يا ابا عبد الله يا ابا عبد الله
يا ابا عبد الله يا ابا عبد الله
  ▪︎▪︎▪︎▪︎▪︎▪︎▪︎▪︎▪︎▪︎
الك خدام ونقدم المستحيل
اقبل الخدمه  ولو كانت قليل
مانزل عن دربك احنه ومانميل
خدمتك مفتاح لابواب الجليل
باب ربك خدمتك
الجنه كلها بيمنتك
يا ابا عبد الله يا ابا عبد الله
يا ابا عبد الله يا ابا عبد الله
  ▪︎▪︎▪︎▪︎▪︎▪︎▪︎▪︎▪︎▪︎
نرتجي فضلك نموت بخدمتك
بدربك العزه الكرامه برايتك
يالفديت الدين كلنه بامرتك
بخدمتك للموت تفخر شيعتك
خادمك بيك ارتقئ
نال مرتبة التقئ
يا ابا عبد الله يا ابا عبد الله
يا ابا عبد الله يا ابا عبد الله
  ▪︎▪︎▪︎▪︎▪︎▪︎▪︎▪︎▪︎▪︎
بخدمتك تتفاخر املاك السماء
صفوف من تنزل تطوف بكربلاء
تعفر اجناحتها بعطر الاباء
تزاحم بكل جمعه صف الانبياء
تطوف كلها بعتبتك
ماتعوف ازيارتك
يا ابا عبد الله يا ابا عبد الله
يا ابا عبد الله يا ابا عبد الله
  ▪︎▪︎▪︎▪︎▪︎▪︎▪︎▪︎▪︎▪︎
قبلتك من الله امتها الجموع
شمس كبتك مصدر الحق السطوع
كلشي وياك اقترن روح وخشوع
حتئ دمعك مو مثل باقي الدموع
بي شفاءوبي عطف
دمعتك مصدر شرف
يا ابا عبد الله يا ابا عبد الله
يا ابا عبد الله يا ابا عبد الله
  ▪︎▪︎▪︎▪︎▪︎▪︎▪︎▪︎▪︎▪︎
خدمتك تاج وشرف يبن البتول
يزول كلشي وخدمتك لاماتزول
مصدر الهام وجزت حد العقول
تحير العالم صفن صفنة ذهول
منك  ادرسنه الكرم
صرنه عشاك وخدم
يا ابا عبد الله يا ابا عبد الله
يا ابا عبد الله يا ابا عبد الله
  ▪︎▪︎▪︎▪︎▪︎▪︎▪︎▪︎▪︎▪︎
بخدمتك لاحر يردنه و لابرد
شما تزيد الشده عشاكك تشد
عاصفه واعصار خدامك تهد
بياحسين اوياك عنك مانرد
مانهاب ولانچل
بحبك اضربنه المثل
يا ابا عبد الله يا ابا عبد الله
يا ابا عبد الله يا ابا عبد الله
  ▪︎▪︎▪︎▪︎▪︎▪︎▪︎▪︎▪︎▪︎
انبيع كلشي ونشتري نفحة رضاك
نكعد بدرب التعناك واجاك
بليل وانهار الخدم ترفع لواك
ندلل الكاطع درب ماشي اعتناك
باسمك الصوت اعتله
ياهله ومية هله
يا ابا عبد الله يا ابا عبد الله
يا ابا عبد الله يا ابا عبد الله
  ▪︎▪︎▪︎▪︎▪︎▪︎▪︎▪︎▪︎▪︎
✍ام هدۍ الخزاعي

