بفرحةٍ عامرة بعد سوادٍ دام شهرين نبتهج بِفرحة الزهراء عليها السلام معلنين البراءة من أعدائها ثابتين بذلك بولايتها وآلها الأطهار راجين بذلك دوام نعمة معايدتنا 🙏🏻

‏بكم نبدأ وبكم نختم ❤️

كل عام وانتم بخير
يدومها الباري علينا
من وزن الشبگها
شعر.. ام هدى الخزاعي
                      @@@@@@@@@
بفرحه وبلهفه اندعينه ..
نشارك الفرحه اعتنينه ..
يدومها الباري علينه
&&&&&&
نفرح نهوّس  سويه
احلٰى فرحه بهل مسيه
منولد خير البريه
وبسم ابو الزهره ابتدينه ..
يدومها الباري علينه
&&&&&&&
نحظر بهل ليله واجب
مانريد الليله حاجب
واليضد تنوره شاجب
محد انخانه انتخينه
يدومها الباري  علينه
&&&&&&
فرحه هل ليله ومسره
المافرح خل يمشي بره
والفرح للهِ دره
بغرة الخير وجبينه..
يدومها الباري علينه
&&&&&&
نشارك الدنيا بفرحها
من المسا الساعة صبحها
الليله صباحي ردحها
وننتشي بمولد نبينه
يدومها الباري علينه
&&&&&&
الليله كلها ابلا هواده
تبايع الهادي ابوداده
الليله منريد الوِساده
النوم ابد مايلفي لينه
يدومها الباري علينه
&&&&&&
الشيعه هالليله اعتنونه
مبتهج كل شيعي لونه
وعلى اعناد العاندونه
الصفگه تتماوج بدينه
ايديمها الفرحه علينه
&&&&&&
الليله اهل الشعر گالو
كلهم اويه المدح مالو
رددو بل (قل تعالو)
فرحت اگلوب الحزينه
ايديمها الفرحه علينه
                
💖💖💖💖💖💖💖💖💖💖💖💖

ام هدى الخزاعي

https://www.tg-me.com/umhuda1
صل علهادي محمد    
شعر-  ام هدى الخزاعي
------------------------------------------------------------------------------

صلي يالرايد شفاعه عالنبي وآله                     
   ذكرطه عطورجنه ونور يتلاله

عطـّر بطه المكان
وطهـّرباسمه اللسان

-*-*

صلي عالهادي محمد وتمم باله الصلاة     ولاتصليها ابلئامه وتبتر العتره الاباة
ربك ابعزة جلاله يصلي وي ذكر الهداة   ويرفض الضدهم يقينا مابعد الهم نجاة

صلي تشعربالامان
وگلبك يهزه الحنان

صلي والفرحه بذكرهم تحله تتعاله             

ذكرطه عطرجنه ونورا يتلاله

-------+++------+++-------+++-------

صل عالهادي محمد فرّح الزهره البتول  

ومن تصلي بشوك كلبك ينشرح همك يزول

ذكرطه دوى وبلسم والصلاه اصل

الأصول ولوتنادي بعلوحسك كل ملك يسمع يكول

مبارك عليك الجنان
حصلت صك وبيان

شماتصلي الك منزل بالصلاة تناله           

   ذكرطه عطرجنه ونورا يتلاله
-------+++------+++-------+++-------

صلي عالهادي محمد اذكرالقائم معاك         
تعجل بذكرى وتندبه والفلك ينقل نداك

ومن تندبه بامل عجل يعني كل احنه برجاك
يبوصالح يمته شمسك تشرق ويبزع ضواك

عجل السيدالزمان
يبزغ بنوره ويبان

كل موالي بلهفه ينطرعينه تبراله               
   ذكرطه عطرجنه ونورا يتلاله
-------+++------+++-------+++-------

من صلاتك جنه تفتح نور وانوار ويقين  وعلى حوض الجنه توكف تشرب الماي المعين

والتكت من طه بيدك تعبر اسراط المبين   
وبيدابوالحسنين جنه بختم اميرالمؤمنين

موالي يختم بمتنان
بيده يوم الامتحان

يفتح اكتاب الموالي ويقرابعماله                

   ذكرطه عطرجنه ونورا يتلاله
-------+++------+++-------+++-------

صل عالهادي محمد تمحي الذنوب الثكال     
وتجلي كل هم على كلبك حتى لوكبرالجبال

وتفتح ابواب الصعيبه وتلغي شهكات المحال  
  شما تصلي يزول همك ينفتح باب الوصال

تشوف جنات وحسان
ولك ويه الحورشأن

وكل شخص واله بعقيده هالفخرناله   
 
            ذكرطه عطرجنه ونورا يتلاله
-------+++------+++-------+++-------

صلي عالهادي محمد والعن العنه بعيد...

