Зиёлилик юксак фазилат, унга тақлид билан эмас, ички ҳолат билан эришилади.

Сахийга оз-моз хайр садақа улашиб тақлид қилиш, меҳрибонликни ўйнаш, ростгўйликни даъво қилиш мумкин. Аммо зиёли инсонга ўхшаб кўриниш мумкин эмас. Чунки у қалбдаги тарбия, тафаккур, босиқлик ва ички фазилатларнинг уйғунлигидир.

Зиёлилик — шовқин эмас, сукутдаги куч. У кўзга ташланмаслиги мумкин, лекин инсонларни ўйга солади.

Ҳақиқий зиёли инсон ўзини кўрсатиш учун эмас, инсонийлигини сақлаш учун шундай. У ҳазил қилади — лекин теран; сукут сақлайди — лекин таъсирли. Табассуми оғриқни яширади. У сизни ўргатмайди, ўрнак бўлади.

✍️ Umid Hudoyberdiev|Online

Мен ким бўлиб дунёга келишни танламаганман. Бу ихтиёр менда эмас эди — қайси замон, қайси замин, қайси юрак ичида туғилишим тақдирда битилган. Ота-онам улуғ ибрат, нажот ва неъмат бўлишларига қарамасдан уларни ҳам танлаш ихтиёри менда эмас. Лекин менда бир неъмат бор — қайси томонга йўл олишни танлаш, ўзимни камолот сари етаклаш, қалбимни нурга ошно этиш ҳуқуқи. Бу эса инсонга берилган юксак масъулият: танлаш ва юриш, сўнгра жавобгарликни ўз зиммасига олиш.

Ҳар бир қадам — бу бир саволга жавоб, ҳар бир танлов — ботиндаги ниятни намоён қилувчи ойна. Кимнинг йўли эзгулик сари бўлар экан, унинг ботини софлик сари етар; кимнинг йўли нафс ортидан бўлса, у ҳақиқатдан узоқлашар. Кимнинг юрагида интилиш бор бўлса, унга барча йўллар очиқ.

Ҳақиқатга етакловчи йўллар танловдан бошланади.

✍️ Umid Hudoyberdiev|Online

Ботқоққа кўниккан — чаман суёлмас,
Денгиз кўзларига қизиқ туюлмас.
Анга мовий уммон — бир афсун, эртак,
Кўз очиб кўргани - кўлмаги керак.

✍️ Nidoiy

Ўзингизни сотманг.

Атрофдаги инсонлар кўпинча биздан муайян қолипларга мос ҳаракат қилишни кутишади. Агар биз шунга кўнсак ва ҳаётимизни бошқаларнинг стандартларига мувофиқ қурсак, аслида ўзимизга хиёнат қиламиз.

Албатта, “керак” деган ишлар ҳам бўлади. Аммо уларнинг сабабини англаб етиш керак — нима учун ва ким учун. Агар бу “керак” инсоннинг руҳий оламига, фитратига зид бўлса, у ўзини йўқота бошлайди. Бошқаларга ёқиш учун ўзини алдаш — бу ички ҳаётингизни инкор этиш демакдир.

Агар сизда доим чарчоқ бўлиб, руҳан тўла-тўкислик ҳисси йўқ, ҳамда мақсадга етиш ҳам сизни хурсанд қилмаса — демак, йўл нотўғри. Балки бу сизнинг эмас, бошқаларнинг йўлидир. Балки сиз ўзингизни эмас, кимнингдир орзу-истагини амалга оширяпсиз.

Шунинг учун юрак овозига қулоқ тутинг. Қалбингиз кўрсатган йўл — энг тўғри йўл. У қийин бўлиши мумкин, лекин фақат шу йўлда инсон ўзини топади.

Ўзингизни топинг!

✍️ Umid Hudoyberdiev|Online

Ота-оналар — паноҳимизнинг суянчи, фарзанд тақдирига ҳамнафас, ҳамдард фидоийлардир.

