قصيده مواساة الايتام لكافلها امير المؤمنين علي ابن ابي طالب عليه السلام


_______
على الهامات لطمة حيدر الليله
انعازي الزاجيه والمدمع انسيله
*******
على الهامات نلطم والدموع نسيل
على اجتوف الهواشم شيعوه بليل
والايتام نادت تصرخ بكل حيل

يا كهف اليتامى وعادل الميله
✍أم مصطفى
الموسوي
*******
امغيم منبره ويحن على الوالي
وصبَّح بالحزن من حيدره خالي
دمع كل شيعته بعيونها يلالي
اليتامه تصيح همنه منهو اليزيله
✍️ام
حسين الفريداوي
*******
اليفرض بلعدل شايل من الديره
عكبه اهل السلف اتظل ترى بحيره
يافكده مصيبه كلش اجبيره

يايومه كلف مانكدر نشيله
✍ام عباس
السكيني
******
يا يومه كلف ماينحمل فگده
مساكين وارامل لاذو ابسده
وشحال اليتامى الي بكت بعده

والكل اعلى فگده منهدم حيله
✍🏻ام زهراء الزيداويه البصراويه
*******
يالشلت الولي ريظلي اشويه
مهضومه اصبحت كل حيل ما بيه
شحلات المه جنه اوياه العصريه

تون ام الحزن هاليوم تبجيله
✍خادمه ام البنين ام رضا
******
تمت القصيده باقلام شاعرات رابطه الطفوف لانجيز حذف الاسماء

https://www.tg-me.com/maisyaltfoof

لطمية فزاعيه لأمير المؤمنين ع


شايل للغري راعي العزوبيه

مستعجل مشه من غير وعديه

—————————————-
مستعجل مشه ماتمم صيامه

اباب الدار ظلت واكفه ايتامه

شيعوده بعد وتعود ايامه

ويضوي بالنزل المنكشع ضيه

——————————————-

كطع حبل الوصل والعشره فلاها

بعد جلمة البويه وين نلكاها

ويَ جيت العيد بويه ضيعيناها

مو على البال جانت ينكطع بيه

——————————————
كطع بيه الحنين الينكط مروه

العمر بعد الوالي ياويلي مايسوه

خربت عشرتي الجانت وياه حلوه

ياخيمة شملنه الكاعده بفيه

—————————————
فلت وانتهت يالمة العيله

مجان الدللاني من هو ليشيله

لو مرني الهضم چاياهو اشكيله

فاركني ومشه الحلوه محاجيه

——————————————-
بعد وجه الحنين العشره ماتحله

خَلَه فكد ابونه بلنزل خلْه

ترك جرح ابدليلي الي صعب شله

مايبره وتظل نيرانه سعريه


✍🏻ام عباس السكيني

https://www.tg-me.com/umabbas1979

نعي للامام علي ع
زينب ع كانت تنظر الى اباها وهو طريح الفراش ومعصب الرآس فكانت تبكي بكاءاً شديداً وكأني بلسان حال أمير المؤمنين ع

حيلي يزينب ترهنينه
وتشلعين كلبي من معينه
على الصار يابويه شبدينه

——————————-
غصبن يبويه الصار تدرين
بسج بواچي ونشفي العين
تلحكين يبنيتي تونين

————————————-
تلحكين بويه عل نياحه
روحج تظل مامستراحه
عليج الكلب زادت جراحه
———————————
تونين وعيوني تصد ليج
ادري بحالي اه ياذيج
موبيدي من امشي واخليج
———————————-
كوه يبويه الفركه تدرين
عليه يزينب ماتهونين
وصيت بيج الحسن وحسين
———————————-
وصيت اخواج الغالي عباس
عينك عل اختك ها يفراس
لاتعوفها ولكطع الانفاس
—————————————
كافي يبويه شگد بجيتي
حيلي ترى بويه خذيتي
لحظه يزينب ماسليني
————————————-
لوبيدي لكضي العمر وياج
موعادتي يبنيتي وجفاج
غصبن علي يابويه فركاج

————————————-
ضمي دمعتج يوم الطفوف
عينج عجايب راحت تشوف
تشوفين اخيج حصت السيوف
——————————————
موذر بعد ودوسه الخيل
وبيج الاعادي عكبه تعيل
وحملج يظل يابويه اثجيل


