نعي للشباب

عندي عتب وياك يبني
جاليش يايمه تذبني
ربيت ورباك آه تعبني
—————————
ماشفت راحه ولاظكت نوم
ومساهره واحسب بالنجوم
وعمرك المه يوم عن يوم

—————————-
بعيني حليت وحلت الايام
يافرح بيك الولد مادام
ماادري درهي ليّه شضام

————————————
طولك اعده بيدي اشبار
وعكلي بشبابك بالفرح طار
عمرك عمر عريس لن صار
——————————-
تالي ازفك بيدي للموت
وطولك اشوفه اه بتابوت
ريض صحت ماتسمع الصوت
————————————
ريض صحت موكت الفراك
بُعدك تراهو لكلبي حراك
اوداعتك ليك آنه اشتاك
——————————
محمل افرك وزين تدري
محني صبح يالولد ضهري
ماريد بعدك آنه عمري
———————————


شسويت آه يالولد بيه
رحت بعجل من بين اديه
خليت نيراني سريه
——————————-
محمل افراك وزين تدري
جاليش رحت وعفت حملي
اعليمن بعد يايمه الَچيّ

——————————-
شلي بعد بالعمر شلي
وشيال ماعندي لحملي
ياريت ميته آنه احسلي

——————————
لاطال عمري خلافك عينك
ضاعت وسف مني سنيك
بعوزك تراني يمه وينك

———————————
نعي بطور الفراق
يمه وينك/ افتر واحومي وليك اصيحن
يمه وينك/ نوبه اكومن نوبه اطيحن
يمه وينك / سري بعد المن ابيحن

بعجل تمشي / عفت امك بالمناحه
بعجل تمشي/ بعد ماكو عندي راحه
بعجل تمشي/اه ياكلبي وجراحه

وين الَچي / يلعفتي ورحت عني
وين الچي/ وآنه ضايع كلشي مني
وين الچي/ وانتي بيتي الراح يبني


ام عباس السكيني

https://www.tg-me.com/umabbas1979

نعي عن لسان حال ام البنين ع لما دنت منها الوفاة

تمنيت أنه وكت المنيه
عباس يحضرني واخيه
ليهم عيوني اه ربيه

——————————-
جان بخيالي ليّه يلفون
وعد راسي اولادي يحضرون
وتشبع وداع وشوف العيون

——————————-

كلساع ادير اعيوني علباب
تعبانه أنه وانطر الغياب
مهضوم كلبي وشايل عتاب
—————————————-
مهضوم كلبي على المشو دوم
وروحي عليله وحيلي مهدوم
ماشفت راحه ولاضكت نوم
———————————-
ماشفت راحه من جفوني
بغيابهم ولدي عموني
مانشفت وتهمل اعيوني
———————————
ماسكن وني وابد ماهاد
نيران مستعره بالافاد
جبيره انه وبعازه اولاد
——————————-
شالو اولادي ومااجوني
عني بطو جنهم نسوني
ياريت وياهم خذوني
———————————
وياهم متت بالطف سويه
تمنيت بس ماصح بديه
ظليت بالدار الخليه
——————————-
وحدي اعالج مالي فزاع
من ايدي راحو ولدي السباع
ياحيف طمهم ذاري الكاع
———————————
التفت يسره ونوب ليمين
بلجي وعسى يلفيلي لحنين
شيعودهم ليّه البعيدين
——————————-
لاعباس اجاني ولالفه حسين
حسره ابدليلي لغمضت العين
محد حضرني من البنين


✍🏻ام عباس السكيني

https://www.tg-me.com/umabbas1979

نعي لام البنين ع في لحظاتها الاخيره

ثكلان ونها الطاهره اليوم
وعيونها ماعرفت النوم
بفراشها ماتكدر تكوم
———————————-
ساعات لموادع لفنها
زادن عليها احوي ونها
بعيونها تشبح لبنها
———————————-
باخر نفس وتدير بالعين
واحبابها عنها بعيدين
تلوج وتون وتشمر الايدين
——————————-
عد راسها رادت يحضرون
وعليها يبجون ويونون
بحسرة بقت وتهل العيون
——————————-
رادت ولد يبقى شريده
والماي كون ينگطه بيده
تنازع وسف ظلت وحيده
———————————
لاعدها بت ولاابن ويل
حالتها تهدم ظلت الحيل
بس الدمع من عينها يسيل
——————————-
تنده بقت والكلب مفتوت
عباس اريدك يمه زاتوت
بهداي تحجي رايح الصوت
———————————-
تومي بقت والنفس مكطوع
والصوت راح الجان مسموع
وعتابها مبين بالدموع
———————————-
صعبه تغمض بين الاجناب
عنها الولد ياوسفه غياب
ماتت غريبه ام الاطياب
——————————
ماتت بحسرتها الحزينه
محد حضرها بالمدينه
بس العليل يجر ونينه


