#Kuz_qish_mavsumiga_tayyorgarlik

🍂❄️ Kuz-qish mavsumiga puxta tayyorgarlik – barqaror suv ta’minoti garovi

👥“O‘zsuvta’minot” AJ boshqaruv raisining birinchi o‘rinbosari Toxir Xaydarov Buxoro viloyatida bo‘lib, hududlarda ichimlik suvi ta’minoti holati, kuz-qish mavsumiga tayyorgarlik jarayonlarini o‘rgandi.

🏗🚛 Mavsum davrida aholiga bir maromda suv yetkazib berish, oqova suvlarni hech qanday talofat va favqulodda holatlarsiz olib chiqish va tozalash, qishning qirovli kunlarida yuzaga kelishi mumkin bo‘lgan nosozliklarni bartaraf etishga barcha tarmoqlarni shay holatga keltirish zarurligi, buning uchun texnikalar va transport vositalariga kerakli yoqilg‘i moylash hamda avariyalarni sozlashda zarur bo‘ladigan ehtiyot qismlar zahirasini yaratish lozimligi taʼkidlandi.

🔼Shuningdek, Osiyo infratuzilmaviy investitsiya banki ishtirokida amalga oshirilayotgan loyihalarning borishi ham ko‘rib chiqildi. Qurilish ishlarining sifatli va o‘z vaqtida bajarilishi bo‘yicha mas’ullarga aniq topshiriqlar berildi.

📌Shu bilan birga, O‘zbekiston Respublikasi Prezidentining 2023-yil 24-oktabrdagi PQ-343-sonli qarorining 10-ilovasida belgilangan vazifalarga muvofiq, “Buxoro suv ta’minoti” AJ tarkibidagi korxonalar tomonidan suv inshootlariga quyosh panellarini o‘rnatish ishlari bosqichma-bosqich amalga oshirilmoqda.

ℹ️Maʼlumot uchun, jamiyatning yirik suv va oqova tozalash inshootlarida, shuningdek, tuman filiallariga qarashli suv tarqatish inshootlarida “Yashil energiya” MCHJ bilan hamkorlikda jami 15 MVt quyosh panellarini oʻrnatish belgilangan boʻlib, joriy yilning yakuniga qadar 8 MVt quyosh panellarini oʻrnatish ishlari jadal olib borilmoqda.

Xulosa o‘rnida aytish mumkinki, aholiga uzluksiz va sifatli ichimlik suvi yetkazib berish bilan birga, yashil energiyadan samarali foydalanish — ichimlik suvi sohasida olib borilayotgan islohotlarning ustuvor yo‘nalishlaridan biridir.

💧«𝘽𝙪𝙭𝙤𝙧𝙤 𝙨𝙪𝙫 𝙩𝙖ʼ𝙢𝙞𝙣𝙤𝙩𝙞» 𝘼𝙅 𝘼𝙭𝙗𝙤𝙧𝙤𝙩 𝙭𝙞𝙯𝙢𝙖𝙩𝙞

📱𝗧𝗲𝗹𝗲𝗴𝗿𝗮𝗺                📱𝗙𝗮𝗰𝗲𝗯𝗼𝗼𝗸

📱𝗜𝗻𝘀𝘁𝗮𝗴𝗿𝗮𝗺               📱𝗬𝗼𝘂𝘁𝘂𝗯𝗲

📱𝗖𝗮𝗯𝗶𝗻𝗲𝘁                    📱𝗪𝗲𝗯𝘀𝗶𝘁𝗲

📱𝗕𝗼𝘁                            📱𝗖𝗵𝗮𝘁

📱𝗧𝘄𝗶𝘁𝘁𝗲𝗿                      📱𝗧𝗶𝗸𝗧𝗼𝗸

#onlayn

💧 Qoraqalpog‘istonda suv ta'minoti va kanalizatsiya xizmatlarini takomillashtirishga qaratilgan amaliy-o‘quv seminar boshlandi

Ayni paytda Qoraqalpog‘iston Respublikasida “O‘zsuvta’minot” AJ mas’ullari hamda hududiy korxonalar rahbar va mutaxassislari hamda hukumat vakillari ishtirokida amaliy-o‘quv seminar boshlandi.

📍 Seminar ichimlik suvi inshootlari va tarmoqlarida texnologik jarayonlarni samarali boshqarish, ularning doimiy ishchi holatini saqlash, mavjud tizimlarni modernizatsiya qilish va ilg‘or boshqaruv amaliyotlarini o‘rganish maqsadida tashkil etilgan.

O'quvlar davomida soha mutaxassislari suv tozalash va taqsimlash tizimlarida ilg‘or texnologiyalarni qo‘llash, avariya holatlarining oldini olish, markaziy dispetcherlik xizmatini takomillashtirish, hamda Qoraqalpog‘iston Respublikasida ichimlik suvi ta’minoti darajasini oshirish bo‘yicha amaliy tavsiyalar ishlab chiqishi rejalashtirilgan.

💬 Shuningdek, seminar davomida “O‘zsuvta’minot” AJ rahbariyati, “Qoraqalpoq suv ta’minoti” AJ mutasaddilari hamda sohaga mas’ul bo‘limlar rahbarlari tajribalarini inobatga olgan holda 2030-yilgacha mo‘ljallangan suv ta’minoti rivojlantirish dasturining ustuvor yo‘nalishlari muhokama qilinishi belgilangan.

Seminar 26-oktabrga qadar davom etadi.

|🌐Website          | 🗝Cabinet 
|🤖Bot                 |😄Telegram
|💬Facebook     |🌐Instagram
|📹YouTube       |🕊 X
|💬Chat               |✅ TikTok