#Maktabgacha_taʼlim
📖Surxondaryoning chekka hududidagi bog‘cha tarbiyalanuvchilari uchun avtobus ajratildi

✅Maktabgacha va maktab ta’limi vazirligi tomonidan Surxondaryo viloyati Boysun tumanining chekka hududlaridagi bolalar uchun maxsus avtobus ajratilgan. Maktabgacha ta’lim tizimini yanada qulay va teng imkoniyatga ega qilish maqsadida ushbu avtobus Boysun tumanidagi 15-sonli davlat maktabgacha ta’lim tashkiloti tarbiyalanuvchilariga xizmat qilmoqda.

🫥To‘da mahallasidagi bolalar ilgari bog‘chagacha 8-10 kilometrdan ortiq masofani bosib o‘tishar, qishda loy yo‘llarda qiynalishar edi. Uzoqlik sabab ayrim ota-onalar farzandlarini bog‘chaga yubora olmasdi.

⏺Endilikda esa bolalar har kuni ertalab tarbiyachilar hamrohligida xavfsiz avtobusda bog‘chaga borishadi va mashg‘ulotlar yakunida bexavotir uylariga qaytishadi.

➡️Bu tashabbus nafaqat bolalar xavfsizligini, balki ota-onalar uchun qulaylikni ham ta’minlamoqda. Eng muhimi — maktabgacha ta’limga qamrov darajasi oshmoqda.

🌍🌍🌍🌍🌍🌍

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Maktabgacha_taʼlim
Menejerlik kurslari tinglovchilari uchun “Rahbardek fikrla” nomli seminar-trening tashkil etildi

✅Joriy yilning 14-oktabr kuni Maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish institutida “Rahbardek fikrla” nomli seminar-trening bo’lib o’tdi.

🗣Seminar davomida tinglovchilarga zamonaviy rahbarlik ko‘nikmalari, strategik fikrlash, jamoani boshqarish hamda qaror qabul qilish jarayonlarida psixologik yondashuvlarning ahamiyati haqida batafsil ma’lumotlar berildi.

🤥Ushbu seminarda institut rektori N.Abdullayeva va tajribali psixolog, Boshqaruv akademiyasida “Rahbar ayollar uchun nutq va notiqlik san’ati” bo‘yicha seminar-trening muallifi Sayfutdinova Gulxan Ziyadovna ishtirok etdilar.

💠Rahbar shaxsida bo‘lishi zarur bo‘lgan asosiy kompetensiyalar:
🔹 emotsional intellekt;
🔹 stressga chidamlilik;
🔹 samarali muloqot olib borish;
🔹 ijtimoiy mas’uliyat.

Bu jihatlar real hayotiy misollar asosida tahlil qilindi.

➡️Trening jarayonida interaktiv mashg‘ulotlar o‘tkazilib, ishtirokchilarning liderlik salohiyati va nutq so‘zlash mahoratini rivojlantirishga qaratilgan topshiriqlar bajarildi. Tinglovchilar o‘zlarini qiziqtirgan savollar bilan mutaxassisga murojaat qilib, foydali maslahatlar oldilar.

🌍🌍🌍🌍🌍🌍

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

🌍🌍🌍🌍🌍

➖ Maktabgacha ta’lim tizimini yanada rivojlantirish, boshlang‘ich ta’lim o‘qituvchilari uchun 15 foizlik ustama, attestatsiyada qatnashayotgan 180 ming pedagog — “Vazir soati”

✅ Maktabgacha va maktab ta’limi vaziri E’zoza Karimova boshchiligida sohada olib borilayotgan qator islohotlar natijalari hamda kelgusida amalga oshirilishi lozim bo‘lgan ishlar tahliliga bag‘ishlangan “Vazir soati” bo‘lib o‘tdi.

🔰 Yig‘ilish avvalida maktabgacha ta’lim tizimiga doir joylarda olib borilayotgan jarayonlar mas’ullar ishtirokida ko‘rib chiqildi. Xususan, bolalarni maktabgacha ta’lim bilan qamrab olish ko‘rsatkichlari, sohani raqamlashtirish hamda bog‘chalarga yo‘llanma berish jarayonlari tilga olindi.

🚌 Olis va chekka hududlardagi bolalarni maktabgacha ta’lim bilan qamrab olishda “Aqlvoy” mobil guruhlari va Ilk rivojlanish markazlari faoliyatini yanada jadallashtirish muhimligi qayd etildi.

Yig‘ilishda Ixtisoslashtirilgan ta’lim muassasalari agentligi tizimida faoliyati yo‘lga qo‘yilayotgan Muhandislik maktablarini tashkil etish jarayonlari haqida ham so‘z yuritildi.

✈️ 2026-yil 1-yanvardan boshlab har yili umumta’lim maktablari o‘rtasida Prezident sovrini uchun «Ilg‘or muhandislik maktabi» milliy tanlovi o‘tkaziladi hamda Respublika bosqichi g‘oliblari uchun xorijiy davlatlarga ta’lim sayohati taqdim etiladi.

Vazir soatida sohaga doir yana bir yangilik sifatida endilikda milliy sertifikatga ega bo‘lgan boshlang‘ich ta’lim o‘qituvchilari uchun har oyda 15 foizlik ustama to‘lab borilishi aytib o‘tildi.

⏰ Shuningdek, oktabr-noyabr oylarida o‘tkazilishi rejalashtirilgan pedagog kadrlarning malaka toifa (test) sinovlariga tayyorgarlik jarayonlari tahlil qilindi.

📊 Ma'lumot o‘rnida: malaka sinovlarida qatnashish uchun 240 mingdan ortiq pedagoglardan arizalar kelib tushgan bo‘lib, ularning 180 mingga yaqini jarayonlarda qatnashishi kutilmoqda.

🌐 BATAFSIL

🌍🌍🌍🌍🌍🌍

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin