Hope 💛💛💛

"እንዳሎቅስህ ያረኩህን ነው የሆንከው"

ልብ እምቢኙ ብዙ ነው።ከራስ ያጣላል።ከሎጂክ ይሟገታል።ሄዶ ሄዶም ታሪክን ይገለብጣል።
እኛ እኛ አጀባችን ሆነ ሽርጉዳችን ሁሉ እንዳሰብነው ደምቆ ቢያድር ይሄ ውሎ ማደር ያን ሁሉ ድግሳችንን በብዥታ ብቻ እንድናስታውስ
ይፈርድብናል።
አይገርምም እንዲያ ሰአቱ ደረሰ አልደረሰ ብለን የተጨነቅንለትን ጉዳይ ዛሬ ስናወራው ስንት ሰዓት ላይ ነበር የተገናኘነው ቀኑስ መች ነበር
ግን? ተባብለን ስንዘነጋ!
ስለዚህ እንዳይመሽ እንዳይረፍድ የተቃጠርንለት ሁሉ ያልቃል፤እንዲያልፍ የፈለግነውም ቀን ለኛ ፍላጎት ሳይሆን ለራሱ ኡደት ሲል ያልፋል።
ልብ ግን ሁሌም አለ።ቀፈፈኝ አላደርገውም ያልነውን፣ቀልቤ አሎደደውም ሚያስብለንን፣ቅር ስላለኝ ቢቀርስ ያስባለን ቅፅበት ሁሉ አግዝፈን
ብንሰማ እንዲያ ቢሆን...
ልቤ በራሱ መንገድ እኔን ቢመራም እንዲሁ ጣት ከጣት እንደማይጣል ሁሉ አይምሮና ምክንያታዊነትም ሊደጋገፍበት የተገባ ነውና ተው
እንዲ አታስብ ያልኩትን ልቤን መቆጣት ይዣለው።
ስማኝ ስማኝ ልቤ
ስማኝ ስማኝ ውስጤ
እንዳሎቅስህ ያረኩህን ነው የሆንከው
አሁን ግን ልመልስህ ልመክርህ ነው (ዮሀና ሳህሌ # ስማኝ ) ሶፋኒት"
🥀🥀🥀

“A dog will teach you unconditional love. If you can have that in your life, things won’t be too bad.”🐾🐾🐾

ስቀርብ የምርቅበትን ስላመድ የምረሳበትን ቀን ሳውቅ መቼ እንደማላውቅ ሆኜ የምኖርበት ቀን እንደሚመጣ ስለማመድ ሳልኖረው ጠፍቶ ብዙው ድንገት ትዝታ ይሆናል ሳላውቅ ትዝታዬን እየኖርኩ ራሴን አገኘዋለሁ ..... ጥቅምት ደስ ይለኛል ዝናቡ ያቆማል ጭቃው ይደርቃል ሁሉም ነገር ወደ ህይወት የተመለሰ ይመስለኛል በተለይ ደሞ የምሽቷ ፀሃይ ....ያኔ ሰአቱን ያውቃል እኔም መጮህ ሳይጀምር እወጣለሁ ቀዝቀዝ ያለ ንፋስ ቢኖርም ልብስ መደራረቡን አልወደውም ልብስ ያልሸፈነው የሰውነቴ ገላ እና ለስለስ ያለችው ፀሃይ ቀዝቀዝ ካለው ንፋስ ጋር የሚያወሩትን ወሬ እወደዋለሁ ከመጮሁ በፊት ፊቴ መጥቶ ይቁለጨለጫል ሰአቱ ነው እንወጣለን ልክ የቤቱን በር አልፈን ውጭ ስንወጣ እላዬ ላይ መዝለል ይጀምራል ወደፊት ይሮጣል ወደኔ ይመለሳል ትንሽ ከቤቱ መራቅ እንደጀመርን ብዙ ጓደኞቹ ተሰብስበው የቆሙበት ቦታ እንደርሳለን እንደኔ ሆኖ ነው መሰለኝ ብዙ አይላመድም ማጉረምረም ይጀምራል እነሱም ይጮሃሉ ያኔ ቀና ብሎ ያየኛል አድኚኝ አይነት ነው በኔ ስለሚተማመን መጀመሪያ ጡንቻውን ያሳያቸዋል ይጎረርባቸዋል የኔን ማበረታቻ እንዳገኘ ወደነሱ እየጮኸ ይሮጣል የያዙትን ጥለው ብን ብለው ይጠፋሉ ደስስስ ይለዋል ይዘላል እየተሯሯጥን ወደ ሜዳው እንደርሳለን ይንከባለላል አንድ ዛፍ ፈልጌ ቁጭ እላለሁ አድማስ እያዘቀዘቀች ነው ፍጥነቷ ያስገርመኛል ያ ሰአት እንዲያልፈኝ አልፈልግም እግሬ ስር መጥቶ ቁጭ ይላል በውስጤ ያለውን ሁሉ የሚያውቅ ይመስለኛል አንዳንዴ ቃል አውጥቼ አወራዋለሁ ደስስ ይለኛል ፀጉሩን እያሻሸሁ ለዘለዓለም ከሱ ጋር እዚህ ቦታ መኖርን ሳስብ ድንገት ቀና ብሎ ያየኛል በሃሳብ ሄጄ ፀጉሩን መዳበስ ስላቆምኩ ይሆን ምን እያሰብኩ እንደሆነ ለመጠየቅ አላውቅም ሲጨላልም እንነሳለን ጥሎኝ አይሄድም በእርምጃዬ ልክ ይከተለኛል ወደ ኋላ ሄዶ ከጀርባዬ ማንም እንዳይተናኮለኝ ይጠብቃል ወደፊትም ይሮጣል መንገዴን ሊያመቻችልኝ ይመስለኛል ከዛ ተመልሶ በኔ እርምጃ ልክ ይሄዳል የከፋ ነገር ከመጣም አብረን እንሮጣለን 😂 ሚስጥረኛዬ ነው ሜዳው ላይ ከሳሮቹ ጋር ስደንስ አስተውሎኛል ለማንም ግን አልነገረብኝም ያለገደብ ሜዳው ላይ ስጮህ ደንግጦ ተመልክቶኛል ለማንም ተናግሮብኝ አያውቅም አብረን ስለዘለልነው ስለሮጥነው ሁሉ ስለደስታችን ስለቡረቃችን ተከፍተን ስላለቀስንበት ስላዘንበት ግዜ ለማንም ትንፍሽ አይልም በደንብ ያውቀኛል ስቀርበው ስላመደው የሆነ ቀን አብረን እንደማንሆን እንዳላስብ አድርጎኝ ነበር አሁን ግን ከኔ ጋር የለም ህይወቴን አስበልጬ ከዳሁት እናፍቀው ይሆናል እኔ ግን ናፍቆኛል 😢🐾

ሌላ ቀን🌝 👠👜📖

“Sometimes, you find yourself in the middle of nowhere, and sometimes, in the middle of nowhere you find yourself."

“Those who fly solo have the strongest wings.”🦋🧡

"ጨክኖ ከመሄድ - አርፎ ከመቀመጥ?
አንዱን አለመምረጥ ግማሽ ተስፋ ማድረግ ÷ ግማሽ ተስፋ መቁረጥ"
-Hab HD