#Kelajak_soati

➡️Xabaringiz bor, joriy o‘quv yilidan boshlab haftaning har dushanba kuni  bog‘cha, maktab, oliygohlarda “Kelajak soati” darslari o‘tilmoqda.

⬇️Mavzular doirasida dars ssenariylari asosida kontentlar yaratilib, “milliytarbiya.uz” elektron platformasiga joylashtirib borilmoqda. Shu bilan birga, ijtimoiy tarmoqlarda “Kelajak soati” darslari uchun alohida kanallar faoliyati yo‘lga qo‘yilgan.

◀️Quyidagi havolalar orqali, “Kelajak soati” darslaridagi materiallar bilan tanishishingiz mumkin.

✉️Instagram: https://www.instagram.com/kelajaksoati 

✉️Telegram: https://www.tg-me.com/kelajaksoati_rasmiy 

✉️Youtube: http://www.youtube.com/@najot2025

◀️Fotolavhalarda Toshkent shahri va hududlaridagi “Kelajak soati” darslari jarayonlari aks etgan.

🌍🌍🌍🌍🌍🌍

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#bolalar_uchun
#ijodiy_tanlovlar

DIQQAT, YANGI TANLOVLAR!

✅ Maktabgacha va maktab ta’limi vazirligi, Bolalar kontentini rivojlantirish markazi va Ichki ishlar vazirligi Jamoat xavfsizligi departamentining Yo‘l harakati xavfsizligi xizmati “Yo‘l-Bars berar dars” nomli, bolalarga yo‘l harakat qoidalarini o‘rgatuvchi ko‘p qismli multserial loyihasiga ijodiy tanlov e’lon qiladi.

🔰 Talabgorlar tanlovda maktabgacha taʻlim muassasalari va boshlangʻich sinflar uchun kontentlar loyihasi bilan qatnashishlari mumkin.

➖ Tanlov shartlari:

Taqdim etiladigan materiallar quyida ko‘rsatilgan talablarga muvofiq bo‘lishi lozim:

1) loyihaning asosiy qahramonlari, syujet liniyasi, g‘oya va mazmuni aks etgan, davlat tilida, adabiy til va imlo qoidalariga rioya qilingan holda A4 format, 14 keglda, “Times New Roman” shriftida, 1,0 intervalda yozilgan 2-3 betdan iborat sinopsisning qog‘oz va elektron shakli;

2) loyiha suratga olinadigan lokatsiya, obyektlar, ijodiy guruh tarkibi va filmografiyasi, taxminiy aktyorlar jamoasi va loyihani amalga oshirish bilan bog‘liq boshqa jarayonlarni qamrab oluvchi taqdimot albomi (qog‘oz va elektron shaklda);

3) loyihaning taxminiy xarajatlar smetasi.

Takliflar berish muddati tugagan paytda kamida ikkita loyiha qabul qilingan bo‘lsa, tanlov sharti bajarilgan, deb topiladi.

Bolalar kontentini rivojlantirish markazi Ekspertlar kengashi bir oy davomida loyihalarni ko‘rib chiqadi, baholaydi, g‘olib loyihani belgilaydi hamda yig‘ilish bayoni bilan rasmiylashtiradi.

G‘olib aniqlanmagan holda, qayta tanlov e’lon qilinadi.

Tanlov ishtirokchilari e’londa ko‘rsatilgan manzil va tartib asosida o‘z loyihalariga ariza hamda studiya haqida qisqacha ma’lumotni biriktirgan holda, Bolalar kontentini rivojlantirish markaziga taqdim qilishlari lozim.

Tanlov shartlariga qat’iy amal qilinmagan, imloviy xatolari bor, mavzuga aloqasi bo‘lmagan, faqat internet ma’lumotlari va sun’iy intellekt tayyorlagan matndan iborat loyihalar tanlovga qo‘yilmaydi.

Taqdim etilayotgan loyihalarda bolalarning ma’naviy hamda ruhiy dunyosiga salbiy ta’sir ko‘rsatuvchi, insoniy qadriyatlarga zid, milliy mentalitetimiz va an’analarimizga, yosh toifasiga mos bo‘lmagan munosabatlar aks ettirilmasligi lozim.

Tanlovga hujjatlar 2025-yil 13-oktabrdan 2025-yil 13-noyabrga qadar qabul qilinadi.

Izoh: taqdim etilgan loyihalarga taqriz berilmaydi va mualliflarga qaytarilmaydi.

Telefon: +998555111505 (ichki 1005).

Manzil: Toshkent shahri, Olmazor tumani, Ziyo ko‘chasi, 2-“A” uy.

Bizni kuzating:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Tegishli sertifikatlarga ega boʻlmagan xorijiy til fan oʻqituvchilari maxsus oʻquv tadbirlariga jalb qilinmoqda

✅ Xabaringiz bor, Vazirlar Mahkamasining 2021-yil 19-maydagi tegishli qaroriga binoan, 2025-2026-oʻquv yiliga qadar umumtaʼlim muassasalarida faoliyat yuritayotgan barcha xorijiy til oʻqituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega boʻlishi lozimligi belgilangan.

