈┉
عليكم يالابو هالكلب شيصبره
طاري فراكم شب بالحشا جمره
تنزل على الوجه يادمعتي حمره
انظر للظعن ايشد بقى رحاله
❥❈┉┉┅━━❀❀━━┉┉❥❈┉
علي ميهون بويه ولاكدر اصبر
تحملون الظعن وعيوني انه تنظر
احس نيران تلهب بيه تتوجر
تدري الفركه آ يحسين جتاله
❥❈┉┉┅━━❀❀━━┉┉❥❈┉
اظل شلون بل ديران انه وحدي
عليله من المرض لاحيل ظل عندي
شلون شلون لو شفت الظعن يحدي
يروح الي جنت مدلله بجاله
❥❈┉┉┅━━❀❀━━┉┉❥❈┉
ياروح التظل عندي شلي بعمري
اموتن ريت بويه وينحفر كبري
ولا اجرع مرار الصار من دهري
عزيز الروح يرحل ياخذ عياله


بقلم خادمة أهل البيت الشاعرة أم عباس السكيني
https://www.tg-me.com/umabbas1979

حال العليله وهي تودع ابيهه
( وزن الدرامي )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
يحسين بويه ادخيل حملني وياك
تدري يبعد الروح مرهم بلياك
❥❈┉┉┅━━❀❀━━┉┉❥❈┉
من المرض سليت والهم كتلني
خافن ابوي حسين يعتذر مني
جنهن بلايه البين كربن لفني
وفراك راح يصير كلبي علمني
عيني ربيه عليك مابعد انه الكاك
❥❈┉┉┅━━❀❀━━┉┉❥❈┉
لاترتحل يابوي ريض وتاني
خليني اشبع شوف وموادع اني
طفله بعدني ليش دهري ولاني
شوف الاهل ويريد يحرم زماني
اسرج يبويه الخيل خليني ارجاك
❥❈┉┉┅━━❀❀━━┉┉❥❈┉
جنك صدك يابوي حملت وتريد
تحمل اخوتي وياك وتشيل لبعيد
عيني من امس لليوم بالدمع تزيد
حمل ضعوني وياك بويه يصنديد
مكدر اظل بالدار يكتلني فركاك
❥❈┉┉┅━━❀❀━━┉┉❥❈┉
روحي تريد تهيم يابوي يحسين
صعبه اظل بالدار وانتم مرحلين
طاري السفر يحسين زيدلي الونين
الفركه راح اطول خل تشبع العين
تبتعد عني تروح يلحلو طرواك
❥❈┉┉┅━━❀❀━━┉┉❥❈┉
جابيش اسلي الروح من اظل وحدي
بس الدمع سيال يجري علخدي
اطلب طلب يابوي ترضاه ودي
عبدالله اخيي ارجوك خليه عندي
اتسله انه وياه من بعد عيناك
❥❈┉┉┅━━❀❀━━┉┉❥❈┉
قررت راح تروح ومابعد رجعه
ضنه بعد بالدار صوتك اسمعه
ضعن اخوتي يابوي خليني اتبعه
كلي شيظل بالروح ضعنك تودعه
انطر اظل بالدار ياغالي واتناك

بقلم خادمة أهل البيت الشاعرة أم عباس السكيني
https://www.tg-me.com/umabbas1979

قصيده في وداع العليله
( وزن شيعتي )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
ودع الحسين العليله وتسعر النار بدليله
تكله بويه وياك اخذني والدمع عالخد تسيله
❥❈┉┉┅━━❀❀━━┉┉❥❈┉
بويه من غصبن مفارك عايف ديار المدينه
رايح الارض المنايه وماخذ اهناك الضعينه
وانتي يبنيتي نحيله وهل السفر ماتكدرينه
هاي سفرتنه طويله وعالقضى مابيدي حيله
❥❈┉┉┅━━❀❀━━┉┉❥❈┉
تسحف سحوف واجته حسين بويه وياك اريدن
شلون ترحل يبو الغيره بعدك ابدن ماهيدن
انظر اضعونك بعيني بالونين انه ازيدن
هدمت حيلي يابويه رايح وياهو اشتكيله
❥❈┉┉┅━━❀❀━━┉┉❥❈┉
خل اودع بويه عمتي واخوتي والعيله كلهه
منهم اشبع شوف بلكي والمدامع ارد اهلهه
ويه اهلنه العشره حلوه ابقى يحسين بأملهه
بداركم انطر لوحدي واحمل المحنه الثجيله
❥❈┉┉┅━━❀❀━━┉┉❥❈┉
من سره الحادي وتقدم كامت بونهه تعلي
من سمعهه حسين وجب دمع بوي لاتهلي
هذا من الله علينه وللبله يابنتي حملي
طروش يابويه اودي هذا وعدن يالعليله
❥❈┉┉┅━━❀❀━━┉┉❥❈┉
تخلي هل ديران ويلي منهو يبقه بويه يمي
روحي ماتحمل الفركه وزاد من هسه انه همي
مدري انوح اعليك ويلي مدري انوح انه اعله عمي
انتظر طارش يجيني وعالجره اكعد احجيله

