لطميه للاكبر ع عن لسان حال امه

من ديوان ارض الحتوف الجزء الرابع


الله وياك يالحارك لي دلالي ..الله وياك
حنه ظهري غيابك يبني يالغالي ..الله وياك
〰️〰️〰️〰️〰️〰️〰️〰️〰️〰️〰️

اعز من الهوى هاياعلي تدري
ضخرتك يالولد للعوز ولكبري
ريت افديك يمه يابعد عمري
خابت يالولد من بعدك امالي

الله وياك يل حارك لي دلالي

〰️〰️〰️〰️〰️〰️〰️
بعد من ردتك اكطع انه الضنه
يظل سهمي البجه والنوح والونه
طولك ياحسافه يمه اضيعنه
لون ميته ييمه وياك اشوالي

الله وياك يل حارك لي دلالي

〰️〰️〰️〰️〰️〰️〰️
شلي بالعمر ومفاركه عيونك
ماعيش ثواني تدري من دونك
شبيه المصطفى شلون ويجتلونك
بعدك ياعلي جايهو يبقالي

الله وياك يل حارك لي دلالي

〰️〰️〰️〰️〰️〰️〰️

حاربني زماني اعليك ياسلوه
يلي فركتك موبيدي بالكوه
عليمن استند يل جنت الي تجوه
غيابك يلولد وشسوه بحوالي

الله وياك يل حارك لي دلالي


〰️〰️〰️〰️〰️〰️〰️
مو موته متت موتات للفركه
روحي بغيبتك يايمه مختنكه
بعد وياك يبني مايصح ملكه
يريت الموت يمه بساع يدنالي

الله وياك يل حارك لي دلالي

〰️〰️〰️〰️〰️〰️〰️
كلي شلون بعدك انه اتصبّر
مره الفركه يمه وليها مااكدر
مااحمل هجر تدريني يالاكبر
اون اعليك يبني والدمع هالي

الله وياك يل حارك لي دلالي



ام عباس السكيني

https://www.tg-me.com/umabbas1979

هل تحب التأملات و الاسئلة القرآنية؟