ИЛТИЖО...

Йа Роббий!
Бандам де, ғафлатдан уйғот.
Ибодатга йўлла, ғайрат бер Аллоҳ!
Қорайган қалбларни ёрит нурингла,
Кириб келди гўзал, нурли Рамазон!

Зоҳирда сабрни маҳкам тутайлик,
Ботинда ишқингла ёниб-куяйлик.
Биз абгор қулингмиз,марҳаматингла,
Раййон эшигида раҳмат кутайлик!

Руҳимиз кирланди дунё ранжидан,
Кўнглимиз тинмади унинг ганжидан.
Карам эт, мағфират эгаси Мавлом,
Бизларни покласин Моҳи Рамазон!

Йўқсилга барокат, насиба бергин,
Мўминнинг дилига нурингла киргин.
Муслимга нур юзу, кенг феъл ила,
Муҳсингга ишқингдан зарра илингин!

Фарзингга, амрингга - лаббай Аллоҳим!
Ибодат лаззати, фазлинг - иноят!
Муқаддас каломинг хатми - ҳидоят!
“Лайлат ул қадр” да руҳинг - каромат!

Йа Роббий!
Бандам де, раҳм қил!
Жидду - жаҳт эҳсон қил, шафқат қил!
Сабру жамил бергин Рамазон ойи,
Нафси - амморага мангу ғафлат бер!

Рамазон ойингни ҳурлик биламиз,
Ажру мукофотинг умид қиламиз.
“Ла илаҳа иллаллоҳ!” бирламиз,
Роббим ёлғиз сенга қуллик қиламиз!

Аллоҳ таоло Муборак Рамазони шарифни осмонлару ерда ва барча мўмин-мусулмон аҳлига хайрли қилсин!

Алломахон Хакимова.



✍️@umidaaziz

Ўн бир ойнинг султони,
Кўнгилларнинг бош тожи,
Мўминларнинг йўлдоши,
Марҳабо, моҳи Рамазон!

Рамазон — ибодат, раҳмат ва мағфират ойидир. Шу билан бирга ўзаро ёрдам, меҳр-мурувват ва эҳсон ойидир.

Рамазон — бир йиллик моддий ва маънавий ғуборлар ювилиб, руҳлар покланадиган моддий ва маънавий тарбия ойидир.
Жисм ва руҳ орасидаги мувозанат мезонда бўладиган, ақл тафаккурга суянадиган, кўнгил тазаккурга суянадиган, дунё сукут қиладиган, кўнгил ҳаловат топадиган, сабр сўзлайдиган ой.

Одамлар бир-биридан бир чимдим табассумни қизғанадиган бу машаққатли замонда Рамазон — инсонга тақдим этилган муҳаббатдир.
Ҳикмат,
Раҳмат,
Фазилат,
Мағфиратдир Раҳмондан келган.
Илоҳий йўқловдир дўстнинг саломидек келган.

Ёнган кўнгилга воҳада сув келгандек, Рамазон. Рамазон раҳмат ва марҳамат булоғидек кўз очмоқдир. Рамазон меҳрни, муҳаббат, ишқни шафқат, адолат, ҳаққоният ва ҳикмат билан инсониятга гумбур-гумбур ҳайқирмоқдир.

РАМАЗОН — ЙЎҚОЛИБ БОРАЁТГАН ИНСОНЛИК МАНЗИЛИГА ЕТМОҚДИР!..


✍️@umidaaziz

Баъзи имкониятлар бой берилгач, дунёларингни фидо қилсанг ҳам қайта қўлга киритолмайсан. Алҳамдулиллаҳ, кириб келди нуридийдамиз, кўнглимизнинг қувончи, ўн бир ойнинг султони моҳирамазон. Ўттиз кунгина меҳмоним, лаҳзаларига жоним қурбонимни бир ойдан сўнг тополмаймиз. Баракоти, файз-у шукуҳи билан Аллоҳга етиб борган бўлади. Айрим яхшиликлар шунақа бўлади, вир этиб келиб, шув этиб ўтиб кетади. Баъзиларидан фойдаланиб қолсак, дунё талвасасига берилиб айримларини пайқамасдан бой бериб юборамиз.

Бу рамазон руҳимиз, қалбимизни озиқлантирсин, бизни Аллоҳ мурод қилган ҳолга айлантирсин, ҳайитга мушарраф бўлайлик, деб ният қиламиз. Балки биздан рози бўлган ўттиз кунлик карвонни кузатишга муваффақ бўлармиз. Эҳтимол бу рамазон баракотидан баҳраманд этар Аллоҳ бизни. Илм билан, ибодат ва гўзал хулқ билан ўтказадиган рамазон бўлар балки. Иншааллоҳ ниятларимиз амалларимизни безасин деймиз...

✍@umidaaziz

#ифторлик_оқшоми

Аллоҳим! Раззоқсан шубҳа йўқ бунда,
Таваккул эгаси бизларни сақла.
Тазарру дилдаю, истиғфор тилда,
Ифторга етказиб бизларни покла!

🖊Алломахон Хакимова

Ифторлик дастурхонингиз баракотли, дуоларингиз мустажоб, иймонингиз бардавом, имтиҳонингиз қозончли, севганларингиз омон, кўнглингиз хотиржам бўлсин!..

✍@umidaaziz

#ўзимга_таскин

Бу синовларда дилингни қаттиқ оғритганлардан ҳар нарсани Билгувчи бехабар, деб ўйлама. Оғринтирувчи оғринтирган жойидан оғринмайди дема. Абу Лаҳабнинг қўлини қуритган Аллоҳ бир кун сенга отилган тошларни кўрмайди, дема...

✍️@umidaaziz

Рамазон ойининг фазилатларидан бири, унда ижобат бўлувчи дуо бордир.

Бу ҳақда имом Аҳмад Жобир розияллоҳу анҳудан яхши санад билан ривоят қиладилар.

Набий соллаллоҳу алайҳи васаллам:

"Ҳар бир мусулмоннинг Рамазонда ижобат бўладиган дуоси бор", деганлар.

Ушбу дуо ифтор пайтида эканига кўплаб ҳадислар ворид бўлган. Демак, банда ифтор пайтида, ўзида кўплаб нарсаларни жамлаган дуони қилишга ошиқиши даркор...


✍️@umidaaziz

#эслатма

#кун_дуоси

#саҳарлик

Аллоҳим!

Сендан Сени розилигингга эришадиган нарсаларни тилайман ва Сенинг ғазабингни келтирадиган нарсалардан Ўзингга сиғинаман! Сенга итоат қилмаслик, Сенга бўйинсунмасликдан Ўзингдан тавфиқ ва мадад истайман! Сен Ўзингга қўл очиб сўраганларга сахийлик қилишни севадиган Карамли Роббимсан!

✍️@umidaaziz

Баъзи нарсалар амалга ошиши учун шарт-шароитлар айни маромига етишиши керак. Дарҳақиқат, бунинг учун баъзан узоқ йиллар керак бўлади. Сабр синалади, шайтон васваса дарёсининг йўлини охиригача очади, лекин "кун" ("Бўл") вақти келганида рўёбга чиқишига ҳеч нарса тўсқинлик қилолмайди.
Қисмат ва насиба албатта келади ва манзилини топади...

✍️@umidaaziz

Чойни қўйинг дугонжон, ифтордан кейин чой кайфига шундай ттттооозагина озодагина жойдан рулет олиб келопман...

✍@umidaaziz

Эй, Рамазон, тут бизни! Қўлларимиздан тут, кўнгилларимизга баракотингни тўлдир. Кундузларимизни хайрга тўлдир, саҳарликларимизни барокатли қил.

Эй, Рамазон, бизга келгин! Уйимизга баракотинг, ишимизга енгиллик, кўчамизга ҳузур, кечамизга раҳматинг билан кел.

Эй, Рамазон, тут бизни! Қўлимиздан тут, бизни йўқотиб қўйма. Адашганларга йўлини кўрсат. Мағфират томон бошлаб бор бизни.

Эй, рўза, бизга раҳм қил. Қуруқшаган лабларимиз, сўлғин юзимиз, ҳорғин жисмимизга, тепаётган қалбимизга раҳм қил.