بقلم خادمة أهل البيت الشاعرة أم عباس السكيني
https://www.tg-me.com/umabbas1979

هوسات للعليله ( ع )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
عجب يحسين بديارك تخليني
عليله وناحله والمرض كاضيني
اظل لوحدي ترضى يضي عيني

( ولوصل وي اهلي / تكطعونه )
❥❈┉┉┅━━❀❀━━┉┉❥❈┉
يمر الليل وانه بطرك ااهاتي
تسيل اعل الوساده دمه دمعاتي
اذكر من مشو كلي هلي وعماتي

( اتسله بدمعي / وناتي )
❥❈┉┉┅━━❀❀━━┉┉❥❈┉
اموتن من يجيني الليل واتوجل
لا تجبل عليه ارجوك واتوسل
كل ضعن الاهل عني مشه وحمل

( ازغيره وحدي / مخليني )
❥❈┉┉┅━━❀❀━━┉┉❥❈┉
ذبل عودي يبويه ويبست جفوني
ماحسبت ويلي بيوم تجفوني
اصيحن آه بويه وتهمل عيوني

( خلصانه / ياروحي عليكم )

بقلم خادمة أهل البيت الشاعرة أم عباس السكيني

https://www.tg-me.com/umabbas1979

نعي لمسلم ابن عقيل
( مجاريد )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
وين اليروح يخبر حسين
مسلم غريب يدير بالعين
دارت عليه الكفر صوبين

ابعاد الاهل ياحيف عنه
سيوف الغدر ويلي ولنه
صارت اعداه اعليه حنه

لاعنده ناصر حيف ومعين
ومامن هله يمه الطيبين
محتار ظل ابن السلاطين

محتار ظل ويجر حسرات
يرجع لخيه حسين هيهات
بين العده وبين شمات

طايح ومايمه عضيده
عنه الاهل كلها بعيده
ياهو يخبرها حميده

شيل الجنازه يريد خوان
مايمه حظرو حيف عدنان
بين الغرب وبين عدوان
❥❈┉┉┅━━❀❀━━┉┉❥❈┉

( نعي كرناوي )

من اعلى القصر للكاع شمروه
سحلو جثته ياويلي الحيد

تتفرج عليه الناس من طاح
مكطوع الوصل عن اهله وبعيد

مسلم راد كل اهله يحضرون
وحسين الشفيه يحضر يريد

يشوف شلون غدرة بيه هالكوم
وشسوه اللعين الطاغيه يزيد

بحبال العده جثته يسحبون
عدهم صار جتله لن مثل عيد


( ابوذية )
لسان حال حميدة تقول :

اريدن والدي ومرهم بلاياه
زغيره والدهر محمل بلاياه
مثل سلطان حالي ظل بلاياه
اون وناحله واصفج بديه


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه لمسلم
مربعه وتقرأ ايضا بالطور الفزاعي الجنوبي
من ديوان (أرض الحتوف) ج١
❥❈┉┉┅━━❀❀━━┉┉❥❈┉
على الريسان حتى الكون مرجون
بسفير حسين ياوسفه يغدرون
❥❈┉┉┅━━❀❀━━┉┉❥❈┉
اهل كوفان غدرو مسلم الحيد
يدير العين ضل حاير الوحيد
مكطوع الوصل عن اهله بعيد
ريت اليوم كل هاشم يحضرون
❥❈┉┉┅━━❀❀━━┉┉❥❈┉
وكع بالبير من الضلع مهشوم
وكلبه عالاخو ياحيف مالوم
ابو طاهر يريد الخوه هاليوم
حاله بالغرب كلهم يشوفون
❥❈┉┉┅━━❀❀━━┉┉❥❈┉
من عالي القصر للكاع ذبوه
بحبال الحقد ياويل جتفوه
تتفرج عليه الخلك خلوه
وبسوك المدينه بي يسحلون
❥❈┉┉┅━━❀❀━━┉┉❥❈┉
كون اخوان عنده تحضر بساع
يشيلون البطل من مرمي عالكاع
ظل حال السفينه بدون الشراع
مجروح وين ماكو اليشيلون
❥❈┉┉┅━━❀❀━━┉┉❥❈┉
مجروح ويون بين الملاعين
ماواحد حضرله وغمض العين
يقرااله العديله يسبل الايدين
وعلى المغدور يبجون ويونون

