Тадбиркор аёллар билан навбатдаги сайёр қабул Ўртачирчиқ туманида ўтказилди

👍 Жорий йилнинг 23 сентябрь куни Тошкент вилоятидаги “Мармарис” савдо уйида Тадбиркор аёллар кенгашининг навбатдаги сайёр қабули бўлиб ўтди.

Учрашувда 60 га яқин тадбиркор аёллар, шунингдек, вилоятдаги мутасадди идора ва ташкилотлар вакиллари иштирок этди.

👍 Сайёр қабул давомида банк ва кредит сиёсати, солиқ тизими, ер ва жой масалалари, ҳунармандчилик соҳасидаги қатор муаммоларга оид 28 та мурожаат кўриб чиқилди. Улардан 20 тасига жойида ечим топилди.

Шунингдек, ҳунарманд аёлларни қўллаб-қувватлаш ҳамда даромад топиш истагидаги хотин-қизларни ҳунарга ўргатиш мақсадида Қибрай туманида касб-ҳунар маркази ташкил этилиши режалаштирилди.

🏠 Тадбир доирасида, тадбиркорлик фаолиятини бошлаш истагидаги аёлларнинг банк кредитлари олишдаги муаммоларини ўрганиш мақсадида Тинчлик маҳалласи хотин-қизлари билан ҳам суҳбат ўтказилди.

🕊Telegram 📱Instagram 📱Facebook 📺Youtube

Тадбиркор аёлларнинг бизнес учрашуви

👍 Бугун, 24 сентябрь куни Савдо-саноат палатаси ташаббуси билан Тошкент шаҳрида тадбиркор аёллар иштирокида бизнес-нонушта бўлиб ўтди. Эркин ва интерактив тарзда ташкил этилган учрашувда 60 нафардан зиёд турли йўналишларда фаолият юритаётган илғор тадбиркор аёллар ҳамда янги бизнес бошлаган тадбиркорлар қатнашди.

Тадбирда Савдо-саноат палатаси раиси ўринбосари Н.Шотурсунова, Марказий банкнинг молиявий оммабоплик бўйича бош директори Д.Абдуганиева, Божхона қўмитаси раиси маслаҳатчиси ва Хотин-қизлар маслаҳат кенгаши раиси У.Пирмухамедова, АТ "Халқ банки" бошқарув раиси ўринбосари Г.Рашидова иштирок этди.

👍 Учрашув давомида тадбиркор аёллар ўз тажрибалари билан ўртоқлашиб, давлат раҳбари томонидан аёллар тадбиркорлигини қўллаб-қувватлаш йўлида яратилаётган кенг имконият ва шарт-шароитларни эътироф этдилар. Шу билан бирга, бизнес майдонида аёллар сонини ошириш ва давлат билан ҳамкорликни мустаҳкамлаш бўйича таклифлар билдирилди.

Бундай форматдаги мулоқотлар тадбиркорлар ўртасида тажриба алмашиш ва янги ҳамкорликлар йўлга қўйилишига хизмат қилади.

👍 Хусусан, бизнес-нунушта доирасида "Novias Motors" МЧЖ ва "Teodora-goods" МЧЖ ўртасида қишлоқ хўжалиги маҳсулотларини экспорт қилиш бўйича ҳамкорлик келишувига эришилди.

Шунингдек, тадбиркор аёлларнинг халқаро майдонда фаолият юритиши учун билим ва кўникмаларини ошириш, экспорт-импорт жараёнларига йўналтириш ҳамда музокаралар ўтказиш маданиятини ривожлантириш мақсадида Савдо-саноат палатаси ҳузурида "Тадбиркор аёллар дипломатияси мактаби"ни ташкил этиш ташаббуси илгари сурилди ва тадбиркорлар томонидан қўллаб-қувватланди.

🕊Telegram 📱Instagram 📱Facebook 📺Youtube