لطمية للنزول
من ديوان (أرض الحتوف) ج١
❥❈┉┉┅━━❀❀━━┉┉❥❈┉
ولكربله جينه وبزود اهالينه
❥❈┉┉┅━━❀❀━━┉┉❥❈┉
حط الرحال حسين آ وي عباس
للخدر كل اخواني صارو حراس
وياهم اجيت ورافعه انه الراس

امقدر علينه ولكربله جينه
ولكربله جينه وبزود اهالينه
❥❈┉┉┅━━❀❀━━┉┉❥❈┉
من هل ارض كلبي توجل ورتاع
كل اخوتي يرحون من عندي ضياع
مرميه جن اجسادهم فوك الكاع

والعده تولينه ولكربله جينه
ولكربله جينه وبزود اهالينه
❥❈┉┉┅━━❀❀━━┉┉❥❈┉
حلت علامات الحزن من طبيت
بيها فجع بيها ذبح لن حسيت
باب المصايب ينفتح آ ناديت

ياخويه رد بينه ولكربله جينه
ولكربله جينه وبزود اهالينه
❥❈┉┉┅━━❀❀━━┉┉❥❈┉
خيمنه ياخويه ارجوك لاتبنيها
وضعونه يحسين خن رد بيها
تحوم المنايا بهل ارض تدريها

نفترك تالينه ولكربله جينه
ولكربله جينه وبزود اهالينه
❥❈┉┉┅━━❀❀━━┉┉❥❈┉
بالفركه خويه حسين ينهد حيلي
وحدي اضل بحيرتي ياويلي
كلمن يصد لحالتي يبجيلي

التعب كاضينه ولكربله جينه
ولكربله جينه وبزود اهالينه
❥❈┉┉┅━━❀❀━━┉┉❥❈┉
هذا الشمل ماضنه يبن امي يعود
نكعد سوه وايامنه ترد اردود
محزونه اظل وذابله خويه العود

وشينسه ماضينه ولكربله جينه
ولكربله جينه وبزود اهالينه



بقلم خادمة أهل البيت الشاعرة أم عباس السكيني
https://www.tg-me.com/umabbas1979

قصيده :زينب لما وصلت لشاطي العلقمي ورأت كفين ابي الفضل ع
من ديوان ارض الحتوف الجزء ٢
******************