Ҳар бир инсоннинг саҳна ортида кўзга кўринмас, бошқа чемпион — унинг онаси ва отаси. Улар — оғир кунларида ортдаги пинҳона дуо, кўтарилишида сўзсиз қўллаб-қувватловчи, ҳар мағлубиятда қучоқ очиб кутувчи юракдир.

Она — оғриқни сездирмайдиган қалб.
Ота — сукутини сўзга айлантирган устоз.

Улар нафaқат юришни, балки йиқилганда қайта югуришни ўргатади.

Она-ота — фарзанднинг ичидаги шам шуъласини авлоддан авлодга ўтказувчи нур.

⸻

Жондан азиз фарзанднинг оғриғи — она учун ўз жонининг оғриғи.
Синовда, ютишда, хатоларда, кетишларда — ота-она фарзанди билан бирга юради. Улар нафақат бошлаган йўлини кўрган, балки энг оғир бурилишларида ундан олдин сезган инсонлардир.

⸻

Ота-оналар фарзандни танламайди, улар уни қабул қилади. Қалбида бардош қилиб, руҳида нур бўлиб, елкасида севги бўлиб яшайди.

Фарзанд қачон учишни ўрганса — бу она ва отанинг илк кунларда унга қанот бўлиб берганлиги сабаблидир.

Шунинг учун… агар сиз ҳозир учаётган бўлсангиз — орқага қаранг. Балки, сиз эмас, сиз учун доим орқангиздан дуо қилганлар учаётгандир.

СС: юқоридаги гапларга рози бўлсангиз, бу маълумотни ота-онангизга юбориб қўйинг!

✍️ Umid Hudoyberdiev|Online

Китоб Сизга ҳеч нарса ўргатмаса ҳам, лоақал сўзлар қандай тўғри ёзилишини кўрасиз.

💬💬💬

Даже если книга ничему тебя не учит, ты хотя бы увидишь, как правильно пишутся слова.

✍️ Umid Hudoyberdiev|Online

Саёҳат — инсонни улғайтиради. Бошқа юртларда ўтказилган бир кун, баъзан ўн йиллик турмуш тажрибасидан ҳам кўпроқ нарса ўргатади. Чунки саёҳат — бу фақат масофа эмас, балки дунёқараш, қалб ва тафаккур кенгайишидир.

✍️ Umid Hudoyberdiev|Online

Ҳаётнинг биринчи ярми — ғалаён.
Юрак ҳали ўзига тўғри келмас ҳислар билан тўлиб-тошган.
Севги дейсиз, орзу дейсиз, зўр яшаш, зўр кўриниш…
Ҳар бир қараш — муҳаббат, ҳар бир юрак уриши — драматик.
Ҳар бир киши — ё тақдир, ё синов.
Ёнишни ўрганасиз, лекин ёниб кетишдан қўрқмайсиз.

Сўнг ишлар келади:
Ишлайсиз, югурасиз, қоқиласиз —
Ичи бўш, маъносиз шошқалоқлик.
Нега? Ким учун? Кайфиятинг қанақа? — деган саволларга жавоб йўқ.
Фақат югурасиз, югурасиз, югурасиз.
Пул. Ҳурмат. Рақобат. Ўзингизни исботлаш.
Нега исботлаяпсиз — билмайсиз. Кимга исботлаяпсиз — у ҳам аниқ эмас.

Лекин бир кун…
Инсонда нимадир «шиқ» этиб ўзгаради. Ҳаёт аста-секин сиздан кераксиз нарсаларни ажратади.
Онг эмас — қалб.
Қалб сўрайди: “Эй, буларнинг қайси бири сенсан ўзи?”
Шунда ҳаёт ўзининг ҳақиқий юзини кўрсата бошлайди.
Шовқинлар секин тўхтайди. Югуришлар тўхтайди. Юзлар, роллар, кераксиз ташвишлар — парча-парча бўлиб тўкилади.