https://www.tg-me.com/umhuda1

وكف ملك الموت يبجي ابابها
من سمع ونتها ون المصابها
فطرت صم الصخر ..تندب بكلب انفطر
بويه بويه… بويه بويه
++++++++++++++++
بويه ندبته بدمعها وكعدت اكباله تنوح
لزمت اطرافه وتندبه وحاجته بشهگة الروح
صدك بويه تغيب عني وين بعدك بويه اروح
منو اليمسح دمع عيني ومنو ليطيب الجروح
سمع ملك الموت ويلي ونينها
انكسر گلبه وصاح الله يعينها
الفاركت سيد البشر ..تندب بگلب انفطر
بويه بويه ..بويه بويه
+++++++++++++++
ياامان الله واماني ياسمه تمطر حنان
لاتغمض عين عطفك بعدك يدور الزمان
ينكسر گلبي بغيابك بويه ويضيع الامان
خذني بويه واياك اخذني مالي بالدنيا مكان
الهظم بعدك بويه يطوي سنيني
تصير سوده الدنيا بويه بعيني
كسري لا ماينجبر..تندب بگلب انفطر
بويه بويه ..بويه بويه
+++++++++++++++
يارسول الله وحبيبي تدري ياخير الوره
لو رحت عني وعفتني الدنيا گلبي تمرمره
وتدري بويه اخلاف عينك روحي تبقى محيره
وكسر كلبي لو عفتني ياهو بعدك يجبره
كعدت اكباله ودمعها تزيده
تشمه ساعه وساعه تلزم بيده
ضيعت بويه الصبر..تندب بگلب انفطر
بويه بويه ..بويه بويه
+++++++++++++++
وكف ملك الموت حاير رخصه رايد من نوه
تعطل ابباب الزجيه بنار حيرتها انجوى
كعد ويه الزهره يبجي اكبال دمعتها انطوه
يارسول الله تنادي الروحي بس انت الهوى
احتار مابين الزجيه وطه
يبجي ملك الموت ويه ابجاها
كبر وكلبه انكسر..تندب بگلب انفطر
بويه بويه ..بويه بويه
+++++++++++++++
من سمعها الموت تندب حيله وياها انهدم
وناح للزهره بهظمها وكلبه نصين انجسم
مستحي ومحتار واكف ويفرك بروحه الندم
يعتذر منها بدمعته ويسمع تنادي بالالم
تكله اخذني وياك لا تخليني
بعدك اصحابك هظم توليني
ياذره وسور وستر...تندب بگلب انفطر
بويه بويه ..بويه بويه
+++++++++++++++
غمضت عين النبوه وطفه نور العاطفه
وظهرت احقاد الضلاله وضاع بالدنيا الوفه
وانفجع كلب الزجيه بعد طه المصطفى
جم مصاب المر عليها بكسر ضلع الماشفه
وانسلب حكها وصبح عنوانهه
ببيت الاحزان انعرف باحزانهه
جرح ومصاب بغدر ...تندب بگلب انفطر
بويه بويه ..بويه بويه
+++++++++++++++

✍ام هدى الخزاعي
2024
https://www.tg-me.com/umhuda1

روي أنه لما دنت المنية من نبينا محمد (صلى الله عليه وآله) قال لعلي (عليه السلام):
ضع رأسي يا علي في حجرك، فقد جاء أمر الله (عز وجل) فإذا فاضت نفسي فتناولها بيدك وامسح بها وجهك، ثم وجهني إلى القبلة وتول أمري وصلِّ عليَّ أول الناس، ولا تفارقني حتى تواريني في رمسي، واستعن بالله تعالى.
الإرشاد للشيخ المفيد, ج1, ص186

مصيبة صبر امير المؤمنين عليه السلام وقيود الوصيه .بشهاده خاتم الانبياء صلوات الله وسلامه عليه

---------------------------------------------------
من وزن التجليبه

يلمودع الويعه بدمعة امصابك
تعلم باليصير ويجري بغيابك

>>>>>>>>><<<<<<<<<<<
تعرف باليصير ومدمعك جاري
مصيبة وهل مصيبه تهَدم اسواري
يمد ايده الخسيس ويوصل الداري
وتوصيني بصبر واحتار بسبابك
تعلم باليصير ويجري بغيابك

>>>>>>>>><<<<<<<<<<<

توصيني بصبر والناس ماجن ناس
شياطين بغدرها مارعت نوماس
توج نار المصيبه بدارك الارجاس
وتتعده بغدر لتسمت اصحابك
تعلم باليصير ويجري بغيابك

>>>>>>>>><<<<<<<<<<<

مصيبه والمصيبه الصبري والبضعه
صدعه وبالگلب محسوبه الف صدعه
الصبر مر بغيابك غصبا اتجرعه
واشد واعظم مصيبه دوسة اعتابك
تعلم باليصير ويجري بغيابك

>>>>>>>>><<<<<<<<<<<

اصبر يامحمد صعبه والله اصبر
والف مره اموت امن الرجس يجسر
يهد الدنيا جفي لو غضب يسطر
وتقيدني الوصيه لتحفظ اكتابك
تعلم باليصير ويجري بغيابك

>>>>>>>>>>><<<<<<<<<<<

وحگ دينك اوعدك لجرع امصابي
وخلي حدود صبري بسحكة اعتابي
الله يعين گلبي بشدتي و بابي
من شيطان شرهم يظلم احبابك
تعلم باليصير ويجري بغيابك

>>>>>>>>>>><<<<<<<<<<<<

الله يعين روحي واجرع الشده
من يوصل رجسها لحدي يتعده
يشب نار المصيبه بحقده يتحده
وان ..لو ما وصيتك ماوصل بابك
تعلم باليصير ويجري بغيابك

>>>>>>>>>>><<<<<<<<<<<<

وأن ..لو ماوصيتك والله لفنيها
واطحنها جماجم بيدي اذريها
وافنيها فني وبسيفي لمحيها
وحگ دمع الزجيه وشمة اترابك
تعلم باليصير ويجري بغيابك

