Ushbu tarixiy sana — insoniyat sivilizatsiyasi taraqqiyotida muhim bosqich bo‘lib, xalqaro tinchlik va xavfsizlikni ta’minlash, millatlar o‘rtasida o‘zaro hurmat, hamkorlik va taraqqiyot g‘oyalarini mustahkamlash yo‘lida BMTning ulkan xizmatlarini eslash imkonini beradi.

Bugungi kunda geosiyosiy vaziyat tobora murakkablashib borayotgan, qarama-qarshiliklar va ishonch tanqisligi kuchaygan bir sharoitda, Birlashgan Millatlar Tashkiloti xalqaro barqarorlik va hamjihatlikni saqlab qolishda, mojarolarni tinch yo‘l bilan hal etishda va Barqaror Taraqqiyot Maqsadlariga erishishda beqiyos o‘rin tutmoqda. BMT insoniyat uchun umumiy qadriyatlar, adolat va tinchlik timsoli bo‘lib qolmoqda.

Davlatimiz rahbari Shavkat Mirziyoyev ham BMT minbaridan turib bu tashkilotning o‘rni va roliga yuksak baho berdi. 2025-yilda BMT Bosh Assambleyasining yubiley sessiyasidagi nutqida Prezidentimiz shunday dedilar:

"Biz Bosh kotib Antoniu Guterrish Janobi Oliylarining eng og‘ir va o‘tkir global masalalarni murosa bilan hal etish uchun Tashkilotimizni asosiy platforma sifatida saqlab qolishga qaratilgan sa’y-harakatlarini yuksak baholaymiz. Bu borada "BMT – 80" tashabbuslarini to‘liq qo‘llab-quvvatlaymiz, Kelajak uchun paktga qat’iy sodiqligimizni tasdiqlaymiz.."

Mazkur so‘zlar O‘zbekistonning BMT bilan hamkorlikka bo‘lgan sadoqatini, shuningdek, ushbu Tashkilotning xalqaro hamjamiyatni birlashtiruvchi asosiy kuch ekanini yaqqol ifodalaydi.

O‘zbekiston tajribasida mahalla instituti — inson manfaatlariga qaratilgan boshqaruvning eng yaqin shakli sifatida jamiyat barqarorligining poydevoridir. Mahalla — tinchlik, birdamlik va ijtimoiy himoya maskani. Aynan shu jihatlari bilan u BMT ilgari surayotgan "hech kim e’tibordan chetda qolmasin" tamoyiliga uyg‘undir.

So‘nggi yillarda O‘zbekiston mahallalari uyushmasi tomonidan BMT bilan hamkorlik doirasida mahalla institutini xalqaro darajada tanitish bo‘yicha izchil ishlar olib borilmoqda. Bu yo‘nalishdagi muhim qadam sifatida 2024-yilda BMT Bosh Assambleyasining rasmiy hujjatlar to‘plamida A/79/516 raqamli hujjat qabul qilinib, unda mahalla institutining jamiyatdagi o‘rni va global ahamiyati e’tirof etildi. Bu – O‘zbekiston tajribasining xalqaro miqyosda tan olinganining amaliy dalilidir.

Biz ishonamizki, mahalla instituti — BMTning asosiy maqsadlari, ya’ni tinchlik, ijtimoiy adolat va barqaror rivojlanish sari yo‘nalgan sa’y-harakatlariga bevosita hissa qo‘sha oladigan universal ijtimoiy modeldir. Shu boisdan, kelgusida ham biz BMT bilan hamkorlikni yanada mustahkamlashga, mahalla tajribasini boshqa davlatlar bilan almashish va qo‘llab-quvvatlash tashabbuslarini kengaytirishga tayyormiz.

O‘zbekiston mahallalari uyushmasi butun insoniyatga tinchlik, totuvlik va barqaror taraqqiyot tilaydi. BMTning keyingi faoliyati ham adolat, ishonch va hamkorlik tamoyillariga asoslangan holda yangi yutuqlarga erishishiga ishonamiz.

🔍 Jamiyatda maromiylik kayfiyatini shakllantirishga qaratilgan ma’naviy-ma’rifiy targ‘ibot tadbirlarini o‘tkazish chora-tadbirlari to‘g‘risidagi dasturning bosh maqsadi — xalqimiz orasida ixchamlik, kamtarlik va shukronalik madaniyatini mustahkamlash, to‘y va ma’rakalarni milliy qadriyatlarimizga mos ravishda, ortiqcha dabdabadan xoli holda o‘tkazishni odatga aylantirishdir. Shu bilan birga, bu dastur orqali oilalarning ortiqcha qarzdorlikka botishiga yo‘l qo‘ymaslik; yoshlarni moliyaviy savodxonlikka o‘rgatish, to‘y va ma’rakalarni ixcham, samimiy va mazmunli o‘tkazishni qo‘llab-quvvatlash, mahallalarda “Ixchamlik — bu madaniyat” g‘oyasini keng targ‘ib etish maqsad qilib olingan.