هذا ياجف الاشوفه والنهر

يمه رايه وراحته بيهه اثر


جني شايفته انه٠٠ ظهري ياويل انحنه

بي شبه حسيت من جف الكمر

❥❈┉┉┅━━❀❀━━┉┉

خذه روحي وياه لمجانه البعيد

كلبي من شافه ولايرضى يهيد

اتكربت منه اعرفنه اريد

امصبّغ بلون الدمه ٠٠شوفي احسنه انعمه

اه يتناثر بكه منه عطر

❥❈┉┉┅━━❀❀━━┉┉
عطره شميته انه وبمعصبي

من جفوف البطل عباس الابي

صحت وينه كافلي بحق النبي

ارد اشوف زنوده٠٠ ورايته وهم جوده

ليش ماجاني كفيلي وما حضر

❥❈┉┉┅━━❀❀━━┉┉

لاتكلولي انكطع جف الكفيل

والدموم عالجرف منه تسيل

الماي ماريده بكيت اصرخ يويل

رايده ويايه يرد٠٠ كلبي اعليه انمرد

وين وعده الواعده لام الخدر

❥❈┉┉┅━━❀❀━━┉┉

طار عكلي من شفت ضرب السهام

صابت الجود وطفت عين الهمام

كافل ضعوني هوه بالحومه نام

راسه مطبور بعمد٠٠ ونفسه من عنده خمد

شلون خان وياه كلولي الدهر


❥❈┉┉┅━━❀❀━━┉┉
حيف طاحن للكمر زندينه

وحيف سهم الغدر صابه بعينه

من يجيب الماي جا لسكينه

طاح مكطوع الجفوف٠٠ ودارت اعليه الصفوف

مادرت عالنهر مجتول البدر

❥❈┉┉┅━━❀❀━━┉┉
لخادمه اهل البيت
ام عباس السكيني

https://l.me/umabbas1979

لطمية مربعه للعباس ع

من ديوان ارض الحتوف الجزء ٢
******************
شلون تنام زامطت الزلم بيك

يهتكون الخدر عباس يرضيك

❥❈┉┉┅━━❀❀━━┉┉
ياعباس خويه أمزامطه بزودك

انهض ياكفيلي ورجب زنودك

تردلي هيبتي ياسبع بوجودك

نبح صوتي يخويه من اناديك
❥❈┉┉┅━━❀❀━━┉┉
يا صوتي انبح من جيت اندهنك

اكعد ياغيور اسمعني احشمنك

واكلك بالعده شسوت واخبرنك

دسمعني يخويه جيت احاجيك
❥❈┉┉┅━━❀❀━━┉┉
احاجيك واريد اتكوم ويايه

تصول عللعده وابيدك الرايه

تراني المصرعك هلجيت عنايه

اضمد جروح جسمك خل اداويك
❥❈┉┉┅━━❀❀━━┉┉
تنام شلون ياهيبه وينوماسي

بيك انه يكافل رافعه راسي

ذاخرتك ذخيره لوكتي ألجاسي

ولو عالو عليه اشتكي ليك
❥❈┉┉┅━━❀❀━━┉┉
حركو خيمتي تدري يبو الغيره

حيرانه الوجه لاوين انه اديره

اشوفنكم ضحايه ومحنتي جبيره

اعتبنك وانا ادري العتب ياذيك
❥❈┉┉┅━━❀❀━━┉┉

لخادمه اهل البيت
الشاعره ام عباس السكيني
https://l.me/umabbas1979

لطمية لسقوط العباس ع تقرأ بطور الفزاعي الجنوبي



شدي حزام زينب زيدي النياح

كفّال الخدر فوك الترب طاح

❥❈┉┉┅━━❀❀━━┉┉❥❈┉

شدي حزام زينب لطمي الهام

على النايم وصاير حصت الاسهام

شيّال الحمل فوك الثرى نام

ونيله / الطاح ابكونه

❥❈┉┉┅━━❀❀━━┉┉❥❈

تعنيله ودشوفي شصار بالحال

امكطع بالسيوف وصاير اوصل

ودمه بكل كتار ياويل سيال

(رواها / الحومه بدمه)

❥❈┉┉┅━━❀❀━━┉┉❥❈┉

لحكيله ودفلي الشوك وياه

بلچي يلتفت لو صرتي احذاه

لوغرب بعد جاوين ملكاه

زماطج غرب/ شيعوده

❥❈┉┉┅━━❀❀━━┉┉❥❈┉

بلجن بي نفس يتسامر وياج

ترد روحه عسى لوشاف ملكاج

گليله حسافه شلون خلاج

فلاها / الخوه الكافل

❥❈┉┉┅━━❀❀━━┉┉❥❈┉

صدي عللشريعه طايح الجود

ورايه ملطخه من دم الزنود

فلاها الاخوه وليج ميعود

ضيعتي/ الشايل حملج


✍🏻ام عباس السكيني


https://www.tg-me.com/umabbas1979

لطمية مربعه للنزول
من ديوان (أرض الحتوف) ج١

تقرا بعدة أطوار منها الطور الفزاعي الجنوبي
❥❈┉┉┅━━❀❀━━┉┉❥❈┉
لفت خطار هاي ام عون هاليوم
لارضج كربله والكلب مالوم
❥❈┉┉┅━━❀❀━━┉┉❥❈┉
لفت خطار ليج وجايبه سباع
نزلت هالارض والكلب مرتاع
رد بينه يخويه تصيح وبساع
اشوفن هالمنايا اعلينه اتحوم
❥❈┉┉┅━━❀❀━━┉┉❥❈┉
يخويه احسين لاتبني الصواوين
اخافن يالاخو من غدرة البين
يفرك اضعونه ونصبح بعيدين
خل نرجع بلدنه هنا يجدوم