بسم طه واهل بيته تفوز وتصبـّح سعيد
شماتصلي يالموالي كرب للباري تزيد ...

با للعن ثبت قضيتك العن وبالك تحيد

العن وزيد اللعان

لعن المخالف ضمان

هذا مضمون الحديث المؤتمن كاله ...   ذكرطه عطرجنه ونورا يتلاله
-------+++------+++-------+++-------

ونســـــــــــــالكم الدعــــــــــــــــــاء
ام هدى الخزاعي
قناة خاصه بالشعر الحُسيني

للاستفسار 
@um_huda_a

رابط القناة  


https://www.tg-me.com/umhuda1
نبارك لمولانا الحجة بن الحسن "عج"
ولمراجعنا العظام
وعلمائنا الأعلام
والمؤمنين والمؤمنات
في مشارق الأرض ومغاربها
مولد الصادقين
النبي محمد صلى الله عليه وآله
والإمام الصادق عليه السلام .

اللهم صل على محمد وال محمد…


17 ربيع الأول
ولادة النبي "صلى الله عليه وآله"
ولادة الإمام الصادق "عليه السلام"
متباركين


💖💖💖💖💖💖💖
القصيده بمناسبه الذكرى السنويه للعروج المبارك لسيد شهداء المقاومه قدس الله سره


🕊🕊🕊🕊🕊🕊🕊🕊🕊🕊🕊🕊

ماچنه شلنه جنازتك... يالمرهب اعداك
كل لحظه واحنه بعازتك..يالمرهب اعداك
يل عايش اويانه فجر
كل يوم وجهك ننتظر
هيبه وشهامه بوكفتك ..يالمرهب اعداك
كل لحظه واحنه بعازتك.. يالمرهب اعداك

&&&&&&&&&&&&&&&
رد لينه سابينه الهظم
مر بينه لو مره بحلم
بعدك تجرعنه السگم
رد لينه لو يوم

بغيابك الهيبه هوت
وبنار الافراگ انجوت
عالرمح مجبوره انتجت
والمدمع ادموم

نتلفت بخوف ووجل
ونترجىٰ بدموع الامل
رغم الجره ورغم الحصل
ننتظرك تكوم


نترجى نسمع نبرتك ..يالمرهب اعداك
كل لحظه واحنه بعازتك.. يالمرهب اعداك
&&&&&&&&&&&&&
ياهيبه ياسور وستر
مايجدي بمصابك صبر
فكدك كسر ماينجبر
شيطيب الجروح

من يومك انعيش بحزن
كل دمعه تصرخ عالجفن
متيتم بفگدك وطن
مهدومه كل روح

مفجوعه دنيانه بفجع
غصة هظم ماتنجرع
صعبه ومصيبه بكل وضع
والنظر مشبوح

متأمله شيلت يمنتك ..يالمرهب اعداك
كل لحظه واحنه بعازتك..يالمرهب اعداك
ك&&&&&&&&&&&&&
بجرح المصيبه والفگد
ومابينك وبين البعد
ارواح تنتظرك ترد
تتأمل تعود

بكل روح انت بكل گلب
بسنين جاهدت الصعب
ازرعت المحبه بكل درب
دوم انت موجود

شينساك ياموقف عهد
ياصادق وفعلك سند
يمواعد القدس بوعد
ماتنسه الوعود

والقدس تنطر رايتك.. يالمرهب اعداك
كل لحظه واحنه بعازتك.. يالمرهب اعداك
ك&&&&&&&&&&&&&
اسمك يظل قدوه وفكر
تارك علامات النصر
مايمحي تاريخك قدر
يامنهج الدين

شما صار بفراك نظل
والسار بدروبك وصل
رمز وشعارك يابطل
هيهات الحسين

عنوان نصر ومفخره
رغم المصيبه وماجره
تبقى وتظل من الاخره
تقود الميادين
بهيهاتك تهب قادتك .. يالمرهب اعداك
كل لحظه واحنه بعازتك.. يالمرهب اعداك
ك&&&&&&&&&&&&&

ترد بينه چنك كل صبح
تمسح دمعنه وكل جرح
فگدك خسارتنه وربح
لاهل السماوات

تمنيت جانت رغبتك
دم الشهاده منيتك
وظلت مصيبة جمرتك
بكد المسافات

مابينك وبين الولي
جمر المشاعر تصطلي
يعين الله گلبك ياعلي
بكل يوم شوغات
هديت حيله بشيلتك .. يالمرهب اعداك
كل لحظه واحنه بعازتك.. يالمرهب اعداك
&&&&&&&&&&&&&

