#qabul2025

✅Olis hududlardagi o‘quvchi-yoshlarni universitetga jalb qilish bo‘yicha navbatdagi targ‘ibot tadbiri tashkil etildi

📍Bugun, 25-iyun kuni O‘zbekiston davlat jismoniy tarbiya va sport universitetining Taekvondo, qilichbozlik nazariyasi va uslubiyati kafedrasi mas’ullari tomonidan Toshkent viloyatining Olmaliq shahrida olis hududlardagi bitiruvchi o‘quvchilarni universitetga jalb qilish bo‘yicha navbatdagi targ‘ibot tadbiri o‘tkazildi.

🗣Unda kafedra mas’ullari universitet faoliyati, talabalar uchun yaratilgan sharoit va qulayliklar, kadrlar tayyorlanadigan ta’lim yo‘nalishlari va shakllari, o‘zlashtirish ko‘rsatkichi yuqori bo‘lgan talabalarga taqdim etiladigan ta’lim grantlari, stipendiyalar, shuningdek, qabul jarayonlariga oid zaruriy ma’lumotlar berib, o‘quvchilarni qiziqtirgan savollariga ham atroflicha javob qaytardilar.

✈️ Telegram | 📱 Instagram | 📱 You Tube | 📱Facebook | 📱 X

Sport vaziri Adkham Ikramov Olimpiya va paralimpiya shon shuhrati muzeyida yoshlar bilan uchrashdi

💬Yoshlar oyligi doirasida tashkil etilgan ochiq muloqotda 120 dan ortiq yoshlar, sportchi va parasportchilar ishtirok etdi.

📑Uchrashuv davomida Sport vaziri yoshlarning bilim olishi, o‘z irodasi, kuchi va imkoniyatlariga bo‘lgan ishonchni mustahkamlash, mardlik va vatanparvarlik, ona Vatanga sadoqat tuyg‘ularini kamol toptirish borasida fikr-mulohazalarini bildirib, Davlatimiz Rahbari tashabbusi bilan yurtimizda sportni yanada rivojlantirish borasida amalga oshirilayotgan keng ko‘lamli ishlar haqida batafsil ma’lumot berdi.

💬Shu bilan birga mamlakatimiz sportchilarining Olimpiya va Paralimpiya o‘yinlari, Jahon chempionatlari, Osiyo o‘yinlari hamda xalqaro musobaqalarda yuksak natijalarga erishayotgani, dunyoda O‘zbekistonning obro‘-e’tibori va sport salohiyati yanada oshayotgani, respublikamiz hududlarida jahon andozalariga mos muhtasham sport inshootlari barpo etilayotgani, o‘quvchi va talaba yoshlar o‘rtasida “Besh tashabbus olimpiadasi”, "Yangi O‘zbekiston olimpiya cho‘qqilari", “Universiada”, kabi sport musobaqalarining muntazam o‘tkazilib kelinayotgani va buning natijasida sport bilan shug‘ullanayotgan yoshlar soni yildan-yilga ortib borayotgani alohida ta’kidlandi.

💬Xususan, "Besh tashabbus olimpiadasi" doirasida faol ishtirok etib, o‘z iqtidorini namoyon etgan, bugungi kunda yengil atletika sporti bo‘yicha yuqori natijalarga erishib kelayotgan Qashqadaryolik sportchi Jonbibi Hukmova ham vazir bilan o‘tkazilgan muloqotda yurtimiz yoshlariga yaratib berilayotgan sharoitlar uchun Davlatimiz rahbariga minnatdorchilik bildirdi.

💬Yoshlar bilan samimiy muloqot ruhida bo‘lib o‘tgan uchrashuv davomida vazir yoshlar tomonidan berilgan savollarga javob berib, ilgari surilgan takliflarni tingladi. Ularning sport musobaqalarida yanada faol ishtirok etishlari uchun qo‘shimcha shart-sharoitlar yaratish yuzasidan mutasaddilarga tegishli topshiriqlar berildi.

💬Tadbir yakunida o‘z faoligi va shijoati bilan sport sohasida namuna bo‘lib kelayotgan bir qator yoshlar tashakkurnoma va esdalik sovg‘alari bilan taqdirlandi.

Web-Sayt | Telegram | Facebook | Instagram | Youtube

#Dolzarb_90_kun
#Kibersport
#talaba_yutuqlari

🏆“Talabalar Kibersport o‘yinlari – 2025”: O‘zDJTSU jamoasi g‘oliblar safida!

💻📱2025-yil 23-25 iyun kunlari Farg‘ona viloyatidagi “Eko city” amfiteatrida “Talabalar Kibersport o‘yinlari – 2025” Respublika chempionatining final bosqichi bo‘lib o‘tdi.

➡️Unda “Dota2”, “CS2”, “FC25” o‘yinlari hamda “Just Dance” fidjital raqs turlari bo‘yicha so‘nggi bosqichga qadar yetib kelgan jamoalar o‘rtasida qizg‘in va murosasiz bahslar kechib, iqtidorli sportchilar saralab olindi.

☄️E’tiborlisi, mazkur musobaqa davomida O‘zbekiston davlat jismoniy tarbiya va sport universiteti nomini munosib himoya qilgan talabalarimiz "Just Dance” fidjital raqs bahslarida raqib jamoalariga hech qanday imkon qoldirmay chempionlikni tantana qildi va 💵20 million so‘m miqdorida pul yutug‘i bilan taqdirlandi.

👏💐Talabalarimizni g‘alaba bilan muborakbod etamiz!

✈️ Telegram | 📱 Instagram | 📱 You Tube | 📱Facebook | 📱 X