Ва сиз, бир куни, бир оз тин олиб, ёлғиз ҳолда осмонга қарайсиз.
Тинч. Оддий. Сўзсиз. Лекин ўзгача яқин.
Сиз ўша дарахтларни кўрасиз — аввал ҳам кўргансиз, лекин ҳеч қачон шундай сезмагансиз.
Шамол — энди муздек эмас, руҳингни уйғотувчи.
Қушлар — шовқин эмас, сўзсиз дуо.
Осмон — катта. Денгиз - чексиз. Сиз — кичик. Лекин ўша катталик ичида сизинг ҳам ўрнингиз борлигини ҳис қиласиз.

Шунда тушуниб етасиз:
Яратган нақадар буюк зот эканки — бунақа осмонни, бунақа дарахтларни, бунақа хотиржамликни ва сизни бор қилиб яратган.
Қанча овозлар ичида — сизни. Қанча юзлар ичида — қалби бор қилиб.
Чуқур нафас олиб ҳамд айтасиз!

Ҳаётимизнинг энг гўзал палласи — “тушуниб яшай бошлаган” палла.
У қачон келади?
Юрак тўхтаганда эмас — югуриш тўхтаганда ва хис этиш бошланганда.

✍️ Umid Hudoyberdiev|Online

Яхшиликдан қўрқманг

Баъзан инсон хушнуд кунларда ҳам тинчлик топа олмайди. Қалбида бир қўрқув ғовланади: “Бу бахт учун менга албатта тўлаш керак бўлади. Ҳаёт ҳеч нарсани бепул бермайди.” Дилида яширин ғам: “Бундай шодликнинг ортидан қандайдир мусибат келади”, — деб ўзини ҳушёр тутади. Бу - кўпчилик болалигидан кўтариб келадиган оғир юк.

Бу фикрларнинг ичида тўғри мезон йўқ. Ҳаётдаги ҳар бир воқелик — ё амалларимиз самараси, Қодир Зотнинг белгилаган синови. Яхшилик — улуғ неъмат. Унинг ичида ҳам ҳикмат бор. Ундан лаззат олиш, шукрона қилиш, қалбни кенг қилиш — бу ҳам инсоннинг феълидан.

Нега биз кўнглимизга бахтга нисбатан шубҳа соламиз? Нега ҳар бир нурга соя излаймиз? Чунки болалигимизда айтиб келишган: “Ортиқча хурсанд бўлма, йиглаб қоласан”. Шу сўзлар қалбга илондай ўрнашиб, ҳар бир қувончда қўрқув уйғотади.

Аммо инсоф билан ўйлаб кўринг: шодлик — бу гуноҳ эмас. Ундан қочиш эмас, уни қадрлаш керак. Албатта, ҳаётда синовлар ҳам бўлади, аммо бу синовлар бахт учун жазо эмас, балки тарбия ва усиш учундир.

Қалбингиздаги хурсандчилик — бу мукофот бўлиши ҳам мумкин. Ундан юз ўгирманг. Қувончни онлар билан тўлдиринг.

Ҳаёт мувозанатдан иборат. Аммо бу мувозанатни фақат “оқ ва қора” деб қабул қилиш — улуғ дуруст эмас. Баъзи кунлар нурли бўлади, баъзилари сояли. Лекин ҳар иккаласи ҳам — бир мактаб. Сизни шод қилган кунингизда, хурсанд бўлишни билинг. Буни ўргатмаган бўлишлари мумкин. Энди ўрганинг. Чунки бу ҳам ибодатдек амалдир.

Обуна бўлинг!

✍️ Umid Hudoyberdiev|Online

Нима қилиб бўлса ҳам ҳаракат бошлаш керак!

Ҳақиқат шуки, орзу қилиш осон. Ҳаракат қилиш, бошлаш оғир. Аммо айнан у ҳаётингизни ўзгартиради.

Бошлаш учун порлоқ ғоялар, идеал шартлар керак эмас. Сизга керак бўлгани – биринчи қадам. Ҳатто у кичик бўлса ҳам.