✍🏻ام عباس السكيني

https://www.tg-me.com/umabbas1979

لطمية فزاعية لوفاة ام البنين

وين الضيغمي عباس

خل يحضر المهيوبه
———————————
خل يحضر يشيل امه
عليها اجناب ملتمه
ماتت بلكلب هضمه

علمتونه/ والنعش يشيله

—————————

خل يحضر ابو الشيمه
عزه امه الطاهره يجيمه
بعجل يطويها للهيمه

ومنكب /ويهل اعيونه

—————————-

يمشي بالنعش زاتوت
يشيل بيمنته التابوت
يبجي وينعه امه بصوت

شمحلاها /ياجلمه يمه

———————————-

شمحلاته يصيح امي
وبيده علنعش يومي
عليها العين حگ يعمي

وعليها يدك/ كون الهامه

—————————

يبجي اعليها وبعبره
چانت ليّه منتظره
ماتت بلكلب حسره

كاضيها /وفراك الراحو

—————————
تون وحيل نحلانه
كضتّه العمر حزنانه
من الفركه نكضانه

للعافوها/ كل لحظه تون
——————————-

كلفه الفركه تعبتها
جبيره وحيل اذتها
سبب صارت منيتها

ماتت مهضومه ومحزونه



ام عباس السكيني

https://www.tg-me.com/umabbas1979

لطمية فزاعية لام البنين ع


مر بيها على ابنها هنا يجناز

لحس وليدها هاليوم تعتاز

————————————

وصلها لكبر عباس وبهمه

وخليها تطول كون لن يمه

بنفسها الطاهره جانت تره شمه

ملهوفه/ ولشوف الكافل

————————————
ياجناز كله جيتك عنايه

جبت امك الك ياصاحب الرايه

كوم وياي خلي نروح مشايه

جنازه/وبأمك نمشي

————————————-
بلچن يسمعك ويطر عجل كبره

على متونه يشيل جنازه الحره

تحن ظلت عليه وماتت بحسره

من يوم الشالو /نحلانه

————————————

كضّت كل عمرها اعليه ملهوفه

كبل لتموت رادت بلچن تشوفه

يرجب بلعجل خليهن جفوفه

والنعش ايشيله /اعله متونه

————————————-
غريبه البين ياعباس خلاها

ماتت حاسره كوم وتلكاها

يامحله الجنازه اولاد وياها

زاتوته/ للمظلم رادت


✍🏻ام عباس السكيني

https://www.tg-me.com/umabbas1979

هوسات لام البنين

غريبه ام البنين الاجل وافاها

لابت لاولد ياوسف وياها

تنظر علدرب للولد ماجاها

(تعطل عنها تعطل ليش وماجاها)



———————————
ياهو للنعش شيال بغياب الافاعيه

عنها حملو شالو ابظهريه

لاحضرو وسف وكت الوداعيه

(تنازع ظلت سكته وتريد الهيبه)

———————————

الماعدها ولد جاياهو يدفنها

ينزلها اللحد بيدينه يحضنها

شنهي العطله العباس لن عنها

(تعذر منها تعذر مكطوعه اجفوفه)

——————————————-

ابو اجفوف السخيه تعذر من أُمه

غصب عنها تعطل والكبر ظمه

متوسد وذر عباس بالظلمه

(مفكوده ازنوده اشلون النعش ايشيله)


✍🏻ام عباس السكيني

https://www.tg-me.com/umabbas1979

نعي للسيدة نرجس أُم الامام ع

يهل ابوصالح دمه عينه
عله الوالده ام روح الحنينه
ثكلان ياويلي ونينه

—————————-
مالوم على الكلها محنه
عليها يجر ونه اعله ونه
زايد اعليها احوي حزنه

—————————-
يهل الدمع بسكوت بسكوت
والكلب على الربته مفتوت
بأمه وسف ماطلع زاتوت
———————————-
مكسور كلبه وصعب جبره
اعله ام المحنه يجر حسره
لفراكها مكسور ظهره
———————-
ماينجبر كسر الكلب ويل
وفركه ام هله تهدم تره الحيل
عليها يون والمدمع يسيل

