#тунги_ўйлар

Юсуфни оқчага сотганлар фойда кўрмади, қурбоним.

Дунё дунёда кимга вафо қилибди!?..

✍️@umidaaziz

Ўзи синалмаган ҳар мавзуда ўзини ҳақ ва кучли деб ўйлаганларни кўрганим сари, ичимда "Ҳали вақти бор,- дейман.- Ўрни келиб камситган, айбситган ва мазах қилган нарсаларингни қилаётган ҳолатда ўзингни кўрасан. Вақтнинг муаззам адолати бор — ҳар доим сабр қилган ютади...

✍️@umidaaziz

#kamina_haqqinda

Беҳаловат оилаларда туғилиб-ўсган қизлар отасидек эркак билан турмуш қуришдан, онасидек ҳаёт яшашдан ёки ўзига ўхшаган қийналган болаларга она бўлишдан қўрқади. Беҳаловат оилалар ҳамма вақт ҳам фақат йўқсил, камбағал хонадон ҳисобланмайди. Бундай оилаларда одатда, ота ёки онанинг жиддий руҳий муаммолари бўлади. Бу зўравон ота ёки она ҳаддан ташқари қайсар, ҳиссий заковати паст даражада бўлади. Ҳаддан ортиқ худбинона ҳаракат қилади ва ҳар доим энг тўғрисини мен биламан, деб ҳисоблайди. Психология бундай кишиларни "ҳиссиётларини бошқаролмайдиган — "эмоционал дисрегуляция" (emotional dysregulation) шахслар деб аталади. Бошқаларнинг ҳис-туйғуларини асло ҳисобга олмайди. Ҳаммадан айб топади. Рағбатлантириш ўрнига нуқул танқид қилади. Ҳаммавақт дарғазаб ва норози кайфиятда бўлишади. Ташқарида дуч келган муаммоларини уйга олиб келиб, бу салбий ҳодисани уйда яшовчиларга юқтиришади. Бошқариш, назорат қилиш истаги шу қадар устунки, ҳамма уларга итоат қилишини хоҳлашади: ҳақ ё ноҳақ бўлиши аҳамиятли эмас. Кимдир унга қарши чиқса, буни авторитет (якка ҳукмронлиг)ига хавф сифатида кўришади. Оила аъзолари (айниқса, болалар!) уларни мамнун қилиш учун тикан устида яшайди. Бундай уйларда болалар давомли асабий ва изтиробли яшашади. Уйга қайтишдан қўрқади, бу уйдан қутулишни ўйлаб юришади. Бу болалар катта бўлганида "тушкунлик туфайли руҳий ёлғизлик (disappointment-based emitional isolyasion)"га учраши мумкин. Қийинчиликларга йўлиққанда ота-онасидан ёрдам кутади, лекин бунинг имкони йўқ. На моддий томондан қўллаб-қувватланиш, на руҳий-маънавий мадад кўришади. Бу эса тобора чуқурлашиб кетган руҳий тушкунлик ва онг остида ҳеч кимга ишонмаслик керак деган эътиқодга етаклайди. Аксарияти "қочишга мойил боғланиш усули"га эга бўлиб, асосан инсоний муносабатларда ишончсизликка учрайди. Болалигида давомли равишда рад этилавериб, эътибордан четда қолгани учун руҳий жиҳатдан ҳассос ва мўрт ҳолга келишади. Ўзига бўлган ишончига путур етган, задаланган бўлади. Тинимсиз бошқалар билан салбий жиҳатдан таққосланишади ва вақт ўтиб бу салбий хулосаларни ўзлаштириб олишади. Машаққатларга дуч келганида, ичидаги овоз уларга етарсиз ва бошқалардан кам, пастда эканини таъкидлаб туради. Бу ички овоз мотивациясини қўлидан тортиб олиб, ўзини ўзи саботаж қиладиган боши берк кўчага туширади. Ҳаракат қилиш, меҳнат қилиш беҳуда деган хаёлга боришади. Ўзига ишончи кам бўлади, хато қилишдан ўлгудек қўрққани учун янги тажрибаларга қўл уришмайди. Ҳамма нарсага ўта эҳтиёткорлик билан ёндашади. Инсоний муносабатларда ўзини ишончли, хавфсиз кўрмайди. Давомли юраги ғаш, қайғуриб юради, одамларнинг эътирофини йўқотишдан қўрқади. Бундай самарасиз оилавий травмаларни борича қабул қилишнинг имкони бўлмаса-да, халос бўлиш учун аввало ўзингни яхши кўришинг керак. Ўзингни тўнғич фарзандингдек яхши кўр, қадрла. Ҳар доим бошқалардан эътироф ва меҳр кутиб яшаймиз. Партнёримиз бизни кучли муҳаббат билан севишини, дўстларимиз бизга эътиборли бўлишини, ота-онамиз бизни рисоладагидек яхши кўришини хоҳлаймиз. Лекин бу кутганларимиз амалга ошмаганида қаттиқ изтироб чекамиз. Ҳолбуки, ўзингни астойдил яхши кўришни бошлаганингда ишончсиз ёки давомли қайғу чекиб яшаймайсан. Чунки сени ҳар доим, ҳамма вақт шартсиз, таъмасиз севадиган, қадрлайдиган киши ҳар замон ёнингда бўлади. Бу — ЎЗИНГ!


