“Ўзбекзаргарсаноати” уюшмаси раиси ўринбосари Дилшод Саломов ишчи ташриф билан Наманган вилоятида бўлиб, ҳудудда фаолият юритаётган заргарлик корхоналарининг иш жараёнлари ва ривожланиш истиқболларини ўрганиш ишларини бошлади.

Ташриф доирасида “GAVHAR JEWEL GROUP” МЧЖ корхонасида бўлиб, ишлаб чиқариш жараёнлари, мавжуд қувватлардан самарали фойдаланиш масалалари, шунингдек, фаолият мобайнида учраётган қийинчиликлар билан яқиндан танишди. Шунингдек, корхона раҳбарияти билан қўшма ҳамкорлик йўналишлари, ишлаб чиқариш ҳажмини кенгайтириш, янги иш ўринлари яратиш ҳамда маҳсулот турларини диверсификация қилиш бўйича атрофлича фикр алмашилди.

Наманганлик заргарлик йўналиши тадбиркорлари ўз йўналишлари доирасида дуч келадиган масалалар билан Уюшма масъуллари билан боғланишлари мумкин.

Мурожаат учун телефон:+998337007033

@uzbekzargarsanoati

Фарғонада заргарлик маркази ишга тушди

Фарғона шаҳрида “FERGA GOLD” бренди остида заргарлик буюмлари ишлаб чиқарувчи замонавий корхона иш бошлади. Тантанали маросимда вилоят ҳокими Хайрулло Бозоров, “Ўзбекзаргарсаноати” уюшмаси раиси Шохрух Туйчибаев ҳамда Туркия, Озарбайжондан ва маҳаллий инвесторлар иштирок этди.

Лойиҳа қиймати 6 млн доллар бўлиб, корхона энг замонавий технологияларга асосланган. Унда 300 иш ўрни яратилиши кўзда тутилган, ҳозиргача 60 нафар фуқаро иш билан таъминланди.

Йиллик қуввати 1,5 тонна заргарлик буюмлари ишлаб чиқаришга тенг бўлган корхона 2,2 трлн сўмлик маҳсулот ишлаб чиқариши режалаштирилган. Туркиялик инвестор Жемил Аклли ва озарбайжонлик Наил Шахвердиевнинг таъкидлашича, бу дастлабки ҳамкорлик лойиҳаси бўлиб, келгусида яна қатор истиқболли ташаббуслар амалга оширилади.

@uzbekzargarsanoati

Наманганда заргарлик соҳаси бўйича ижтимоий таълим дастурлари йўлга қўйилиш арафасида

Заргарлик саноатини ривожлантириш, ёш авлодга замонавий билим ва кўникмаларни бериш ҳамда соҳада фаолият юритаётган мутахассисларнинг салоҳиятини ошириш мақсадида Наманган шаҳридаги 1-сон Политехникум базасида янги таълим дастурлари ташкил этиш бўйича ишлар бошлаб юборилган.

“Ўзбекзаргарсаноати” уюшмаси раиси ўринбосари Дилшод Саломов мазкур лойиҳа билан танишди. Ушбу ижтимоий ташаббус “Azas Impex Group” ва “Onesto High Jewelry” корхоналари ҳамкорлигида амалга оширилиши режалаштирилган. Лойиҳа доирасида бепул ўқиш ва малака ошириш курслари йўлга қўйилиб, соҳадаги усталар ва ёш мутахассислар учун янги имкониятлар эшиги очилади.

Бугунги кунда техникумга соҳада қўлланиладиган замонавий асбоб-ускуналар келтирилиб, таълим ва амалий жараёнларни бошлаш учун дастлабки тайёргарлик ишлари олиб борилмоқда.

@uzbekzargarsanoati