—————————-
حكه يون ويهل العيون
فراك العزيزه موش بالهون
من البجي ذبلن الجفون
———————————
حكه يون للربته دوم
تعبت عليه وضاكت هموم
يوم الحنينه يوم ميشوم

———————————
يوم الحنينه يذوب الروح
موجرح يترك كثره الجروح
صعبه العزيره منه اتروح
———————————
مالوم وعيونه يهلها
اعله الوالده الماكو مثلها
ياحيف وافاها اجلها
———————————-
عليها الدمع من دمه همال
ضعن الحنينه حمل وشال
مفجوع بيها وحاله ياحال




✍🏻ام عباس السكيني

https://www.tg-me.com/umabbas1979

لطمية فزاعية لام البنين ع

تريد ام البنين اليوم زاتوت

حك من الربه حملت التابوت

———————————-
ربت هالولد واليوم عازتها

رادتهم سوه لشيلة جنازتها

مكابل على النعش لولاد رادتها

(يزتونه نعش المهيوبه)

————————————

يزتون النعش للمكبره بهمه

تمنت كل ولدها اعليها ملتمه

تسمع صوتهم ينخون يايمه

(اعليها الساده حزنانه)

—————————————-

نعشها للكبر رادت يوصلونه

جسمها على الثرى تمنت يوسدونه

وتراب اللحد همّه اليهيلونه

(تراب الكاع / يهيلونه)

————————————

عليها كون ابنها شاد انكابه

وعيونه يهلها دموم سجابه

حك الها الولد لوكثرت اعتابه

(ارباها تطلبه /وتريده)

————————————-

ربت باللولد شجعان دهريه

سباع وللكلافه دوم منخيه

ماحضرو وسف وكت الوداعيه

(سباع الملعب /ماجوها)

————————————
درب اولادها عنها اسف مبعد

شلون شلون يحضرها الي متوسد

النايم بالكبر هيهات لن يكعد

(سباع ونامو بالهيمه)

✍🏻ام عباس السكيني

https://www.tg-me.com/umabbas1979

ابوذيه
للسيده زينب ع

الدهر بم الخدر لارحم لاحن
سهامه للعظم وصلن ولاحن
بنواظرها علايم موت لاحن
كل لحظه تمر بيها المنيه



لسان زينب ع تخاطب الزمن

انشدك يادهر عباس وين صار
ادور اعليه انه وشكثر اون صار
بعده مابقالي عون لان صار
غريبه بالنزل محد اليّه


افراك الاهل هدهدني وش جاني
وحيده بكيت لاواحد اجاني
بس هم وقهر كلبي آنه جاني
ينزل شوك للراحو سويه



✍🏻ام عباس السكيني✍🏻

https://www.tg-me.com/umabbas1979

نعي للامام الكاظم عن لسان معصومة ع
وهي في الغربه احست ان شيء مكروه حدث لوالدها


اليوم الولي مدري اشعلامه
حسيت انه ماهو ابسلامه
ماطبك جفني وبمنامه

〰️〰️💔💔〰️〰️💔💔〰️〰️

متمرمره وبالضيم حالي
وعليه اون ابصوت عالي
مدري انه شنهو الجرالي

〰️〰️💔💔〰️〰️💔💔〰️〰️
من امس ماطبكت عيني
وماهودت لحضه ونيني
مااعرف انه اه شبيني

〰️〰️💔💔〰️〰️💔💔〰️

ارد اعتني لبغداد عنوه
واكطع ابجدمي اه الشلوه
انشد على الكله مروه

〰️〰️💔💔〰️〰️💔💔〰️〰️
انشد عليه ابسجن هارون
سنين اله ياحيف مسجون
وسط الشماته واليكرهون

〰️〰️💔💔〰️〰️💔💔〰️〰️
حال الولي شلون يسجان
ماشفته انه مو صارلي زمان
لفراكه كلبي حيل خلصان

〰️〰️💔💔〰️〰️💔💔〰️〰️
حال الولي شلونه اكله
من فركته بكليبي عله
اباب الحبس دمعي اهله

〰️〰️💔💔〰️〰️💔💔〰️〰️
خلصان كلبي من الفراك
تدري البعد ياويل حراك
كلساع انه لملاكاه اشتاك