بقلم خادمة أهل البيت الشاعرة أم عباس السكيني

https://www.tg-me.com/umabbas1979

لطمية فزاعيه للهلال

من ديوان( أرض الحتوف) ج١
❥━──➸➽❥❂❥━──➸➽❥❂
يهلال الكدر لاجيت
بيك تشيل ولياني
❥━──➸➽❥❂❥━──➸➽❥❂
بيك اجرع هضم وأحزان
ويلي وأفكد الخوان
كلهه تنام عالتربان
يصير الحزن عنواني
❥━──➸➽❥❂❥━──➸➽❥❂
من هليت آيهلال
مني ترادت الأحوال
دمعي مابطل همال
أذكر ذبحت اخواني
❥━──➸➽❥❂❥━──➸➽❥❂
أذكر ذبحت إبن امي
شلون عالثرى مرمي
اون ولن كثر همي
شلون حسين جافاني
❥━──➸➽❥❂❥━──➸➽❥❂
جافاني غصب ادري
نام ومادرى بخدري
ويلي وشعمل دهري
بين ارجاس خلاني
❥━──➸➽❥❂❥━──➸➽❥❂
بين ارجاس وبغربه
اون وحالتي صعبه
دمعي من دمه اصبه
امصاب ابن امي اذاني
❥━──➸➽❥❂❥━──➸➽❥❂
يوم حسين هد حيلي
اون ومانمت ليلي
تسعر ناره بدليلي
عليه هاجت أحزاني
❥━──➸➽❥❂❥━──➸➽❥❂
القصيدة بقلم خادمة أهل البيت الشاعرة أم عباس السكيني

https://www.tg-me.com/umabbas1979

هوسات للهلال

من ديوان (أرض الحتوف) ج١
❥━──➸➽❥❂❥━──➸➽❥❂
من هل الهلال وشافته عيوني
مرعوبه اصبحت منخطف لوني
كامو عالدرب اهلي يدلوني

( وبهلته / ترادت يحوالي )
❥━──➸➽❥❂❥━──➸➽❥❂
اشوف بهلتك آهات ويه أحزان
آيهلال افكد بيك انه الوليان
نومه انظر اخوتي ويل عالتربان

( ميسوره / من غصبن امشي )
❥━──➸➽❥❂❥━──➸➽❥❂
محتاره اظل مابين كوم ارجاس
وحمولي ثجيله ومادرى العباس
ماظل للخدر ياحيف لن حراس

( الخياله / نامو ياوسفه )
❥━──➸➽❥❂❥━──➸➽❥❂
تفتح باب ايهلال لحزاني
تذكرني يويل بفكد ولياني
انه بشوفتك تتغير الواني

( تبجيني / من انظر ليك )

❥━──➸➽❥❂❥━──➸➽❥❂
بقلم خادمة أهل البيت الشاعرة أم عباس السكيني


https://www.tg-me.com/umabbas1979

لطمية تقرأ أيام المسير تحكي

الذي سوف يجرى على زينب (ع)
طور : ( يابو فاضل طيحت ايدك )

من ديوان (أرض الحتوف) ج١

ام عون باجر ....... آه محتاره تظل
ام عون باجر ....... تفكد اعزاز الاهل
ام عون باجر ....... يثكل عليها الحزن

❥━──➸➽❥❂❥━──➸➽❥❂
تجرع بكاس الالم مر النوايب
تودع بطف كربله كل الحبايب
تشوف من هذا الزمن كل العجايب
مجزره اخوتهه تضل فوك الترايب

❥━──➸➽❥❂❥━──➸➽❥❂
كلب زينب ... موقد يضل محترك
كلب زينب ... بالحزن ويلي غرك
ام عون باجر ... ترتعش من الوجل
ام عون باجر ... تفكد اعزاز الاهل

