Кун маслаҳати

Спорт билан шуғулланинг
(жуда бўлмаса пиёда юринг)

Чиройли ва равон гапириш маҳоратини ўстиринг
(ширин сўз бўлинг, сўкманг)

Асабийлашманг. Китоб ўқинг.
(Ҳисларингизни жиловда тутинг)

Аҳмоқларга эътибор берманг.
(Қувватингизни беҳудага сарфламанг)

Ҳар куни янги нарсаларни ўрганинг.
(Оз-оздан бўлса-да)

Етарли даражада ухланг.
(Баданнинг ҳаққини адо этинг)

Фақат ўзингизга ишонинг.
(Ҳеч нарса кутманг)

Ўзгаришдан ва ўзгартиришдан қўрқманг.
(Актуал бўлинг)

Мунтазам ва тўғри овқатланинг.
(Оғизга фильтр ўрнатинг)

Ривожланинг ва доимий ўсинг! Тўхтаган одам ўлик одам!

✅ @umidkhudayberdiev

Ҳақиқатни сўзлаб, қалбдан чин туйғуларини намоён этадиган инсонлар асло заиф, аҳмоқ ёки содда эмаслар. Улар шу қадар кучлидирлар-ки, ниқоб тақишга эҳтиёж сезмаслар...

✅ @umidkhudayberdiev

Ҳеч қачон сабр-тоқатингизни йўқотманг — бу эшикларни очадиган сўнгги калитдир.

✅ @umidkhudayberdiev

Вақт қаёққа ғойиб бўлмоқда?

Замонавий инсоннинг барча ҳаракатлари вақтни тежашга қаратилгандек кўринади. Шу мақсадда электр устара ва эскалаторлар яратилади; шу сабабли тезкор самолётларда парвоз қиламиз, метрода ёки автомагистралларда елиб-югурамиз. Аммо вақт бунга қарамай тобора камайиб бормоқда!

Натижада китоб ўқишга, бир пайтлар одамлар бир-бирларига ёзган узун хатларни битишга вақтимиз етмаяпти; муҳаббат, мулоқот қилишга, меҳмонга боришга, қуёш ботиши ёки чиқишини томоша қилишга, табиат қўйнида сайр қилишга ҳам вақтимиз қолмаяпти...

Вақт қаёққа ғойиб бўлмоқда?

Бу тобора кучайиб бораётган вақт танқислиги қаердан пайдо бўлди?! Биз уни асраб-авайлаяпмиз, у эса борган сари камайиб бормоқда!

Инсон энди инсон бўлишга ҳам улгурмаяпти. У ўзини инсон сифатида намоён этишга, табиат инъом этган имкониятларни рўёбга чиқаришга, ўз қобилиятларини, ниятларини, орзуларини амалга оширишга ҳам улгурмаяпти.

Бу саволларга жавоб йўқдай.

Хулоса сиздан…

(Расм: Салвадор Дали - Вақт)

✅ @umidkhudayberdiev

Фақат қалб ҳеч қачон адашмайди.

Илгари мен инсон билан дўстона, севги, муҳаббат ёки ишбилармонлик муносабатларига киришиш учун уни яхши билиш керак, деб ўйлардим. Унинг қадриятларини аниқлаш, маълум бир тоифага киритиш, эътиқодларини билиш зарур, деб ҳисоблар эдим...

Ҳозир эса одамни ҳис этиш керак, деб ўйлайман. Менимча, буни ўргатиб бўлмайди. Бу ўз-ўзидан келади. Ёки келмайди. Балки бу ўзингизни ҳис эта бошлаганингиз билан боғлиқдир. Ўзингизни қанчалик чуқур ҳис этсангиз, бошқаларни ҳам шунчалик яхши ҳис қиласиз.

Ақл алдайди. Ёки шайтон ақлни оғдириши ёки оздириши мумкин. Қалб эса шаффоф ва дахлсиз.

Ақлда психологик ҳимоя, идрок филтрлари, нотўғри маълумотлар ва субъектив мезонлар ишга тушади. Сиз эса маълумотларни тўплайсиз, таҳлил қиласиз, хулоса чиқарасиз... Ва моҳиятни - одамнинг қандай эканлигини ички сезги билан билишни йўқотасиз.

Юзаки, саёз нарсалар кўп... Хўжа кўрсин, киноя ва зил ҳазиллар ортида ҳис қилувчи қалб яширинган. Нотабиий ўзини мустақил кўрсатиш ортида нозик табиат бор. Баджаҳллик ва тажовузкорлик ортида эса оғриқ ва қўрқув яширинган.