❥❈┉┉┅━━❀❀━━┉┉❥❈┉
بعد ماظن ترد ايامنه اهناك
نرجع للوطن يحسين وياك
سراب يصير آيبن امي ملكاك
تغيب على الاهل ياحلو الرسوم
❥❈┉┉┅━━❀❀━━┉┉❥❈┉
مكتوب الذبح وبهاي البلاد
اون من انزلت والكلب ماهاد
متحزمه عليكم زمرة اوغاد
جنها بدين تطلبكم يهالكوم
❥❈┉┉┅━━❀❀━━┉┉❥❈┉
شلون شلون بينه وبيك يحسين
لو جتنه بغدر كوم الملاعين
نمشي من بعدكم وين ماوين
وانته تنذبح يحسين مظلوم


بقلم خادمة أهل البيت الشاعرة أم عباس السكيني
https://www.tg-me.com/umabbas1979

قصيده في حق العليله( ع )
( وزن النصاري )
من ديوان (أرض الحتوف) ج١
❥❈┉┉┅━━❀❀━━┉┉❥❈┉
بويه مناطرتكم تربي العيون
لكعد بالدرب بالكت تمرون
❥❈┉┉┅━━❀❀━━┉┉❥❈┉
رايح يالابو وشلون بيه
عليله بالنزل ياهو اليه
توحش داركم بويه عليه
ابقى امناطره لمن ترجعون
❥❈┉┉┅━━❀❀━━┉┉❥❈┉
اظلن بالنزل ياحيد وحدي
اونن وانتحب ايدي اعله خدي
مريضه وهالسفر مرد لي جبدي
من كثر البجه راحن هالعيون
❥❈┉┉┅━━❀❀━━┉┉❥❈┉
يبوي توسلت والدمع هالي
اخذني وي الاهل صدك اشوالي
عليله و بالحزن مترادي حالي
اريد من اخوتي يمي يضلون
❥❈┉┉┅━━❀❀━━┉┉❥❈┉
لاتسافر يبويه وابكه يمي
تراني بشوفتك ينزال همي
دمعي عالوجن للفركه يهمي
كلي لو رحت من يحمى الضعون
❥❈┉┉┅━━❀❀━━┉┉❥❈┉
طاري فراكم بويه هضمني
يوجع هالكلب بعدك كتلني
عليله من الالم مزداد وني
سفرتكم يبويه اتخيب الظنون
❥❈┉┉┅━━❀❀━━┉┉❥❈┉
لاتكطع يبويه وصلك وياي
من بعدك مظلمه تبكه دنياي
يا شمعة حياتي ونور عيناي
عليه فراكم يحسين مايهون
❥❈┉┉┅━━❀❀━━┉┉❥❈┉


بقلم خادمة أهل البيت الشاعرة أم عباس السكيني
https://www.tg-me.com/umabbas1979

هوسات للنزول
من ديوان (أرض الحتوف) ج١
❥❈┉┉┅━━❀❀━━┉┉❥❈┉
وصلت لكربله والروح خلصانه
من طول الدرب ناحله وتعبانه
انظر لخوتي والعين عميانه

( باجر يرحون / يخلوني )
❥❈┉┉┅━━❀❀━━┉┉❥❈┉
لاتنصب خيمنه هنا يبو الغيره
تراني خايفه من شوم هالديره
باجر جن اختكم تبقى بحيره

( مهضومه / تبجي لولياها )
❥❈┉┉┅━━❀❀━━┉┉❥❈┉
باجر يحترك للفركه جن كلبي
اعتب يخوتي ومحد شره لعتبي
عليكم يخوتي العين هالتربي

( نيران بكلبي / وتجويني )
❥❈┉┉┅━━❀❀━━┉┉❥❈┉
سولفلي يبعد الروح على يجره
دمعتي عالوجن تنزل بكت حمره
احس ياخوي تسعر بالكلب جمره

( لفراكك / يانور عيوني )