1. Шунчаки бошланг, лекин аниқ ният билан

Аниқ мақсадсиз қилган иш – бефойда. Бошланг, лекин: “Икки саҳифа китоб”, “10 дақиқа югуриш”, “Бир одамга қўнғироқ қилиш” каби аниқ амал билан.

2. Мақсад қўйинг – ноаниқ, чалкаш эмас

“Муваффақиятли бўлиш” эмас, “Шу ҳафта 3 та мижоз топиш”. Ишни ҳис қилиш учун ўлчанадиган мақсад керак.


3. Мақсадни бўлакларга бўлинг

Катта ғоя қалбни қотиради. Уни кичик бўлакларга бўлинг: ҳар бир амал сизни яқинлаштиради. Тўрт эшикдан фақат биттаси очиқ – аввал биттасига киринг.

4. Қувватни қидирманг – тартиб яратинг

Руҳланиш ва мотивация келиб-кетади. Лекин одат қолади. Сиз эрта тонгдаги тартиб, ихлос ва ният ила яшанг – шу сизга барака олиб келади.

5. Режангизни баҳам кўринг, лекин ҳар кимга эмас

Ҳар доим гапиришдан кўра қилинг. Аммо сизни қадрлайдиган, сизни билган, сизнинг келажагингизга бефарқ бўлмаган бир одамга айтиб қўйинг. Ҳисобот ҳисси ҳаракатни жонлантиради.

6. Ёлғиз эмаслигингизни англанг

Биродарингиз билан “бирга ҳаракат”, дуо ва маслаҳат – бу жонга малҳам. Худо йўлида бўлган одам ёлғиз қолмайди.

7. Халал берувчи чарчоқ эмас, ноаниқликдир

Ҳақиқий дам – нафсни тушуниш. Қувват етишмайдиган пайтда тана эмас, қалб толиққан бўлади. Унга озроқ сукут, тафаккур ва ибратли муҳит керак. Мақсадларга аниқлик беринг.

8. Одатингизни тузатинг – ҳаётингиз ҳам ўзгаради

Танангиз – амалиёт майдони. У суст бўлса, ниятлар ҳам суст. Эрта ухланг, тиниқ ҳаво, овқат, пок ният – бу жисм ва қалбнинг ризқидир.

Бугун:
• Бир мақсад ёзинг
• Унга етакловчи бир амал танланг
• Ва ҳозир бошланг

Эртасига қолган ҳар бир ният – нафс учун имконият. Аммо қалб фақат амал билан юксалади.

Амал қилганлар топади. Интилишда барака бор.
Олдин қадам ташланг, кейин йўл очилади.

✍️ Umid Hudoyberdiev|Online

Ҳақиқат шундаки, инсон ҳамиша ҳам курашишга мажбур эмас. Ҳар бир жанг – фарз эмас. Баъзи ҳолатларда энг оқилона қарор – тинчлик билан кетишдир. Унутманг: сабр – бу зўравонликка чидаш эмас, ўзингизни синдириш ва ўз қувватингизни беҳуда исроф қилиш эмас.

Инсон қалби – нозик бир омонат. Уни зулматдан, ўткир сўзлардан, залолатдан, тушкунликдан асраш ҳам бир ибодатдир. Агар бир муҳитда нафас тор, кўнгил нолар, сукутингиз ҳам юракни оғритса – шундан аста-секин кетиш, оғиз очмасдан ҳиммат билан юз ўгириш – бу заифлик эмас. Бу ўзингизни ҳурмат қилишнинг бир шакли.

Фитратимиз қалбга ором топишни хоҳлайди. Аммо доимий равишда руҳни эзаётган, нафсни йўлдан урадиган муҳитда қолиш – қалбни қоралайди. Зеро, Аллоҳ таоло зулмни севадиган зот эмас. Ва нафақат ўзгаларга, балки ўзингизга ҳам зулм қилманг.

Шундай экан, ҳар вақтини йўқотмасдан, руҳингизни еб қўяётган нарсалардан аста-секин юз ўгиринг. Оқибатни Аллоҳга топширинг. Сабаби, қалбингиз сизни сўзсиз ҳам оғир вазиятдан олиб чиқади – агар уни тингласангиз.