Агар одам фақат нима деяётганини эшитсангиз, буларнинг барчасини тушуна олмайсиз. Одамларни ҳаётда бошқалар етказган жароҳатлари бошқаради. Шунинг учун ҳатто ҳаракатлар ҳам ҳар доим ҳақиқатни кўрсатавермайди.

Фақат қалб ҳеч қачон адашмайди.

🇺🇿 Umid Hudoyberdiev|Online

Биринчи бўлиб ёзишни хоҳласангиз, шундай қилинг.

Кетма-кет икки марта ёзмоқчимисиз? Қани, марҳамат.

Кимдир сизга ёқса, буни айтинг.

Миннатдормисиз, изҳор этинг буни дарҳол.

Кўнглингизга келдими, очиқ дуо қилинг.

Агар кимдир сизни қувонтирса, буни айтиб ўтинг.

Агар кимдир сизни хафа қилса, у билан бу ҳақда гаплашиб ва нима учун шундай бўлаётганини тушунтиринг.

Биз қандайдир тушунарсиз ижтимоий ўйинлар ўйнашга ва кейинги қадамимизни аниқ ҳисоб-китоб қилишга ҳаддан ташқари кўп вақтимизни сарфлаймиз.

Биз заиф кўринишдан ва ўзимизни ҳимоясиз ҳис қилишдан қўрқамиз.

Бундай қилишнинг кераги йўқ.

Нима қилишни хоҳласангиз, шуни қилинг, керакли одамлар сиз билан қолади.

Ҳаёт қандайдир ўйлаб топилган ижтимоий қоидаларга риоя қилиш учун жуда қисқа. Ниқоб тақиш, бошқача кўриниш, ялтоқланиш, роль ўйнаш, кўринмас чегаралар чизиш, булар барчаси сароб ва беҳуда юмушлар.

Оқ бу оқ, қора бу қора, бошқаси ва ўртаси йўқ!

Чинакам эрк - ёлғонни ва унинг элементларини ўзига эп кўрмасликдир!

✅ @umidkhudayberdiev

"Бу менинг телефоним экранидаги сурат. Ўзимга тез-тез: “Биз буни уддаладик, кичкинтойим” - деб далда бераман."
(Энтони Хопкинс, 84 ёш)

Энтони Хопкинс доимо телефонида ўзининг болалик суратини сақлайди. Агар бирор нарса ёмонлашса, ўзини койиш ўрнига, у шу суратни топади-да, ундаги ёш болага шундай дейди: "Биз бунинг уддасидан чиқамиз, кичкинтойим. Биз сен билан ҳамма нарсани эплаймиз."

Шу тариқа, у катта одам ҳолатидан ўзига қараб, биргина оддий ибора билан ички болакайга далда беради ва қўллаб-қувватлайди. Ўзига ҳимоя туйғусини беради. Ўзига самимий хайрихоҳлик ва маъқуллаш билдиради.

Бошқа томондан, Хопкинс айтишича, бу пайтда у ўзини катта, тажрибали ва доно одам сифатида ҳис қилади, босиб ўтган бутун йўлини ғурур билан англайди.

Бу эса унда қатъият ва ўз кучига ишонч уйғотади.

Ҳеч қандай ўз-ўзини ейиш йўқ. Фақат қабул қилиш, қўллаб-қувватлаш, самимийлик ва муҳаббат.

✅ @umidkhudayberdiev

Мен бутун умр мўъжизаларга ишониб келаман. Улар чиндан ҳам содир бўладими ёки шунчаки ишонч туфайли шундай туюладими, билмайман. Аммо назаримда, ишончнинг моҳияти айнан шунда: агар бирон нарсани уддалай олишингизга ишонсангиз, муваффақият эҳтимоли ортади.

Иккинчи синфда бизга янги ирландиялик ўқитувчи келди. У: "Агар мен Худога ибодат қилсам ва ундан нимадир сўрасам, у менга истаган ҳамма нарсани беради," деди. Ўша куни уйга келиб, Худодан "Мустанг" велосипеди сўраб ибодат қилдим. Отам камбағаллиги сабабли менга велосипед сотиб ололмасди, барча дўстларимда эса "Мустанг" бор эди. Икки ҳафтадан сўнг, мактабдан қайтиб, меҳмонхона орқали ётоқхонамга ўтаётганимда, акам кириб: "Нега бу ерда ўтирибсан? Ошхонамизда нима борлигини кўрдингми?" деди. Бу менинг "Мустанг"им эди. Мен харидорлар лотереясида яшил "Мустанг" велосипедини ютиб олдим, гарчи унда қатнашмаган ва ҳеч қаерга купонлар жўнатмаган бўлсам ҳам!

