Бош прокурор ўринбосари Ш.Аминов бошчилигидаги ишчи гуруҳ томонидан Қорақалпоғистон Республикасида энергия самарадорлигини ошириш бўйича илмий-техникавий ўрганишлар амалга оширилди.

Хусусан, ёқилғи-энергия ресурсларидан фойдаланиш устидан давлат назоратини самарали ташкил этиш ва мувофиқлаштириш бўйича Нукус шаҳар штабининг фаолияти танқидий муҳокама қилиниб, масъулларга энергия ресурсларидан ноқонуний фойдаланиш ҳолатларини фош этиш, ресурсларни иқтисод қилиш ҳамда тармоқлардаги йўқотишларни қисқартириш борасидаги ишларни янада кучайтириш юзасидан топшириқлар берилди.

Шу билан бирга, Нукус шаҳрида йирик истеъмолчи ҳисобланган “NUKUS ELECTROAPPARAT” қўшма корхонасида ўрнатилган қуёш панелларини кўздан кечирилиб, масъулларга энергия ресурсларини иқтисод қилишнинг барча зарурий чораларини кўриш бўйича тегишли тавсия ва кўрсатмалар берилди.

Куннинг иккинчи ярмида ёқилғи-энергия ресурсларидан фойдаланиш устидан давлат назоратини самарали ташкил этиш ва мувофиқлаштириш бўйича Республика штабининг сайёр йиғилиши ўтказилди.

Унда, илмий-техникавий ўрганишларга жалб этилган ишчи гуруҳ аъзолари, Қорақалпоғистон Республикаси ва туман (шаҳар) штаб аъзолари, масъул вазирлик ва идора раҳбарлари, департамент, Адлия вазирлиги, Миллий гвардия, Божхона, Фавқулодда вазиятлар бошқармаси ҳамда бошқа корхона ва ташкилотларнинг вакиллари иштирок этишди.

Йиғилишда, тасдиқланган "йўл харита"да белгиланган чора-тадбирлар ижросини ўз вақтида сифатли бажариш, ресурсларни иқтисод қилиш, тармоқлардаги йўқотишларни қисқартириш, энергия ресурслари ундируви билан боғлиқ ижро ҳужжатлари бўйича амалда ундирувни жадаллаштириш, энерготежамкор ускуналарни афзалликлари бўйича тарғибот тадбирларини манзилли ташкил этиш бўйича аниқ вазифалар ва топшириқлар берилди.

Шунингдек, Департамент, ИИВ ва Ўзэнергоинспекция раҳбарларига йўқотишлар юқори бўлган ҳудудларни қизил тоифага ажратиб, рейд тадбирларни аниқ таҳлилий маълумотлар асосида ўтказиб бориш, айниқса йирик талон-торожликлар фош этишга қаратилган тезкор-қидирув тадбирлари устидан кунлик сўровни йўлга қўйиш бўйича топшириқлар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокурор ўринбосари С.Самадов томонидан Андижон вилоятида давлат дастурлари, сейсмик хавфсизликни таъминлаш ва бошқа долзарб топшириқлар ижроси ўрганилди.

Дастлаб, буюртмачи ташкилотлар ҳамда соҳага масъул корхона ҳамда ташкилот вакиллари иштирокида амалга оширилаётган қурилиш-таъмирлаш ишлари муҳокамасига бағишланган кенгайтирилган йиғилиш ўтказилди.

Кун тартибида, инвестиция, ташаббусли бюджет ва бошқа дастурлар доирасидаги объектларда бажарилаётган ишлар, хусусан ижтимоий соҳа объектлари қурилишини белгиланган муддатларда сифатли тарзда якунлаш, кўп қаватли турар жой бинолари қурилишига оид масалалар ҳам атрофлича танқидий муҳокама қилинди.

Шундан сўнг, қурилиш ишлари олиб борилётган объектларнинг бугунги кун ҳолати жойига чиқиб ўрганилди.