Эй, рўза, бизни тут. Хато қилишдан, ёлғонга тушишдан, тойишдан, тойдиришдан тут бизни.

Эй, саҳарлик уйғот бизни! Ғафлат уйқусидан, ибодатсиз тунлардан, қиёмсиз умрдан, дангасалик, ғофилликдан уйғот бизни...

Эй, Рамазон, аввалинг раҳмат бўлсин, охиринг мағфират бўлсин. Ҳар кунинг баракотли ва мўл-кўл бўлсин. Сени тутганлар сен билан бўлсин!

✍️@umidaaziz

Бир пасда қариймиз ва ақлимиз кирганида жуда кеч бўлган бўлади...

Ҳаёт трагедияси шу бўлса керак...

✍@umidaaziz

Март ҳаётга ўхшайди. Ҳали қиш тўлиқ тугамаган, лекин ҳавода умид баҳори кезади.
Шундай аросат ҳиссиётда бўлади киши...

✍️@umidaaziz

#tez_kunda

🔍Odam umrida necha marta o’lishi mumkin yoxud odamga yashash uchun qayta imkon beriladimi?

G’alati, qaysidir ma’noda bema’ni yoki noo’rin savol, shundaymi? Ammo hayotda uchrab turadigan haqiqat. Shubhangiz bo’lsa, o’lim ostonasidan qaytganlar bilan bir suhbatlashing.

Avtohalokatdan omon qolgan yoki jarrohlik amaliyotidan salomat chiqqan, klinik o’limni boshdan kechirganlar bilan xolis so’zlashing. Ularning aksari sizga o’lim vodiysidan qaytishda duch kelgan voqealarini hikoya qilib beradi.

U yerda so'zlashish uchun til shart emasligi, umringizni kinodek namoyish qilib berishganida, qochishga, bo'yin tovlashgaa imkoningiz bo'lmasligini tushunib yetasiz.

🔥Yaqin kunlarda @qamarbooks do’konida sotuvga chiqariladi!

📚 @tahlilnashriyoti da kitob haqida batafsil ma’lumot oling!

Не синовларни меҳмон қилдим, билсанг эди. Ҳамда ҳеч ҳисобда йўқ эди. Яхшиям кўнглимни илитадиган дуолар бор экан...

#дуо

Аллоҳим, тилимга туширган дуоларнинг ижобати остонада эканига шубҳам йўқ..!

✍️@umidaaziz

Кўтара олади, дея ўзингдан оғир юкларни бўйнинга юклашади. Ҳатто бу ишларини шу қадар маҳорат, устомонлик билан қилишадики, кўтаролмайман, дейишга уяласан баъзан...

✍@umidaaziz

Туркияда яшаётганим сабабли русчам шевага тортиб кетяпти 🥰

✍@umidaaziz

Қуёш қувди сўнгги қорайган қорни,
Еллар келтирдилар унут ифорни.
Лек кўнглим илимас, гулламас кўнглим,
Мен нима қиламан сенсиз баҳорни!?

Боғда бинафшалар таратади бўй,
Қушлар чуғурида илоҳий бир куй,
Аммо юрагимда муздай совуқ ўй
Мен нима қиламан сенсиз баҳорни?!

Осмон ой пиширар юлдузга қориб,
Куртаклар қиқирлар новдани ёриб,
Айтгин, кимга борай, кимга ёлвориб,
Мен нима қиламан сенсиз баҳорни?!

Бир оқшомда бўйга етар бодомлар,
Оппоқ бўлиб тўйга етар бодомлар,
Минг ошиқни сархуш этар бодомлар
Мен нима қиламан сенсиз бахорни?!

Ариқ лабларида уйғонар ялпиз,
Бойчечак қитиқлар шаффоф саҳарни,
Нега индамайсан гапиргин, ҳой қиз
Мен нима қиламан сенсиз баҳорни?!

©️ Воҳид Луқмон

✍️@umidaaziz

#қизимга_айтганларим

...ва кимнидир ёнида ярашиш учун нурингни сўндирма!

✍️@umidaaziz