✍🏻ام عباس السكيني

https://www.tg-me.com/umabbas1979

نعي كرناوي لأمير المؤمنين عن لسان مولاتنا زينب ع

العيد اكبل عليه والدي راح
بعد المن اكول امبارك العيد

العيد بلااهل كل لذه مابيه
وأنه بهل عيد ويلي مفاركه حيد

مو بس والدي فاركت أنه احباب
فاركت ام هله وحملت لبعيد

ايفراك الاهل يصعب وجتال
بعد امي وابوي العمر شيفيد

كل لحظه اموتن بيها موتات
ذابحني الكلب شوفتهم يريد

شكثر من راحت امي اه ونيت
شليت الجرح كوه آنه بلايد

فتك جرح الدليل الغالي بجفاه
ماينفع بعد للجروحي تضميد

اعز ثنين راحو مني ويلاه
عليهم هالكلب مايقبل يهيد

شحلات العيد جان وهمه وياي
هسه بلااهل شلي آنه بالعيد

بعد ياعيد الي وياكلب يهواه
ومذبوحه فرحتي من الاوريد



✍🏻ام عباس السكيني


https://www.tg-me.com/umabbas1979

فزاعية للامام ع

شلون تنام بتك زامطت بيك

تعوف ام الخدر محتاره يرضيك

——————————————
شلون تنام عينك تغفى لنوم

وكلبي يلولي يتكاطر دموم

مووكتك يهيبه ترحل اليوم

اعتازك تراني وين الاكيك
—————————————
لاتكطع حبل لمواصل ارجاك

ياهيبة بناتك وين نلكاك

كونك ناوي بوية يطول ممشاك

اخذني هناك يمك خل اباريك

——————————————-
صدك بارض المكابر ناوي تبات

وكلب ابنيتك شبعان لوعات

حيلي وياك بويه ياعلي مات

لوبيدي أنه بلروح لشريك

————————————
تعبانه يبويه وحيلي عيزان

من جرج الحنينه بيه نيشان

حالي اعليك بويه شلون لن هان

ادري بحالتي يلغالي تاذيك

———————————-
رچيج اكليبي بويه تدري بي زين

شيصيره تره ومفارك احنين

مامل البجي ولانشف العين

مااسله واظلن بس احن ليك



✍🏻ام عباس السكيني
————————————

https://www.tg-me.com/umabbas1979

فزاعيه للامام علي ع



نام الحيد ومخوف اليعيلون

صكار الزلم سلهمها العيون

————————————-
غفت عينه وسافه اليرهب اعداه

كل عايل علي بالكون بجاه

يرهب بس اسم حيدر وطرواه

حيف يموت صكار اليكرهون

———————————_
رداد الشمس مستعجل النوم

والعايل بعد ياهو اله يلوم

راح بالكلايف دوم جيدوم

الكلفه تنكضي لو بي يندبون

—————————————-
بخت الطايفه شايل ولاوين

مسير مايرد هيهات ابو حسين

ماهي مناسبه النومه على الطين

بعد بيمن احبابه من يزمطون

——————————————

رآس ازماطهم ياوسفه لن مات

هز ركن العشر هز السماوات

عينه عمضت راعي الكلافات

چبير الساده مثله وين يلكون

—————————————-

گول الزين بس لحيدر يلوگ

كلب الي يوده اعليه محروك

من حلك السبع لمطلع احكوك

هيج ازلام كلفه علينه متهون


—————————————
✍🏻ام عباس السكيني

https://www.tg-me.com/umabbas1979

نعي للامام علي ع
عن لسان مولاتنا زينب ع لما ذهبت الى قبر ابيها أمير المؤمنين ع

ليلي يبويه ماانامه
حالي مثل حال الحمامه
افتر واحومي على العمامه
————————————
بلهفه اشمن عطر راسك
ياحيف اصيح السيف جاسك
ونكطعت الحلوه انفاسك
———————————
بالدار انه لوحدي احومي
عيزانه من شيلت اهدومي
خلافك بعد كثرة اهمومي
—————————————
بعدك ترى حمولي ثجيله
ياوالدي ياهو اشتكيله
بجفاك روحي اه عليله
————————————
من البچي خلصت دمعتي
شما انوح ماتبرد جمرتي
جبيره ترى بعدك كسرتي
———————————-
لو تدري بالضيم العليه
جامارحت بويه من اديه
بظلوعي نيراني سريه
———————————
موكد ومستعر ابدليلي
ونهاري صاير مثل ليلي
ابجي ولاابطل عويلي
——————————-
اكعد وفك الباب اليه
شوف الافراك شسوه بيه
سليت واحوالي رديه
———————————-
حالي رديه يلعفتني
ايام الك شو ماشفتني
طال الغياب وعذبتني
————————————
طال الغياب وايسينه
من ردتك بويه علينه
نكطع الضنه ماتجينه


✍🏻ام عباس السكيني

https://www.tg-me.com/umabbas1979

سأبقى على قارعة الطريق انتظر ……….
وانا رافعه كف الرجاء …….
اتوسل برب العزه لينير بصيرتي لاسترشد
الى دربِ من تاق قلبي لرؤياه واغرورقت عيناي لهفةً للقاء

بقلمي المتواضع

وَلَوْلَا أَن يَكُونَ النَّاسُ أُمَّةً وَاحِدَةً لَّجَعَلْنَا لِمَن يَكْفُرُ بِالرَّحْمَٰنِ لِبُيُوتِهِمْ سُقُفًا مِّن فِضَّةٍ وَمَعَارِجَ عَلَيْهَا يَظْهَرُونَ (33)

مادمُت تعيش على هذه البسيطه كن مع الله …
يوماً ما سيطرق هادم اللذات بابك


✍🏻ام عباس السكيني

ثمة رحلة طويله لامحال من قطعها……،

كن على هبة الاستعداد ايها الجرم الصغير

✍🏻ام عباس السكيني

جبتلكم قناة تكتب محاضرات منقولة من كتب عقائدية وأخلاقية معتبرة مثل كتاب الذنوب الكبيرة للسيد الشهيد عبد الحسين دستغيب وأمثاله ، انضموا واستفادوا وفيدوا غيركم هذا الرابط👇👇👇 ها اختي ؟ها اخي؟ إنضم شبيك!!🥺

https://www.tg-me.com/+y9Tg49lN7II3ODk6

ردا. على قصيدة بيش المك عندي بس هاي العبايه الساترتني
________
انتي احوج للعبايه
لمي روحج والسبايه
سفره كدامج طويله
لمي روحج يالعقيله
انتي احوج للعبايه
______
لاتلميني بعباتج هاي خدرج والستر
الف مره اتكطع اني ولايدوسون الخدر
خويه عوفي اوصالي زينب واستعدي. للبسر
وغطي سكينه ورقيه وخوله عن سوط الشمر

ورمله جمعيهن وليله
ولمي روحج يالعقيله
انتي احوج للعبايه
العـ✍🏻ـلويه ام مرتضى الموسوي
__________
خويه سترج يلعقيله غالي وماله ثمن
صعبه خدرج هايخويه ينهتك تالي الزمن
باجر اتشيل العبايه يختي اسياط المتن
هي بس هاي التظلج تحمل وياج المحن

ماكو واحد تشتكيله
لمي روحج يلعقيله
انتَ احوج للعبايه
✍🏻ام عباس السكيني
━━━•✿🪬✿•━━━
خوية عوفيني موذر ولمي يالحرة البنات
وهذا جسمي يالعقيلة تلمه خوية الذاريات
من بعد قتلي استعدي لليسر والنيابات
بعد ماوصيج يختي اعلة الصبر وأعلى الثبات
ناكتج عجفه وهزيله
لمي روحج يالعقيله
انتي أحوج للعباية
✍🏻ام علي الرضا الخرسان
━━━•✿🪬✿•━━━
جمعيلي عيال بيتي ولملمي كل البنات
وخلي عينج عل اليتامه والارامل والخوات