بقلم خادمة أهل البيت الشاعرة أم عباس السكيني

https://www.tg-me.com/umabbas1979

قصيده للعليله
من وزن ( الميمر )
من ديوان (أرض الحتوف) ج١

تقرا بطور : باجر يزينب كل اخوتج ميتين
❥❈┉┉┅━━❀❀━━┉┉❥❈┉
انه العليله البديار الضليت
انه العليله
ابجي حزينه موت روحي تمنيت
انه العليله
❥❈┉┉┅━━❀❀━━┉┉❥❈┉
عافوني اهلي من مشو نحلانه
العمر مني ذبلت انه اغصانه
ظليت مكسورة كلب حزنانه
مابطلت من البجه ومامليت
❥❈┉┉┅━━❀❀━━┉┉❥❈┉
ماغمضت ساعه ونمت من الليل
ذبّل جفوني دمعي الظل ايسيل
مدري زماني ليش وياي ايعيل
معلوله ويلي لوحَدي انه بكيت
❥❈┉┉┅━━❀❀━━┉┉❥❈┉
وحدي انوحن ظاله بالديران
يشتعل كلبي للاهل ظل نيران
ماحسبت بيه الدهر لن خوان
شلك عليه يادهر وشخليت
❥❈┉┉┅━━❀❀━━┉┉❥❈┉
من حملو روحي بكت مجروحه
عيني تصد لضعونهم مشبوحه
اركض وراهم دمعتي مسفوحه
بحسين ابوي توسلت وترجيت
❥❈┉┉┅━━❀❀━━┉┉❥❈┉
حملني يابويه واخذني وياكم
محمل تراني العيش لبلياكم
روح العليله يالابو تهواكم
مثل الحمامه عالضعون افتريت
❥❈┉┉┅━━❀❀━━┉┉❥❈┉
عافو نزلهم مظلم يبجيني
مصلى ابوي حسين هل عاميني
مناغى الرضيع من اذكره يأذيني
مانسى صوته وضحكته الي بلبيت



بقلم خادمة أهل البيت الشاعرة أم عباس السكيني

https://www.tg-me.com/umabbas1979

الى الاخوات المبتدئات يرجى تطبيق هذه المفاتيح التي سنقوم بنشرها في هذه القناة...



تطبيق درس اليوم
#مفتاح_طور_الحجاز

#شعبة_الخطابة_والتبليغ_النسوية
#منتدى_القلم_الفاطمي
https://www.tg-me.com/almokbalfitmy313

لطمية تقرأ أيام المسير تحكي

الذي سوف يجرى على زينب (ع)
طور : ( يابو فاضل طيحت ايدك )

من ديوان (أرض الحتوف) ج١

ام عون باجر ....... آه محتاره تظل
ام عون باجر ....... تفكد اعزاز الاهل
ام عون باجر ....... يثكل عليها الحزن

❥━──➸➽❥❂❥━──➸➽❥❂
تجرع بكاس الالم مر النوايب
تودع بطف كربله كل الحبايب
تشوف من هذا الزمن كل العجايب
مجزره اخوتهه تضل فوك الترايب

❥━──➸➽❥❂❥━──➸➽❥❂
كلب زينب ... موقد يضل محترك
كلب زينب ... بالحزن ويلي غرك
ام عون باجر ... ترتعش من الوجل
ام عون باجر ... تفكد اعزاز الاهل

❥━──➸➽❥❂❥━──➸➽❥❂
تمشي مكسورة ظهر ويل ونحيله
حمولهه تهد الرواسي هالعقيله
كوه تسحل بالجدم اه وتشيله
يعينهه الله ام الصبر محنه ثجيله

❥━──➸➽❥❂❥━──➸➽❥❂
هالمصايب... ذوبت حيل الصبر
هالمصايب... كصرت منه العمر
ام عون باجر... تنوح نوح المابطل
ام عون باجر... تفكد اعزاز الاهل

❥━──➸➽❥❂❥━──➸➽❥❂
تلتفت يمنه ويسار وكلهه نومه
مخدرة هاشم يويلي تطر حومه
تنطر حسين الولي مسلبه هدومه
ماتعرفه من تجي مغيره رسومه