〰️〰️💔💔〰️〰️💔💔〰️〰️
خليني اكعد كون يمه
ابحضاني اضمه اه واشمه
ضيم الكلب اشكيه وهمه

〰️〰️💔💔〰️〰️💔💔〰️〰️

فكلي السجن وتباصر وياه
وشنهي اشوف الويلي اذاه
روحي ادكها جيت لادواه

〰️〰️💔💔〰️〰️💔💔〰️〰️
خلي اشوفه شلونه ملفاي
وتبرد عسنها جمرة حشاي
كلبي عليه اليوم انه لاي


✍🏻ام عباس السكيني


https://www.tg-me.com/umabbas1979

لطمية من وزن النصاري للامام الكاظم ع

سرى ياحيف تابوت ابن الحيود

جثته امزنجله ياويلي بكيود


💧💧💧💧💧💧💧💧💧💧
حسافه مات مابين اليكرهون

لاحد وسده وغمضله العيون

عليه اشصار اهله عيب يدرون

محبوس ويون وذابل العود

💧💧💧💧💧💧💧💧💧

ماحضرو اله زلم الكلافات

مسموم ويون وبين شمات

تمنه شوفة الخوان لحظات

مريودالاخو هاليوم مريود

💧💧💧💧💧💧💧💧💧

حلاته هالاخو من يمشي زاتوت

حزنان ويون وبعالي الصوت

عد راسه العضيد بزهكت الموت

حسافه يلوج وحده وكلبه ممرود

💧💧💧💧💧💧💧💧💧

ابسكرات الاخيره و شابح العين

بعوز اهل الشيم تحضرله هالحين

تقراله العديله تسبل الايدين

وتحل الكيد ويلي من الزنود

💧💧💧💧💧💧💧💧💧

تِشيل اعمامةَ المرمية بالكاع

تلحك بلعجل ساعات الوداع

ويريت بثاره تأخذ ليه وبساع

وباب السجن كدام الحشود



✍🏻ام عباس السكيني

https://www.tg-me.com/umabbas1979

لطمية للامام موسى الكاظم ع


طايح بالسجن هذا ابن الهيابه

لاحضرو هله ولاحضرو احبابه

💧💧❄️💧💧❄️💧❄️💧💧

مابين الظلام وحرة الفركه

مالوم ويون وحشاه محتركه

يتلوه غده وانفاسه مختنكه

لان سمه شديد وماضي اصوابه

💧💧💧❄️💧💧💧❄️💧💧
ابرطبات اللعين السم اله خله

سره بجسمه يويلي بلعجل كله

يشمر بالادين ودمعه اه هله

على خدوده تصب دمعاته سجابه

💧💧💧💧💧💧💧💧💧💧💧

يدير العين ويلي لهل المروه

ابظلامه وحده ياحيف يتلوه

لونه منخطف وانفاسه بلكوه

يدور بلسجن بلكي يصد بابه

💧💧💧💧💧💧💧💧💧💧💧

هندس مايعرف انهاره من ليله

وياثكل الحديد اوياه ليشيله

مسموم ويون ومااله حيله

مزنجل بالحديد بمدة اغيابه

💧💧💧💧💧💧💧💧💧

جرع ضيم وهضم من جور عدوانه

يضيك بالسجن مامور سجانه

خلص عمره يويلي اه بزنزانه

وناره اعله الاهل ماتطفى لهابه


✍🏻ام عباس السكيني

https://www.tg-me.com/umabbas1979

نعي للامام الكاظم ع

كأني بحال مولاتنا الزهراء ع

تتوجه اجت اه ام الحسين
بثنين اديها على الحياطين
مو من دمع تهمل تره العين

💧💧💧💧💧💧💧
تهمل دمه وتصيح ويلي
اه يلولد هديت حيلي
ماتبره الك جمره بدليلي

💧💧💧💧💧💧💧

براس الكلب صارت الطبره
باتت الك بالصدره حسره
مصابك ييمه وشيجبره

💧💧💧💧💧💧💧💧💧

عمرك كضه بين المظلمات
راحت اسنيك اه حرامات
شفت المنيه ابين شمات

💧💧💧💧💧💧💧💧
بين الشماته ومالكه معين
كل الاهل عنك بعيدين
تلوج وتون وتشمر الايدين

💧💧💧💧💧💧💧💧

تلوج وتون والحاله صعبه
الباب السجن بلعين تربه
لامحب يمك كلها غربه

💧💧💧💧💧💧💧💧

سمك ثجيل وكطع احشاك
حار وتلوج احوي خلاك
تمنيت آنه حاضره وياك

💧💧💧💧💧💧💧💧

