📢 Nurotada “Raqamli mahalla” platformasi taqdimoti bo‘lib o‘tdi

O‘zbekiston Respublikasi Prezidentining 2023-yil 21-dekabrdagi PF-209-son Farmoni va PQ-402-son Qarori ijrosini ta’minlash maqsadida ishlab chiqilgan “Raqamli mahalla” platformasi imkoniyatlari yuzasidan taqdimot tashkil etildi.

🔹 Tadbirda Nurota tuman hokimi A.Fayziyev hamda tumandagi yettilik rahbarlari ishtirok etdilar.
🔹 Platforma orqali aholi muammolarini tezkor va samarali hal qilish, joylarda mavjud masalalarni elektron tarzda yuritish hamda ularning yechimini ta’minlash imkoniyatlari batafsil yoritib berildi.

✅ Taqdimot yakunida tuman hokimi tomonidan yettilik rahbarlariga platformaning amaliy imkoniyatlaridan kelib chiqib aniq topshiriq va ko‘rsatmalar berildi.

📲 “Raqamli mahalla” — bu mahallalarda boshqaruv tizimini takomillashtirish, aholi muammolarini birinchi bo‘g‘inda hal qilish va joylarda samaradorlikni ta’minlashga xizmat qiladigan yangi qadamdir.

Bizning sahifalarimiz:
🕊Telegram 📱Instagram 📺YouTube 📱Facebook

#Tashabbus

Mahalla ko‘magida bir oila boshpanali bo‘ldi

Dilbarxon aya Turg‘unova Davlatobod tumanining "O‘rta Rovuston" mahallasida umr guzaronlik qiladi. Ayni rohat ko‘raman, farog‘atda yashayman, deganida nogahon turmushning mushti uning boshiga tushdi: tog‘dek suyanchi, dilbandi, o‘g‘li xastalik sabab bu olamni tark etdi. 3  nevarasi va keliniga uy solish masalasi onaxonni o‘ylantirar edi. Hovlisidan joy ajratdi.

Shu o‘rinda mahalla raisi boshchiligida "yettilik", qolaversa, homiylar, saxovatpesha insonlar, tanish-bilish bir yoqadan bosh chiqarib, oilaga uy tiklash kengashini tuzdi. Qurilish jarayonini eshitgan borki, hasharga oshiqdi. Qo‘ldan kelgancha qarashishdi. Muhimi, uy tiklandi.  Onaxon kelini bilan yon devor qo‘shni. Kelini Muyassarxon ishda bo‘lganda, nabiralaridan boxabar bo‘lib o‘tiradi. "O‘g‘limdan yodgorlarim"-deydi u.

"O‘rta Rovuston" mahallasi mas’ullari tashabbusi bilan bir ko‘ngil obod bo‘ldi, uning fayzi xonadonlarni  ham obod etmoqda.

Mahallalar uyushmasi viloyat boshqarmasi.

Bizning sahifalarimiz:
🕊Telegram 📱Instagram 📺YouTube 📱Facebook

🇱🇻O‘zbekiston mahallalari uyushmasi delegatsiyasi Latviyada bo’lib turibdi.

✈️ Bugun O‘zbekiston mahallalari uyushmasi raisining birinchi o’rinbosari Javdadxon Inog’omov boshchiligidagi delegatsiya Latviyaning Yelgava shahri va uning Dumasi faoliyati bilan yaqindan tanishdi. Yelgava shahar meri Martinsh Dagis, uning o‘rinbosari Martinsh Shtals hamda xalqaro aloqalar bo‘limi rahbari Karina Lukasheyvicha bilan uchrashuv bo‘lib o‘tdi.

✈️Uchrashuv avvalida Prezident Shavkat Mirziyoyev boshchiligida
O’zbekistonda mahalla tizimida amalga oshirilayotgan islohotlar haqida batafsil ma’lumot berildi.

✈️ Ma’lumot o’rnida, Yelgava shahrida 59 ming aholi istiqomat qiladi. Ishsizlik darajasi 3,3 foiz. Shahar hokimiyatida 3 ming nafar xodim faoliyat yuritadi.

🔍Shuningdek, so‘nggi bir oy ichida shahar dumasi tomonidan boshqaruvni nomarkazlashtirish borasida va xizmatlarni aholiga yaqinlashtirish maqsadida yangi tizim joriy etilgani ma’lum qilindi. Unga ko‘ra, shahar 19 ta hududiy birlashmaga bo‘lingan bo‘lib, har bir hududda bir nafar xalq vakili ko'ngilli asosida saylanadi. Ular aholining muammolarini aniqlab, to‘g‘ridan-to‘g‘ri hokimiyatga yetkazuvchi aloqa bo‘g‘ini sifatida faoliyat yuritadi.

🔍Uchrashuv yakunida mutaxassislar tomonidan hamkorlikning yangi yo’nalishlari bo’yicha takliflar ishlab chiqishga kelishib olindi.

Bizning sahifalarimiz:
🕊Telegram 📱Instagram 📺YouTube 📱Facebook