Ўмон ва Ўзбекистон ўртасида янги ҳамкорлик йўналишлари муҳокама қилинди

🇺🇿🇴🇲 Айни кунларда Funun Hospitality and Project Management LLC компанияси бошқарув кенгаши раиси Сиҳам бинт Аҳмад ал-Ҳарсия раҳбарлигидаги Ўмон Султонлиги ишбилармон аёллар делегациясининг Ўзбекистонга ташрифи амалга оширилмоқда.

Ташриф доирасида делегация аъзолари Ўзбекистон Савдо-саноат палатаси раиси ўринбосари Шахло Ибрагимова ва раис маслаҳатчиси Алишер Шайхов билан учрашдилар.

Учрашувда икки давлат ўртасидаги иқтисодий ва савдо ҳамкорлигини янада кенгайтириш, янги қўшма лойиҳаларни амалга ошириш ҳамда аёллар тадбиркорлигини ривожлантириш масалалари муҳокама этилди.

Хусусан, мамлакатимизда Ислом молияси тизимини ривожлантириш, шу жумладан краудфандинг (crowdfunding) механизмларини жорий этиш бўйича ҳамкорлик имкониятларига алоҳида эътибор қаратилди.

ℹ️ Краудфандинг — бу оммавий инвестиция тизими бўлиб, унда кўплаб иштирокчилар (асосан интернет орқали) кичик маблағлар тўплаб, муайян бизнес ёки ижтимоий лойиҳани молиялаштиришда иштирок этадилар.

Ўмон томони мазкур йўналишдаги ўз тажрибаси билан ўртоқлашиш, шунингдек, Ўзбекистонда краудфандинг маданиятини шакллантириш ва амалиётга жорий этиш бўйича ташаббусни илгари сурди.

Шунингдек, учрашувда қурилиш, тиббиёт ва туризм соҳаларида тажриба алмашиш, қўшма ташаббусларни ривожлантириш ва икки мамлакат аёл тадбиркорлари ўртасидаги ҳамкорликни кенгайтириш бўйича келишувларга эришилди.

🕊Telegram 📱Instagram 📱Facebook 📺Youtube

Фармацевтика соҳасида олимлар ва тадбиркорлар ўртасида учрашув ўтказилди

Аввал хабар берганимиздек, 18 октябрь куни Тошкент шаҳрида Ўзбекистон Савдо-саноат палатаси ташаббуси билан электротехника, қурилиш, фармацевтика, автомобилсозлик ҳамда транспорт ва логистика соҳаларида фаолият юритаётган олимлар ва тадбиркорлар ўртасида мулоқот ташкил этилган эди.

👍 Ушбу учрашувда фармацевтика йўналишига бўлган қизиқиш юқори бўлгани сабабли, талаб ва таклифларни инобатга олган ҳолда, 22 октябрь куни Савдо-саноат палатаси раиси ўринбосари Ш.Ибрагимова бошчилигида мазкур соҳада алоҳида учрашув ўтказилди.

Тадбир доирасида фармацевтика йўналишидаги 10 та етакчи компания вакиллари ҳамда 23 нафар олим иштирок этди. Учрашувнинг асосий мақсади — олимлар яратган илмий ва инновацион ишланмаларни тижорийлаштириш, соҳага инвестиция жалб этиш, шунингдек, тадбиркорлар билан узвий ва тизимли ҳамкорликни йўлга қўйишдан иборат.

Бундай мулоқотлар олимлар ва бизнес вакиллари ўртасидаги ҳамкорликни мустаҳкамлаб, янги илмий ғояларни ишлаб чиқариш ва жорий этиш учун замин яратади.

Telegram 📱Instagram 📱Facebook 📺Youtube

Москва вилоятида Ўзбекистон ва Россия ҳудудлараро кенгашининг иккинчи йиғилиши бўлиб ўтди

🇺🇿🇷🇺 Кенгаш доирасида “Россия – Ўзбекистон: бизнес ҳамкорлигини кенгайтириш ва ривожлантириш йўллари” шиори остида Россия-Ўзбекистон ва Ўзбекистон-Россия ишбилармонлар кенгашларининг 11-қўшма йиғилиши ўтказилди.

Йиғилишни Ўзбекистон–Россия ишбилармонлар кенгаши ҳамраиси Дилшод Расулов ҳамда Россия–Ўзбекистон ишбилармонлар кенгаши ҳамраиси Андрей Кузяев очиб бердилар.

➡️Мамлакатимизда рус капитали иштирокида 3 мингдан ортиқ корхона фаолият юритмоқда, шулардан 900 дан зиёди — қўшма, 2,2 мингтаси — тўлиқ рус капиталига эга. Шунингдек, 4 мингдан зиёд маҳаллий бизнес Россия шериклари билан ҳамкорлик қилмоқда — бу ўтган йилга нисбатан 12% кўп.

Йиғилишда саноат кооперациясини чуқурлаштириш ва қўшма лойиҳаларни кенгайтириш масалалари муҳокама қилинди. Хусусан, Самарқанд вилоятида йилига 200 минг тонна қувватга эга агрологистика маркази, Навоий эркин иқтисодий зонасида 500 та иш ўрни яратиладиган Россия–Ўзбекистон технопарки, шунингдек, Чирчиқ ва Жиззахдаги амалга оширилаётган технопарклар лойиҳалари алоҳида қайд этилди.

🎤 Муҳокамаларда икки мамлакат ўртасидаги товар айланмасини ошириш, қўшма ишлаб чиқариш корхоналарини ташкил этиш, соғлиқни сақлаш, банк хизмати, сертификатлаш ва стандартлаш соҳаларидаги ҳамкорликни ривожлантириш масалалари кўриб чиқилди.

Алоҳида эътибор минтақалар ўртасидаги тўғридан-тўғри ишбилармонлик алоқаларини мустаҳкамлаш, инновациялар жорий этиш ва саноат ҳамда аграр соҳада тажриба алмашиш масалаларига қаратилди.

🕊Telegram 📱Instagram 📱Facebook 📺Youtube