© Жим Керри

✅ @umidkhudayberdiev

Бошқарув амалиётидан инсайдлар

Нега ички ходимлар ўсмайди? Ҳар доим ҳам четдан мутахассис ишчи олиб келиш керакми?

Компанияга янги ходим келганда, биз доимо қуйидаги қадамларни амалга оширамиз:

- У ким билан ҳамкорлик қилиши кераклиги ҳақида маълумот берамиз ва уларнинг алоқа маълумотларини тақдим этамиз;

- Уни қўл ости ходимларига, раҳбарларга, тегишли бўлимларга, мижозларга ва ҳамкорларга таништирамиз;

- Унинг вазифаларини, кимга қандай маълумотларни етказиши кераклигини ва бошқа шу каби масалаларни тушунтирамиз.

Бу мантиқан тўғри, ахир бунинг ўрнини бошқа нарса боса олмайди.

Аммо мавжуд ходимни раҳбарлик лавозимига тайинласак-чи?

Кўп ҳолларда биз унга шунчаки янги вазифаларни тушунтириб, ишлашга юборамиз. - Ишни босавер, омад! -

Мисол: сотувчилар бўлими жамоаси вакили - Алишер бўлим бошлиғи бўлади. Сиз Алишерга унинг янги мажбуриятларини тушунтирасиз - энди у сотув жадваллари тузиши, етказиб бериш муддатларини қисқартириши, қўйилган режа кўрсатгичлар бажарилишини назорат қилиш ва мижозларга хизмат кўрсатиш тезлигини ошириши керак.

Агар шу билан чеклансак, айниқса у оддий ходим вазифасини бажаришда давом этса, унинг қўл остидагилар бундан кейин ҳам уни “Алишер ака” эмас фақат оддий ходим "Алиш" сифатида кўришади. У сизга ҳеч қандай натижа кўрсата олмайди! Одамлар кўз ўнгида у ҳамон ўша "Алиш" бўлиб қолаверади!

Бунинг устига, тегишли бўлимлар, мижозлар, ҳамкорлар бор ва ҳамма жойда худди шундай муаммо юзага келади. Кимдир вақт ўтиши билан буни ҳал қилса, кимдир ўз вазифаларини умуман бажара олмай қолади.

Лавозим ўзгарганда доимо нима қилиш керак? Худди у сизга янги ишга киргандек бўлган ҳаракатларни. Яъни:

- Унга янги муносабатлар доирасини белгилаб бериш;

- Жамоага ва барча манфаатдор шахсларга уни янги лавозимда бошқатдан таништириш;

- Унга ҳар бир қўл остидаги ходим билан учрашиб, ўзининг янги вазифалари ҳақида сўзлаб бериш топшириғини бериш.

Масалан, "энди менинг вазифаларим қуйидагича: энди у сотув жадваллари тузиши, етказиб бериш муддатларини қисқартириши, қўйилган режа кўрсатгичлар бажарилишини назорат қилиш ва мижозларга хизмат кўрсатиш тезлигини ошириш. Мен ўз ишимни бажара олишим учун сендан маълум муддатда шуни-шуни кутаман" дейиши лозим.

- Ундан раҳбар сифатида нимани кутишаётганини аниқлаш. "Ишингни яхшилаш учун сенга қандай ёрдам бера оламан?" деб сўраш. Шундай учрашувларни мижозлар, ҳамкорлар, пудратчилар ва тегишли бўлимлар билан ҳам ўтказиш.

Агар сиз доимо шундай йўл тутсангиз, янги лавозимдаги ходимлар тезроқ ва самаралироқ ўз ўрнини топишади!

Амалиётдаги кузатувлардан илҳомланиб улашилди.

Бизнесингизга ва иш фаолиятингизга муваффақият тилайман!

✅ @umidkhudayberdiev

Мустақиллик ҳар бир давлат учун энг олий қадриятдир.

Мамлакат фуқаролари учун эса юртдаги тинч ҳаёт ва жамиятдаги барқарорлик мустақилликнинг асосий бойлигига айланади.