ام هدى الخزاعي
17 /9/2025


https://www.tg-me.com/umhuda1
Audio
‏مقطع صوتي من Um Huda
بصوت الرادود الموفق مله سليم التميمي
القصيده بمناسبه الذكرى الاولئ لعروج السيد الاقدس للملكوت الاعلئ .قائد شهيدا علئ طريق القدس ..قدس الله سرك ياسيد شهداء المقاومه

🕊🕊🕊🕊🕊🕊🕊🕊🕊🕊🕊🕊

القصيده من وزن المجرشه

مرت سنه

++++++++++++++++++++++++

مرت سنه واحنه نتاني اطيوفك
مرت سنه ونترجى ليله انشوفك
نرجاك مامات الامل
والروح تترجه بوجل
ونترجى ليله انشوفك

++++++++++++

يصعب علينه وننتظر عل وعسه تمرليله
طول غيابك والهظم والحيل منهدحيله
الفراگ لا ماينحمل ويذبح يهظم العيله
شيشيل فكدك ياگلب ياصبر گلي يشيله

مل الصبر من الصبر وتعده
بعده اسمك ايذل العدا ويتحده

نجمك ابد لا ما افل
والروح تترجه بوجل
ونترجى ليله انشوفك

++++++++++++

مرت ثگيله بغيبتك عشنه الليالي بشده
جارت علينه بلا رحم والصبر بيها تبده
ياماي ياهيبه وعطف ياجبل لذنه بسده
نتأمل ونبجي بألم نصيح الرحل شيرده

شيقنع الروح الابد ماتقنع
تمسح دمعها تكول شخصك يرجع

ماجفت ادموع المقل
والروح تترجه بوجل
ونترجى ليله انشوفك

++++++++++++

ساعه نتاني وننتظر ساعه نحس بالنكبه
الايام مرن جن دهر بين الحزن والغربه
مرت ثگليه بفرگتك شده واشد من صعبه
كل مانحس بعازتك نصيح بحزن وبرهبه


كلفه المصيبه والجرح مايلتام
حسينه كلنه بغيبتك صرنه ايتام


ياحيف مهدوم الجبل
والروح تترجه بوجل
ونترجى ليله انشوفك

++++++++++++

كل يوم بغيابك سنه وهظم الفگد يمردنه
بعدك نعيش بهيبتك بصرخة حزن رددنه
عاده القتل النه وشرف من كربله موردنه
وياك كلنه بهل عهد نصر الله ياقائدنه

حي وعدل كلنه نحس بوجودك
زود المحاور والحرب من زودك

ثابت جدمها وماتزل
والروح تترجه بوجل
ونترجى ليله انشوفك

++++++++++++

معقوله من مرت سنه واحنه بأامل ننتظرك
وياك عشنه بكل حزن نصبح ونمسي بذكرك
للباري سلمنه الامر من فدوه رحنه الصبرك
تعبان عشت بكل وگت ماشفت راحه بعمرك

للدين عشت وثبتت غاياتك
بأعظم ختام توسمت صولاتك


حي انت موجود وتضل
والروح تترجه بوجل
ونترجى ليله انشوفك

++++++++++++

حي باقي انت بكل گلب شرع وعقيده وذكرى
نصرالله مو قائد حرب قائد زعامه وفكره
منهج أباء ومعتقد صنت الجهاد وقدره
اسم وعلم راي وفكر بخط الشرع والعتره

للمهدي رافع رايته ودك الساس
شايل شجاعه من علي ومن عباس

يالمهدي نادينه العجل
والروح تترجه بوجل
ونترجى ليله انشوفك

++++++++++++


ام هدئ الخزاعي
24/9/2025

https://www.tg-me.com/umhuda1
ولأيلول غصة في قلوب المؤمنين . شهرٌ كتب فيه الحزن قصته، وفُقِدَ فيه سيد المقاومة، فبقينا على عهده💔😭
سيبقى عزائنا بك عمرا 😭💔ويبقى تاريخ شهادتك ألم لاينسئ💔شكرا لك ياسيدنا يامن وهبتنا الكرامه في زمن ساد فيه الذلة والخنوع
خالِصُ العَزاءِ لِسَيّد النّجفِ ومَرجِعُها الأعلىٰ مَولانا الفقيهَ السّيستانِيّ "أدامَ اللهُ أيّامَهُ المُبارَكات" بِرحيلِ عَقيلَتِه العَلويّة الطّاهِرَة، تَغمّدها اللهُ "جَلّت آلاؤهُ" بشآبيبِ رَحمتِهِ ومَغفِرتِه وأسكنَها _"بجوارِ سادتِها_ فَسيحَ جَنّتِه، وألهمَ مَولانَا المَرجع ونَجلَيهِ السّيّدين الصّبرَ والسّلوان، ولا حَولَ ولا قُوّةَ إلّا باللهِ العَليّ العَظيم.
This media is not supported in your browser
VIEW IN TELEGRAM
ماكان لله 🤍سيده علويه محجبه طاهره نقيه لم يلمح لها ظل ولايعرف لها اسم ولا رسم تعيش بزقاق من ازقة النجف ببيت ايجار. يتهافت على تشييعها كبار العلماء والفقهاء ..انها رسالة الاسلام في احترام العفه
اعظم الله لكم الاجر سادتي
قناة الشاعره ام هدى الخزاعي:
((ودعـــــيني . ... ودعــــيني))     شعر ام هدى الخزاعي
----------------------------------------------------------------
ودعيني.......ودعيني .. تدني ليه وودعيني .  ودعيني .. ودعيني .. خلي تشبع شوف عيني
هلي دمعج يالحنينه
الفرگه مكتوبه علينه
ودعيني. ... ودعيني ...... ودعيني ... ودعيني
..........
ودعيني اليوم حان اموادع الورده الغصنها
كعدي يمي وخلي اسمعج ونه محد غيري ونها
اليوم عمري يصير دمعه ومنكسر خاطر جفنها
تبجي طول الدهر روحي بجية الام اعله ابنها
نسمع العالم بجينه  وشوغة الروح الحزينه

گابليني ...گابليني .... حبيبه يمه گابليني  ودعيني ...ودعيني ....خلي تشبع سوف عيني
............
ودعيني الروح نادت والموادع من يحمله
من مصاب البيه اودع والدمع من دم اهله
يمه مو سهله يزينب والله لاتظنين سهله همي وفراگي وعذابي يشيله گلبج وانت طفله
بهمج وهمي ابتدينه  وعالحزن يمه شبدينه
ساعديني ..ساعديني ... عالمصايب ساعديني
ودعيني ...ودعيني ....خلي تشبع سوف عيني
............

كعدي يمي وخلي اشمج شمه تترس يمه ريتي
وخلي اشبع شوف منج گبل ماتحضر منيتي
يمه عذريني يزينب دمعتي تگلج واذيتي

يمه بس الهم يزينب والحزن ورثي ووصيتي
والعمر خلصت سنينه والحزن بس تورثينه
واعذريني ...واعذريني ... شوغتي تصيح اعذريني
ودعيني ...ودعيني ....خلي تشبع سوف عيني
............

ودعيني تگلها يمه ونامي زينب بين اديه

نامي خلي اشبع بواجي هم عليج وهم عليه 
باجر انت ابحظن همج وانا بأحظان المنيه

باجر الليل بغيابي دمعه واهات ورزيه
وجهي وين تدورينه وبالتراب موسدينه  تعاتبيني ..تعاتببني .....بدمعه واه تعاتبيني
ودعيني ...ودعيني ....خلي تشبع سوف عيني
..........
يمه حظنيني يزينب نوحي يمه وياي نوحي
خلي فوك الضلع راسج خل يجيس الالم روحي
خلي اشبگ يمه حزنج ويه كل شبگة بجروحي
يمه گولي بدمعه يمه وعني ويه الحزن روحي
الدمع بعدي تعاشرينه والحزن ماتفاركينه
تشاركيني. .تشاركيني.. بكل مصاب تشاركيني ودعيني ...ودعيني ....خلي تشبع سوف عيني
..........
يمه يازينب اودعج حامله دموعي وحسرتي
بكل نفس اذكر مصابي ولوعتي اعله امي وكسرتي
وهسه اشوفج بين ايديه نفس دمعاتي ونظرتي
واليتم بين ييمه بعينج التجري العبرتي
بهيده ونج تونينه للخلك لاتسمعينه سمعيني ..سمعيني .. صيحي يمه وسمعيني
ودعيني ...ودعيني ....خلي تشبع سوف عيني
---------------------------------------------
  ونسالكم الدعاء    
ام هـــــــدى الخـــــزاعي
قناة خاصه بالشعر الحُسيني

للاستفسار  @um_huda_a
رابط القناة  
https://www.tg-me.com/umhuda1
2025/10/21 01:13:28
Back to Top
HTML Embed Code: