لطمية لأمير المومنين ع

هايم عون شدي حزامج الليله

رد عودج واجه وليده يتجيله

—————————————-
رد عودج الج غركان بدمومه

من شدة صوابه مغيره ارسومه

واولاده عليه ياويل مهضومه

لحكيله / مصيوب الوالي

————————————

جد ابنج وكع كوميله يازينب

جيبيله الدوه وجيبيله المعصب

ترى اصوابه غميج وماكطع يسجب

شديله /عصابه ابراسه
——————————————

صوابه مجيد منه تنزف الهامه

ذني وياج جنهن اخر ايامه

خبري بالعجل خل تحضر ايتامه

يودعونه /الهيبه ابساعه

—————————————

امصوبينه يوسفه والد العتره

ولجبينه تراهي وصلت الطبره

بعد وياه اضنها فلت العشره

شيعوده/ زماطج زينب


————————————-

استعدي للبجي والنوح بغيابه

جرح عودج خطير وماضي صوابه

من دمه يوسفه صاير اخضابه

الشيبه بدمه/ حناها


✍🏻ام عباس السكيني

https://www.tg-me.com/umabbas1979

لطمية للامام علي ع
لسان حال زينب ع

من الفجر راح الابو شو مارجع

عيني مابطلت تره سيل الدمع

موجله ومدي شحس

كوه اشهك بالنفس

كلبي انه بروحته اه انصدع

〰️〰️⚫️🔴〰️〰️⚫️🔴〰️〰️⚫️

اتأخر اعلينه ابونه ومارجع من الصلاه

من مشه كلبي تراهو بروحته جنه خذاه

اليله هايه بيها احسن امجدم علينة بلاء

ضجه صارت بالعويل

وظلمت دنيانة ليل

صوت المنادي بحزن جنة ارتفع


〰️〰️⚫️🔴〰️〰️⚫️🔴〰️〰️⚫️

ايصيح حيدر جني اسمعه هذا المنادي وينوح

حرت مدري شنو شسوي وين وحدي انه اروح

من امس بعيوني اشوفن هليتم طيفه يلوح

ماغمض جفني ونمت

الطيف هذا من شفت

ذبت من خوفي انه مثل الشمع

〰️〰️⚫️🔴〰️〰️⚫️🔴〰️〰️

شلون لحظه من نظرته سابح بفيض الدمه

جابه اخي ينوح ويلي روحه حيل امالمه

بين ادينه يلوج اشوفن والدي حامي
الحمه

لون مخطوف ويون

بين الحسين وحسن

ريت عميه ولاشفت هذا الوضع

〰️〰️⚫️🔴〰️〰️⚫️🔴〰️〰️⚫️

الف ياوسفه على حيدر بالغدر راسه انطبر

طاح ماتمم صلاة والفرض من اعتذر

فيض المحراب ويلي دمه من عنده يخر

مجيد ياجرحه وكلف

اعليك ياحيدر وسف

تيتمت كلها ابغيابك ياسبع

〰️〰️⚫️🔴〰️〰️⚫️🔴〰️〰️⚫️

حرت مدري شنهي اكولن من شفت وضع الولي

ساعه اصيح اسم الله بويه اعليك ياحيدر علي

ساعه الطم وجهي بيدي والدمع دم يهلي

ريت راسي النطبر

تبقى يابويه ذخر

كلبي احسن حيل من عندي انشلع

〰️〰️⚫️🔴〰️〰️⚫️🔴〰️〰️⚫️

ام عباس السكيني https://www.tg-me.com/umabbas1979

لطمية للامام علي ع تقرأ بطور الفزاعي الجنوبي واطوار اخرى
🔴⚫️〰️〰️🔴⚫️〰️〰️🔴⚫️
لبو الحسنين ونّو ولايكه العبره

ايا جرحه كلف وبهامة الطبره

〰️〰️⚫️⚫️〰️〰️⚫️⚫️〰️〰️⚫️⚫️

مصيوب الصميده وينزف اصوابه

من دمه يولي صاير اخضابه

رميه طاح ويلي آه بمحرابه

يلوج من الالم ولحاله لن خطره

〰️〰️⚫️⚫️〰️〰️⚫️⚫️〰️〰️
جرحه مجيد منه ترادت احواله

غرّك مسجده دمه الذي ساله

غدر ياحيف هالمعلون من جاله

بمحرابه جسر طك والد العتره

〰️〰️⚫️⚫️〰️〰️⚫️⚫️〰️〰️
ضجت بالخبر كوفان مرجونه

علي الكرار حاله اليوم وشلونه


بالمسجد حسافه لن يضربونه

جتله بالعجل اولاده لتحضره

〰️〰️⚫️⚫️〰️〰️⚫️⚫️〰️〰️

تحضرله تشوف الطبره لبراسه

وشلون الالم كلب الولي جاسه

بلكوه يجر ظل ويلي انفاسه

وبصدره بقت متكسره العبره

〰️〰️⚫️⚫️〰️〰️⚫️⚫️〰️〰️
يجر حسرات والونه يعليها

يدير العين لعياله ويوصيها

على الفركه دمعة ابحزن يجريها

كلبه يلتهب للفركه جن جمره



✍🏻شاعرة اهل البيت.

لااجيز شرعاً حذف الاسم او نسب القصيدة لغيري

القصيدة امانه عند صاحب الزمان عج

https://www.tg-me.com/umabbas1979

لطميه فزاعيه للامام علي ع
〰️〰️〰️〰️〰️〰️〰️〰️〰️〰️〰️〰️〰️

سيف الله وكع مصيوب

ابمحرابــــــــه يخر دمّه

〰️〰️💔💔〰️〰️💔💔〰️〰️
صابه سيف المرادي

وحاله ويلي مترادي

حيف اعله وصي الهادي

مصيوب وعليه لمّه

〰️〰️💔💔〰️〰️💔💔〰️〰️

كلف جرحه ويون منه

دمه شيبتــــه حنه

يهز الكون ياونـــه

كل لحظه عليه يغمه

〰️〰️💔💔〰️〰️💔💔〰️〰️

ياحاله يهد الحيل

فوك الكاع دمه يسيل

لونه منخطف و نحيل

بيّ جنه سرى سمه

〰️〰️💔💔〰️〰️💔💔〰️〰️

بَيْن من خطف لونه

غارن لانهن عيونه

تعنو ليّه يشيلونه

بحضانه الحسن ضمه

〰️〰️💔💔〰️〰️💔💔〰️〰️

يتجيله ويهل دمعه

يكله فجعتك فجعه

عليك الكون ظل ينعه

دنيانه اصبحت ظلمه

〰️〰️💔💔〰️〰️💔💔〰️〰️

شلون تجاسر وصابك

تعنه اه لمحرابك

من دمك صفى اخضابك

امصابك بويه اشعظمه


〰️〰️💔💔〰️〰️💔💔〰️〰️

✍🏻ام عباس السكيني


لااجيز شرعاً حذف الاسم او نسب القصيدة لغيري

القصيدة امانه عند صاحب الزمان عج

https://www.tg-me.com/umabbas1979

لطمية للامام علي ع تقرأ بطور الفزاعي الجنوبي
⚫️⚫️⚫️⚫️⚫️⚫️⚫️⚫️⚫️⚫️
بمحرابه هوه راعي العزوبيه

راسه منطبر ودماه مجريه

〰️⚫️🔴〰️〰️🔴⚫️〰️〰️🔴⚫️
ياوسفه هوه بمحرابه والينه.