❥━──➸➽❥❂❥━──➸➽❥❂
ياصبرهه ... كدها ماصبرت مره
ياصبرهه ... تشوف اهلهه مجزره
ام عون باجر... تفارك اخوتهه بعجل
ام عون باجر... تفكد اعزاز الاهل

❥━──➸➽❥❂❥━──➸➽❥❂
باجر تروح العقيله وتطر هيمه
عليهه محروكه العبايه ياهضميه
تلبس استار وغطه من بكه الخيمه
مدوهنه بايتام حالتها اليمه

❥━──➸➽❥❂❥━──➸➽❥❂
بولية ارجاس ... راح تمشي ام الخدر
بولية ارجاس ... آه وداها القدر
ام عون باجر... بهيمه مايدري الكفل
ام عون باجر... تفكد اعزاز الاهل

❥━──➸➽❥❂❥━──➸➽❥❂
على عجف النوك تصعد والهزيله
وهدل جفون الصبر دمع التسيله
بس آنين ونوح رحتلها طويله
نام كافلهه بعد من تشتكيله

❥━──➸➽❥❂❥━──➸➽❥❂
سود الايام ... عليهه حلن جودرن
سودالايام ... عيون زينب لن عمن
ام عون باجر ... محمله حمل الجبل
ام عون باجر ... تفكد اعزاز الاهل

❥━──➸➽❥❂❥━──➸➽❥❂

القصيدة بقلم خادمة أهل البيت الشاعرة أم عباس السكيني

https://www.tg-me.com/umabbas1979

لطمية للمسير

من (ديوان أرض الحتوف) ج١
❥❈┉┉┅━━❀❀━━┉┉❥❈┉
وين رايح ياحسين بهل سفر
شلون كلي ارجاك لو خان الدهر
❥❈┉┉┅━━❀❀━━┉┉❥❈┉
خايفه ياخوي من هذا الرحيل
تثكل حمولي عليه ويلي وتميل
نار تسعر ظلت بوسط الدليل
حاسه يحسين حاوطنه الخطر
❥❈┉┉┅━━❀❀━━┉┉❥❈┉
جينه نمشي ونكصد الدرب البله
تمشي ويانه يويلي العايله
والكمر عباس شد الراحله
ليه اصدن والكلب مني انفطر
❥❈┉┉┅━━❀❀━━┉┉❥❈┉
ماهجعت ولانمت طول الدرب
هدني تفكيري انه فوك التعب
جنه الفراك وي اخوتي هل كرب
راح يطشر شملنه بالغدر
❥❈┉┉┅━━❀❀━━┉┉❥❈┉
نفترك يحسين ويطش الشمل
وعيني تنظركم ضحايا ع الرمل
مثل كلبي مصاب ماواحد حمل
انظرك ياخوي محزوز النحر
❥❈┉┉┅━━❀❀━━┉┉❥❈┉
تصير دنيانه ظلام بلا ضوه
يختنك صدري ولاشمن هوه
بهل سفر كلبي احسنه نجوه
لو رحت يحسين شلي بالعمر
❥❈┉┉┅━━❀❀━━┉┉❥❈┉

