"O‘zsuvta’minot" AJ Ilmiy-o‘quv markazida malaka oshirish dasturlari yakuniga yetdi

📣 Joriy yilning 27-oktyabr – 7-noyabr kunlari davomida Ilmiy-o‘quv markazida ichimlik suv tozalash hamda oqova suv tozalash inshootlari rahbarlari, bosh muhandislar, shuningdek, muhandis-energetika bo‘limi xodimlari uchun malaka oshirish mashg‘ulotlari tashkil etildi.

📈 Mazkur dasturda muhandis-energetika yo‘nalishi bo‘yicha 30 nafar, shuningdek, ichimlik va oqova suv tozalash inshootlari yo‘nalishi bo‘yicha 20 nafar mutaxassis ishtirok etdi. Tinglovchilar 72 soatlik nazariy va amaliy darslar jarayonida zamonaviy texnologik jarayonlar, energetika tizimlarining samarali ishlashi, energiya tejamkor uskunalar bilan ishlash, ishlab chiqarishda xavfsizlik talablari va ekologik me’yorlarga rioya etish bo‘yicha chuqur bilim va ko‘nikmalarni egalladilar.

Mashg‘ulotlar davomida:

🟠 ichimlik suvini tozalash va taqsimlash jarayonlarini optimallashtirish,
🟠 oqova suvni zamonaviy biologik hamda mexanik tozalash usullari,
🟠avtomatlashtirilgan boshqaruv tizimlaridan samarali foydalanish,
🟠ishlab chiqarishda elektr xavfsizligini ta’minlash,
🟠energiya sarfini kamaytirish bo‘yicha ilg‘or yondashuvlar yetkazildi.

👍 Dastur yakunida har bir tinglovchiga maxsus malaka oshirish sertifikatlari topshirildi.

Ilmiy-o‘quv markazida muntazam tashkil etilayotgan ushbu ta’lim dasturlari suv-ta’minoti sohasida malakali va mas’uliyatli mutaxassislar safini kengaytirish, tarmoqlarda boshqaruv va texnologik jarayonlarni takomillashtirishga xizmat qiladi.

|🌐Website          | 🗝Cabinet 
|🤖Bot                 |😄Telegram
|💬Facebook     |🌐Instagram
|📹YouTube       |🕊 X
|💬Chat               |✅ TikTok