هذا حد عشرتنه ياختي مسلب و عالغبره ابات
حانيه امتونج علينه والمعاني ذابلات

رحلت فراكَي طويله
ولمي روحج يالعقيله
انتي احوج للعبايه

ام مرتضى الخفاجيه
━━━•✿🪬✿•━━━
الشمس خل تصهر بجسمي بس عباتج سالمه

هاي سترج الضخيره الباقيه من فاطمة

بعد ماوصيج زينب انت كلش عالمه
يختي حفضيها الامانه لمن علي حامي الحمه

ادري بحمولج ثكيله
ولمي حيلج يالعقيله
انت احوج للعبايه

✍🏻 أم حسن البطاط
━━━•✿🪬✿•━━━
صار. ياابن امي ياغالي وصيتك وامرك مطاع

اني ام الخدر. زينب تدري تربيت السباع

الريح ميهزها العبايه وهل خبر تسمع يذاع

راح انفذها الوصيه. وأكشف أفعال. الرعاع

وأطمئن أحفظ العيلة
ولمي روحج يالعقيلة

انتي أحوج. للعباية


✍ العلويــة أم نــور الميــسانيــة
━━━•✿🪬✿•━━━
*تمت بعون الله تعالى باقلام*
*شاعرات اهل البیت عليهم السلام في رابطة دموع العقیله عليها السلام*
*لانجيز حذف الاسماء*
*نسالكم الدعاء*🤲
https://www.tg-me.com/Kfeilzainp

الصبر حدب

قصيده ثقيله الموالي يبث شوق انتظاره لصاحب الزمان عجل الله فرجه الشريف
*****



آنه يوميه بدمع للغايب
آنه مو ذاك الكبر بس شايب

من الفراك
من الفراك
*****
الغيبه طالت والصبر حدب ظهر
الدقيقه بيومها عدت شهر
وانه وي اليل عشرتنه سهر

يمته تلحك يمته وتحسر سنين
ودعي عجل بالفرج بسم الحسين
وانه واثق ما اردن خايب
أنه يوميه بدمع للغايب

من الفراك
من الفراك
*****
ارد اكحل عيني لحضه بشوفته
يعتبر انجاز عمري محبته
ابو صالح سر الهي بغيبته

هوه اخر نور مشكات الوجود
هوه رحمه وهوه نعمه ابلا حدود
من اذكره ابطولي انهض طايب
آنه يوميه بدمع للغايب

من الفراك
من الفراك
✍طالبةالزهراء القريشي
******
من أذكره يفيض بعيوني الدمع
كلبي من افراكه ذايب جن شمع
يمته أسمع جلمة المهدي طلع

يمته يكرمنه ألآله أبهل حبيب
فاضت كلوب البشر طال المغيب
وبدعاء الندبة نبقى نعاتب
آنه يوميه بدمع للغايب

من الفراك..
من الفراك..
✍🏻آلّشآعرهً آلــــّعــلّويِـــه آلّمٌوسويِــــۿ
******
يضيج خلكي ومن اذكره ينشرح
هوه بلسم لو نغز بيه الجرح
هوه معنى ولذه احجايه ملح

خاف يلفيني غفل مر الممات
حسره وتضل شوفته طول الحياة
شوك بالدلال احسن صايب
آنه يوميه بدمع للغايب

من الفراك
من الفراك

✍🏻ام عباس السكيني
*****
مثل بلسم هوه لجروحي الدوه
يا اعز انسان واغلى من الهوه
وانه نار افراكه لكليبي جوه

يمته اكرن عيني بانوار الامان
روحي تهده وترتقي لتاج الزمان

همت بيه وكلبي لجله ذايب
اني يوميه بدمع للغايب

من الفراك
من الفراك
✍ام حيدر العباديه عماره
*****
تمت القصيده باقلام شاعرات رابطه الطفوف
لانجيز حذف الاسماء
https://www.tg-me.com/maisyaltfoof

اصبح كل ماحولي دياجي ……….
وبصيص النور في داخلي لا يكفي
انتظر جذوة من نور؟ ……….

حين ينادي المنادي ظهر قائم ال محمد
اللهم صل على محمد وال محمد

متى ومتى ………

ام عباس السكيني

زفرات روحي الملهفه المتألمه اسكبها على قارعة الطريق لِأخط بها تلك الكلمات
نحن بامس الحاجه لظهورك
عجل يبن الحسن…………..



✍🏻ام عباس السكيني

مامش حيل اسح الجدم بيداي
من ضيم الجرعته الكلب بيداي
انهي العمر لولا الامر بيداي
ولااشوف الجرى والصار بيه