Бадавлат қиз,
Камбағал ўғил!
/Хитой халқ мақоли/

Ўғилни тўқчилик,
Қизни йўқчилик бузади!
/Ўзбек халқ мақоли/

Қизига кўзи очилмасин деб, - телефон, планшет ва бошқа - афзаллик, деб ҳисоблайдиган матоҳлардан чеклаб катта қилаётган ва ўғлига тегига хотиндан тортиб машинагача сотиб олиб бераётган ота-оналар шу ерда бўлсангиз биринчи келаётган “разворот”дан орқага бурилинг, йўлдан адашдингиз!

Бонус:
Ўн бола бир отани боқолмайди, билиб қўй,
Ўғлинг еб, ўрга кетар, қизинг еб, қирга!

П/с: Ўзбекча тушунмаганларга юқорида хитойчаси ҳам келтирилди.

✅ @umidkhudayberdiev

Енгилтакликда ким ўзарда, кўз-кўз этишда мусобақалашиб, фақат ўзим бўлай деб, бир-бирини ва давлатни алдайдиганлар кўпчиликни ташкил этадиган жамият ислоҳ бўлмасликка маҳкум!

✅ @umidkhudayberdiev

Дарҳол мақтанг,
танбеҳ эртага!

Мақтовга лойиқ ҳаракат қилган инсонни дарҳол мақтанг, модомики танбеҳ жоиз бўлса бу ишни эртага қолдиринг: балки сиз кейинроқ танбеҳ бериш шарт эмас деб ҳисоблашингиз мумкин.

✅ @umidkhudayberdiev

- Қалайсиз?
- Зўр! Менга тегишли қоидаларнинг ўзимга қулайини танлаб яшаяпман.
- Лоақал танлаган қоидаларингизга содиқмисиз?
- Баъзида жойига қараб унга ҳам амал қилмай қўявераман: рўйхатим ўзгарувчан.
- Баракалла! Жуда қулай ўрнашиб олибсиз. Сўров келганда, қонун сизга истаган моддаси билан жазолайверса бўлар экан!

Қонун-қоиданинг ҳар бир моддаси - қонун,
Фарзларнинг ҳар бири фарз!

Қонуннинг қулайини, фарзнинг ўнғайига амал қилишимиз билан, на тартибли фуқаро, на чин мўмин бўламиз!

✅ @umidkhudayberdiev

Жамият кўзидаги афзалликлар:

🟢Сўнгги русумдаги iPhone;
🟢$2000+ ойлик маош;
🟢Дубайдан селфи;
🟢Қора ранг “Малибу”;
🟢Зўр ресторанлар;
🟢Ўзини олиброқ туриш.

Асл афзалликлар:

✅Қарздан холи бўлиш;
✅Молиявий мустақиллик;
✅Соғлом ва бахтли оила;
✅Илм олиш ва саёҳат;
✅Хотиржамлик;
✅Яхшилик қила олиш.

Раҳбарни курсисига ўтириб расмга тушган - ҳали ҳақиқий раҳбар эмас.

Азизлар, асл афзалликларга интилайлик!

✅ @umidkhudayberdiev

Ҳақиқат кўзни ўяди!

Ҳақиқатгўй бўлсангиз инсонлар сиздан узоқлашади, чунки улар рост ва ҳақдан қўрқадилар, уни четлаб яшашга ҳаракат қиладилар!

Ўзларига ҳаёт иллюзиясини ясаб олиб ўшанинг ичида яшайдилар! Рост ва ҳақиқат эса кўп холларда у чегарадан ташқарида бўлади.

“Дўст ачитиб гапиради” нақлига кўра яшайдиган бўлсангиз кўп дўст орттира олмайсиз. Модомики дўст топадиган бўлсангиз - у бешубҳа охиратлик дўст бўлади!


✅ @umidkhudayberdiev

Аҳмоқлар, муттаҳамлар, бетартиб, тарбиясиз, бефаҳм ва бефаросатлар бўлмаган жамиятда яшашни исташимиз табиий!

Аммо!!! Ундай бўлса қаердан аниқлаймиз - биз улар тоифасига кирмаслигимизни? Ким билан солиштирамиз?

Жамиятда ҳамма тоифа керак!!! Барчани бирдек тарбия қилиб бўлмайди!

Инсон кўпроқ ўзига эътибор қилиб, ўз ислоҳоти устида ишлаши жуда муҳим!

Барча ёмонликлар инсонинг ўзидан, барча яхшиликлар Аллоҳдандир!

П/с: Ҳамма ақлли, оқил, доно ва файласуф бўлса - далада қўйларни ким боқади?😃

✅ @umidkhudayberdiev

Паст қилғиликка олийжаноб сабабни баҳона сифатида қидириш катта хато.

Ундан кўра паст қилғиликни тан олиб қўйган самаралироқ.

✅ @umidkhudayberdiev

Мақсадни кўринг, йўлни ўзингиз танланг ва натижага эришинг.

Йўл-йўлакай сизга отилган тошлар, учраган тўсиқлар ва ўткир тиғлик тиканлар сизга озор бериши турган гап!

Ғолибларнинг яралари оғримайди!!!

✅ @umidkhudayberdiev

Оғир иллат - қўрқоқлик!

Қўрқоқ ўзига-ўзи ҳимоя таъминлай олмайман деб ўйлайди.

Қўрқоқлар қуршовида одам ўзини ёлғиз ҳис қилади.

✅ @umidkhudayberdiev

Қандай бўларкан?
Ўхшармикан?
Нима дер эканлар?
Кўндира олармиканман?
Керакми манга шу?
Йўқ десалар-чи?

Бугунги шубҳаларимиз эртанги ютуқларимизнинг ягона чекловчисидир!

✅ @umidkhudayberdiev

Табиат - саломатдир!

Инсоннинг соғлом бўлиши табиий, чунки биз инсонлар табиатнинг бир қисмимиз. Табиат бизни яхши жисмоний ҳолатда сақлашга бор кучи билан ҳаракат қилади, чунки у ўз мақсадлари учун бизга муҳтож.

Биз эса турмуш тарзимиз, зарарли одатларимиз ва бепарволигимиз билан ўзимизни касалликка мубтало этиш билан бир қаторда, табиатнинг бус-бутун тизимига - саломатлигига путур етказишда бехижолат давом этмоқдамиз!

✅ @umidkhudayberdiev

Ёзнинг саратони халақит берса,
Кузнинг кўз ёши-ю, қишда қаҳратон.
Баҳор муҳаббати чалғитаверса,
Нажот сари қадам ташлайсиз қачон?

©Туртибжон Уйғотиев

⚡️⚡️⚡️⚡️⚡️⚡️⚡️⚡️⚡️⚡️

П/с: Лайк босганлар муроду-мақсадига етсин!

✅ @umidkhudayberdiev