❥━──➸➽❥❂❥━──➸➽❥❂
تمشي مكسورة ظهر ويل ونحيله
حمولهه تهد الرواسي هالعقيله
كوه تسحل بالجدم اه وتشيله
يعينهه الله ام الصبر محنه ثجيله

❥━──➸➽❥❂❥━──➸➽❥❂
هالمصايب... ذوبت حيل الصبر
هالمصايب... كصرت منه العمر
ام عون باجر... تنوح نوح المابطل
ام عون باجر... تفكد اعزاز الاهل

❥━──➸➽❥❂❥━──➸➽❥❂
تلتفت يمنه ويسار وكلهه نومه
مخدرة هاشم يويلي تطر حومه
تنطر حسين الولي مسلبه هدومه
ماتعرفه من تجي مغيره رسومه

❥━──➸➽❥❂❥━──➸➽❥❂
ياصبرهه ... كدها ماصبرت مره
ياصبرهه ... تشوف اهلهه مجزره
ام عون باجر... تفارك اخوتهه بعجل
ام عون باجر... تفكد اعزاز الاهل

❥━──➸➽❥❂❥━──➸➽❥❂
باجر تروح العقيله وتطر هيمه
عليهه محروكه العبايه ياهضميه
تلبس استار وغطه من بكه الخيمه
مدوهنه بايتام حالتها اليمه

❥━──➸➽❥❂❥━──➸➽❥❂
بولية ارجاس ... راح تمشي ام الخدر
بولية ارجاس ... آه وداها القدر
ام عون باجر... بهيمه مايدري الكفل
ام عون باجر... تفكد اعزاز الاهل

❥━──➸➽❥❂❥━──➸➽❥❂
على عجف النوك تصعد والهزيله
وهدل جفون الصبر دمع التسيله
بس آنين ونوح رحتلها طويله
نام كافلهه بعد من تشتكيله

❥━──➸➽❥❂❥━──➸➽❥❂
سود الايام ... عليهه حلن جودرن
سودالايام ... عيون زينب لن عمن
ام عون باجر ... محمله حمل الجبل
ام عون باجر ... تفكد اعزاز الاهل

❥━──➸➽❥❂❥━──➸➽❥❂

القصيدة بقلم خادمة أهل البيت الشاعرة أم عباس السكيني

https://www.tg-me.com/umabbas1979

قصيده لابو الفضل العباس عليه السلام

من ديوان ارض الحتوف الجزء ٢
******************
من هوه العباس يم المشرعه
ناح كله الكون ويلي لمصرعه
طاح ياخير العمل
نابت بعينه السهم
الله اكبر شنهي هاي الفاجعه
❥❈┉┉┅━━❀❀━━┉┉
حيف يالكافل تطيح وبالغدر
من العقيله يابطل شنهي العذر
اباب المخيم تراهي تنتضر
يعود كافلها ويجي
واكفه وبس تندعي
مؤجله ظلت يويلي مروعه
❥❈┉┉┅━━❀❀━━┉┉
مادردت بالحيد كطعوا يمنته
طاحت اعله الكاع يمه رايته
ونشمر جوده ويه يسرته
طاح مكطوع الزنود
للخيم لامايعود
خلي تحضرله العقيله تودعه
❥❈┉┉┅━━❀❀━┉
طاح للكاع وتلكاها بسهام
حيف مكطوع زنوده هالهمام
واعد سكينه تره
عمه ظلت ناطره
شابح عيونه ويهل بمدمعه
❥❈┉┉┅━━❀❀━━
الراس مطبور بعمد دمه يسيل
كامت العدوان بالكافل تعيل
من هوه وسفه ابن حامي الدخيل
والرماح تكاثرن
بصدره نامن وجرن
من دماه الكاع صارت شابعه
❥❈┉┉┅━━❀❀━━
حزنت الدنيا على مصاب الكفل
وكل محب ياويلي دمعاته همل
عالشريعه نام عباس الفحل
ورايته ظلت ترف
تعاتبت وي الجرف
كلبي الكافل يحيف تصدعه