القصيدة بقلم خادمة أهل البيت الشاعرة أم عباس السكيني

https://www.tg-me.com/umabbas1979

نعي للمسير
من ديوان (أرض الحتوف) ج١

امشي اجيت بزود الاخوان
ويبره لضعنه كمر عدنان
طول الدرب وياي وليان

طول الدرب عيني ربيه
الخوان جن خيمه عليه
عباس وحسين الشفيه

كلساع بأسمي لن ينادون
ولمحملي كلهم يبارون
نفديج ياخويه يكولون

لام عون كل احنه حمايه
دك الصدر صاحب الرايه
روحي الج خويه فدايه

تجري عيوني ضلت دموم
والحيل مني صار معدوم
كلبي صبح موكر للهموم

مهموم كلبي ويجر حسرات
مابطلت اجهر الونات
ماظن بعد ترجع الكعدات

كلبي لزمته وصحت ويلي
هذا السفر حارك دليلي
خايفه انه ومهدوم حيلي

محزونه اون والكلب ماهاد
افكد اخوتي بهاي البلاد
وامشي انه لدروب الابعاد

امكدره والضيم حالي
ودمعي عالوجنات هالي
تالي انه افكد دلالي

اصبر الكلب غصبن عليه
ونيران بحشايه سريه
افرك انه بثنين اديه

بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطمية فزاعيه للمسير
من ديوان (أرض الحتوف) ج١
❥❈┉┉┅━━❀❀━━┉┉❥❈┉
سرنه والمسير بعيد
منه نخطفت الواني
❥❈┉┉┅━━❀❀━━┉┉❥❈┉
يرجف كل عظم بيه
ناري بكلبي سعريه
عيني ضلت ربيه
تنظر اه ولياني
❥❈┉┉┅━━❀❀━━┉┉❥❈┉
اصد وبالكلب حسره
بصدري مكسره العبره
اخاف من الدهر غدره
ياخذ مني خواني
❥❈┉┉┅━━❀❀━━┉┉❥❈┉
اظل حرمه بلاوالي
وحدي ومنشده بالي
امشي بدون كفالي
هذا الزيد احزاني
❥❈┉┉┅━━❀❀━━┉┉❥❈┉
اسولف بالدرب وانحب
هسه لخوتي اصحب
باجر عنهم اتغرب
اسيره بين عدواني
❥❈┉┉┅━━❀❀━━┉┉❥❈┉
خلصت روحي بالونه
باجر يرتحل عنه
ابو السجاد المجنه
طاري فراكه بجاني
❥❈┉┉┅━━❀❀━━┉┉❥❈┉
امشي ورافعه راسي
باجر ينكسر باسي
هذا الجان بحساسي
يصير الصبر عنواني

بقلم خادمة أهل البيت الشاعرة أم عباس السكيني

https://www.tg-me.com/umabbas1979

لطمية للمسير
من ديوان (أرض الحتوف) ج١
تقرأ بطور الفزاعي الجنوبي وأطوار أخرى
❥❈┉┉┅━━❀❀━━┉┉❥❈┉
ام عون اليوم تمشي مرافكه اخوان
باجر لن تظل من غير وليان
❥❈┉┉┅━━❀❀━━┉┉❥❈┉
باجر حايره وتدير بالعين
لاعباس يبقى الها ولاحسين
مكسورة كلب تجهر بالونين
ماتدري الدهر تاليته خوان
❥❈┉┉┅━━❀❀━━┉┉❥❈┉
تحمل ضيم تحمل كل الهموم
يضل حيل العقيله ويل مهدوم
دنياها عليها تجلجل اغيوم
يرافكها الونين وكل الاحزان
❥❈┉┉┅━━❀❀━━┉┉❥❈┉
يرافكها الحزن حد خمد الانفاس
حيرانه تظل تلطم على الراس
راح حسين راح الغالي عباس
مهضومه تضل والحيل ركدان
❥❈┉┉┅━━❀❀━━┉┉❥❈┉
مهضومه وحزينه ذابله العود
بعد بيها الزمان الراح ميعود
نومه عالثره تنظر لل حيود
لاتغسيل لاكافور لاجفان
❥❈┉┉┅━━❀❀━━┉┉❥❈┉
ياصبر العقيله يهد الجبال
وحيده مدوهنه محتاره بعيال
بلا والي غريبه بين الانذال
تجرع بلالم من بعد الحنان
❥❈┉┉┅━━❀❀━━┉┉❥❈┉

بقلم خادمة أهل البيت الشاعرة أم عباس السكيني

https://www.tg-me.com/umabbas1979

هوسات للمسير عن لسان جبل الصبر(ع)
من ديوان (أرض الحتوف) ج١
❥❈┉┉┅━━❀❀━━┉┉❥❈┉
من سار الضعن وحسين بعياله
تصد زينب بكت والعين هماله
تدري بهل سفر تفكد الخياله