Бирдамлик ва фидокорона меҳнат туфайли жаҳон тарихида жамият ўлароқ ўз ўрнини эгаллаб, инсоният учун баркамол давлат барпо этиш йўлида тўсиқларни мардона енгиб, келажак сари ишонч билан биргаликда қадам ташламоқдамиз.

Бу йил биз мустақиллигимизнинг 33 йиллигини нишонлаяпмиз, мамлакатимиз мустаҳкамланиб, суверенитетимиз равнақ топмоқда.

Бу тарих саҳифалари учун қисқа муддат бўлса-да, биз учун умид ва ишонч, фаровонлик ва бирдамлик, ҳамжиҳатлик ва дўстликнинг олтин камари бўлиб қолмоқда.

Ватанимиз мустақиллигининг 33 йиллик йўли тарихан жуда қисқа вақт бўлса-да, давлатимиз учун тажриба ва синовлар, таваккалчилик ва бирдамлик, жасорат ва ватанпарварлик давридир.

Ҳар қандай синовларга тайёр турар эканмиз, тинимсиз изланиш ва маънавий юксалишда миллатимизнинг янги воқелигини шакллантириб, толмай олға интилиш муҳимдир.

Мустақиллик ҳар бир фуқаро учун энг азиз қадриятдир. Мустақилликни мустаҳкамлаш - иқтисодиётни мустаҳкамлаш демакдир.

Бирдамлик ва ҳамжиҳатлик - мамлакатимизнинг мустаҳкам пойдеворидир.

Қонунларга ҳурмат, давлат тилини билиш, миллий қадриятларни эъзозлаш ҳар бир фуқаронинг бурчидир.

Ер - аждодлар мероси, халқ хазинасидир. Чекланган ресурслардан оқилона ва илм билан фойдаланиш, бу мақсадларда миллий давлатчиликни мустаҳкамлашда муҳим омилдир.

Оила ва анъаналар жамиятнинг олтин ўзагидир. Оила - авлодларни тарбиялаш ўчоғи, ижтимоий муносабатларнинг бошланиши бўлган ноёб институтдир.

Миллий маданият - халқнинг маънавий таянчидир. Моддий бойликлар билан бир қаторда маънавий бойлик ҳам жадал ривожланаётган давлатлар қаторига кириш учун катта аҳамиятга эга.

Таълим ва меҳнат - фаровон ҳаёт гаровидир. Бу бизнинг умидларимизнинг рўёбга чиқарадиган омиллар.

Мустақиллик ҳар бир инсондан бошланади. Шахсий маънавий ва моддий мустақиллик, умумий миллий мустақилликни шакллантиради.

Дунёда рўй бераётган ўзгаришларни кузатаётган фуқаро миллий мустақилликни ахамиятини кам санаши мушкул.

Ватанни севмоқ ва ардоқламоқ иймондандир!

Миллий байрамимиз барчамизга муборак бўлсин!

✍️ Umid Hudoyberdiev|Online

Кимгадир бирор нарсани исботламоқчи бўлган киши, аслида, буни ўзига исботлаётган бўлади. У кимгадир нимадир исботлаш орқали ўзини бунга ишонтиришга уринади.

Агар инсон ўзига ишонса, ҳеч кимга ҳеч нарсани исботламайди, ҳеч кимни ҳеч нарсага ишонтирмайди ва ҳеч кимга ҳеч нарсани уқтиришга ҳожати йўқ.

Агар кимгадир бирор нарсани исботламоқчи бўлсангиз, демак сиз ўша исботламоқчи бўлган одамингиз ёки жамоа учун яшаётган бўласиз.

Бахт ва ички уйғунликнинг энг асосий белгиларидан бири - сизда кимгадир нимадир исботлаш эҳтиёжининг бутунлай йўқлигидир.

✅ @umidkhudayberdiev

Кун маслаҳати

Фарзандларингизга сизда ёшлигингизда бўлмаган нарсаларни сотиб олиб бериш ўрнига, ўзингиз билмаган билимларни уларга ўргатинг.

Буюмлар эскиради,
билимлар эса абадий қолади.

✅ @umidkhudayberdiev

Метрода кетаётиб, телефонида қулоқчинлар орқали мусиқа эшитиб кетаётган болакай ёнига бир кампир ўтирди. Хушмуомалалик билан телефонни ўчиришини сўради, унинг юрак стимулятори телефон радио-нурлари ва бошқа электроникадан онда сонда ўчиб ишаётган экан. Шу заҳоти бутун вагондаги бошқа йўловчилар телефонларини ўчира бошлаганини кўриш мумкин эди.

