Къонах волчу стагана цадеза гӀело еш адам гар. И адам бусалба делахь а, керста делахь а мацдеш, хьагдеш, Ӏазап деш, гӀело еш, охьатаӀийна адам гар ца деза цунна, цуьнан даге лан ца ло иза, цуьнан даго къобал ца до иза.

[Хьехам: Зуламе тептар]

АллахӀа баланашца, зерца муъмин нехан магӀарш цӀандо. АллахӀан некъа тӀехь латта уьш Ӏамабо. Уьш къинойх цӀанбо.

Иштта цу баланаша, цу халонаша кхиийна ду асхьабийн чкъор. Цу баланех, халонех чекхбийлина къонахий уьш хиларе терра, цул тӀаьхьа муьлхха а хало шайна тӀенисъелча а гӀел ца луш, мал ца луш, къар ца луш къонахий хилла уьш! Иштта долчу баланех, халонех чекхбийлина къонахий уьш хиларе терра, цу кепара долчу баланашца АллахӀа уьш кхиийна къонахий хиларе терра, цул тӀаьхьа персойн мохк хӀаллакбина цара, румхойн мохк хӀаллакбина цара! Толам боккхур долу чкъор иштта долчу баланех чекхдийлина долу чкъор ду! Толам боккхур болу къонахий АллахӀа и санна долчу баланашца Ӏамийна, и санна долчу баланашца кхиийна, и санна долчу баланашца церан магӀарш цӀандина, и санна долчу баланашца церан догӀмаш къинойх цӀандина болу къонахий бу!

Цкъаллиг-цкъа толам хуьлуш бац зерал тӀаьхьа бен! ЧӀогӀа долу зер тӀехдаьлча а бен толам хуьлуш бац!

Толаман юьхьиг, цуьнан хьалхара йолу билгало, паргӀатонан, маршонан хьалхара йолу билгало - хало ю.

38:40

Рузбанан хьехам...

Цкъа хьайна бахьана лехна, мало а йина хьо юхаваьлча, шолгӀачу дийнахь а иштта кхин бахьана карадо хьуна дан леринарг ца дан, мало кхин а чӀагӀло хьан, хӀинца йиш яц сан, хӀара а ду, важа а ду бохуш хьайна йоцу бехказлонаш лоьхуш дӀатоьтту ахь, иштта хийла вайн дан дезарг дуьсу, беттанаш, шераш дӀаоьху вай и кхин ца деш.

Цундела и дог цадар, и мало хьайна дуьххьара тӀе ма гӀоьртинехь эшош дӀаваха везаш ву хьо, хьо иштта ца водахь цара охьатаӀор ву хьо, тӀаьххьаре а айхьа деш хилла долу кхидолу диканаш а цхьаьна хьоьга охьатосуьйтуш, фарзана тӀехь а хьоьга мало йойтуш.

Гиний шуна, мел кӀадвеллехь а, мел тӀегӀоьртина наб елахь а, "чай ца молуш-м ца вуьжу хьуна со", "хӀума ца юуш-м ца вуьжу хьуна со" бохуш, и наб а, и кӀадвалар а эшадой, цу шиннал дукха шена и дезарна дан ма дой цо и, мала ма молий цо и чай, иштта хьайн набарал а, хьайн кхийолу ерриг марзонал а чӀогӀа дезийта хьайна айхьа схьалаьцна долу муьлхха а дика, хуьлийла и Къуръан дагахь Ӏамор, я дешар, я мотт Ӏамор, иштта кхидӀа царах тера мел дерг.

Имам Ибнул-Къаййим ал-Жавзийс (АллахIа къинхетам бойла цунах) аьлла:

«Ахь Iамал яре хьаьжжина хьуна бекхам а хир бу хьуна. Хьайн луучу кепара хила хьо (кхерам тосуш аьлла дешнаш ду уьш), баккъалла а, АллахI хьоьца хьо Цуьнций, Цуьнан лайшций ма-хиллара хир ву хьуна».

[Ал-Вабил ас-Саййиб]

• Шейх аль-Фаузан (حَفِظَهُ الله) сказал: «Социальная сеть является для вас удобным случаем (для блага), так воспользуйтесь же ею, и не оставляйте это для людей зла и призывающих к заблуждению».

الفوزان: وسائل التواصل الإجتماعي فرصة لكم تنتهزونها ولا تتركوها للأشرار ودعاة الضلال

🔊 Сл. «Ахаммийятуль-‘акъида ас-сахиха» © www.tg-me.com/fawzan_ru © www.tg-me.com/ulama

Сийлахь-Везачу АллахӀа боху:
«Боккъалла а, керстаналла диначара АллахӀан новкъах (АллахӀан динах) нах юхабаха дуккха а шайн даьхнеш ма духку, (АллахӀан новкъах нах юхабаха дуккха а яккхий харжаш йо цара)».

Бакъонний, харцонний юккъера тӀом къемат-де кхаччалц лаьттар болуш бу. Хьо цу харцонна букъ тоьхна дӀавахча а, и харцо тергал ца еш хьо Ӏийча а, и (харцо) хьуна тӀаьхьара ер йолуш яц, хьо бакъон тӀехь лаьтташ мел ву!

Сийлахь-Везачу АллахӀа боху:
«И мушрик нах, (керста нах) шуьца тӀом бечара совцур ма бац, шу шайн динах цара юхадаххалц, нагахь шайн ницкъ кхачахь».
Шайн ницкъ кхочуш керста нах бусалба нах Ислам-дин тӀехь мел бу цаьрца тӀом бечара совцур болуш бац. Ткъа цу тӀеман суьрташ бес-бесара ду: таррашца беш тӀом бу, кхетамашца беш тӀом бу, гӀиллакхашца беш тӀом бу, даьхнешца беш тӀом бу. И тӀемаш бес-бесара делахь а, цкъаллиг-цкъа соцуш бац и тӀом. Цхьайолчу хенахь керста наха вайца герзаца тӀом бан тарло, цхьайолчу хенахь вайн ойланашца тӀом бан тарло цара, цхьайолчу хенахь вайн даьхнешца тӀом бан тарло цара. Амма церан тӀом цкъаллиг-цкъа соцур болуш бац вай Ислам-дин тӀехь мел ду.

[Хьехам: ШозлагӀа хӀижрат]

Послушайте о молодёжь Ислама!