ابيدي انكطلك اميه
ودمعاتك امسح اه بديه
شبيدي ييمه عالمنيه

💧💧💧💧💧💧💧

تعنيت اجيت ودربي عاثور
والظلع تدري بيه مكسور
ابجي عليك واعلى المنحور

💧💧💧💧💧💧💧💧💧

مابطلت من النياحه
دومي اون مامستراحه
كلبي انه كثره جراحه


✍🏻ام عباس السكيني


https://www.tg-me.com/umabbas1979

لسان زينب ع لما دنت منها الوفاة

تكول
غريبه وجاراتي غرايب
ومالي بهل حرثه حبايب
من الضيم حتى الرمش شايب

——————————
لاظلي اخو لاابن عندي
بين الغرب مكسوره وحدي
ويه اخوتي جان آنه ودي

——————————
نحلانه من الضيم روحي
ماهدت لابطلت نوحي
مافادهن كل دوه جروحي
———————————
حتى الحبايب ماهن اوياي
اتلوه وحدي بهاي دنياي
نكضانه من فراك ولياي
——————————
نكضانه من فاركت الاحباب
خلو جرح بكليبي ماطاب
مايست ومكابله الباب
——————————-
بلكي اكولن ليّه يلفون
للدرب تربي مني العيون
ماحسبت بيه يكطعون
——————————-
بعازة ولي بالغربه يمي
ثكلان اه عليه همي
شمحلاته لويندهلي بسمي

———————————
ياوسفه ماعندي تجيه
لاعندي من ينشد عليه
ياهو الي وكت المنيه

—————————-
بعيني اشوف الموت كلساع
لو لحظه اصدهم كبل الوداع
روحي تردلي بجيت الاسباع
———————————-
من شوفهم تشبع عيوني
وارتاح وتغمض اجفوني
ايست من عدهم يجوني
—————————-

✍🏻ام عباس السكيني

https://www.tg-me.com/umabbas1979

نعي للامام الكاظم ع عن لسان حال معصومه ع


ابهمة اجت تنعى معصومه
نايم ابوي شلونه نومه
يكتل تراهو حوي يومه

————————————-
فوك الجسر نايم الهيبه
وملتمه الناس الغريبه
يمصيبته ولله مصيبه
—————————-
ايام اله محد يشيله
روحي عليه كلش نحيله
يامحنتي محنه ثجيله
——————————-
تعنيتله ودربي بعيده
مشتاكه اله وكلبي يريده
ميت لكيته وبحديده

————————-
للموت تبراله الزانجيل
ثكل الحديد لموته ايشيل
ودمومه من كيوده اتسيل
———————————-
بهل الحال ماشفته عساني
والموت ياريته خذاني
المن بعده ابقى واتاني

——————————
المن بعد يربن اعيوني
راح الابو وزيد شجوني
بشيلتهم اهلي لوعوني


—————————-
انطر واعد لجيته ايام
ولشوفته كلبي آنه محتام
لفراكه ابد بالليل مانام

—————————-
تالي وسف بالحبس مسموم
كضه العمر والدي مظلوم
لفركه الاهل كلبه اه مالوم

نعي كرناوي

صفك بيده الطبيب وكال ياويل
غريب المات لو عنده حبايب

مرمي علجسر شنهو لي جاني
احس كلبي لمصابه اه ذايب

مزنجل بالحديد وحيل تعبان
عليه مبينه كثره المصايب

وين اهله وعمامه خل يحضرون
سمه للجبد ياوسفه صايب


فزاعه تجي خل اهله هليوم
وعلى جتله العشيره خل تطالب


✍🏻ام عباس السكيني


https://www.tg-me.com/umabbas1979

لطمية فزاعيه للامام الكاظم ع


سبع مهيوب هذا النايم بكاعه

خل تحضر عمامه بساع فزاعه
————————————-

هذا اعللجسر نعش ابن الهيابه

وين اهله وعمامه وينها احبابه

مايدرون بالسم صاير اصوابه

(يحضرونه وين اهل الشيمه)