( ردبينه/ ياخويه ابن امي )
❥❈┉┉┅━━❀❀━━┉┉❥❈┉
رد بينه لوطن جدنه يبو الاحرار
عازم عالسفر والسفر بيه اخطار
عليكم يخوتي هالكلب صاير نار

(مرعوبه/ ياحسين عليكم )
❥❈┉┉┅━━❀❀━━┉┉❥❈┉
مرعوبه بكيت وخايفه وشلون
وانظر عالبطل وتهل دمه العيون
لازم هودجي ويصيح هايم عون

( تاذيني/ ياخويه دموعج )
❥❈┉┉┅━━❀❀━━┉┉❥❈┉
مشيت وحيل مني الروح حزنانه
اخوتي بهل الضعن يمشون ويانه
وباجر تنجتل ياحيف وليانه

( مفجوعه / ومكدر حالي )
❥❈┉┉┅━━❀❀━━┉┉❥❈┉
مفجوعه اظل بكربله وحدي
تنام اهل الشيم مامن ولي العندي
حيرانه بيتامه ودمعتي بخدي

( بالحومه/ يكضون اخواني )


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه
(وزن الميمر)
زينب عليها السلام في أرض المعركه
من ديوان أرض الحتوف ج٣
❥❈┉┉┅━━❀❀━━┉┉❥❈┉
اركض انه للحومه رحت ابهمه
صديت اخيي غارك آه بدمه
❥❈┉┉┅━━❀❀━━┉┉❥❈┉
اركض وطيحن من رحت لابن امي
طار الفكر وعيوني كامت تهمي
كوه كمت انكل واحطن جدمي
سهم ورماني بالكلب ياعلمه
❥❈┉┉┅━━❀❀━━┉┉❥❈┉
مطروح اشوفن والدمه مغركته
وعداه من كل صوب لن حاطته
ابسيف الغدر يردون حز اركبته
تتمرجل اشباه الزلم آه يمه
❥❈┉┉┅━━❀❀━━┉┉❥❈┉
خلوه اخيي وبعد عنه شويه
اسكيه انه من دمعي جيت اميه
ناره تشب من العطش سعريه
تمنيت عيني لاتشوفه وتعمه
❥❈┉┉┅━━❀❀━━┉┉❥❈┉
ناديته ياغالي يخويه اكعد
لاتغفى يبن امي تروح وتبعد
صوت الشمر هالجاك خويه يرعد
انهض يخويه بالعجل رد سمّه
❥❈┉┉┅━━❀❀━━┉┉❥❈┉
حاجيني يالوالي يخي ناديته
حيلي يبعد اهلي ترا هديته
شنهو الذنب منك سدر سويته
ذبحوك ضامي سيدي بلا رحمه


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه : ( وزن النصاري )
زينب تخاطب امها بشأن الحسين (ع)
من ديوان أرض الحتوف ج٣
❥❈┉┉┅━━❀❀━━┉┉❥❈┉
صاحت بت علي وينج يزهره
شوفي حسين متوسد الغبره
❥❈┉┉┅━━❀❀━━┉┉❥❈┉
تعاي وياي خل نجمع اوصاله
وذر عالكاع يا يمه وشحاله
غرك هالترب دم الي ساله
زايد عالجروح اكسور صدره
❥❈┉┉┅━━❀❀━━┉┉❥❈┉
ندور خنصره لجفه نركبه
نايم عالوجه يمه نكلبه
ايَ اسهام العدو نبتت بكلبه
نمسح منحره الينتثر عطره
❥❈┉┉┅━━❀❀━━┉┉❥❈┉
شفتي شلون من حزو المنحر
مثل كلبي اظن كلبج اتفطر
اه شلون يم حسين اصبر
اخوي من الكفا محزوز نحره
❥❈┉┉┅━━❀❀━━┉┉❥❈┉
نايم على الثره يايمه مذبوح
مصوب كل كتر ينزف بالجروح
انظر للولي والدمع مسفوح
ناري بالكلب ظلت موجره
❥❈┉┉┅━━❀❀━━┉┉❥❈┉
ماظلت زلم عدنه لتشيله
نومه بكربله خلصت العيله
بس وجعان والحاله نحيله
مايكدر يجي ليه وينظره
❥❈┉┉┅━━❀❀━━┉┉❥❈┉
اريدج بالعجل يمي المسيه
ننصب لخوتي النامو عزيه
نون ونوح نتكابل سويه
جبيره بالكلب ظلت الحسره