بلهامه علي طايح مصوبينه

ظل ينزف يويلي ويجهر ونينه

(ياوسفه الحيد يصوبونه)

〰️🔴⚫️〰️〰️⚫️🔴〰️〰️〰️⚫️🔴

يصيح بصوت لحكو ليهّ وبهمه

ظلت على الارض اتسيل يادمه

صارت على الولي الناس لن لمه

(محزونه والوادم ظلت)

〰️〰️⚫️🔴〰️〰️⚫️🔴〰️〰️🔴⚫️
الحسن وحسين جابوه لن يتجوله

ومو من الدمع دم جن يهلوله

شنهي اليوجعك بويه يكلوله

(اسم الله على اسمك يالهيبه)

〰️〰️⚫️🔴〰️〰️⚫️🔴〰️〰️⚫️🔴
انخطف لونه الصميده وغارة اعيونه

وزينب تنشد اعله الحال وشلونه

ماتدري الحسن وحسين ينعونه

(يون اعليه الشايف يومه)

〰️〰️⚫️🔴〰️〰️⚫️🔴〰️〰️⚫️🔴

وعباس الشفيه اعليه يجر حسرات

ياوسفه يصيح ويصفج الراحات

يرجع والدي لينه بعد هيهات

(هلال وغرب / شيعوده)

شاعرة اهل البيت
ام عباس السكيني

https://www.tg-me.com/umabbas1979

لطمية للامام علي ع
〰️〰️💔💔〰️〰️
كلي لشطاوعك للموت ماتكعد يوالينه

ايفراكك يفت الروح آه ويصعب اعلينه

مانكدر على غيابك

يهد الحيل يمصابك


تغيب شلون يالوالي بويه وينكطع بينه

♾♾♾💔♾♾♾💔♾♾♾💔
ماهي مناسبه تهدنه ياحيدر يبو الغيره

ايتامك تنوح اعليك ويلي ضلت بحيره

وين تروح من بعدك والمحنه تره جبيره

تبجي واكفه اببابك

محزونين يحبابك

ياكهف اليتامه ليش عايفنه يراعينه

💔♾♾♾💔♾♾♾💔♾♾
بعوز ارباك ونريدك وانته الخيمه لتلمنه

زغار كبار وبفيك يالوالد تره نمنه

نظل ايتام من بعدك نجرع ويلي ابهمنه

مرار نشوف بالفركه

دنيانه تظل خنكه

مانهوه نطب دارك محزونه تبجينه


♾♾💔♾♾💔♾♾💔♾♾

ريت صوابك بكلبي يلغالي ينور العين

مخضب شفتك بعيني ياويلي يبو الحسنين

مافادك دوه ودكتور راسك صار لن نصين

ماينفع بعد شده

عمرك ماي وتبده

شيلمه بعد هيهات التبده من ايدينه

♾♾💔♾♾♾💔♾♾♾💔

شلون اصبر وانام الليل وانا مفاركه روحي

يابلسم جنت انته بيك مداوه اجروحي

منو يمسح بعد دمعي ويسكن الي نوحي

محد ينشد بحالي

عكبك اه يلوالي

العمر بعدك يبويه ضاع راحت مني سنينه

♾♾💔♾♾💔♾♾💔♾♾

بجفاك الحمل يثكل مالي حيل انه لشيله

لوجار الزمان وياي كلي ياهو لشكيله

مكسوره بعد عينك اظلن بويه ونحيله


مابطل ونيني بيوم

اون اعليك اظل لدوم


الك وسط الكلب جمره يلفراكك ياذينه

♾♾💔♾♾💔♾♾💔♾♾
شاعرة اهل البيت
( ام عباس السكيني)