Пол юваётган фаррош аёл олдига, бир отахон келиб: "Тозалик учун сизга раҳмат! Бу қандай меҳнат эканлигини биламан. Ўзим ҳам пол ювганман," деб таъзим қилди. Унинг мақтови, айниқса таъзими уни жуда таъсирлантирди... Кўзларидан ёш чиқиб кетди.

Болакай қора кийимли, қаттиқ рокер бўлишига қарамай, мотоциклда кетаётганда бошқа машина деразасидан чиқиб турган қўлга ширинлик қўйиб ўтади.

Реабилитация марказида қирқ беш ёшлардаги икки метрли эркак даволанмоқда. У даволаш гимнастикаси билан шуғулланишда қаттиқ азобланади, аммо қандай даҳшатли оғриқларга чидаётганини сездирмайди. Бугун унга катта итини олиб келишди, у итни икки қўли билан қучоқлаб, овоз чиқариб йиғлай бошлади.

Болалигида бувси бозордан келиб, набирасига турли ширинликлар олиб келар ва буларни қуёнча юборди, дерди. Ҳозир эса у деярли юра олмай ётибди, набираси унга турли ширинликлар олиб келиб: "Бувижон, қуёнчадан келтирдим," дейди. Бувисини жуда яхши кўради.

Оилали аёлда саратон касаллиги аниқланганда, мушуги доим устида ётарди. Кейин у ҳам касалланди, унда ҳам саратон топилди. Энди у вафот этди, аёл эса тузалиб кетди. Аёл йиғлаб, унга миннатдорчилик билдиряпди, ахир унинг эри ва иккита боласи бор.

Қўшниларимиз - кекса буви ва боболар. Ҳар куни улар уй олдидаги ўриндиққа ўтиргани чиқишади ва доим қўл ушлашиб ўтиришади. Бугун боғда уларнинг суҳбатини эшитилди. Кампир турли оғриқлардан шикоят қиларди, чол эса: "Менда сен борсан, сенда мен борман, бизга яна нима керак?" деди.

Ҳеч қачон каптарларни ақлли қушлар деб ҳисобламагандим. Лекин яқинда қўшни подездда бошпанасиз ҳайвонларни боқиб юрган кампир вафот этди. Унинг овозига атрофдаги барча мушук ва итлар югуриб келарди. Каптарлар ҳам учиб келарди. Уйдан тобутни олиб чиқишганда, жуда кўп каптар тўпланди. Кампирни олиб кетишгандан кейин ҳам қушлар ҳовли устида яна бир соатча айланиб юришди. Ҳатто кампир уларни боқаётганда ҳам бирданига шунча каптар кузатилмаганди.

Ёрдам бериш, очиқкўнгил бўлиш ва муҳаббат изҳори билан биз фаришта бўлиб қолмаймиз.
Биз шунчаки хақиқий инсонларга айланамиз!

✅ @umidkhudayberdiev

Денгизни узоқ вақт кузатсангиз, одамларни соғина бошлайсиз. Одамларни узоқ вақт кузатсангиз эса - денгизни қўмсайсиз.

Мукаммал тақдирли одамлар бўлмайди. Барча инсонлар чексиз даражада номукаммалдир.

Назаримда, бизнинг мукаммалликдан йироқ ҳаётимизда озгина бўлса-да, бефойда нарсалар бўлиши лозим. Агар барча бефойда нарсалар йўқ бўлиб кетса, ҳаёт ҳатто ўзининг номукаммаллигини ҳам йўқотади.

Харуки Мураками
(Япон адиби)

✅ @umidkhudayberdiev

Ўзлари айбдор бўлган нарсада сиздан хафа бўладиган одамларни ўзингиздан узоқроқ тутинг!

🇺🇿 Umid Hudoyberdiev|Online

Инсон ўзини топиши деганда - “қидириш” феъли билан иш битмайди!

Қуриш, барпо этиш, ўстириш, амал қилиш, кўра билиш, ўлчаш, кузатиш, таъсир этиш, идора этиш каби феъллардан фойдаланиш мақсадли!

✍️ Umid Hudoyberdiev|Online

🧭Кун маслаҳати

Оддий бўлинг ва ўзингизни ҳеч қачон бошқалардан юқори тутманг.

Таслимият ҳисси билан ҳаёт кечиринг.

Лавозим, мансаб, молия ва мақомлар ҳаммаси ўткинчи ва омонатдир.

Инсонийлик - абадий!

✍️ Umid Hudoyberdiev|Online