لخادمه اهل البيت الشاعره ام عباس السكيني


https://www.tg-me.com/umabbas1979

لطمية للمسير

من (ديوان أرض الحتوف) ج١
❥❈┉┉┅━━❀❀━━┉┉❥❈┉
وين رايح ياحسين بهل سفر
شلون كلي ارجاك لو خان الدهر
❥❈┉┉┅━━❀❀━━┉┉❥❈┉
خايفه ياخوي من هذا الرحيل
تثكل حمولي عليه ويلي وتميل
نار تسعر ظلت بوسط الدليل
حاسه يحسين حاوطنه الخطر
❥❈┉┉┅━━❀❀━━┉┉❥❈┉
جينه نمشي ونكصد الدرب البله
تمشي ويانه يويلي العايله
والكمر عباس شد الراحله
ليه اصدن والكلب مني انفطر
❥❈┉┉┅━━❀❀━━┉┉❥❈┉
ماهجعت ولانمت طول الدرب
هدني تفكيري انه فوك التعب
جنه الفراك وي اخوتي هل كرب
راح يطشر شملنه بالغدر
❥❈┉┉┅━━❀❀━━┉┉❥❈┉
نفترك يحسين ويطش الشمل
وعيني تنظركم ضحايا ع الرمل
مثل كلبي مصاب ماواحد حمل
انظرك ياخوي محزوز النحر
❥❈┉┉┅━━❀❀━━┉┉❥❈┉
تصير دنيانه ظلام بلا ضوه
يختنك صدري ولاشمن هوه
بهل سفر كلبي احسنه نجوه
لو رحت يحسين شلي بالعمر
❥❈┉┉┅━━❀❀━━┉┉❥❈┉

القصيدة بقلم خادمة أهل البيت الشاعرة أم عباس السكيني

https://www.tg-me.com/umabbas1979

نعي للمسير :
من ديوان ( أرض الحتوف) ج١

سار الضعن من المدينه
وراعي الشيم يبره الضعينه
ولكربله نكصد نوينه

انظر انه وتهل العيون
لخوان بينه اليوم يحدون
باجر اظنهم مايضلون

باجر نظل من غير وليان
ترحل اخوتي ويل لحنان
اعليهم يضل الحيل ركدان

من هالسفر ترجف اعظامي
متوجله ومدري علامي
هاجت عليه ويلي آلامي

ضليت بس عيني اهلهه
ياروحي بسج عاد اكلهه
الون والحزن جنه حللها

محزونه اون وشلون بيه
والعين من عندي جريه
ماريد درب الغاضريه

❥❈┉┉┅━━❀❀━━┉┉❥❈┉

نعي كرناوي
من (ديوان أرض الحتوف) ج١

بدروب المنايا نمشي ياحيف
واعزاز الكلب يمشون وياي

مشبوحه عيني تصيد للعزاز
اسم الله يخوتي ونور عيناي

اذرف بالدمع واجهر بالونين
انه طول الدرب مابطل مبجاي

كلبي يرتعش مابين الاظلاع
ماظلي فكر ومدوهنه الراي

اجيت بهل سفر ارفك الخوان
وباجر جن ارد من غير ولياي

باجر كل هلي يرحون عني
واظل محيره من كثر بلواي

صحت ماريد درب الغاضريه
تراني موجله من هل ارض هاي

بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي للمسير
من ديوان (أرض الحتوف) ج١