>>>>>>>>>>><<<<<<<<<<<<

هظيمه والهظيمه بگلبي اكتمها
الف غصه ومصيبه الباري يعلمها
مصاب الزهره نار بروحي يضرمها
شجاوب عالنشد جاوينها القابك
تعلم باليصير ويجري بغيابك

>>>>>>>>>>><<<<<<<<<<<<

شجاوب للنشد ياداحي البيبان
جاوين الشجاعه وفارس الميدان
شلون تعدى فات بزمرته الشيطان
معقوله الرجس ياوسفه ماهابك
تعلم باليصير ويجري بغيابك

>>>>>>>>>>><<<<<<<<<<<<

معقوله التعده ياعلي حدودك
بصبرك والشجاعه منعرف زودك
وصيه وبالوصيه مجتفه ازنودك
حفظ الدين واجب والدهر نابك
تعلم باليصير ويجري بغيابك

>>>>>>>>>>><<<<<<<<<<<<

بدين الله وصيته الهادي من خصه
غصه وبالگلب تركت الف غصه
وصه بالزجيه وبالصبر وصه
لزم حيدر وصيته ودمعه يتسابگ
تعلم باليصير ويجري بغيابك
>>>>>>>>>>><<<<<<<<<<<<
<<
ونسالكم الدعاء
✍ام هدى الخزاعي
27صفر 1447


https://www.tg-me.com/umhuda1

لعن الله من لَدّكَ وسقاك السُمّ واغتالك يا رسول الله

ولعن الله أُمة انقلبت على أعقابها بعد قتلك
وطوّحت بأهل بيتك قتلاً وذبحاً وتنكيلاً وتشريدا .

أُمة ملعونة كانت ومازالت منجلاً مطواعاً بيد أعداء الله من السقيفة الى الباب فالمسمار وكربلاء والظلم في مكان

أُمةٌ لن يُقوّم إِعوجاجها إلا بسيف القائم المنتقم من أعداء محمد وال محمد صلوات الله عليهم اجمعين …

خالص آيات العزاء والمؤاساة لكَ سيدي يا حجة الله القائم المهدي
ولكل شيعة علي في مشارق الارض ومغاربها بذكرى إغتيال النبي الخاتم صلى الله عليه وآله على يد الأشقياء من تلك الأُمة الملعونة ومن سار على نهج من ذبحوا الغدير وأحرقوا الدار
و ( إنّ )
https://www.tg-me.com/umhuda1

الليله الكون مجدر والفلك گله
ينادي اويه الزجيه يارسول الله

-------------------------------------------

الليله بت محمد حايره الليله
بدمعها تصيح بويه وضجت العيله
من سمعت وداعه صاحت انحيله
يبويه اوياك اخذني هاللة الـ هالله
...........
يبويه اوياك اخذني ولاتخليني
شلي بدنياي بعدك ياضوه اسنيني
من بعدك منو بويه اليواسيني
وانه بعدك يبويه بدمعتي اتسله
........
انه بعدك اعيش ويه الحزن والنوح
ياباب الحنان البلعمر مفتوح
من بعدك مصايب تبتدي وجروح
اعيش اويه المصيبة والهظم كله
........
العمر بعدك يبويه بس دمع واهات
من نكبة مصابك تنولد نكبات
ومن جرح المصيبه تهجم الشوغات
تهد ساتر دموعي وجفني شيشله
.......
الجفن شيشله بويه لو رحت وامشيت
وانا بروحي مصيبه تعاين اعله البيت
واين الگاگ بويه لو صحت وابجيت
وانت الكون بيك بشخصك اتجله
........

انت الكون گله ومحور اوجوده
شلون تروح  بويه وما الك عوده
الدنيا خلاف عينك تنگلب سوده
شلي بيها بغيابك مالي اي ظله
...........
شلي بعمري يبويه وروحي مفجوعه
اخذني اوياك صاحت صيحه موجوعه
دار عيونه ليها وهلت ادموعه
ولزم ايد الزجيه وفاطمه تسأله
.........
تساله شلون لو راح وتركها شلون
وتدري بالصحابه لو مشه يغدرون
وبعد عينك على دار الوصي يهجمون
وبعد شخصك حزن واهات والذله
.........
بعد عينك يبويه تگله يولوني
بدفع بابي وسگط طفلي يفجعوني
وعلى عيوني انطسر واثار بمتوني
من عصر الرجس  ورثلي جم عله
..........
اثر بسياط بويه وسطره البعيني
ابد متطيب بويه وحزني يوليني
على اعتابي اشوف موسد اجنيني
بشني ذنبك يمحسن شهگتي تعله
----------------------------------------------------

ونسالكم الدعاء   ام هدى الخزاعي

قناة خاصه بالشعر الحُسيني

للاستفسار  @um_huda_a

رابط القناة  /

https://www.tg-me.com/umhuda1

‏مقطع صوتي من Um Huda