https://www.tg-me.com/umabbas1979

لطمية للامام علي ع

شلت يابوي وانت البيك الف عازه

سند ردتك يغالي وليّه عكازه

💧💧💧💧💧💧💧💧💧💧

بعد بيمن ازامط يالرحت مني

ابعيد ابعيد حملت وشلت عني

اظل طول العمر مابطله وني

اعميهن / ايحكلي اعيوني


💧💧💧💧💧💧💧💧💧💧💧

دمه يحكلي يبويه اعليك من ابجي

ويحكلي ترى شما اكولن واحجي

بعد ضيم الكلب عدمن انه اشجي

مهضومة / واخلاف اعيونك

💧💧💧💧💧💧💧💧💧💧

مهضومه اظل اعليك كل عمري

حيل ابعازتك يابويه لن تدري

من هسه الحمل كاسر ترى ظهري

ياهيبه /لاوين مغرب

💧💧💧💧💧💧💧💧💧💧

مغرب ليش عايفني يبو الغيره

جنها بشيلتك شالت ترى الديره

عليك اصفج اديني وحيرتي حيره

الشايل همي /وين الكاه

💧💧💧💧💧💧💧💧💧💧
وين الكاك يل كلك محنينه

شلت وسفه يبويه وكطعت بيه

ما ترجع بعد لاالك كل جيه


اتمنيتة/ والموت وياك

💧💧💧💧💧💧💧💧💧

غابت ياحسافه رسومك الحلوه

كلبي بنار شوكك ياعلي اتجوه

بعد بيمن يبويه الحيل يتكوه

هديته/ ياحيل العندي



✍🏻ام عباس السكيني


لااجيز شرعاً حذف الاسم

هذه القصيدة امانه عند صاحب الزمان عج



https://www.tg-me.com/umabbas1979

المحتاج محاضرات مكتوبة حتى يقراها بالمجالس خل ينضم لهذه القناة ...مليانه احاديث وقصص ومواعظ عن أهل البيت... كلها جهزناها الكم على شكل روابط... يعني كل محاضرة موجود عنوانها وتحتها رابط المنشور، ما عليكم غير بس اضغطون عالرابط يطلعلكم الموضوع الي تريدوه..
شبيك لبيك المحاضرة التريدها بين يديك👇

https://www.tg-me.com/geanangna/4676
https://www.tg-me.com/geanangna/4676

يحذف الدعم بعد #ست_ساعات_ذمة

لطمية للام


اريد ابجي وون للدللتني

صار اسنين امي فاركتني

ولهانه عليها

تحن الروح ليها

ريت وياها من راحت خذتني

—————————————-
مره ايامنه وسوده الليالي

دوم ارسومها تطرأ على بالي

عليها ناحله وبالضيم حالي

نكض حيلي بجفاها

الحزن روحي سباها

بفركاها ام هله حيل المتني

_______________

خذت روحي ومشت ام المحنه

بعد عيونها تطشر شملنه

بعد هيهات ترجع امي النه

شيعوده ال بلكبور

وحشه خلافها الدور

بس ذكراها ظلت عذبتني

——————————————
اصد للدار والونات بسكوت

دليلي من القهر اعليها مفتوت

ليش اعله الحنينه استعجل الموت

بعد مشبعت منها

احنه لسه لحضنها

دوم اعله الدلال امعلمتني

————————————-

ضيعت ادلال وضاع كلشي

عليها من البجي باد اه رمشي

ابد ماجانت اعله البال تمشي

صار افراكها بساع

ضمت عينها الكاع

نامت عينها وسفه ونستني

————————————-

تروح الروح لو صديت للدار

وياها بكل ركن ليه آنه تذكار

ماتخمد عليها بكلبي النار

تكتل نار الفراك

بعدها العيش مالاك

مره ايامي من يوم الجفتني


✍🏻ام عباس السكيني


https://www.tg-me.com/umabbas1979

قصيده لبدايه محرم
⚡️⚡️⚡️⚡️

قال الأمام الرضا (ع) لأبن شبيب :
يا بن شبيب ان كنت باكياً لشيء فأبك للحسين (ع) فأنه ذبح كما يذبح الكبش

⚡️⚡️⚡️⚡️⚡️

.ياأبنه شبيب. أنعه الحبيب

وبجي دوم لهل مصاب. 2

~{{((😭))}}~~{{((😭))}}~

گالها مولانا الرضا. لابن شبيب بحسره

حزن الكلب خليه فقط. لابن الزجيه الزهره

وذكر مصابه والذبح والخيل ذيج. العشره

أشلون جالن علجسد وشلون خسفن صدره

أنعى الحُسين. بحسره وأنين

وبجي دوم لهل مصاب 2


✍ بقلم الخطيبة والناعية الحسينية
أم نور الميســانيـة

~{{((😭))}}~~{{((😭))}}~

عطشان گلبه ملتهب ايريدماي اوظامي
صاح السبط بونته لاتقربو ها اخيامي
گدامكم انه فقط لاتسلبوها ايتامي
فوق الذبح فوق السلب زادات عليه الأمي
ون للشهيد والعن يزيد
وبجي دوم لهل مصاب

زهره الكناني
~{{((😭))}}~~{{((😭))}}~

يبن شبيب الفاجـــعه مـــرت ترى موسهله
مذبوح جدي من القفا محد مصابه يحمله
كلما بجـيت بكل دمع لحسين كون تهلــه
ماواحـد بهذا الزمن شاف المصايب مثله

ماكو جريح، ،،،مثل الذبيح

وابجي دوم الهل مصاب 2

أم صـــ✍️ـــادق المنصوري

~{{((😭))}}~~{{((😭))}}~

اذكر شلون على الثرة ايام ظل بنومه
عاري وذبيح من القفا ومسلبات هدومه
اوصاله كلها مكطعه ومناثره بل الحومه
تبجي علي كل الخلگ تذكر مصابه ويومه

هل الدمع. لهذا الوضع

وبجي دوم لهل مصاب


ام عباس السكيني
~{{((😭))}}~~{{((😭))}}~

انعى على الضل بالگاع ومطروح بتراب الحار

الجبريل هزاله المهد محد فزعله نغار
جدي الحسين مصيبته بالكون منها ماصار
جسمه سليب. شيبه خضيب

وبجي دوم الهالمصاب . ٢
الخادمة زينة الگريشاوية
~{{((😭))}}~~{{((😭))}}~
هاي المصيبة الراتبه مصيبه حسين التوجع
يبچي عليها المصطفه من شاف جسمه مبضع
مرفوع راسه عالرمح ابن البطين الانزع
الشوف مو مثل الحچي البلطف صاير افضع

عضمه الكريم بلكف هشيم

وابجي دوم لهل مصاب ٢


✍🏻ام محمد باقر العبيد🍃

~{{((😭))}}~~{{((😭

للضحى الدين النبي بخوانه واهله وربعه

نصبوله مجلس فاتحه وهلو عليه الدمعه

وخل نلطم اعليه ونون ابكل زمان وننعه

نبراس ضلت ثورته ولكل موالي شمعه

ضحى لامام

الدين الاسلام

وابجي دوم الهل مصاب

✍ام مرتضى الخزرجي

ــــــــــــــــــــــــــ
تمت باقلام شاعرات رابطة كفيل زينب ع

https://www.tg-me.com/alkfoofalskea

لطمية للامام الحسين ع عن لسان حال مولاتنه زينب ع


اركضت بلباگي من حيلي اشثكلهن صارن اجدامي
حدب ونطوه ظهري وطشن جنهن ايامي


من شفت الفياي يدور فياي

صرخت بصوت ماجن بلعكل راي

مولح ونطفه شوفي انده وسفه يل ضامي

————————————————-

يافي وتفي الناس ابكتارك نايم بالعرى موذر

على طول االفله يحسين جسمك صاير امطشر

اشبكك شبكة مواداع گلي شلون مااكدر

كتر مااظل الك سالم يكتل خويه هل المنظر

الخيل اعليك صاير بينها اسباك

اريدن ثوب منك ماكو انباك

ايام الشمس يحسين تغفى بنحرك الدامي


ام عباس السكيني✍🏼
____
حرت بنومتك وشلون أعله وجهك لو على ظهرك
مافرزن يخويه حسين صدرك هاذه لو خصرك

يمن ماخذ سمار الگاع تهت وتيهت بزرك
بصفنتي معاتب وصفنات يامن خاطري يكسرك

تطم عين الضوه وغطتك غيمه
ياباجي الضلي ابعوز خيمه
.
يااخر جرح طكني بسهم رامي

ام حسين المحمداويه✍🏼
_______
اجيت اتراكض اعله النار صوتي باگته الشهگه
تلگاني یبعد اختك عبرتي بصدري مختنگه
اباوع والدمع مدرار جثتك بيهه جم سحگه
يكون وياك ردته الموت واحظى بساعة الملگه

چتالك يهوبز علنسه بكيف
واخو اخيته موذر ياالف حيف

حريمك طرت الهيمه بعدك ياهو اليحامي

✍☘ام فراس الساعدي ☘
____________
يعاد الصياغه
نفس ؤوحية نضم المستهل
زهره الكناني✍🏼
________
مشـــيت وتـعثر اجـدامي ادور كل كتر وينــه
عيوني مغوشه ومااشوف مصيبه وطاحت اعلينه
لـمست الخـنصر بأيدي يرد عاشر الچفـــينه
لــكن شفت ياحــاله حســيني لو مـــوذرينه

ذباحــــك يخــويه عايــش شــلون
وانت اعله الترب ومغمض عيون

عساني امگطعه اوصالي ولامگطع متت ضامي

أم صــ✍️ــادق المنصوري
_______\________
اركض واعثر بجدمي اريد ابسرعه اوصله

وثكلت شيلتي والثوب للماركع للذله

وگلبي دكته سرعت ثيابي ادموع مبتله

شيب راسي للمذبوح الضحى الدينه والمله

ويريت اتوذرت يالوالي وياك

اروحن وين بعد اوين الكاك

ميته ولاشفت هالظيم كون وخلصت احلامي

✍ام مرتضى الخزرجي
_______________

تمت باقلام شاعرات رابطة كفيل زينب عليهما السلام
https://www.tg-me.com/alkfoofalskea

☘لاستشهاد مولاي العباس ع☘


وزن المستهل و النص /نصاري
مفاعيلن مفاعيلن مفاعيل

اريد انصب عزه كل عام اليدور
والطم عل الشفيه وكلبي مكسور

احشم بالخلك واجمع محبين
خل نلطم سوه لعباس الحنين
نواسيها  العقيله  وام  البنين

على المذبوح من زنوده مبتور ....

✍☘ام فراس الساعدي ☘
🏴🏴🏴🏴🏴

نواسي ام لخدر لمصاب عباس
يايومه ثجيل يشيب الراس
حيف المثله تغدر بيها الارجاس
على الرمضه بقه ايام مشمور
✍️ام عباس السكيني
🏴🏴🏴🏴🏴

موذو بالسيوف وصاير اوصال
على جرف النهر دم الزند سال
يجيب الماي تنطر جيته العيال
مايدرون طايح وسفه مغدور...

✍️ام عباس السكيني
🏴🏴🏴🏴🏴

مايدرون طاح اليحمي الحدود
يم المشرعه متبدي الجود
كفال الضعن هيهات ليعود
راسه بالعمد نصين مطرور

✍️ام عباس السكيني
🏴🏴🏴🏴🏴

یاحيف انغدر ابن الميامين
طاح اعله النهر والسهم بالعين
كل وحده بحده صارت الجفين

نایم علتراب الگمر وینور

✍️☘️ام فراس الساعدي ☘️
🏴🏴🏴🏴🏴

تمت باقلام شاعرات اهل البيت عليهم الصلاة السلام
غير مبري الذمه لكل من يغيير الاسم او ياخذ كلمات القصيده وينسبها اليه


https://www.tg-me.com/umabbas1979

https://www.tg-me.com/omFeras2

روحي امرمره ابعدك
يمسلم
مادري شجره الحالك
يمسلم

تعال تعال
هاي المسيه
تعال تعال
ارجع عليه

✧ـــــــــــــــــــــ✧
يطحنن بروحي طحن
ايام الفراگ

كل لحضه الي تمرعلي تكتلني الاشواگ

من طلعتك او وي طلعتي
بينه الضعن ساگ

تعال تعال
فراكك منيه
تعال تعال
ارجع عليه

ام حسين المحمداويه
ـــــــــــــــــــــــــــــــــ🖤
یاسالفه الکلها محنه وکلها اشواگ
حنيت بويه الملگتک والشوفک اشتاگ
مثل الشمع گمت احترگ کاتلنی لفراگ
تدر البعد یابوحمیده حيل حراگ
تعال تعال
یاسلوه لیه
تعال تعال
ارجع عليه
✍🏻المیرزه ام ليلي الخاقانی
ــــــــــــــــــــــــــ🖤
يحصد ابأهلي انه الدهر ما خله واحد

وديت همي وشكوتي الربي الواحد

ينضر الحالي وغربتي والحيل بايد

وياكسرتي لبن النبي

الكلبي مارد

تعال تعال

وروي القضيه
تعال تعال
ارجع عليه

ام ✍🏻رحمه الگاظميه
ـــــــــــــــــــــــــ🖤
بويه الهجر يكتل تره والگلب يحتام
بعدك حياتي بس عدم واهات والام
و الرجعتك ماكو امل اتوهم اوهام
بس شوگي ليك ولهفتي عيشني بحلام
تعال تعال
بروح الزچيه
تعال تعال
ارجع عليه
✍️ ام مهدي الفرطوسي
ـــــــــــــــــــــــــــــ🖤
لفراك حلّ ادري آنه يابويه كوه
لابيدك ولابيدي اسف ادريها بلوه
ياعمد بيتي يل رحت ماعندي تجوه
صار الدمع كل الوكت ليّه آنه سلوه

تعال تعال
لوبس مسيه
تعال تعال
ارجع عليه

ام عباس السكيني

ــــــــــــــــــــــــــــــ
تمت باقلام شاعرات
رابطة كفيل زينب عليهما السلام
https://www.tg-me.com/alkfoofalskea

قصيده لرثاء الحسين ع
((عجت الخيل))
~~~~~~~~~~~✦

عجت الخيل وصارت اتراب
شفته وكلت هل نضر جذاب

المطحونه جثته هذه الحسين
مفصول راسه وشابح العيــن


شفته وكلت هل نضر جذاب
ــــــــــــــــــــــــ✦
مكدر اروح الجدم مــشلول
جسمه حـبيبي تارس چول
بيدي اهـومي هـنا يلخيــول
فراحانه تسحك فوكة وجــول


تاخذني رﯢحـي ورجع اردود
وشوفي البناتك صار فرهود

يفــتر علينه الــعدو سـلاب
شفته وكلت هل نضر جذاب


✍️ام احمد العبوديه زبير

ـــــــــــــــــــــــ✦

ً محنية اميلن ميله الريح
انكل جدم وتخوني اتطيح
خردلني دمعي بعيني ليسيح
اختك لفتك خويه لتصيح


جيتك يغالي جايبه الماي
تيهت خويه مني الراي


تانيني عندي وياك انه عتاب
شفته وكلت هل نضر جذاب

✍️ام عباس السكيني
ــــــــــــــــــــــــــــ✦
مناشغ ودمعي توسل الخيل
المجتول اخيي بهالمچاتيل
زغران حيلي ابكبر هالليل
لحمك مطشر ياعطر هيل

غمه التراب شلون وستنگه
باب الحنين الملكته مسرگه

الماعدها اخو شلون تنهاب

✍️ام حسين المحمداويه
ــــــــــــــــــــــــــ✦
من شفته حيلي وگع بالگاع
تفرهد عزيزي مني بساع
احشم لخيي ماكو فزاع
وبطيحته صرت انه بضياع
صوره بخيالي لسه متروح
من شفت باب الله مطروح
ذاك الوكت مني الامل خاب
شفته وگلت هل نضر چذاب
✍️ ام مهدي الفرطوسي
ــــــــــــــــــــــــ✦
اخيول عشره صعدت اعليه
نطحنت اضلوعه ولعب بيه
عريان شفته شلون اصد ليه
ذاري الترب جسمه يغطيه

ياعملة العاشر يهل الناس
اطهر جسم بالكون ينداس

اعظم رزيه وأعظم مصاب
شفته وگلت هالنضر چذاب

✍️ام علي المالكي
ــــــــــــــــــــــــ✦
معقوله اشوفه اكبال عيناي

مكطعه اوصاله الماشرب الماي