Тингланган қалб – адашмайди.

✍️ Umid Hudoyberdiev|Online

«Биз – ҳар бир кейинги лаҳзанинг муаллифимиз»

Инсон – тақдир ёзувчиси эмас, лекин ҳар бир лаҳзасига жавобгар. Аллоҳ ихтиёри билан бизга берилган энг нодир неъмат – вақт. Ва шу вақтнинг ҳар бир зарраси – бизга берилган имконият.

Ҳозирги лаҳза – бу сиз билан Роббингиз ўртасидаги муҳтарам учрашув нуқтаси. Қандай муносабатда бўласиз? Ғафлатда қоласизми? Ёки қалбингизни тоза ният, тавба ва ҳаракат билан равшан қиласизми?

Ҳар бир инсон ё ўз лаҳзасини баҳона билан тўлдиради, ёки маъно билан. Фақат маънони танлаганлар келажакнинг ҳақиқий муаллифига айланадилар. Улар вақтга таслим бўлмайди – улар уни ишғол ва ислоҳ қилади.

Яхши ният, таваккул, ва ҳаракат – мана сиз ёзаётган ҳаёт саҳифаларининг гўзаллиги. Уларни қандай ёзасиз – сиз қарор қиласиз. Лекин ёдда тутинг: ҳар лаҳза – охирги бўлиши мумкин. Ҳамда барча сўнгги пушаймонлар ва саволлар ёлғиз ўзингизга!

Ҳаёт лаҳзалар тўплами ёки ўша бир лаҳзанинг ўзидир!

✍️ Umid Hudoyberdiev|Online

Ҳурматли азиз ўқувчилар, дўстлар!

Сизларга самимий миннатдорлигимни билдирмоқчиман.

Биламан — бу блогда эълон қилинаётган мавзулар оддий ва енгил эмас. Биз сизлар билан бирга ҳаётнинг юракларга таъсир қилувчи, баъзида оғриқли, баъзида руҳий тозалаш талаб қиладиган масалаларини муҳокама қиламиз. Бу руҳий фойдаси катта бўлган, аммо оғир таркибга эга контентдир.

Шуни билган ҳолда, кўпчилигингиз ушбу материалларга жиддий ёндашишингизни, фикр юритиб, охиригача ўқишингизни кўриб қувонаман. Бугунги шиддатли, маълумот оқими тезкор, диққат тараққиётга қарши курашаётган замонда ўқиш, тафаккур, фикр қилиш — бу алоҳида фазилатдир.

Сизларнинг шундай масъулият ва эҳтирос билан ўқишингиз — мен учун илҳом манбаи. Бу сафарда биз бирга эканлигимизга шукрона айтаман.

Янада чуқурроқ, самимийроқ, маънавийроқ саҳифалар олдимизда. Келинг, бу йўлни бирга давом эттирамиз, шахсимиз ислоҳи йўлида бардавом бўламиз. Яқинларингизга фикрларни улашинг, лайк ва изоҳларда фаол бўлинг!

Ҳурмат билан,
Умид Худойбердиев

✍️ Umid Hudoyberdiev|Online

Бахтли фарзанд — бу натижа эмас масъулият. Агар фарзандингиз бахтли бўлишини истасангиз, биринчи қадам — ўзингизни бахтли қилиш. Бу ғурур эмас. Бу масъулият.

Сиз нима ўргатсангиз, фарзанд шунга қараб улғаяди. Агар сиз ўзингизни доим қурбон қилувчи, чарчаган, ҳаётдан норози инсон сифатида кўрсатсангиз — у шуни «нормал ҳаёт» деб қабул қилади. Агар сиз ўзингизни қадрласангиз, саломатлигингизга, кўнглингизга, руҳиятингизга, ҳисларингизга эътибор берсангиз — фарзандингиз ҳам шуни ўрганади.