————————————-

وين اهل الشيم خلي تجي تشوفه

تتفرج عليه الناس مصفوفه

عدهم هل جنازه غير معروفه

(ابن الهيبه هذا المسموم)

—————————————-

عليه الناس تنشد وينهم اهله

نعشه ايام باقي محد يحمله

ولايمه محب ولمدمع يهله

(ياذنب الجاني مخلينه)

———————————-
ولاواحد كرب منه وتدناله

جنازه عللجسر وشصاير بحاله

كيوده بالنعش ياويل تبراله

(بزنجيله ميت ياويل)

——-———————————
امام الشيعه هذا الي علي لمه

بس اجناب حضرت وسفه لن يمه

بعجل خل يحضر ابنه وخل ابن عمه

(يشيعونه المات بحبسه)



✍🏻ام عباس السكيني

https://www.tg-me.com/umabbas1979

ابوذيه للامام الکاظم ع

لسان حال معصومه ع
ــــــــــــــــــــ😭ــــــــــــــــ

جـمـــر ياحسـرة الفكدت اهلها
دمعتي من دمه كمت آنه اهلها
ملگه اویه الابو روحي هل الها
لو خلصت العشـــره وهاي هيه

✍️ام عباس السكيني

►✺┅✥⚫✥┅✺◄

یگلـبي دوم عالـمـسمــوم یرون
خــذاه حمال من السجن یرون
بدموعي الصحاري انوب يرون
علی الظل عالجسر جثته رميه

✍️ام ضیغم المحنا

►✺┅✥⚫✥┅✺◄

اجيت ابشوك وبلهفه ل عودي
مرّه فرگته وذبلت عودي
يَ ايام الزهيه لَيّه عودي
خل تعود كعدتنه سويه

✍🏻ام عباس السكيني

►✺┅✥⚫✥┅✺◄

ابحزن وآلام هالدنيه/نعشها
ولا لحظه الزمن روحي/نعشها
الجنازه منين هالشالو/نعشها
حماميل اربعه ومنين هيه

✍🏻 ام زينب الأسدي

►✺┅✥⚫✥┅✺◄

يمن جفك كضه الكلفه...مردها
مصابك بالحزن روحي...مردها
روحي الغيركم تهوا ...مردها
اصلكم من محمد والزجيه

✍️ام زهراءالفاطميه

►✺┅✥⚫✥┅✺◄
ابوذيه للامام الکاظم ع

لسان حال معصومه ع
ــــــــــــــــــــ😭ــــــــــــــــ

جـمـــر ياحسـرة الفكدت اهلها
دمعتي من دمه كمت آنه اهلها
ملگه اویه الابو روحي هلها
لو خلصت العشـــره وهاي هيه

✍️ام عباس السكيني

►✺┅✥⚫✥┅✺◄

یگلـبي دوم عالـمـسمــوم یرون
خــذاه حمال من السجن یرون
بدموعي الصحاري انوب يرون
علی الظل عالجسر جثته رميه

✍️ام ضیغم المحنا

►✺┅✥⚫✥┅✺◄

اجيت ابشوك وبلهفه ل عودي
مرّه فرگته وذبلت عودي
يَ ايام الزهيه لَيّه عودي
خل تعود كعدتنه سويه

✍🏻ام عباس السكيني

►✺┅✥⚫✥┅✺◄

ابحزن وآلام هالدنيه/نعشها
ولا لحظه الزمن روحي/نعشها
الجنازه منين هالشالو/نعشها
حماميل اربعه ومنين هيه

✍🏻 ام زينب الأسدي

►✺┅✥⚫✥┅✺◄

يمن جفك كضه الكلفه...مردها
مصابك بالحزن روحي...مردها
روحي الغيركم تهوا ...مردها
اصلكم من محمد والزجيه

✍️ام زهراءالفاطميه

►✺┅✥⚫✥┅✺◄

عليك مصايب الما تعد ياريت.
محبوس وعليك اعدك ياريت
گبل يومك يبويه ميته ياريت
ولاادري الجرى يبن الزجيه

✍🏻ام عباس السكيني

►✺┅✥►✺┅✥⚫►✺┅✥

تـــمـ بعون الله تعالى ـــت
بقلم شاعرات اهل البیت ع
في رابطة دموع العقیله ع
لانجيز حذف الاسماء✋
🙏🏻نسالكم الدعاء🙏🏻
https://www.tg-me.com/Kfeilzainp

