طال وقوفي على ابواب الانتظار
متى ثم متى تنجلي السنوات العجاف
لتحل السبع اليانعات
سيدي اما حان الاوآن…..


✍🏻ام عباس السكيني

لو كان هناك بصيص امل يرشدني الى مأواكَ …لوقفت ماتبقى من عمري على قارعه الطريق انتظرك

✍🏻ام عباس السكيني

ليتني أملك جناحين لِأُحلق بهم الى حيث الحبيب ……لِأَرى بعيني من أتوق لقاءه
كم وكم !!
هفا قلبي شوقاً لروياه

ياخلف الحسن متى نحظى بروياك؟

✍🏻ام عباس السكيني

فرحاً يغمرني تارة وينتابني خوف حينما اسمع قد اقترب اللقاء

ثمة ذنوب ارهقتني………..


✍🏻ام عباس السكيني

يمته الگاع مهدينه يحلها
ومرّ ايامنه بطلته ‏يحلها
بيدة الموزمه الكلفه يحلها
ويعم الفرح مابين البريه


✍🏻ام عباس السكيني

لسان حال العقيله بعد مقتل الحسين ع

الشمر جاني لخيم يسلب يوي هاي
ركضت وبيدي اكضن هاي وي هاي
بالاخرى استر كمت كل همي وي هاي

واحمي اعيال اخيي الظل رميه

✍🏻ام عباس السكيني

من شفت الصدر بالخيل ينداس
احس خنجر طعني وبيه ينداس
ركضت ولن عليه الشمر ينداس
هاي اخت الذبيح الظل رميه

✍🏻ام عباس السكيني

لسان حال الموالي لغياب المهدي عج

يهنياله الحضى بطيفه من اراه. /شافه
يطل يمته ويشيدها ال من اراه. /مناره
هدم اكبورهم زود من اراه / من ناره

يون لاهله ترى صبح ومسيه

ام عباس السكيني

ابوذيه عن لسان زينب ع

الدمع غرّك هدومي آ وابلها
راح الچان اخو لزينب وابلها
صارت فركته لروحي وبلها
ضاع ادواي من راح من اديه

ام عباس السكيني

كل صبح ومسنه صاير وردنا
بدعاء الفرج ندعيله وردنا
علينه يظلل بجفه وردنا
ويمسح بيده اهموم العلينه

✍🏻ام عباس السكيني

يمتى الرايه ابو صالح يعلها
يعلن ثورته وعداه يعلها
كبل ماتغمض عيوني يعلها
تشوفه وتالي خل تدنه المنيه

✍🏻ام عباس السكيني

اما آن الاوان سيدي
طالت سنين الانتظار!! وانا بوهج الشوق احترق متى انحني فرحاً لرؤياك

ام عباس السكيني

وكأن قلبي مستودعاً لحبك أيها الموعود
احتكر ذلك الحب لاتأجر به يوماً ما

✍🏻ام عباس السكيني
……..

عن لسان العليله ع

لاترحل يبويه حسين لاله
بعيني الدمع من دموم لاله
صعب الي يظل وحيد لاله
اهل وآنه عليله كطعو بيه