Ота-онага ғамхўрлик — бу фақат дори олиб келиш ёки маслаҳат сўраб қўнғироқ қилиш эмас. Энг чуқур ғамхўрлик — бу уларнинг хотиржам бўлишига сабабчи бўлиш. Агар фарзанд ўзини тартибга солса, яхши инсонга айланса, ҳаётини яхши йўлга қўйса — ота-онанинг юраги тинч бўлади. Бу эса энг гўзал ғамхўрлик.

Фарзанд ўз ҳаётига жиддий ёндашганда, вақтини зое қилмай, қалбини соғлом сақлаб, доим яхшиликка интилиб яшаганида — у нафақат ўз бахтини яратади, балки ота-онасининг бахтини ҳам кафолатлаб беради.

Шунинг учун, агар фарзандингиз бахтли бўлишини хоҳласангиз — бугун ўзингиздан бошланг.
Ўзингизни тузатинг. Руҳий ҳолатингизни, оилангиздаги муҳитни, ҳаётингизнинг мақсадини қайта кўриб чиқинг.

Фарзандингизнинг эртанги куни бугунги ўзгаришингизга боғлиқ.


Бугундан бошлаб ҳаётингиздаги битта зарарли одатни тўхтатинг. Бир вақтда битта яхшиликни жорий этинг. Сиз бахтли бўлишни танласангиз — фарзандингиз ҳам шу йўлдан боради.

Сиз ўзингиздаги нурни ёқмасангиз — фарзанд қаердан ёруғлик олсин?
Аллоҳ сизга қувват, тавфиқ ва қалбий ростлик ато этсин.

✍️ Umid Hudoyberdiev|Online

🧠 Мия фаолиятига зиён етказувчи омиллар

Инсоннинг энг қимматли бойлиги — бу ақли. Мия саломатлиги тўғри қарорлар қабул қилиш, ўрганиш, хотира ва ҳаётий энергия учун асосий манбадир. Аммо, афсуски, баъзи одатлар ва ҳаёт тарзи мия фаолиятига жиддий зарар етказиши мумкин.

Қуйида шундай хавфли омиллар ҳақида сўз борамиз.

1. 📉 Енгил ҳаёт – мия учун хавф

Агар инсон миясини мунтазам равишда машқ қилмаса, у аста-секин сустлашади. Янги билимлар ўрганмаслик, мураккаб вазифалардан қочиш — нейрон алоқаларнинг заифлашишига олиб келади. Мия ҳам мушак каби: уни машқ қилмасангиз, у ожизлашади.

2. 🚬 Зарарли одатлар

Тамаки чекиш мия пўстининг қаттиқлик даражасини пасайтиради. Бу эса фикрлаш, таҳлил қилиш, тез қарор қабул қилиш қобилиятига салбий таъсир қилади. Алкоголь эса нейронлар орасидаги табиий боғланишларни бузиб, хотира ва диққатни сусайтиради.

3. 🏃 Камҳаракатлик

Жисмоний фаоллик фақат тана учун эмас, мия учун ҳам зарур. Фаол ҳаракат қилиш қон айланишини яхшилайди, мияга кислород ва озуқа моддалари етиб боришини таъминлайди. Ҳаракатсизлик эса аста-секин миянинг функционал салоҳиятини камайтиради.

4. 🍔 Нотўғри овқатланиш

Мия учун муҳим бўлган витамин ва минераллар етишмаса, инсонда диққат етишмаслиги, хотира сусайиши ва фикрлашда секинлик кузатилади. Фастфуд, шўр ва шакарли маҳсулотлар мия учун “куч” эмас, балки “заҳар” бўлиши мумкин.

5. 😴 Сифатсиз уйқу

Тўлиқ дам олмаган мия тўғри ишлай олмайди. Эртасига эътиборсизлик, чарчоқ, асабийлик ва апатия каби ҳолатлар намоён бўлади. Уйқу — бу миянинг “қайта тикиланиш” жараёни. Ундан маҳрум бўлиш катта зарарга олиб келади.