Хусусан, Андижон шаҳридаги 23, 24-сонли умумтаълим мактаблари ва 20-сонли мактабгача таълим ташкилоти, Асака туманидаги 55-сонли умумтаълим мактаби ва “Асака сити” массивида қурилаётган кўп қаватли уйларнинг аҳволи ўрганилиб, қурилаётган ижтимоий соҳа ва турар жой мажмуаларини амалдаги шаҳарсозлик норма ва қоидаларига мувофиқ амалга оширилишини таъминлаш, фуқароларга ҳар томонлама қулайликлар яратиш, турар жой биноларини зилзилабардошлиги, сейсмик хавфсизлик талабларига риоя этилиши лозимлиги тўғрисида мутасадди ташкилот раҳбарларига кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Бош прокуратура томонидан энергия ресурсларидан оқилона ва самарали фойдаланиш юзасидан ўрганишлар

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Прокурорнинг бир куни | Учқун Бутунов - Иштихон тумани прокурори

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

"Беш ташаббус олимпиядаси" доирасида Жиззах шаҳрида спортнинг кураш тури бўйича "Бош прокурор кубоги"нинг Жиззах вилоят босқичи ўтказилди.

Мусобоқада 66, 73, 81, 90 ва ундан юқори вазн тоифасидаги эркаклар, 52, 57, 63, 78 вазн тоифасида қизлардан иборат жами 89 нафар спортчилар ғолиблик учун гиламда беллашиб, ғолиблар Республика босқичига йўлланмани қўлга киритишди.

Тадбир сўнггида мусобақа иштирокчилари медал, диплом ва қимматбаҳо совғалар билан тақдирланишди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Президентимиз ислоҳотлар бошланган илк кунларданоқ “илм – тарбия – инновация” занжирини яратишга киришилганини, бу ҳаракатлар бугун аниқ натижалар бераётганини қайд этди.

Масалан, ўтган йили юртимиз ёшлари топ-500 талик олийгоҳларга кириш бўйича Марказий Осиёда 1-ўринни эгаллади.

Билимли ёшларимиз илк бор топ-5 таликдаги олийгоҳларга кириб, тарихий натижа қайд этди.

Бугунги кунда 30 нафар ёшларимиз дунёнинг топ-10 талик олийгоҳида, 500 нафари топ-100 ва 1 минг 500 нафари топ-300 дан жой олган нуфузли университетларда таҳсил олмоқда.

Facebook|Instagram|X

Мавжуд имкониятлардан самарали фойдаланиб, ҳудудини намунали қилган вилоят ва туманлар кўплиги таъкидланди.

Масалан, ёш тадбиркорларимиз ташкил қилган 261 та корхонанинг йиллик айланмаси 100 миллиард сўмдан ошди.

Илгари бу борада Тошкент шаҳри якка пешқадамлик қилган бўлса, бугунга келиб Тошкент вилояти, Самарқанд, Андижон, Наманган, Фарғона ёшларининг бизнесдаги натижалари пойтахтдан қолишмаяпти.

Қорақалпоғистон, Қашқадарё, Навоий, Сирдарё ва Хоразм ёшлар бандлигини таъминлаш бўйича илғор ҳудудларга айланди.

Facebook|Instagram|X

Ёшларнинг олийгоҳга кириш кўрсаткичи бўйича Сурхондарё бир йил ичида 11-ўриндан 4-ўринга кўтарилиб, катта сакраш қилди. Жиззах ва Сирдарё ҳам яхши натижа кўрсатмоқда.

Икки йил олдин халқаро фан олимпиадаларида 7 та ҳудуддан 45 нафар ўқувчи соврин олган бўлса, ўтган 6 ойда уларнинг сафига Жиззах, Андижон, Наманган, Самарқанд, Сурхондарё, Хоразм, Тошкент вилоятлари ўқувчилари ҳам қўшилиб, жами 166 та медаль қўлга киритилди.

“Бир миллион дастурчи” лойиҳаси доирасида 325 минг ёшлар ўқитилди. Айниқса, Хоразм, Қашқадарё ва Самарқанд ёшлари ITдан катта даромад топишни ўрганиб олди.

Бошқа бир мисол: ўтган йили 150 мингдан зиёд ёшларимиз халқаро тил сертификатлари олди, бу 2023 йилга нисбатан 2 баравар кўп.

Хорижий тилларни мукаммал билиш бўйича Тошкент шаҳри, Фарғона, Наманган, Бухоро ва Самарқанд ёшлари анча илгарилаб кетди.

Facebook|Instagram|X