ام عباس السكيني

لبيك ياحسين ع

لطمية للقاسم ع عن لسان حال رمله ع
في ليلة العاشر من المحرم


البارحه ماجاني نوم البارحه

عيني لوليدي تصد وشابحه

—————————————

حيل كلبي يدك فرح مدري حزن

ابد ماطبك الي بليلي جفن

دموعي غصبن على الوجن يتهاملن

مدري شنهي صابني ليش آنه اون

ابداري جنها تصير باجر نايحه

——————————————
ابداري باجر خاف مو زفه وفرح

وديّ مدري شمالني ماكو صبح

اه باجر چنه ضاخرلي جرح

صدري ضايك وابد ماحس منشرح

وروحي مني اليل كله رايحه


———————————————-

باجر اعجن حنته نور البصر

هواي صار اليوم هذا انه انتظر

لحظه لحظه جمعتهن لن كبر

خايفه كلش واحسن بالخطر

بلفكر كلساع اروحن سارحه

————————————————-
شلون اعيشن لو فكدت آنه الولد

مااهود ولاانامن ليله لو عني بعد

نوب اسرح نوب للواقع ارد

بس دليلي الليله مني منمرد

مااعرف الصار ويلي وجارحه

———————————————
عيوني تنظرله ربيه من امس

ابد ماتشبع عيوني منه احس

ياشبابه شلون لايگله اللبس

خايفه اوليدي تصيبه آنه النفس

هواي نظرات واخافن ذابحه


✍🏻ام عباس السكيني

https://www.tg-me.com/umabbas1979

قصيده للعليله ع
~~~~
اذا عازم يبويه وناوي الرحيل
خليلي قميصك فدوه ادخيل
اشم عطر المحنه
بلجي اكطع الونه

وترد روحي الي وتهود بالليل
————————————-
عسن اصبر يبويه بشمت الثياب
وابطل مااكثر من العتاب
تراني لو رحت ابقى علباب
كلف وضعه تره لمفارك احباب
فيتهم جبيره
يايشيخ العشيره
وشحال المريض وجسمه انحيل
✍🏻ام عباس السكيني
➰➰➰➰➰➰➰➰➰
كلف وضعه ليفارك شوف العيون
تظل بزه بدليلي من الضنون
يردون النزلهم مايردون
صرت خبزه بحلك تنور ترضون
اعين علحياطين
وحسب بالنساوين
طبعت ايدي عله خدي ودمعتي تهيل
بقلم ✍🏻العلويه ام رقيه
فيض الطف
➰➰➰➰➰➰➰➰➰
كلف وضعه اليفارك يوم محبوب
تضل ناره ابدليله دوم متعوب
دمعاته تصب ومتاني مكتوب
احا يانارهم حركت الهدوب
اضل انه بالونين
انطر للمحبين
على الشالو غفل حملي انه اثكيل
ام✍🏻 رحمه الگاظميه
➰➰➰➰➰➰➰➰➰
على الشالو غفل دمعاتي نهران
تجري وما تكف لراح بلدان
ونار انه ابدليلي وكلي احزان
شلون البي يفارك دوم خلان
يضل سهران ليله
ويتسله ابعويله
على احبابي انه مهدودت الحيل

ام ✍🏻زين العابدين لمحمداويه
➰➰➰➰➰➰➰➰➰
بين مسابگ الدمعات لچمه
بأثر خطوات درب الاهل چلمه
هايمته ترد ترجع اللمه
المايمه هله بعثراته ندمه
ماخلو نياشـــــــين
درب البي مشو وين
گالولي نجي ركابة الخيل
ام ✍🏻حسين المحمداويه
➰➰➰➰➰➰➰➰➰
شلون تروح تدري بتعب حالي
بويه تعوفني من غير والي
بس شخصك يبويه يتروالي
تعبني المرض والهم صفالي
عليله بويه يحسين
بوحدي وتهمل العين
ابجي والدمع من عيني يسيل
ام مصطفئ ناصريه✍🏻
➰➰➰➰➰➰➰➰➰
تمت بعون الله بقلام شاعرات رابطة ساقي عطاشه كربلاء

https://www.tg-me.com/saghiatashaalkarbala

قصیده بستشهادلامام علی علیه السلام

~~~~~~

زینب ونت وصاحت یالحنین

لتغمض عيونك یاضوه العین

☆☆☆💠☆☆☆

لتغمض یبویه وتغفه العیون

من ترحل یحیدر باجر
اشلون

اظل بالدار اون والگلب محزون

تطول فرگتک یاحیدراسنین

✍ام ابراهیم بدرانی

☆☆☆💠☆☆☆

الفرگه من تطول تمرد الروح

تظل روحي بحزن و الدمع مسفوح

من تبعد تخلي الگلب مجروح

سهم فگدك جسملي كَلبي نصين

✍ ام حيدر العباديه

☆☆☆💠☆☆☆

اشوفنك يحيدر ناوي اتشيل

تعوف الدار وتيتم المداليل

لفراگك تون وادموعها تسيل

ضاعت من بعد عينك يبو حسين

✍ام مرتضى الخفاجيه

☆☆☆💠☆☆☆

منو بعدك ياحيدر لليتامه

عليك تنوح جن نوح الحمامه

ظل النه يبويه بس جهامه

لتخلينه من بعدك محزنين

✍ام عباس السكيني

☆☆☆💠☆☆☆

على فركَاك گلْبيْ صار چانوْنْ

بعد عينك حياتي تصبح اشلون

طعمْ يا بوْي ماالها ولا لوْنْ

عميْد الْبيْت سافرْ يتّم الدّيْن

✍أم علي دمعة لقاء

☆☆☆💠☆☆☆

تون زینب ومنها الگلب خلصان

عله فگد الابو ضلت بالاحزان

مجروح الگلب والدمع جریان

تنوح الدهر کله وزاد الونین

✍ام یوسف المنبوهی

☆☆☆💠☆☆☆

ردتك للحمل وهمومي الاثگال

وحشه البيت بويه خلافك تعال

شمالك يادهر وياي ميال

ماخليتلي والي ولاامعين

✍️ أم حيدر العبادي ناصريه

~~~~~~~~

تـــمـ بعون الله تعالى ـــت
بقلم شاعرات اهل البیت ع في رابطة دموع العقیله ع
لانجيز حذف الاسماء✋
🙏🏻نسالكم الدعاء🙏🏻
https://www.tg-me.com/Kfeilzainp

نعوفك ابد ماظل يرعبينه
غصب رحنه يخويه يرعبينه
الجِسر بيده تراهو يرعبينه
وشد احبال خشنه بجف اديه


✍🏻ام عباس السكيني