امشي اجيت بزود الاخوان
ويبره لضعنه كمر عدنان
طول الدرب وياي وليان

طول الدرب عيني ربيه
الخوان جن خيمه عليه
عباس وحسين الشفيه

كلساع بأسمي لن ينادون
ولمحملي كلهم يبارون
نفديج ياخويه يكولون

لام عون كل احنه حمايه
دك الصدر صاحب الرايه
روحي الج خويه فدايه

تجري عيوني ضلت دموم
والحيل مني صار معدوم
كلبي صبح موكر للهموم

مهموم كلبي ويجر حسرات
مابطلت اجهر الونات
ماظن بعد ترجع الكعدات

كلبي لزمته وصحت ويلي
هذا السفر حارك دليلي
خايفه انه ومهدوم حيلي

محزونه اون والكلب ماهاد
افكد اخوتي بهاي البلاد
وامشي انه لدروب الابعاد

امكدره والضيم حالي
ودمعي عالوجنات هالي
تالي انه افكد دلالي

اصبر الكلب غصبن عليه
ونيران بحشايه سريه
افرك انه بثنين اديه

بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطمية فزاعيه للمسير
من ديوان (أرض الحتوف) ج١
❥❈┉┉┅━━❀❀━━┉┉❥❈┉
سرنه والمسير بعيد
منه نخطفت الواني
❥❈┉┉┅━━❀❀━━┉┉❥❈┉
يرجف كل عظم بيه
ناري بكلبي سعريه
عيني ضلت ربيه
تنظر اه ولياني
❥❈┉┉┅━━❀❀━━┉┉❥❈┉
اصد وبالكلب حسره
بصدري مكسره العبره
اخاف من الدهر غدره
ياخذ مني خواني
❥❈┉┉┅━━❀❀━━┉┉❥❈┉
اظل حرمه بلاوالي
وحدي ومنشده بالي
امشي بدون كفالي
هذا الزيد احزاني
❥❈┉┉┅━━❀❀━━┉┉❥❈┉
اسولف بالدرب وانحب
هسه لخوتي اصحب
باجر عنهم اتغرب
اسيره بين عدواني
❥❈┉┉┅━━❀❀━━┉┉❥❈┉
خلصت روحي بالونه
باجر يرتحل عنه
ابو السجاد المجنه
طاري فراكه بجاني
❥❈┉┉┅━━❀❀━━┉┉❥❈┉
امشي ورافعه راسي
باجر ينكسر باسي
هذا الجان بحساسي
يصير الصبر عنواني

بقلم خادمة أهل البيت الشاعرة أم عباس السكيني

https://www.tg-me.com/umabbas1979

لطمية للمسير
من ديوان (أرض الحتوف) ج١
تقرأ بطور الفزاعي الجنوبي وأطوار أخرى
❥❈┉┉┅━━❀❀━━┉┉❥❈┉
ام عون اليوم تمشي مرافكه اخوان
باجر لن تظل من غير وليان
❥❈┉┉┅━━❀❀━━┉┉❥❈┉
باجر حايره وتدير بالعين
لاعباس يبقى الها ولاحسين
مكسورة كلب تجهر بالونين
ماتدري الدهر تاليته خوان
❥❈┉┉┅━━❀❀━━┉┉❥❈┉
تحمل ضيم تحمل كل الهموم
يضل حيل العقيله ويل مهدوم
دنياها عليها تجلجل اغيوم
يرافكها الونين وكل الاحزان
❥❈┉┉┅━━❀❀━━┉┉❥❈┉
يرافكها الحزن حد خمد الانفاس
حيرانه تظل تلطم على الراس
راح حسين راح الغالي عباس
مهضومه تضل والحيل ركدان
❥❈┉┉┅━━❀❀━━┉┉❥❈┉
مهضومه وحزينه ذابله العود
بعد بيها الزمان الراح ميعود
نومه عالثره تنظر لل حيود
لاتغسيل لاكافور لاجفان
❥❈┉┉┅━━❀❀━━┉┉❥❈┉
ياصبر العقيله يهد الجبال
وحيده مدوهنه محتاره بعيال
بلا والي غريبه بين الانذال
تجرع بلالم من بعد الحنان
❥❈┉┉┅━━❀❀━━┉┉❥❈┉

بقلم خادمة أهل البيت الشاعرة أم عباس السكيني

https://www.tg-me.com/umabbas1979

هوسات للمسير عن لسان جبل الصبر(ع)
من ديوان (أرض الحتوف) ج١
❥❈┉┉┅━━❀❀━━┉┉❥❈┉
من سار الضعن وحسين بعياله
تصد زينب بكت والعين هماله
تدري بهل سفر تفكد الخياله

( ردبينه/ ياخويه ابن امي )
❥❈┉┉┅━━❀❀━━┉┉❥❈┉
رد بينه لوطن جدنه يبو الاحرار
عازم عالسفر والسفر بيه اخطار
عليكم يخوتي هالكلب صاير نار

(مرعوبه/ ياحسين عليكم )
❥❈┉┉┅━━❀❀━━┉┉❥❈┉
مرعوبه بكيت وخايفه وشلون
وانظر عالبطل وتهل دمه العيون
لازم هودجي ويصيح هايم عون

( تاذيني/ ياخويه دموعج )
❥❈┉┉┅━━❀❀━━┉┉❥❈┉
مشيت وحيل مني الروح حزنانه
اخوتي بهل الضعن يمشون ويانه
وباجر تنجتل ياحيف وليانه

( مفجوعه / ومكدر حالي )
❥❈┉┉┅━━❀❀━━┉┉❥❈┉
مفجوعه اظل بكربله وحدي
تنام اهل الشيم مامن ولي العندي
حيرانه بيتامه ودمعتي بخدي

( بالحومه/ يكضون اخواني )


بقلم خادمة أهل البيت الشاعرة أم عباس السكيني
https://www.tg-me.com/umabbas1979