➖ Maktabgacha va maktab taʼlimi vazirining 2025-yil 15-sentabrdagi tegishli buyrugʻi bilan, ushbu muddat joriy yil yakuniga qadar uzaytirilgan boʻlib, bunda oʻqituvchilarga yanada qulaylik hamda sertifikatga ega boʻlish uchun qoʻshimcha vaqtga ega boʻlishlari koʻzda tutilgan.

⚡️ Shu maqsadda ayni kunlarda Maktabgacha va maktab taʼlimi vazirligi tomonidan ushbu pedagoglarning tegishli sertifikat imtihonlariga tayyorgarlik koʻrishlarida koʻmaklashish uchun joylarda malakali mutaxassislar ishtirokida bepul oʻquv mashgʻulotlari tashkil etilmoqda.

Xususan:

➖Qoraqalpogʻiston Respublikasi, Nukus tumanidagi “Stanford” oʻquv markazi bilan hamkorlikda oʻquvlar hamda Stars International xususiy universitetining “Yagona” imtihon markazi tomonidan sinov testlari;

➖Andijon davlat chet tillari instituti bilan hamkorlikda xorijiy til oʻqituvchilari uchun haftada 3 kun Multilevel imtihoniga tayyorlov kurslari;

➖Buxoro shahri, Buxoro, Romitan va Gʻijduvon tumanlarida faoliyat olib borayotgan xorijlik mutaxassislar tomonidan trening mashgʻulotlari, “Millenium”, “Bakayev Education” oʻquv markazlari tomonidan oʻquv tadbirlari;

➖Qashqadaryo viloyatidagi “International Bridge” oʻquv markazi tomonidan sinov (Mock) testlari, The New Education test markazi, Global Education oʻquv markazi bilan hamkorlikda seminar treninglar, xorijlik mutaxassislar bilan hamkorlikda oʻquv kurslar;

➖Navoiy viloyatida faoliyat yuritayotgan xorijiy mutaxassislar bilan hamkorlikda vebinar, oʻquv-seminar hamda ijtimoiy tarmoqlar orqali video darslar, “TOPSCORE TEST CENTRE” imtihon markazi bilan hamkorlikda oʻquv seminarlar;

➖Namangan shahar, Yangi Namangan, Chust va Kosonsoy tumanlarida xorijlik mutaxassislar tomonidan haftaning juma kunlari trening mashgʻulotlari, “Multilevel” oʻquv markazi tomonidan oʻquv kurslar;

➖Samarqand chet tillar instituti bilan hamkorlikda sentabr oyidan boshlab xorijiy til oʻqituvchilari uchun oʻquv-seminarlar;

➖Sirdaryo viloyatida xorijiy til oʻqituvchilari uchun IELTS imtihoniga tayyorlov kurslari va sinov (Mock) testlari;

➖Surxondaryo viloyatida Termiz davlat universiteti bilan hamkorlikda hamda xorijiy til mutaxassislari tomonidan oflayn va onlayn oʻquv kurslari, onlayn vebinarlar;

➖Toshkent viloyatida Chirchiq davlat pedagogika universiteti bilan hamkorlikda xorijiy til oʻqituvchilari uchun sinov (Mock) testlari;

➖Fargʻona shahridagi “London English Academy” oʻquv markazi bilan hamkorlikda onlayn tayyorlov kurslari, xorijiy mutaxassislar va mahalliy mentor oʻqituvchilar tomonidan onlayn va oflayn mahorat darslari;

➖Xorazm viloyatida Gyote instituti bilan hamkorlikda 5 kunlik oʻquv kurslari, xorijiy mutaxassislar tomonidan oʻquvlar seminarlar hamda kasbiy rivojlanish kuni va kasbiy rivojlanish soatlarida sertifikat imtihonlarini topshirish texnologiyalari va koʻnikmalar boʻyicha kurslar;

➖Toshkent shahrida Oʻzbekiston davlat jahon tillari universiteti va Nizomiy nomidagi davlat pedagogika universitetlari bilan hamkorlikda oʻquv kurslari tashkil etib kelinmoqda.

❗️Eng muhimi, mazkur oʻquv soatlari va seminar tadbirlari oʻqituvchilar uchun bepul oʻtkazilmoqda.

👉 Bugunga qadar ushbu oʻquv tadbirlariga 5000 nafardan ortiq pedagoglar jalb qilingan boʻlib, yil oxiriga qadar tegishli sertifikatlarga ega boʻlmagan barcha xorijiy til oʻqituvchilari mazkur tayyorlov oʻquv jarayonlariga toʻliq qamrab olinishi rejalashtirilgan.

🌍🌍🌍🌍🌍🌍

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin