🇹🇷 “O‘zsuvta’minot” AJ va “Mesmer-East” MChJ delegatsiyasi “Alkatas Insaat ve Ticaret A.Ş.” kompaniyasi vakillari bilan uchrashdi

Bugun Turkiyada “O‘zsuvta’minot” AJ boshqaruvi raisi o‘rinbosari Nodir Xodjamov hamda “Mesmer-East” MChJ rahbari Akmal Nasriddinov boshchiligidagi delegatsiya “Alkatas Insaat ve Ticaret A.Ş.” kompaniyasining bosh ofisida rasmiy uchrashuv o‘tkazdi.

Suhbat davomida suv ta’minoti va oqova suv tizimlarini davlat-xususiy sheriklik (DXSh) asosida boshqarish masalalari, boshqaruv samaradorligini oshirish mexanizmlari hamda Turkiya tajribasini o‘rganish yo‘nalishlari muhokama qilindi.

Ma’lumot uchun, “Alkatas” kompaniyasi 2003-yildan buyon Turkiyada oqova suv infratuzilmasini DXSh asosida boshqarish bo‘yicha muvaffaqiyatli faoliyat yuritib kelmoqda. Mazkur tizim orqali kompaniya infratuzilmani barqaror ishlatish, aholiga sifatli xizmat ko‘rsatish va ekologik xavfsizlikni ta’minlash borasida katta tajriba to‘plagan.

Uchrashuvda “Alkatas” mutaxassislari DXSh modeli afzalliklari, amaliy natijalari hamda bunday boshqaruvning o‘ziga xos jihatlari haqida taqdimot qilishdi va batafsil ma’lumot taqdim etildi.

“O‘zsuvta’minot” AJ boshqaruvi raisi o‘rinbosari Nodir Xodjamov o‘zini qiziqtirgan savollar yuzasidan fikr almashib, Turkiya tajribasini O‘zbekiston sharoitida qo‘llash imkoniyatlarini tahlil qildi.

📍 Turkiya
#Ozsuvtaminot #DXSh #Hamkorlik #OqovaSuv #Alkatas #TajribaAlmashinuvi

|🌐Website          | 🗝Cabinet 
|🤖Bot                 |😄Telegram
|💬Facebook     |🌐Instagram
|📹YouTube       |🕊 X
|💬Chat               |✅ TikTok