Мақолани таржима қилиш давомида бўғзимни куйдирган аламни ютдим-ютдим, охирига келиб ҳўнграб юбордим-ей...

✍️@umidaaziz

Биз томонларда эрталаблари ва кечқурунлари енгил халат, оёқда пайпоқ кийиб ўтирадиган ҳаво бўляпти. Кундузи қуёшли, лекин енгил шабада бор. Бутун ёз бўйи шундай қолса эди...

✍️@umidaaziz

#дуо

Роббим!

Бу танг-у тор, ташвишли кунларнинг хайрини кўра оладиган фаросат билан мени сийла!

Йўқотишларим ўрнини хайр-у барокатинг билан тўлдир!

Бу ғам-қайғули кунлардан иймоним, иффатим ва қалбимга зарар етказмай чиқишни насиб эт!

Сендан келадиган ҳар яхшиликка муҳтожман!

✍️@umidaaziz

Ёз пешинлари кўзим илинганида менинг тушларим 😁

✍@umidaaziz

Инсон ҳаёт ҳикоясининг бир ўрнида озор кўрган, бир ўрнида озор берган мавқеда бўлиши мумкин. Бунга сабаб одамзоднинг хатокорликка майлидир.
Шундай экан, инсоннинг қиймати ва ҳурмати асло хатога йўл қўймаслик билан эмас, аксинча, хатосини англаб, уни тузатиш, ислоҳ этишга ҳаракат қилиши, озурда қилган кўнглини таъмирлашга ғайрат кўрсатиши билан ўлчанади...


✍️@umidaaziz

Уйларингиз, машиналарингиз, аёлларингиз, фарзандларингиз ва таомларингизни суратга олишни тўхтатинглар!
Чунки сизларга барака тилаб дуо қилувчи кўзлардан кўра ҳасадчи, кўролмасларнинг кўзлари кўпроқдир.

Доктор Аҳмад Исо Маъсоравий.

Манба: @arabicuz

✍️@umidaaziz

Боғбон битта атиргул учун минг тиконни суғоради. Умрга татигулик қувонч учун бироз қайғуга сабр қилмоқ нафсингга малолми, қурбоним?..

✍️@umidaaziz

#руҳият

Нега айрим кишилар "Танқид" ниқоби остида ҳақорат қилади?

1. Ўзига бўлган ишончи паст бўлади. Одамларни танқид қилиш билан ўзини устун кўрсатмоқчи бўлишади.

2. Нарциситик ҳимоялари қуршовида бўлиши мумкин. Одамларни камситиб, ўзини катта тутади.

3. Хайрхоҳликдан маҳрум бўлиши мумкин. Айтган гаплари рўпарасидаги кишига қандай таъсир қилишига эътибор бермайди.

4. Ота-онасидан ўрганган бўлиши мумкин.
Болалигига давомли танқид қилинган киши катта бўлганида атрофидагиларга ҳам шу усулни қўллайди.

✍️@umidaaziz

Дунёни гўзаллик қутқарармиш. Ҳамма ишни мендан кутмай ўзинглар ҳам ҳаракат қилинглар-да... 🙄🙃

#ўзимга_эслатма

Айни лаҳзалардан бошлаб уч ойдан кейин ҳозиргидан ҳам яхши ҳолатда бўласан. Астойдил ишон...

✍@umidaaziz

Ҳар яхшилик самимий, ҳақиқий бўлавермайди. Жозибадор, қулоққа хуш ёқадиган таклифларни етти эмас, етти юз марта ўлчаб кўриш керак. "Сенга яхши бўлсин, дейман-да" деган писандага ишонавериш оқилликдан эмас...

✍@umidaaziz

Ҳаётимизни гўзал қилган инсонлар бир финжон қаҳванинг ёнига ярашадиган ҳамсуҳбатларимиздир...

✍@umidaaziz

#камина_ҳақинда

Ўз дардига ўзи малҳам бўла олган киши хавфли ва кучли инсондир...


✍️@umidaaziz

Одамлар билан учрашганда, айниқса, меҳмонга борганингизда ё меҳмон кутганингизда, атрофингиздагилардан:

— Нимага ҳалигача уйланмаяпсан? (Эрга тегмаяпсан?);

— Ойлик маошинг қанча?
— Уй ўзингларникими ё ижарами? Уй олишни мўлжаллаяпсизларми?
— Қачон энди иккинчи фарзандга ҳаракат?
— Тўйга неччи ой бўлди, янгилик борми?

каби ўта шахсий саволларни беришдан олдин бу мосламанинг уланган-уланмаганини текшириб олинг!...

✍@umidaaziz

Дарвешхоналарда кечалари икки савол берилар экан:
— Бугун бир кўнгилга озор бердингми?
— Намозларингни адо этдингми?
Биринчи саволга "ҳа" деб жавоб берганга иккинчи савол берилмас экан.

Бир бор дилозорлик қилган бўлсанг, ўқиган намозинг намоз эмас.

Аввалгилар: "Дилшикасти ҳасмуллоҳ", яъни "Дилозор — Аллоҳнинг душмани" деган эканлар...

Бугун тилимиздан, қўлимиздан, назаримиздан, ўйимиздан биров оғринмадимикан?..

✍️@umidaaziz