بقلم خادمة أهل البيت الشاعرة أم عباس السكيني
https://www.tg-me.com/umabbas1979

لطميه فزاعيه للحسين (ع)
من ديوان أرض الحتوف ج٣
❥❈┉┉┅━━❀❀━━┉┉❥❈┉
زينب تخاطب امها الزهراء (ع) تكلها

على ارماح العده شالت
راس حسينج الغالي
❥❈┉┉┅━━❀❀━━┉┉❥❈┉
اصيح بصوت يازهره
ناري بكلبي متوجره
فصلو راسه من نحره
اشوفن هذا كبالي
❥❈┉┉┅━━❀❀━━┉┉❥❈┉
ريتج حاضره يمي
يمه من كثر همي
شفتي حسين ظل مرمي
صوب ويلي دلالي
❥❈┉┉┅━━❀❀━━┉┉❥❈┉
ظل حاير ابو السجاد
يمه وحاطته الاوغاد
اونن والكلب ماهاد
ليش وحيد هالوالي
❥❈┉┉┅━━❀❀━━┉┉❥❈┉
ظل وحيد وينادي
راحو كلهم اولادي
حاله مرد فادي
ميته ريت اشوالي
❥❈┉┉┅━━❀❀━━┉┉❥❈┉
ميته ولاشفت يومه
انظر تنزف دمومه
واشوفن سلبت اهدومه
اونن والهضم حالي
❥❈┉┉┅━━❀❀━━┉┉❥❈┉
صحت وينج يزهره اليوم
تعالي حظري المظلوم
بعوزج والكلب مالوم
النوح وياج يحلالي

( انون عليه اليسوه الونه )

بقلم خادمة أهل البيت الشاعرة أم عباس السكيني
https://www.tg-me.com/umabbas1979

نعي مجاريد
بلسان حال الزهراء (ع)
من ديوان أرض الحتوف ج٣
❥❈┉┉┅━━❀❀━━┉┉❥❈┉
انه الوالده والنوح فني
مابطلت ياناس وني
مصايب احسين الدوهنني

ياكربله اشسويتي بيه
نام المعدل والشفيه
يحسين من سوده عليه

عاري وينام عالوطيه
لامن غطه ولامن تجيه
ثلث تيام ظل جثه رميه

للحومه انه رحت اعتنيته
مذبوح انه وليدي لكيته
دم النحر خضب لحيته

مكلوب شفت حسين نايم
مابي كتر صديت سالم
اعليك العكل ياولد هايم

جروح الولد ياخلك كثره
والخيل داست فوك صدره
كلبي ييمه شكثر صبره

تعنيت لوليدي ابهومه
حر الشمس غير ارسومه
وفوك الذبح سلبت اهدومه

❥❈┉┉┅━━❀❀━━┉┉❥❈┉

نعي بطور الكرناوي :

صحت بصوت يوليدي يمذبوح
كلبي اعليك يبني نجسم نصين

من شفت النحر يايمه مكطوع
لطمت وجهي انه بثنين الايدين

حوافر خيلهم رضتله الضلوع
كل هذا واشوفه ويلي بالعين

ثلث تيام يبني حاضره اهناك
انظر جثتك يايمه يحسين

محنية ظهر والضلع مكسور
وادور خنصرك لاوين ماوين

عاري بالشمس ومعفر الخد
ذبلت بالعطش منك الشفتين

تسيل ادموم جسمك فوك التراب
وتجهر ياولد كلساع الونين

كلي بيا ذنب يحسين منحور
صارت موتتك بيد الملاعين

بقلم خادمة أهل البيت الشاعرة أم عباس السكيني
https://www.tg-me.com/umabbas1979

من اين تتابع قناتي.، من افضلك اضعط هنا للاجابة 👇🏻👇🏻