Тадбиркорлик субъектларининг барқарорлик рейтингига киритилган янги 3 та қўшимча балл берувчи кўрсаткичлар

👍 Ўзбекистонда тадбиркорлик субъектларининг фаолиятини баҳолаш тизими янада такомиллаштирилди. Эндиликда барқарорлик рейтингига 3 та янги қўшимча балл берувчи кўрсаткичлар киритилди.

➡️22-мезон. Фойда солиғи бўйича фаолият самарадорлиги

Тадбиркорлик субъекти томонидан чорак давомида ҳисобланган ва тўланган фойда солиғи суммаси ўша туман (шаҳар)даги тегишли соҳа ва тоифадаги ўртача кўрсаткичдан 1,1 баробар юқори бўлса ёки экспортдан олинган даромад умумий даромаднинг камида 50 фоизини ташкил этса, субъектга 10 балл берилади.

Шу билан бирга, чораклик тўлов суммаси базавий ҳисоблаш миқдорининг 10 баробаридан кам бўлмаслиги лозим.

➡️23-мезон. Рақамли маркировкалаш қоидаларига риоя этилиши

Агар тадбиркорлик субъектининг барча савдо шохобчалари онлайн назорат-касса техникасига уланган бўлиб, штрих-кодлар ва рақамли маркировка кодларини тўғри ўқишни таъминловчи қурилмалар (2D-сканерлар, маълумот йиғувчи терминаллар ва ҳ.к.) билан жиҳозланган бўлса — 5 балл берилади.

Бироқ, мажбурий рақамли маркировка талаб қилинган маҳсулотлар бўйича “ASL BELGISI” миллий ахборот тизимида рўйхатдан ўтмаган субъектларга балл берилмайди.

➡️26-мезон. Яшил энергиядан фойдаланиш самарадорлиги

Қайта тикланувчи энергия манбалари қурилмаларининг қуввати 0,1 МВт ва ундан ортиқ бўлса — 5 балл берилади.

Бундан ташқари, қайта тикланувчи энергия орқали ишлаб чиқарилган энергия ҳажми жами энергия сарфига нисбатан қуйидагича баҳоланади:
➡️50% ва ундан юқори — 5 балл;
➡️30–50% — 3 балл;
➡️10–30% — 1 балл.

🕊Telegram 📱Instagram 📱Facebook 📺Youtube

Castrol, Michelin, Shell — Тошкентдаги халқаро автомобиль кўргазмасида

22–24 октябрь кунлари замонавий CAEx кўргазма марказида Марказий Осиёдаги йирик автомобиль саноати тадбири — Automechanika Tashkent 2025 бўлиб ўтмоқда.

✔️ Кўргазманинг расмий очилиш маросимида Савдо-саноат палатаси раиси Даврон Вахабов ҳам иштирок этди.

Бу халқаро кўргазма автомобиль соҳасидаги янги технологиялар, инновациялар ва ҳамкорлик имкониятларини бирлаштиради.

10 минг кв. м майдонда Япония, Хитой, Германия, Испания, Туркия, Корея, Малайзия, Эрон ва бошқа давлатлардан 550 дан ортиқ компаниялар ўзининг илғор ишланмалари, эҳтиёт қисмлари ва хизматларини намойиш этилмоқда.

🕊Telegram 📱Instagram 📱Facebook 📺Youtube

Ижтимоий тармоқларда айрим турли фикр ва саволлар билдирилгани муносабати билан, Савдо-саноат палатаси тадбиркорлар билан олиб борилаётган очиқ мулоқот ва амалий ишларнинг ҳолатини маълум қилади.

Палатанинг асосий вазифаси — тадбиркорларнинг ҳуқуқ ва манфаатларини ҳимоя қилиш, бизнес муҳитини яхшилаш ва барча ишбилармонлар учун тенг имконият яратишдан иборат.

Жорий йилда Палата томонидан 100 дан ортиқ очиқ учрашувлар ўтказилиб, меҳмонхона, қишлоқ хўжалиги, тўқимачилик, фармацевтика, қурилиш, IT, транспорт-логистика, давлат харидлари ва бошқа соҳалар вакиллари иштирок этди. Барча учрашувлар очиқ форматда ўтказилиб, нафақат йирик, балки кичик ва ўрта бизнес вакиллари ҳам фаол қатнашди.

Тадбиркорлар таклифлари — амалий қарорларга айланмоқда.

Тадбиркорлар билдирган таклифлар асосида Президентнинг ПФ–138-сон фармони қабул қилиниб, бизнесни қўллаб-қувватлаш бўйича 100 дан ортиқ ташаббус (77 та норматив ҳужжат ва 24 та амалий чора-тадбир) белгиланди. Бу қарорлар тадбиркорлик муҳитини янада эркин, барқарор ва рақобатбардош этишга хизмат қилмоқда.

Бугунги кунда Палата ҳар бир тадбиркорнинг мурожаатини эшитиш, унинг муаммосини давлат идоралари олдида ҳимоя қилиш ва амалдаги тўсиқларни бартараф этиш учун тизимли иш олиб бормоқда.

🕊Telegram 📱Instagram 📱Facebook 📺Youtube