وبدم بجتله الدنيه وسماي

صعبه ابدونه ارافك اعداي

شيبت راسي ارض الطفوف

وايتام عندي تصرخ بخوف

وعلى الترايب كلهه الاحباب

شفته وكلت هاالنضر جذاب

✍ام مرتضى الخزرجي

ــــــــــــــــــــــــــــ✦
تمت باقلام شاعرات رابطة كفيل زينب عليهما السلام
https://www.tg-me.com/alkfoofalskea

المحتاج محاضرات مكتوبة حتى يقراها بالمجالس خل ينضم لهذه القناة ...مليانه احاديث وقصص ومواعظ عن أهل البيت... كلها جهزناها الكم على شكل روابط... يعني كل محاضرة موجود عنوانها وتحتها رابط المنشور، ما عليكم غير بس اضغطون عالرابط يطلعلكم الموضوع الي تريدوه..
شبيك لبيك المحاضرة التريدها بين يديك👇

https://www.tg-me.com/geanangna/4676
https://www.tg-me.com/geanangna/4676

يحذف الدعم بعد #ست_ساعات_ذمة

الى الاخوات المبتدئات يرجى تطبيق هذه المفاتيح التي سنقوم بنشرها في هذه القناة...



تطبيق درس اليوم
#مفتاح_طور_الجنوبي

#شعبة_الخطابة_والتبليغ_النسوية
#منتدى_القلم_الفاطمي
https://www.tg-me.com/almokbalfitmy313

قصيدةللهلال: من ديوان (أرض الحتوف) ج ١

هلال الكدر ميشوم بين علينه

باجر اخوتي تروح نصفك بادينه

من شفت الهلال

اترادت الحال

بصوت الحزن ناديت ردو الضعينه

❥━──➸➽❥❂❥━──➸➽❥❂
كلبي على الوليان بيدي لزمته

شهر الكدر هلبان انه علمته

بيه المنايا تحوم انظرهه سكته

افكد هلي ياناس هذا الحسبته

ريته فلا بان

بي فكد الاخوان

ياشهر بيك الموت لالا تجينه

❥━──➸➽❥❂❥━──➸➽❥❂

ترجيتكم يحنان بطلو سفركم

خافن زماني بيوم يحرمني منكم

امشي غصب يخوان بالكوه عنكم

انطي الوجه لاوين خويه بعدكم

امشي سبيه

غصبن عليه

كل حيلي راح وياك روحي حزينه

❥━──➸➽❥❂❥━──➸➽❥❂

ماريد اعوف ديرتي بس لاتحملون

ريض يخويه ارجوك لاتشد الضعون

بغيابكم يهل الشيم بيه يعيلون

بطف كربله ياويل كلكم تونون

نومه على التراب انظر تظلون

ارحم بحالي

اهنا يوالي

اعدانه خويه حسين شتسوي بينه

❥━──➸➽❥❂❥━──➸➽❥❂

هذا الشهر ياخوي يلوح بمصابك

خبر غراب البين يفجع احبابك

واختك يبعد الروح تنظر صوابك

ياحسين خويه اجوك رجع اطنابك

سهرانه بالليل

ودموعي تسيل

للحزن روحي اليوم ظلت رهينه

❥━──➸➽❥❂❥━──➸➽❥❂
لو حرحت كلي شلون بختك يوالي

ظلمه تظل دنياي سودة الليالي

روحي تريد وياك ترحل يغالي

انت الشريده البيك دهري صفالي

لتعوف العيال

مشدوهة البال

بعدك يبوالاحرار وليه نولينه


بقلم خادمة أهل البيت الشاعرة ام عباس السكيني

https://www.tg-me.com/umabbas1979