نعي للامام الكاظم ع عن لسان حال معصومه ع

من ابعيد اجيت افتر واحومي
وذاري الترب تارس اهدومي
محد اجه وكلالي كومي
—————————-
وين النعش دلوني عنه
عتبي على الكله محنه
يرحل بعيد شلون عنه
———————————-
من ابعيد تعبانه اجيته
مالحكت بيه ولكيته
اسنين اعد وناطريته
——————————
من الجسر نعشه اه مشيول
رديت ويلي بغير محصول
بس الدمع علوجن مهمول

————————————
مالحكت بالنعش رايح
اركض ركض واصيح صايح
يومه كلف دلالي جارح
———————————
متعنيه جيت اتوادع وياه
مشتاكه اله وكاتلني فركاه
راح امن اديه وين الگاه

——————————-
فوك الجسر اذرف الدمعه
راح النعش ياهو اليرجعه
مالحكت وسفه آنه اودعه
——————————-
ضليت انوح واهمل العين
وعلراس ادك بثنين الايدين
ياوسفه سموه الملاعين
———————————
ابعيد الدرب وانگطع بيه
وطروش مامرو عليه
ماحسبت ليه المنيه
———————————-
ماحسبت بالسم يجتلوه
شنهي الذنب ويلي يسموه
ايام فوك الجسر خلوه

———————————
✍🏻ام عباس السكيني


https://www.tg-me.com/umabbas1979

هوسات في شهادة الكاظم ع

💔💔💔💔💔💔💔💔

تعنينه واجينه المجلس المسجون

مو من الدمع نهمل دمه لعيون

نبجي لقصته الظل بسجن هارون

والكيد وياه / ولحد موته

〰️〰️〰️💔〰️〰️〰️

مكيد بالسلاسل والحديد ثجيل

تخر من الكيود دماه آه تسيل

ذبل عوده يويلي حاله صار نحيل

(ترادت حاله/ ومارحموه)

〰️〰️〰️〰️💔〰️〰️〰️

بطوامير السجن كضأ العمر كله

شاف من الظلم محد تره يحمله

تاليها اللعين السم اله خله

(تكطع جبده/من سموه)

〰️〰️〰️〰️💔〰️〰️〰️

بظلامات الحبس يتلوه ولوحده

سره السم وتكطع ويلي كل جبده

بعيدين الاهل ولاواحد ا لعنده

(يحضرونه / من تطلع روحه)

〰️〰️〰️💔〰️〰️〰️〰️

حلات الميت تحضره هله والحباب

يقروله العديله وياها هم الكتاب

بس موسى ينازع والاهل غياب

(ماشالو/ بنعشه الكاظم)


✍🏻( ام عباس السكيني)

https://www.tg-me.com/umabbas1979

هوسات تصف حال الامام الكاظم ع في السجن

مالوم ويون ويعالج بروحه

على الخوان مابطل تره نوحه

ابسكرات المنيه وعينه مشبوحه

(ايحضرونه /ويريد اخوانه )

💧💧💧💧💧💧💧💧💧💧💧

يحضرونه عجل ياريت وبساعه

بلحظاته الاخيره وساعة وداعه

يشوفونه رميه طايح ابكاعه

(يتجوله/تربات النيبه)

💧💧💧💧💧💧💧💧💧💧

ابظلمات الحبس ويلوج من سمه

علي حتى الهوى ممنوع من شمه


مخنوك وعلي كلساع لن يغمه


(بانفاسه/ يشهك بلكوه)

💧💧💧💧💧💧💧💧💧💧💧

ذبل عوده وتغير وسفه يالونه

بحبس الطاغيه سلهمهن عيونه

واهله بعاد مايمه ويحضرونه

(يشيلونه/نعش المسموم)

💧💧💧💧💧💧💧💧💧💧💧

محاميل اربعه نعشه يشيلونه

على جسر الرصافه اه يطرحونه

امام الرافضه كامو ينادونه

(ومكيدينه/ياحيف بنعشه)

💧💧💧💧💧💧💧💧💧💧💧
خل تحضر عمامه وتفتح اغلاله

رميه على الجسر محد اجه وشاله

ميت بلحبس وشصاير ابحاله

(يفزعوله/طلابه لثاره)


💧💧💧💧💧💧💧💧💧


✍🏻ام عباس السكيني


https://www.tg-me.com/umabbas1979