Агар сиз ақлингиз теран, хотирангиз кучли ва қарорларингиз аниқ бўлишини истасангиз — мияга ғамхўрлик қилинг. Унга машқ, тоза ҳаво, соғлом таом, тинч уйқу ва ёмон одатлардан йироқ ҳаёт керак.

Мия сизни доимо унга қилган муомалага яраша мукофотлайди.

Тафаккур, эътибор, янги ғоялар, тахлил, тўғри қарорлар ва бошқалар миянинг сизга мукофотидир!

✍️ Umid Hudoyberdiev|Online

8 нарсадан воз кечиш вақти келди

Биз кўпинча ўзимизга ўзимиз тўсиқ бўлиб қоламиз. Эркин ва бахтли яшашга, ўз салоҳиятимизни рўёбга чиқаришга йўл бермайдиган тўрт томондан келган уйғун тўсиқлар бор. Ана шу 8 нарса борки — уларни энди ҳаётингиздан чиқариш керак:

💔 Ҳаммага ёқиш истаги
Ҳамма сизни яхши кўриши шарт эмас. Ҳақиқатни айтиш, ўзингиз бўлиш — шундоқ ҳам ҳақиқий одамларнинг ҳурматини қозонади.

💔 Ўзгаришдан қўрқиш
Ўзгариш — ривожланишнинг эшигидир. Агар ҳар доим хавфсиз ҳудудда қолаверсангиз, ўзингизни топа олмайсиз.

💔 Ўтмишда яшаш
Ўтмиш сабоқ учун керак, унда яшаш учун эмас. Ҳар бир янги кун — янги имконият. Ундан фойдаланинг.

💔 Ортиқча ўйлаб, қадам ташламаслик
Фикрларингизда йўқ бўлиб қолманг. Қўрқувлар ва тахминлар ичида эмас, амалий ҳаракатда ҳақиқат яширин.

💔 Бошқалардан фарқли бўлишдан уялиш
Сизнинг фарқингиз — сизнинг кучиингиз. Эркин бўлинг. Сиз қиёсий эмассиз — сиз бетакрорсиз.

💔 Хатодан қўрқиш
Хатолар — ўсиш зинапояси. Усиз тажриба бўлмайди. Хато қилганингиз учун эмас, қайта турмаганингиз учун афсусланинг.

💔 Ўз бахтингиздан воз кечиш
Фақатгина бошқалар рози бўлишлари учун ўз орзуингиздан кечманг. Сизнинг ҳаётингиз сизнинг масъулиятингиз.

💔 “Мен яхши эмасман” деган фикрлар
Бу фикрлар ёлғон. Бу фикрлардан ўзингизни озод этинг. Худо сизда нур жойлаган — уни яширманг.


Ҳақиқий озодлик — ўзинг бўлишдан бошланади.
Сиз ўзингиз бўлишга розимисиз? Йўл — қўрқувларни ташлаб, эркинликка юришдан бошланади. Бугун шу қадамни ташланг.

✍️ Umid Hudoyberdiev|Online

Келинг, қизиқ бир иқтибос келтирамиз. Фараз қилинг, сиз бир неча шарларни ўйнатувчи моҳир жонглёрсиз. Тўпларнинг номи: "иш", "оила", "дўстлар", "иймон". Буларнинг ичида фақатгина "иш" резинали тўп. Уни билмасдан туширворсангиз қайтиб сакраб қўлингизга маълум вақтдан сўнг қайтиб келади. Қолган барча тўплар - шишадан…

✍️ Umid Hudoyberdiev|Online

‼️Шоҳ вазирига Нок, олма, Анор келтир деди. Вазир 1 та мевани келтирди. Шох вазирни зукколиги учун мукофотлади!
Бу қайси мевa?

Бу саволни жавобини мактабда 1-синф ўқувчиларинг барчаси тўғри топишган.

Савол: Вазир шохга шунда, қайси мевани олиб келган? 😅

Сиз ҳам тўғри жавобни топа оласизми?

👇🏼Жавобни билиш👇🏻