Surxondaryolik mutaxassislar Turkiyada suv ta’minoti tizimi tajribasini o‘rganmoqda

“O‘rta shaharlarni kompleks rivojlantirish” loyihasi doirasida Surxondaryo viloyatining Jarqo‘rg‘on, Qumqo‘rg‘on, Sherobod, Sariosiyo va Uzun tumanlarida ichimlik suvi va oqova suv tarmoqlarini loyihalashtirish ishlari olib borilmoqda.

Mazkur yo‘nalishda loyihani amalga oshirayotgan Turkiyaning “ART” kompaniyasi tashabbusi bilan o‘zbekistonlik mutaxassislar Turkiyaga xizmat safariga yuborildi.

Jarqo‘rg‘on, Qumqo‘rg‘on, Sherobod va Uzun suv ta’minoti korxonalari rahbarlari Antaliya shahrida joylashgan “Asad” kompaniyasi faoliyati bilan yaqindan tanishdilar. Uchrashuv davomida 3 million aholiga va yiliga 30 million turistga ichimlik suvi yetkazib berish tajribasi, 21 ming kilometr uzunlikdagi suv tarmoqlarini samarali boshqarish va xizmat ko‘rsatish tizimi haqida batafsil ma’lumot berildi.

Shuningdek, delegatsiya a’zolari sutkasiga 250 ming kub metr quvvatga ega oqova suv tozalash inshootiga tashrif buyurib, bu yerda chiqindi suvlarni qayta ishlash, biogaz va yoqilg‘i ishlab chiqarish jarayonlari bilan ham tanishdilar.

Ushbu amaliy safar mutaxassislarga ilg‘or texnologiyalar, boshqaruv tajribasi va barqaror infratuzilmani yo‘lga qo‘yish bo‘yicha foydali bilimlarni o‘rganish imkonini berdi.

|🌐Website          | 🗝Cabinet 
|🤖Bot                 |😄Telegram
|💬Facebook     |🌐Instagram
|📹YouTube       |🕊 X
|💬Chat               |✅ TikTok

🚰 Koson va Muborak tumanlarida ichimlik suvi ta’minoti sifatini oshirish loyihasi yakuniy bosqichda

Koson tumani markazidagi suv saqlash va uzatish stansiyasida rekonstruksiya ishlari qizg‘in davom etmoqda. Mazkur loyiha Saudia Taraqqiyot Jamg‘armasi va OPEK jamg‘armasi mablag‘lari hisobidan amalga oshirilmoqda.

Umumiy qiymati 42,9 million AQSh dollari bo‘lgan loyiha doirasida Koson va Muborak tumanlarida 2 ta suv taqsimlash inshooti qurilib, mavjudlari rekonstruksiya qilinadi. Shuningdek, 801 kilometr ichimlik suvi tarmoqlari tortilishi rejalashtirilgan.

Loyiha yakunlangach, 34 ta mahalla fuqarolar yig‘inida yashovchi 151,3 mingdan ortiq aholi toza, sifatli va barqaror ichimlik suvi bilan ta’minlanadi.

|🌐Website          | 🗝Cabinet 
|🤖Bot                 |😄Telegram
|💬Facebook     |🌐Instagram
|📹YouTube       |🕊 X
|💬Chat               |✅ TikTok